الرئيسية ركن العروس تجهيزات و استفسارات العروس تجهيزات عرايس "مصر"لشهر ربيع الاخر1432- 2011 الجزء158

تجهيزات عرايس "مصر"لشهر ربيع الاخر1432- 2011 الجزء158

نوزي 07-03-2011 1,883 رد 40,741 مشاهدة
h
hoba bodyyy
عروس رائعة
24-03-2011 | 03:38 PM
لا انا بقول لميمى على السجاجيد وهو بيبيع كمان اثاث و ملايات ولحاف وفوط وانتريهات وكل حاجه بس حاجته بعيد عنك نااااااااااار انا كان عاجبنى لوحه يا بنتى صغننه مش كبيره والله والسعر الحمد لله كان مكتوب علشان ممسكش فى حد المهم طلعت ب 4200 جنيه انا لسه فاكره السعر اهىء اهىء اهىء


نودى رنتلك يا قمر حاااااااااااالا دلوقتى اهوو


بليل حيران لو تستنى لبليل وتنزلى تشترى بكره اقولك انا جبت ايه بالظبط ايه رايك؟؟


طيب يا بنات قولولى بقه المقشه والجاروف التركى بكاااااااااااااااااااام ؟؟؟


او اسو قوليلى جبتى المقشه والجاروف بتوعك من الشرقيه بكااااااام ؟
b
banana z3lana
عروس مبدعة
24-03-2011 | 04:03 PM
جبتلكوا حبة نصايح من منتدي تاني
عاوزة احلي تقييم بقي

خلصى علية تعبتى منو ومش عارفة تعملى فى اية اسمعى كلامى


* اعكسى ترتيب مولل السرير عشان تزيق كل ما يتقلب .. ازعجيه !

* سيبى حنفية الحمام تنقط طول الليل .. عشان تقلقى منامه .. صحيه !

* البسى شبشب بكعب الأمونيا وطرقعى بيه فى الرايحة والجاية .. زهقيه !

* إملي الثلاجة كياس نايلون وحركيهم كل ما نشوفية جاى ناحيتك .. نرفزية !

* ربى للواد الصغير ضوافره وخليه يخربش له وشه .. شلفطيه !

* اضربى البت علقة سخنة وخليها تفتح السارينة .. صدعية !

* اظبطى المنبة يرن كل نصف ساعة .. شليههههه !

* إمسكى قلم ونقرى بيه على ترابيزة خشب .. اخنقيه !

* إمسكى الشاكوش ودورى على المسامير اللى فى البيت
وهاتك يا دق .. إفرسيه !

* خدى الموبايل بتاعه وكلمى أمك وصحباتك والجيران
وخلصيله الرصيد .. فلسيه !


* وأخيرا .. ما تعمليلوش غدا وقوليله مصروف البيت
خلص ..... طفشيه .. و ......... وانتى الكسبانة !!!!

سؤال الحلقه هوا التربو البلاستيك بكام ؟
و ايف افضل الهلال و النجمه و لا ميد ستار

و لا التربو الاستانلس افضل
و محدش يقولي البامبو علشان ده في منه لحد 650 جنية


ب
بلبل حيران
عروس مبدعة
24-03-2011 | 04:08 PM
[QUOTE=hoba bodyyy;14783361]
بليل حيران لو تستنى لبليل وتنزلى تشترى بكره اقولك انا جبت ايه بالظبط ايه رايك؟؟

اخيرا عبرتيني ياهوبه زعلانه منك ده انا بقالي 3 ايام بسال وانتي بتردي ع كل البنات ومنفضالي8o|8o| طيب اوك استناكي يعني تردي عليا اوكي ضروري ياهوبه وبالمره طيب انا شفت دول وعجبوني ومحتاره اجيب ايه للمطبخ

1 طباق مربعه ساده لومينارك اركوبال بس حجمعه يعني فيه منها اسود وابيض لو حجمع 20 ق يبقوا عباره عن ايه وايه رايك فيها شفتها امبارح في كارفور

طقم ميلامين ماليزي مربع برضه بس المشكله بيتاج تفاحي يعني واورانج بس ب330 ج

اطقم العشا اللي مشموشه منزلاها بتاعه فتحي محمود

اطقم السيراميك التركي برضه طبعا ده كتير جدا انا عارفه انا حعمل مطبخي احمر والسيراميك ابيض في اسود وعايزه اجيب الحاجه كلها اطقم الشاي والمجات ورفايع المطبخ حتي اسود في احمر او اسود في ابيض

