Nouna2002;14859256:
soshe;14859764:
عيال هوريكوا حاجة ومتضحكوش عليا عشان أمى هزئتنى وقالتلى هو ده هيتلبس أزاى عيب اوى كده وعيزانى أرجعه هههههههه أصلى منحرفة بصراحة وأول لما شفته مقدرتش أمسك نفسى مع أنى معيش ولا ملين وكان نفسى أحوشش عشان أجيب ههدية للواد خطيبى عشان ذكرى تعارفنا وهو ده التاريخ ألى كتباه على دبلتى والسؤال بئا أجبله أيه مع العلم أنى معيش ولا ملين وأخرى 200 جنيه بالعافية مع السلف كمان
بلبل حيران;14860182:
ازيكم ياقمرات النهارده نزلت بقي وجبت شويه حجات كده والله قبل مااغير هدومي بقيت اصورهالكم وماما شتمتني هههههه وقالتلي انتي معندكيش دم طيب فرجيني الاول هههههههيلا نبتدي :
ده براد حراري تشيكي بمصفاه عشان مثلا الاعشاب او الشاي الاخضر كده يعني 142ج
وده شكل المصفه اللي جواه بتتخلع عادي
وده شكل البراد
طاسه سافلون مقاس 26 ب141ج
طقم ستاند ملاحتين وزجاجتين خل وزيت شكلها تحفه بجد كانت ب 145 بقت ب137 ج
وده شكلها
قارب بيركس تشيكي بغطا عجبني اوي انه معاه غطا سعه 2,51ولما سالت كذا حد قاللي التشيكي احسن من الفرنساوي بكتير حتي مش حساس من الميه زي الفرنساوي وكمان الفرنساوي مش بغطا ودي ب55ج بعد الخصم كانت ب 62ج
قارب بيركس تشيكي زي الاول بغطا برضه نفس الشكل بس ده اكبر سعه 3,51ج كان ب 82وبعد الخصم بقي ب 71ج
ودول 3 حلل بيركس تشيكي بغطا برضه احجام مختلفه معرفتش افكهم الراجل رابطهم جامد ومكنتش عايزاهم قلت لماما كتير كده قالتلي سعرهم حلو اوي ان شاء الله للتلاجه واتخانقت معايا قدام الراجل وقالتلي متخدهومش حخدهم انا ههههههههه ال3 ب 90 ج
ودي احجامهم مكتوبه ع العلبه اهه
حله المبروم عبور سينا مبينزلش منها ولا الدهان ولا الاهرام مقاس 28 كانت ب 90 ج بعد الخصم ب 86 ج
ودي علبتها من بره
3 صواني الاتنين الصغيرين مقاس مقاس 26 للبيتزا مثلا بس عجبوني يعني مقاس ميديم اللي في المحلات كده بفكر اجيب اتنين كمان بقي وكل واحد حر في بيتزته ههههههه والكبيره دي للبسبوسه او مثلا لبيتزايه فاميلي سايز ههههههههه الاتنين الصغيرين ب 30 والكبيره ب 30 ج برضه ماركه ايه بقي دي ماركه سها طبعا مسمعتوش عنها ولا انا الراجل اقنع ماما ان دول اخر 3 عنده وانهم احسن من الدهان والزنوكي والاهرام وانه بتخطف منه خطف هههه ماما شبطت فيهم مرضتش اتخانق بقي قدام الراجل اخدتهم وقلت مش مشكله بقي انا مش حعمل بسبوسه ولا بيتزا كل يوم يعني بس حوريكم نتيجه اللي تتهاون مع مامتها وتخليها تمشي كلامها عليها
هنا بقي النتيجه ان ماما حبت سها اوي وجابتلي كمان مصفه المكرونه سها هههههههههههه
ودي شكل مصفه المكرونه الست سها مقاس 28 ب41ج
وده جزات اللي تسمع كلام مامتها جابتلي كمان مصفاه مقاس 26 الست سها برضه هههههه ودي ب 15 ج بس تخيلوا
هنا بقي تقريبا ماما بتفكر تجوز حد من اخواتي لسها ههههه جابتلي الفواله برضه من الماركه الغريبه دي ب 30 ج
قارب بيركس تشيكي اصغر مقاس ده سعه1,51 من غير غطا ب 37 ج
قلايه بطاطس المونيوم مش عجباني وشكلي هديها لمامه لاني تقريبا شفت التيفال في حته حد فيكم شافها ؟؟؟بقي شكلها مش عاجبني بس طبعا الراجل قال لماما دي مفيش منها تيفال ودي ب 28 ج بس مش عارفه شكلها مش شيك كده مش عجباني حد شاف احلي منها ؟؟؟؟؟
فلتت انا بقي بالمصفاه دي وهربت من سها هههه دي الدهان مقاس 34 ب 37 ج
حرجعلكم تاني استنووووووووووووووني حسالكم عن حاجه وقولولي رايكم بجد
بلبل حيران;14860277:
قولولي بكل صراحه وبجاحه لو لزم الامر ههه الطقم الصيني ده بولندي هو مش عاجبني اوي لاني كنت عايزاه بولندي مربع بس ده اغلي صيني شفته بصراحه والراجل بيقوللي اخر موديل وفعلا مشفتوش في اي حته ب 2890 بعد الخصم وكان قبل الخصم ازيد ب 900 ج
ده شكل ليه للفنجان بتاعه
ودي الطباق هي مش مدور صريح فيها تعريجات لو تلاحظوا
ودي رسمه تانيه لنفس النوع
بجد قولوا بصراحه بقي
montchy;14865375:
البنوته اللى كانت بتسأل على الطقم ده
سألت النهارده عليه فى اولاد نصار
قالى ب 900 جنيه بس خلصان وهيجي تانى على الخميس ممكن تكلميهم يا قمر
بنااااااااااات الطقم ده ب 240 ال 20 قطعه محدش يجيبه اغلى من كده
انا لسه شايفاه فى الصابرين مول اللى فى شارع بورسعيد جنب مول الازهر
هو هو بتاع توليب
وبصوا الكوبيات دي جبتها معاه بس من توليب ايه رايكم؟
حد راح ايكيا اللى فى الدقي؟؟؟؟؟؟؟
MshMosha;14865928:
[BACKGROUND="70 #660000"] ياريت يا كيوت تقفلوا الجزء هنا ياقمر
لينك الجزء الجديد لشهر جماد الاول
http://forums.3roos.com/showthread.php?t=610666
[/BACKGROUND]
