عسولة عمرو;14800604:
دندونه اهلا بيكى وحشتينا
وانتي كمان وحشاني يا عسولة تسلمي يارب F:
بلبل حيران;14803003:
انا نزلت النهارده جبت شويه حجات بقي اقوللكم عليها الاول وبعدين اصورها اوك:
طقم 6كاسات بوهيمي مدهب ب700 ج قصيرين ومفلطحه
طقم 6 كاسات بوهيمي برضه طوال ونفس الرسمه تقريبا بتاع الطقم التاني بس ب 550
طقم شربات بوهيمي 1330 دهبي في فضي تحفه يابنات عاجبني اوي
صينيه استانلس كبيره ايطالي ب 700
صينيه وسط ايتانلس حرفها فيه ورود ملونه تحفه ب 500 وحاجه
طقم سرفيس الماني رقيق اوي ب 2330 تقريبا حجبلكم الاسعار بالظبط بكره
يارب اتهني بيهم بقي وعقبالكم
مبروووووك عليكي حاجتك الجديدة يا هند مستنيين الصور بقي;)
نوزي;14803122:
انا رحت هابي هوم امبارح وكنت بسأل علي طاسة جريل وقالي عنده نوع اسمه تيفلا صيني ب100 جنيه وبيشكر فيه ومن غير غطا وقالي مش حتعوزي الغطا وانتي بتشوي وتقيلة عن بتاعة زهران وفيها قاع سميك علشان الاكل ما يلزقش
وكمان شوفت عنده طقم السمك الابيض في اسود بس مش جبته علشان جالي الشكل القديم هدية فخلاص بقي
جبت من عنده طقم عصير للمطبخ لومينارك عليه ورد اخضر ب 37.5 ارخص من تيوليب ب7 جنيه وطقم خشاف ار سي ار بس ما شاء الله للنيش بس للاسف
مش عندي كبل كنت صورتهم وعلي فكرة شكله كدة عارف بنات عروس اللي يروح
يبقي يقله انه عرفه من بنات عروس علشان انا كنت بقول لماما بنات عروس بيقولوا علي جريل بغطا فسمعني قالي انتي كمان بتدخلي عروس يا اهلا:lol:
ويظهر يا بنات المفروشات كمان حتغلي الراجل بتاع الملايات قالي زادت عند التاجر30
جنيه
مبروك يا نوزي تتهني بحاجتك يا قمر
وطقم العصير اللومينارك ده انا جبت منه اللي فيه ورد اخضر:) قوليلي لو معاكي كارت له مفيش فرع لهابي هوم ده في القاهرة او الجيزة؟؟
CuTie KaTkOoTa;14803251:
بنات بجد تسلموا يارب اتبسطت اوي بجد من كلامكم ده ربنا يخليكم يارب، خلاص انا هفضل زي ما انا خلاص مادام اثبتولي حسن النوايا :lol::lol:F:F:
انا دخلت اقولكم كمان اني طلبت النهاردة شركة توشيبا اسأل علي سعر التلاجة ال 18 قدم ، المهم انا نسيت طبعا شوية الكسور في الاسعار بس العادية ب 3300 وفيه منها ابيض وسيلفر ودهبي وفيه واحدة تانية ستانلس من بره دي ب 3535 تقريبا وفيه واحدة تالتة اغلي ب 3700 مطعمة بالزجاج من بره وكده اما الشارب بقي فقالي ب 3895 بس معرفش دي العادية ولا انهي واحدة في دول معرفش ال 18 قدم بردو وفيه منها لونين بس ابيض وبيج ده كلام الراجل في الفون، اه ولو حد تلاجته فيها مشكلة او عيب صناعة بيعملولها استبدال بواحدة جديدة ويخصموا منها 25% وتدفعوا الفرق وخلاص
اما اسألتكم معلش هارد عليكم والله بس بكرة انا اسفة اووووي بس جودي مش خلياني اعرف اتفرج علي صور كويس ولا اتب واركز بس قلت ادخل ارد عليكم سريعا كده واقولكم علي الموضوع ده قبل ما انساه عشان انا عندي زهايمر قوي اوي F:F:F: ميرسي ليكم تاني بجد موووواه
الحمد لله انك مش زعلانة خلاص وهترجعي تشاركي معانا زي الاول وربنا يخليلك بنوتك يارب F:
قلب مادو;14803365:
[BACKGROUND="70 #FFFF00"]
مكواه السيراميك بيبى ليس الصينى بتاعتها حلوة ولا لااااااااااااا؟؟؟؟؟؟؟؟؟؟؟؟
[/BACKGROUND]
كان نفسي افيدك والله بس اللي اعرفه انها فرنساوي :D
MshMosha;14803420:
[BACKGROUND="70 #33CCCC"]
مبروووووك عليكي يادندونة..انا جبت بتاعي مقاس 280 ml بس دي صورة من النت..وفعلاا عاجبني اووي الازاز بتاعه :thumbs_up::thumbs_up:..جبته عليه ورد رقيق اووي ابيص محفور مش مرسوم :thumbs_up::thumbs_up:
قوليلي بقي بالنسبه للاطقم السيراميك التركي ايه نظامها بتدخل الفرن ؟؟
[/BACKGROUND]
الله يبارك فيكي يا قمراية ومبروك ليكي انتي كمان ..انتي عندك مقاس 280 ده بيبقي طويل شوية كده صح؟؟ متعرفيش مكان عنده تشكيلة كاسات كبيرة غير حمام التلات عشان بعيد وغير تيوليب لانه مش دايما بيكون منزل عروض عالحاجة؟؟؟؟ عشان فاضللي طقمين تلاتة كاسات للنيش وطقمين للمطبخ وعايزة انوع فيهم بين الطويل والمحفور والملون كده يعني ويبقي سعرهم معقول ... بفكر اجيب الrcrده اللي بتقولوا عليه ..فيه انواع تانية لفتت نظرك هناك ؟؟؟بس عايزة مكان يكون لامم انواع واشكال كتيررررر >>
السيراميك التركي انا اول مرة اشوفه لما انتي نزلتيه فمش عارفة اي معلومات عنه بصراحة بس متهيألي هو شبه البورسلين ولا ايه يعني قصدي لو الواحد ناوي يجيب طقم عشا بورسلين يغني عنه؟؟ ولا انتي
عايزة تجيبيه بدل الاركوبيركس ولا ايه؟؟