الاركوبيركس ده لو مش حجيبه ابدله بايه



طيب يا بنات قولولى بقه المقشه والجاروف التركى بكاااااااااااااااااااام ؟؟؟


او اسو قوليلى جبتى المقشه والجاروف بتوعك من الشرقيه بكااااااام ؟

البنات بقي اللي جابو الجردل ابو شرشوبه الدواسه ده بليييييييييز يحطوا صورته ويقولوا نوعه ايه لاني شفته اول امبارح في المنشيهالصغيره عند معرض كبير مش فاكره اسمه والله وكان حاطط اتنين واحد ب 120 وواحد ب 150 ايه اللي ب 100 ده بقي



h
hoba bodyyy
عروس رائعة
24-03-2011 | 04:21 PM
بنانا ده كده هيقولى على بيت ابوكى عدل يا وليه هههههههههههه

بصى انا ماما من غير مقدمات راحت وجابتلى التربو الاستانلس ومكنش غالى تقريبا ب 67 جنيه من التوحيد والنور وممكن يبقى اغلى بس حاجه بسيطه يا قمر وقالتلى ده عملى اوى وبصراحه عندها حق بقاله فى بيتنا اكتر من 6 سنين ولا حتى صدى ولا اى حاجه

بلبل هند حقك عليااااااااااااااااااااااا والله مااقصد خالص انتى عارفه انا كان عندى مشكله القايمه ومزهقانى على الاخر بجد متزعليش منى اموووووووووووووواه

بصى يا حبيبتى الحلل ان شاء اله ان شاء الله بليل هخلى ماما تقولى الحاجه بالظبط وان شاء الله اجى اقولك على طول

الطقم ال 20 قطعه ده بيبقى طقم عشا ومتجبيش طقم ميلامين البنات قالوا مش حلو وماما كمان مجبتليش بصى انا جبت ايه

انا جبت طقمين عشا 40 قطعه شكل واحد علشان يبانوا كأمهم طقم كامل والطقم عمل 170 جنيه من حمام التلات

جبت الصينى والبايركس كمان
جبت طقمين بس مش عارفه اسمه ايه اللى هو بيبقى فيه منه فرنساوى ده تقريبا اركوبيركس وجبتهم اتين بردوا واحد شيك للنيش وواحد للمطبخ

الاطباق اللى بتقولى عليها انا شوفتها فى تيفال زهران بس بزياده طقم الشاى وكان عامل 400 جنيه بجد الاسود والابيض حلوين اوى وفى منه الاحمر والكحلى كمان

بنات ياريت تقولولى المقشه والجاروف التركى اللى حابته اسارء بكااااااام ؟؟
ب
بلبل حيران
عروس مبدعة
24-03-2011 | 04:45 PM
hoba bodyyy;14783582:
بنانا ده كده هيقولى على بيت ابوكى عدل يا وليه هههههههههههه

بصى انا ماما من غير مقدمات راحت وجابتلى التربو الاستانلس ومكنش غالى تقريبا ب 67 جنيه من التوحيد والنور وممكن يبقى اغلى بس حاجه بسيطه يا قمر وقالتلى ده عملى اوى وبصراحه عندها حق بقاله فى بيتنا اكتر من 6 سنين ولا حتى صدى ولا اى حاجه

بلبل هند حقك عليااااااااااااااااااااااا والله مااقصد خالص انتى عارفه انا كان عندى مشكله القايمه ومزهقانى على الاخر بجد متزعليش منى اموووووووووووووواه
لا ياقمر بهزر معاكي ولو اني زعلت لاني كنت نازله امبارح اليكس اخد فكره قبل مااشتري وكنت عايزاكم تردوا بسرعه عليا ومستنيه بقي تقرير الحلل كلله اوعي تنسي ياهانم;):lol:


بصى يا حبيبتى الحلل ان شاء اله ان شاء الله بليل هخلى ماما تقولى الحاجه بالظبط وان شاء الله اجى اقولك على طول

الطقم ال 20 قطعه ده بيبقى طقم عشا ومتجبيش طقم ميلامين البنات قالوا مش حلو وماما كمان مجبتليش بصى انا جبت ايه
طيب كده كنسلت الميلامين انا برضه معجبنيش بس ماما قالتلي ده كانوا زمان بيجبوه وحلو انا اللي عجبني فيه انه ياده ومربع بس كده


انا جبت طقمين عشا 40 قطعه شكل واحد علشان يبانوا كأمهم طقم كامل والطقم عمل 170 جنيه من حمام التلات


جبت الصينى والبايركس كمان
جبت طقمين بس مش عارفه اسمه ايه اللى هو بيبقى فيه منه فرنساوى ده تقريبا اركوبيركس وجبتهم اتين بردوا واحد شيك للنيش وواحد للمطبخ
يعني انتي جبتي كده للمطبخ واحد اركوبيركس وواحد عشا صح كده طيب هو المفروض اننا بنجيب في النيش اركوبيركس برضه؟؟

