مخمليات;14691551:
هلا حبيبتي روحي وروحك ,, انا صورت لج كم عطر عربي عندي بس العود وانواع المخلط ما صورتهم لانه ما عليهم الاسامي
وهاي احلى صور لعيونج ولعيون كل بنات ديرتي
هاي عطر عود الابيض لكل يوم حدددده عجيب وسعره بس 4 دينار !!!!
وهاي بعد واحد ثاني اسمه "الخلطة الخاصة مع دهن العود" اتعب وانا اقول رهيب خاصة اذا تتبخرين من العود المعطر تبع أجمل وترشين منه, وبعد على ما اظن بـ او بـ 5 دينار!!!
والحين نجي لعطر "كشخة" من سويس أريبيان وفعلا كشخة وانا عندي الدخون تبعه بعد واسمه كشخة وسعر العطر اعتقد بـ 8.500 بس ماادري في البحرين بكم يبيعونه يمكن اغلى شوي
والحين نجي للعطر اللي فعلا رهيب ومن الكويت من "الملكي للعطور" وإسمه تـاج محل وسعره 5 دينار !! وانا خذت واحد ثاني بعد رررررهيب اسمه اميرة القلوب بس امي فديتها صار خاطرها فيه وعطيتها اياه وهم كانوا في معرض الخريف
والحين نجي للمسك وانا سبق وقلت من قبل انه احلى واحسن انواع مسك عند القرشي والمفضلين عندي "مسك العود" و "مسك الملوك" وهاي صورهم انا ماخذة نص تولة مسك العود وعطاني ربع تولة مجانا من مسك الملوك والتولة بـ 20 والنص بـ 10
واتمنى يكون تقريري الصغنون بالصور عن العطور العربية يفيدج ويفيد الكل وان شاء الله لي رجعة حق انواع البخور و الدخون
و ربي يوفق الجميع ان شاء الله F:
ماشاء الله اختياراتج روعه وان شاء الله لي تجربة لمسك الملوك من وصفج حبيته حسيته شي مميز من اسمه :thumbs_up:
حاولت اقيمج بس ميزانج نحيس 8o| شالحل وياه ؟
بنات بسألكم شنو العطر اللي شريتوه حق حفلة ليلة الزواج انا بخطوبتي خطيبي شرالي عطر نواعم من سيد جنيد ولي الحين احبه دايماً اشتريه لأنه كان اول هدية من الحبيب :worn_out:
بس في حفلة الزواج ابي اغير .. ماابي احط عطر مثل اللي حطيته بليلة الخطوبة و هم ماابي احط من العطورات اللي استخدمتها بفترة الخطوبة محتارة مادري شنو اخذ ؟
يلا بنات فديتكم كل وحدة تدخل وتقول لنا شنو العطر اللي شرته حق ليلة الزواج :)