ولو مش حجيب اركوبيركس بقي ممكن اجيب اركوبال الفرداني ده وحجمعه واجيب معاه طقم عشا فتحي محمود وخلاص ولو حجمع اللومينارك الساده ده ده اجمعه ايه يعني كام سلطانيه وكام طبق يعني بيبقي ايه لو 50 ق ولو 20 ق


الاطباق اللى بتقولى عليها انا شوفتها فى تيفال زهران بس بزياده طقم الشاى وكان عامل 400 جنيه بجد الاسود والابيض حلوين اوى وفى منه الاحمر والكحلى كمان
الله بجد شوفتي من اللومينارك ده احمر عاجبني اوي الاسود بتاعه تقريبا مشمشه او رودي اللي جايبينه وجايبه معاه برضه طقم شاس اسود وابيض لومينارك


بنات ياريت تقولولى المقشه والجاروف التركى اللى حابته اسارء بكااااااام ؟؟



ايه بقي المقشه التركي والجاروف دول انا شفت امبارح جاروف بمقشه بس مش طوال اوي يعني واصلين عند ايدي كده بس


ب
بلبل حيران
عروس مبدعة
24-03-2011 | 04:47 PM
banana z3lana;14783482:
جبتلكوا حبة نصايح من منتدي تاني
عاوزة احلي تقييم بقي

خلصى علية تعبتى منو ومش عارفة تعملى فى اية اسمعى كلامى


* اعكسى ترتيب مولل السرير عشان تزيق كل ما يتقلب .. ازعجيه !

* سيبى حنفية الحمام تنقط طول الليل .. عشان تقلقى منامه .. صحيه !

* البسى شبشب بكعب الأمونيا وطرقعى بيه فى الرايحة والجاية .. زهقيه !

* إملي الثلاجة كياس نايلون وحركيهم كل ما نشوفية جاى ناحيتك .. نرفزية !

* ربى للواد الصغير ضوافره وخليه يخربش له وشه .. شلفطيه !

* اضربى البت علقة سخنة وخليها تفتح السارينة .. صدعية !

* اظبطى المنبة يرن كل نصف ساعة .. شليههههه !

* إمسكى قلم ونقرى بيه على ترابيزة خشب .. اخنقيه !

* إمسكى الشاكوش ودورى على المسامير اللى فى البيت
وهاتك يا دق .. إفرسيه !

* خدى الموبايل بتاعه وكلمى أمك وصحباتك والجيران
وخلصيله الرصيد .. فلسيه !


* وأخيرا .. ما تعمليلوش غدا وقوليله مصروف البيت
خلص ..... طفشيه .. و ......... وانتى الكسبانة !!!!

سؤال الحلقه هوا التربو البلاستيك بكام ؟
و ايف افضل الهلال و النجمه و لا ميد ستار

و لا التربو الاستانلس افضل
و محدش يقولي البامبو علشان ده في منه لحد 650 جنية




اعتقد الاستانلس افضل بكتير لان البلاستيك عندنا وماما حتموت وترميه ههههههههههههه قوليلي بقي ياقمر انتي الي جبتي جردل الشرشوبه ب 100 ج صح؟؟؟
ممكن صوره ليه لاني شفته ب 120 و150

يابنات الاركوبال ده كان بتاع رودي تقريبا صح كده ياريت تقوللي جيباه منين وهو ب 800 و20 ق مش كتير


وده برضه بتاع مين فيكم والوانه كانت ايه وجيباه منين ياقمر وده اركوبيركس صح كده
ب
بيريتان
عروس جديدة
24-03-2011 | 05:07 PM
ازيكم يابنات عاملين ايه وحشتونى كثيييييير

قلولى هى علاقة او حامل الكاسات هو لازم يتعلق تحت دواليب المطبخ التى فوق وهو بيتجاب لوحده وبعدين بيتركب ولا ايه فهمونى

ومعلش سؤال ثانى هى صوانى الفرن الحديد اللى لونها رصاصى بتبقى نوعها كويس يعنى احسن من الالومنيوم ولا ايه ؟؟؟؟
d
dod اهلوية
عروس مشاركة
24-03-2011 | 05:08 PM
السلام عليكم ورحمة الله وبركاته عليكم جميعا
مبروك مبروك مبروك يكل البنات اللى جابت حاجاتها ويارب تتهنوا بيهم كلكوا يارب
انا بشكر كل البنات اللى ردوا عليا ف موضوعى واللى مردوش برضه
مشمشة- عسولة عمرو- هوبا- مودة -يارب وفقنى مرمر- lolla quiet- monna vision
شكرا ليكم بجد ع النصايح الجامدة ويارب يوفقكم ف حياتكم ويجمع بينكم وبين ازواجكم ان اجلا او عاجلا
الدعوة للكل ع فكرة مش بس للى رد عليا
قولولى بقى انا قررت ان هو ياخد فترة يفكر فيها كويس وانى اقعد معاه مرة واحدة بس اشوف واحس هو عايزنى انا ولا عايز يتجوز وخلاص انا كده صح ولا غلط انصحونى يابنات بس خايفة بقى انا اول مرة اقعد مع ولد ف حياتى مش عارفة اقول ايه واعمل ايه
يالا بقى كل واحدة تقولى تجربتها ف اول مرة قعدت فيها مع خطيبها
سؤال حد يعرف الحلل البورسلين اللى بتيجى مع اسامة اطيب الاقيها فين وبكام
b
banana z3lana
عروس مبدعة
24-03-2011 | 05:13 PM
بلبل حيران;14783737:
قوليلي بقي ياقمر انتي الي جبتي جردل الشرشوبه ب 100 ج صح؟؟؟
ممكن صوره ليه لاني شفته ب 120 و150

يابنات الاركوبال ده كان بتاع رودي تقريبا صح كده ياريت تقوللي جيباه منين وهو ب 800 و20 ق مش كتير


وده برضه بتاع مين فيكم والوانه كانت ايه وجيباه منين ياقمر وده اركوبيركس صح كده


الجردل برضه هصورهولكوا بلييل ان شاء الله و احط الصور

الطقم الاركوبيركس الاخضر ده زي بتاعي
انا جايباه من 4 سنين لانه كان هديه تخرجي
جبناه من حمام التلات
و ساعتها الاركوبيركس كان لسه طالع
الطقم كان 19 او 25 قطعه مش فاكره و الله و طبعا مش عارفه السعر علشان انا نقيت و طلعوني بره المحل و اشترولي هما

اهلاويه
انا من رأيي برضه ان حتي الاعده معاه تستني عليها شويه
و بعدين هوا انتي فاتحتي حد من عيلتك في الموضوع
لمحتي لمامتك مثلا باباكي
المهم تعرفي رأيهم قبل الحاجات دي علشان متتعلقيش بيه اكتر

و ممكن تقولي لمامتك و تكلموا شويه شات و تليفون و كده
و بعدين لو اتقابلتوا يبقي عند مرات عمك مش هيا اخته يبق تتقابل في بيت بمعرفه الناس

و الله انا بقولك كده علشان خايفه عليكي
انا علشان كنت عارفه خطيبي من ايام الجامعه بجد اتنازلت عن حاجات كتير ساعه الاتفاقات علشان الجوازه متتفشكلش علشان ميتقالش عليا كلمه وحشه من حد
كنت بقول محدش هيقول ساعتها محصلش نصيب كنت بقول الناس هتقول كانوا ماشين بيتسلوا

استخيري ربنا
قولي لمامتك
هوا كمان يلمح لاهله
او حتي اخته هيا اللي تلمح للناس

بيريتان
حامل الكاسات لو هيتركب في الخشب يبقي تديه للراجل بتاع المطبخ علشان تركبه هوا
انما في حاجات بتتدق في الحيطه فدي عادي جيبيها في اي وقت و ركبيها
ب
بلبل حيران
عروس مبدعة
24-03-2011 | 05:18 PM
banana z3lana;14783946:
الجردل برضه هصورهولكوا بلييل ان شاء الله و احط الصور

الطقم الاركوبيركس الاخضر ده زي بتاعي
انا جايباه من 4 سنين لانه كان هديه تخرجي
جبناه من حمام التلات
و ساعتها الاركوبيركس كان لسه طالع
الطقم كان 19 او 25 قطعه مش فاكره و الله و طبعا مش عارفه السعر علشان انا نقيت و طلعوني بره المحل و اشترولي هما


اوكي ميرسي يابنانه مش زعلانه هههههههه ومستنيه الصوره متنسيش بقي طيب كان فيه منه الوان ياقمر والا لا يعني مش انتي الللي منزله الصوره دي صح
h
hoba bodyyy
عروس رائعة
24-03-2011 | 05:21 PM
بصى يا هنوده انا جبت طقمين عشا زى بعض بالظبط 40 قطعه


جبت الصينى 100 قطعه او ازيد مش قاكره بالظبط


البايركس


طقم شاى وجاتوه 60 قطعه تقريبا


جبت طقمين اللى هما تقريبا اركوبيركس واحد للنيش وواحد للمطبخ


مجبتش الطقم العسلى ده خالص ولا جبت اطباق ميلامين مش صحيين خالص


اطباق فردانى اللى هى اللى شوفتيها فى كارفور انتى ممكن تجمعى العدد اللى انتى عايزاه


واى طقم بيبقى فيه سلطانيه كبيره للشوربه و12 او 6 اطباق سلطه و2 سرفيس والباقى اللى هو اللى بيتغرف فيهم الاكل وسط وكبير


الحلل والله مش هنسى ان شاء الله هخلى ماما تقولى جبنا ايه بالظبط لا تقلقى يا موووزه


الجردل والمقشه انا لما روحت الشريف بتاع الادوات المنزليه قالى اسمه تركى نوعه تركى بس نسيت اسأل بكام اصلها كانت خلصانه ساعتها


دودو بصى يا قمر اانا قبل كده قولت للبنات هنا ان خطوبتى مكنتش عن حب يعنى زميلى فى الشغل ولقيته حد كويس وارتحنا لبعض قعدت معاه مره وماما كانت عارفه واتخطبنا بعدها باسبوع وطبعا بحكم الشغل كنت عارفاه ودلوقتى عرفته اكتر لاننا تقريبا بقينا شخص واحد وبهتنا على بعض اه والله فى كذا حد قال اننا شبه بعض يعنى لايقين على بعض الحمد لله بصى انا شايفه انك انتى تسيبيه فتره يفكر براحته اسبوع اتنين شهر كله فى مصلحتك فى الاخر لو حس انه انتى وبس هيجى بس متقعديش معاه لانك انتى اللى هتتعلقى بيه لو عايزاه ولو هو جوازه وخلاص اهو هيقول القريب احسن من الغريب فهمانى
بنانا وهند انا جايبه طقمين من الاركو ده
b
banana z3lana
عروس مبدعة
24-03-2011 | 05:26 PM
بلبل حيران;14783980:
اوكي ميرسي يابنانه مش زعلانه هههههههه ومستنيه الصوره متنسيش بقي طيب كان فيه منه الوان ياقمر والا لا يعني مش انتي الللي منزله الصوره دي صح


لا مش انا اللي نزلت الصوره

كام في منه التفاحي ده و الاورانج و الاصفر
L
Lolla Quiet
عروس مشرقة
24-03-2011 | 05:35 PM
MshMosha;14780935:
[BACKGROUND="70 #33CCCC"]
2 ( ملمسه مش ناعم.. خشن شوية كده يعني مثلاا زي التيفال )





[/BACKGROUND]




ده احلى يا مشموشة


قلب مادو;14781049:
[BACKGROUND="70 #FFFF00"]

الحمدلله بخير ياقلبى وبعدين متساليش على الاسعار ليكى حاجات مخصوص ياقمر ادخلى الجروب وملكي دعوه بالاسعار ياجميلة انتى ليكى وضع تانى يالا ادينى بفخم فيكى شوية ههههههههههههههههه
[/BACKGROUND]


ربنا يخليكي يا روشا يا قمر ده العشم برده يا بنت بلدي ههههههههههههههه وانا عالجروب من فترة وطبعا شوفت شغلك كله ماشاء الله حاجات رووووووعة كلها عموما هظبط انا اموري واقولك ان شاء الله لان في احتنال مش نعمل سبوع لان بابا النونة مسافر ومامتها مش عاوزة تعمل سبوع من غير ما يكون موجود فلسه مش استقرت هنعمل ايه ع فكرة انا بعتلك اضافة عالفيس اقبليها




dod اهلوية;14783912:
السلام عليكم ورحمة الله وبركاته عليكم جميعا


مبروك مبروك مبروك يكل البنات اللى جابت حاجاتها ويارب تتهنوا بيهم كلكوا يارب
انا بشكر كل البنات اللى ردوا عليا ف موضوعى واللى مردوش برضه
مشمشة- عسولة عمرو- هوبا- مودة -يارب وفقنى مرمر- lolla quiet- monna vision
شكرا ليكم بجد ع النصايح الجامدة ويارب يوفقكم ف حياتكم ويجمع بينكم وبين ازواجكم ان اجلا او عاجلا
الدعوة للكل ع فكرة مش بس للى رد عليا
قولولى بقى انا قررت ان هو ياخد فترة يفكر فيها كويس وانى اقعد معاه مرة واحدة بس اشوف واحس هو عايزنى انا ولا عايز يتجوز وخلاص انا كده صح ولا غلط انصحونى يابنات بس خايفة بقى انا اول مرة اقعد مع ولد ف حياتى مش عارفة اقول ايه واعمل ايه
يالا بقى كل واحدة تقولى تجربتها ف اول مرة قعدت فيها مع خطيبها

سؤال حد يعرف الحلل البورسلين اللى بتيجى مع اسامة اطيب الاقيها فين وبكام




للاسف مش هعرف افيدك يا اهلوية لاني لسه مش مخبوطة والناس اللي جم عندنا البيت ومحصلش نصيب كانت بتبقى قاعدة عائلية كنت ببقى وشي فالارض ههههههههههههه البنات المخبوطات والمتزوجات يفيدوكي ان شاء الله وربنا يقدرلك الخير ان شاء الله


بلبل حيران;14783737:
اعتقد الاستانلس افضل بكتير لان البلاستيك عندنا وماما حتموت وترميه ههههههههههههه قوليلي بقي ياقمر انتي الي جبتي جردل الشرشوبه ب 100 ج صح؟؟؟
ممكن صوره ليه لاني شفته ب 120 و150

يابنات الاركوبال ده كان بتاع رودي تقريبا صح كده ياريت تقوللي جيباه منين وهو ب 800 و20 ق مش كتير



كتير اوي 800 على 25 قطعة اللي اعرفه ان الاركوبال الكامل الفرنساوي ب 800 وشوية تقريبا
d
dod اهلوية
عروس مشاركة
24-03-2011 | 05:44 PM
بنانة انتى كمان ياقمر شكرا ليكى بجد يارب يارب يارب تتجوزى بكره هههههههههههه يارب يهديلك الاحوال
يالا يابنات اللى هيساعدنى هدعيلو دعوة حلوة
s
soshe
عروس مبدعة
24-03-2011 | 06:09 PM
اهلوية حببتى ربنا يكرمك ويكتبلك الى فيه الخير بس بلاش تقابليه الا لما تأولى لوالدتك الاول
نودى ئئولك على فكرة شريرة اختى عملتها عشان أهل جوزها ميجوش يباتوا عندها عشان هما اصلا من الصعيد بس عندهم بيت فى مصر وبييجوا كل شوية كده راحت مشترتش أصلا مراتب للسراير الصغيرة نصبتهم من غير مراتب فترة كده أول سنة ونص و هما اتعودوا أنهم لما ييجوا ما يباتوش وبعد كده راحت جبتهم شريرة مش كدة
h
hoba bodyyy
عروس رائعة
24-03-2011 | 06:40 PM
اسماء يا حبيبتى بصى انا خطيبى لما كلم بابا فى كتب الكتاب قاله يا عمى انا بنزل معاها وساعات بمسك ايديها واانا عارف انه حررام بس غصب وانا نفسى امسك ايديها فى الحلال وكمان بابايا قال لماما انه من الاول كان عايز يكتب الكتاب علشان يبقى مستريح نفسيا فا من ناحيه الناس عندنا وافقوا وخلاص ووالد خطيبى متدين الحمد لله هو اللى شجعه الحمد لله انتى ببساطه كده قوليله انا مش عايزه اعمل حاجه معاك اندم عليها بعد كده عايزه ابتدى حياتى صح وانت ميرضكش اننا نبقى فى اول حياتنا نغضب ربنا وانت لسه غريب عنى واقنع اهلك بكتب الكتاب حسسنى انك عايزنى فى الحلال فاهمانى يا اسماء

اجبريه انه يعمل كده وبطلى تقولى وحشتنى وبحبك ومسك الايد انا عرفت انه حرام والله بس الواحد بيبقى غصب عنه وشوفى هيقولك ايه انا مش بقويكى والله انا بنصحك نصيحه اخت

بنات اللى عنده صوره للمقشه والجردل التركى الطويل يوريهالى وتقولى جابتها منين وبكام ؟؟
h
hananany
عروس نشيطة
24-03-2011 | 06:41 PM
بلبل حيران;14783159:

الف مبروك الشقه الجديده ياقمر وماشاء الله لسه عرويه برضه و ربنا يخليلك بناتك انا حقوللك يارومي بقي عشان بقول لصحبتي كده واسمها ريهام برضه بالنسبه للاماكن مش حفيدك اد كده لاني اصلا مش من اليكس بي حتجوز هناك وبجيب كل لبسي من هناك انا اسفه بس ممكن تسالي بتوع الستاير ذات نفسهم فهماني يعني بتوع قماش الستاير في الزنقه وفي المنشيه بيبقوا عارفين الناس اللي بتفصل ستاير واساليهم كده كده وانتي بتدوري ع القماش واختاري الاسم اللي حيجمعوا عليه الاغلب
لياسؤال بساله للبنات هنا من شهر مثلا :
انا عندي 4 حلل مقاس 16 و20 و24 و28 استانلس مصانع حربيه ولبانه وكسروله ماما عايزه تكملهوملي اربعه كمان بس كروكماز التركي اجيب ايه بقي والصواني ؟؟ وكده اجيب حله تيفال انا حجيب سافلون يعني انا مش بحب اجيب كتير ومستعملوش عايزه اجيب اللي استعمله وبس مبحبش الكركبه وقوالب الكيك وكده فهماني



الله يبارك فيكي وعقبال شقتك مقولتليش انت منين وهتتجوزي فين في الكس واهم حاجةةةةةةةةةةةةةة اسمك اية
وطبعا انا موافقة علي رومي اصل حماتي الله يرحمها كانت بتقولي يارومي هههههههههههه

نوزي شكرا علي ردك يا جميل
لو حد يعرف تاني عن الستاير يقول شكرااا
h
hananany
عروس نشيطة
24-03-2011 | 06:46 PM
بلبل حيران;14783231:

ازيك يامشموشه طيب ردي بقي عليا انتي بليز محدش بيرد عليا خالص بجد زعلانه جداااااااا من البنات انا عندي 4 حلل مقاسات 16 و20 و26 و28 وكسروله ولبانه مصانع حربيه المفروض اني حكمل الطقم من كروكماز الطقم بقي ده بيبقي عباره عن ايه يعني انا ناقصني ايه كده؟؟ وحجيب سافلون تيفال المفروض برضه اجيب اد ايه تيفال ضروري تردي عليا ياقمر عشان حنزل النهارده وانا مش حجيب المونيوم

ممكن ارد لحد ما تيجي مشموشة
هاتي مقاس 18 و22 والصراحة انا الحلل التيفال مستعملتهمش خالص لكن الصواني اكيد استعملتهم كتير فمتكتريش في التيفال:thumbs_up:
ي
يارب فرح قلبي
عروس رائعة
24-03-2011 | 07:00 PM
[BACKGROUND="70 #33CCCC"]بلبل حيران:- هاتي مقاس 24 ياقمر..وطاسة غويطة كمان او صينية عميقة يعني
ودي شوية اطقم سيراميك تركي..باذن الله تفيدك
http://forums.3roos.com/showthread.php?t=608002&page=4

[/BACKGROUND]
n
nemaaa mahdyyy
عروس مبدعة
24-03-2011 | 07:29 PM
مشمشة.;14779849:
اذيكم يابناااات

نزلت النهاردة جبت القميص الابيض من جويا اللى زى الموف اللى على الغلاف جبت القصير


المهم

اية رايكم يابنات لو جبت الاستيكر دة وحطيتة فى اوضة النوم



ولا هايبا محرج اووى لو حد دخل الاوضة


مشمشه حبيبتى مبروك عليكى القميص انا بحبه اوى القميص ده عقبال ماتلبسيه ;):thumbs_up: بئى

وبالنسبه للاستيكر خليه لبعدين من باب التجديد يعنى متحرقيش كل كروتك يا موزه من اولها كده :p



دودو1;14780134:


نيمو::معندكيش حما هههههههههههههههههههههههههههههه والله ضحكتينى:lol: وطقم الكاسات بتاعك ده انا جايبه زيه بالظبط بس كوبايات كبيرة للماء

؟


اى خدمه ضحكتك ببلاش المره الجايه توتو ع كبوتو :lol:

lasposadelnilo;14780246:

قوليلى هو بكام بئى انا اعرف ان الطويل معدى ال 350 تقريبا القصير بكام





ياجماااااااااااااعه سوال هام عشان متخانقش مع احمد وابوه
السجاد اللي في المحلات العاديه والبياعين بيقولوا ده النساجون
اعرف منين انه بتاع النساجون
واسعار المشايات اييييييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واخر كلام احط سجاده تحت السفره ولا اطنش
ولا اجيب مشايه احطها تحت الكراسي وبس
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟





ازيك يا نودى بصى ياستى سجاد النساجون بيبئى فى من تحت يعنى لما تقلبيه ع ضهره هتلاقى استيكر مكتوب عليه النساجون والمقاس تقريبا ده اللى انا اعرفه

وحطى سجاده تحت السفره ياموزه

وربنا يصبرك ويكملك بشعرك :031::031::031:لحد ما تجوزى علشان احمد ميطفش :p:p:lol:

MshMosha;14780304:
[BACKGROUND="70 #33CCCC"]
***************************
سؤال للبت نيمو :- انتي جبتي ملايات المجد بكام..بتاعت السرير الكبير وبتاعت الاطفال
[/BACKGROUND]


انا مجبتش المجد انا جبت فوربد وكالورز ب 230 الملايه الكبيره
المجد شفتها فى الغوريه ب 110 بتاعت الكبير مش شفت اطفال

esraa_ali;14780375:
بنات عاوزة اقلب و اقرا بس مش قادرة مدشدشة يخرب بيت سنين الجواز الواحد كان عنس اسهل ,,,,يعنى منزلتش الجامعة ولا مرة و شاغلة نفسى و اهرى وانكس واحمد ولا هو هنا ومفيش فرشة معجون حتى اتحطت ف الشقة هههههه اه يانى يا قليلة الحيلة هههههههههههههه
ام هند
نزلت انهارده جبت حاجات كتير زطول ما انا بختار تيجو ف بالى ..ااه مفيش حاجة تفاحى اغيظ نيمو ..طيب هيعجب مشموشة ..طيب هوبا هتقول رقيق ...ممممم طيب هيعجب البنات ولا لا هههههههه ونسيت خالص ان انا العروسة ,,,بت انتى و هيا تعالو على جنب انا مبقتش اخد راى ماما خالص انفصلت عن شخصيتى و تبلورت حول عروس وبناتها ههههههههههههه

المهم انى احتمال معرفش انزل معاكم مصر للاسف لان اخو احمد جايلنا يوم الجمعه .....:(

ندخل على الصور

بونبونيره عسولة بحامل ...هحطها ف النيش ههههههههه لانها شبه طقم الكاكاو اللى جبته و شبه طقم الجيلى




ده طقم الجيلى بس انا صورت كوبيتين منه بس ههههههه كنت مكسلة ..الكوبيات على شكل قلب و برجول من تحت كده وصينيته هستخدمها مع طقم الكاكاو






و دى عينات منه يعنى سكرية فنجان لبانة لانى بجد كنت جاية مفستكة



الصوانى دى احلى من الصورة الف مرة وازاز كده وبتلمع وهميية بجد و ب 150 ج بس عجبانى خالص




طقم شربات ار سى ب 180 ج بس عسول ..احطه ف النيش ولا المطبخ لانى مش حساه لنيش حساه عملى




رحلة مع الالوان دى كاسات موزة بس معرفش الصور حولاها ليه كده





دى كاسات ملونة علشان تليق مع فناجاين القهوة الملونين بردو



ده طقم فناجين القهوة وهى نونو بس الصورة نفشاها



خلاويص ........كلهم من الشرقية هنا
و يارب يعجبوكم زى ما عجبوا العروسة (انا ) هههههههههههههههه

اخر سؤال بقا فى طقم ملايات اطفال فوربد 2 مرية 2 خدادية 2 مخدة ب 240 سعره حلو ولا غالى ..هو من النت


اسو يا اسو يا اسو حلوه البيعه دى يا بت 8o|:mad: مش قولنا هننزل سوا يىلا هعديهالك المره دى مبروووووووووك عليكى ياموزه تتهنى بيهم يارب كلهم حلوين اوى ما اشاء الله

قوليلى بئى طقم الجيلى بكام علشان اروح اجيب زيه :p كان عجبنى فى المعرض بس قلت هجيبه من حماام التلات احسن :D
MshMosha;14780695:
[BACKGROUND="70 #33CCCC"] الصور:- مش عارف اجيب حاجات المطبخ لونها ايه ..يعني نيمو عاملة تفاحي
انا مش عارفة اختار من دول البينك ولا الموف الفاتح ولا الاحمر
[/BACKGROUND]


بصى حاولى تشوفى لون يكون الادوات بتاعته منتشره يعنى انا شايفه ان البينك والموف مفيش ليهم ادوات كتير
بصى الاحمر هيبئى حلو اوى انا دايما بشوف ادوات تفاحى واحمر اللونين دول منتشرين اوى فى ادوات المطبخ

MshMosha;14780935:
[BACKGROUND="70 #33CCCC"]


1 ( ملمسه ناعم زي الصيني)



2 ( ملمسه مش ناعم.. خشن شوية كده يعني مثلاا زي التيفال )





[/BACKGROUND]


الاتنين جامدين اوى :confused: مش عارفه اختار بس عجبنى شكل التانى اكتر لانى بحب الحاجه المطفيه هو بنى ولا اسود بس فى نفس الوقت حساه غالى بصراحه مش عارفه هو كام قطعه

lasposadelnilo;14782193:

نيمو
مجنونه التفاحي الهبله يا مروشه انا كنت فاكره ان مفيش اجن مني بس اثبتيلي بالبرهان القاطع ان في مهابيل غيري



المهابيل كتييييييييييييير متعديش هههههههههههه:lol::lol::lol::lol::lol: هتشوفى التجمع كله هيقلب مجانين تفاحى :p:p:p


وهو تقيل زى بتاع فتحى محمود ولا خفيف
X