شات حوامل مصر القمرات وتجهيزاتهم للبيبي لشهر ربيع الثاني

يلا تصبحوا علي الف خير عشان هقوم انشر الغسيل وانام بقي ويارب الحقم شوية في رغي الصبح قبل ما تمشوا

اتفضلي ياكتكت ربنا معاكي
انا كمان هقوم البس عشان اروح المستشفى
سلام يابناااااااات

كتكت..جوزي مش بياكل السمك كمان هههههههههههههه
وانا برده كسرت حتة من الروتين بتاعه وخليته اكل كباب حلة مرة..بس ممكن قطعتين بالعدد يعني

بالنسبة للفارم انا اتلخمت ف السيتي ههههههههههههههههههههههه

طب ايه رايك ف تاليا بلاش تالين؟

صباح الخير

ان ما حد منكم سأل عملت ايه عند الدكتورة ولا عملت ايه يا شريرين؟؟؟
عالعموم انا لسة هنا مولدتش بس كن عندي شغل امبارح و كنت تعبانة شوية بس الحمدلله دلوقتي احسن

الدكتورة قالتلي اني مستنية الولادة اهو و مش عايزاني استعجل بس بتقولي ان دة اخر اسبوع في التاسع و مش عايزاه يعدي من غير ولادة ان شاء الله

ادعولي اولد فيه عشان اولد طبيعي يارب



نهى عاملة ايه لو حد ينفع يكلمها عشان اانا مش معايا رصيد

اشرى سلامتك الف سلامة و خدي بالك من نفسك

كيتي وكتكوتة، حاجتكم جميلة ماشاء الله

أم ياسين العسل;14693459:
بصى يا ستى

يحكى ان بسبس الدكتور قالها هتولدى طبيعى يا ست ام العيال

قولنا ماشى والكلام دا اول التاسع
المهم بعد اسبوع من التاسع بيكشف قالى ايييييييه دا انتى ازاى مولدتيش حتى الان يا مودام دا الرحم مفتوح 3 سم

راح عملى تحفيز للرحم الكلام دا كان يوم السبت وهو بيعمله بيقوله راس البيبى فى الحوض اهى مولدتش ليه دى :-o

قاله لو مولدتش على يوم السبت الجاى تكون عندى يوم الاحد

المهم انا بقى مولدتش لغايه الاحد

فا كلمته قالى تعليلى بكره الاتينن المستشفى وتاخد الحبايه الفلانيه دى بليل و واحده 8 الصبح وتجيلى 10

اخدتهم جابولى وجع طلق بشع بشع بشع بجد وروحت جريت صحيت جوزى لقيته بكل بردو بيقولى فى ايه براحه هقوم اخد دش :rolleyes:

يا عم دش ايه الواد هيقع :hysterical:

اصبرى يا بسبس فى ايه انتى علطول كدا لازم تعملى اللى فى دماغك وقلبت بخناقه :confused:

المهم الاستاذ اخد دش وفطر وعقبال ما عمل كل دا كان الوجع اللى عندى راح ورجعت عاديه جدا وولا كانه حصل حاجه :worn_out:


روحت المستشفى استنيت الدكتور لقيت الاستاذ بيحضر حفل تخرج اخوه وهقعد استناه لما يجي :confused:

المهم كلمهم قاله حطوها على الطلق الصناعى الرحم مفتوح بقاله اسبوووووووووع

بعيد عنك ربنا ما يوريكى :thumbs_down:

المهم ساعتين وكلمهم قالهم اعملوا رسم قلب للجنين

بيعملوا رسم قلب وفى لحظه لقيت اوضة ريم القلب اتقلبت والتليفونات اترفعت والموبايلات اشتغلت

والممرضه بتجرى بتقول كلموا الدكتور محمود بسرعه

انا بقى اتوترت جداااااااااااا بقيت اقلهم فى ايه فى ايه

المهم فى لحظه لقيت الدكتور عندى راح شايل الطلق من ايدى وراح قالى قومى ادخلى اوضتك وانا شويه وجاى

قولتله فى ايه قالى مفيش قومى بس


قومت وانا خارجه لقيته بيكلم جوزى وبيوريه ورقه كدا فيها رسوم فا جوزى بيكشر فا روحتله بقوله فى ايه

راح الدكتور قالى يا ستى ربنا يهديكى ادخلى ارتاحى فى اوضتك

شويه شويه كان هيضربنى :|

المهم دخلى الاوضه وكل دا هو بالبدله بتاعته مغيرش

راح قالى ممكن اكشف نسا

راح كاشه وقالى تمام اوى

بصى بقى النبض بتاع الجنين قل اوى

انتى ممكن تولدى طبيعى بس قدامك 10 ساعات على جهاز الطلق والجنين مش هيستحمل اكتر من ساعتين فا هنقلبها قيصرى

مش عارفه ليه متفجأتش

كنت حاسه

بس اول كلمه طلعت منى

موافقه بس ببنج كلى

قالى لا نصفى وهتدعيلى قولتله لا لا كلى النصفى حقنه صعبه :hysterical:

المهم قالى متخافيش مش هتحسى بحاجه انا بخدمك والله

بس ممكن اكشف تانى

قولتله اتفضل بيتك ومطرحك هههههههههههههههههههههههه
بيكشف
ولقيته هوب مايه سخنه بتنزل منى وانا معرفش ايه الرقه اللى نزلت عليا وبقول يا مااااااااااااااامى


والله معرف ايه مامى دى هههههههههههههههه


المهم قالى هروح اتعقم تكونى جيتيلى على العمليات

فعلا روحت واتبنجت نصفى

الحقنه مش بتوجع نهائى ومحسيتش بيها اصلا خااااااااالص وفى لحظه كل الم الطلق والكلام دا راااااااح ولقيت الدكتور دخل بيقولى اهلا اهلا

وانا متوتره جدا فا بيقولى فى ايه يلا قوليلى نكته عن الصعايده وانا مش هزعل

قولتله لا نكتى كلها قليلة الادب :worn_out:

وبعد 5 دقايق لقيت راس طالعه من بطنى لونها ابيييييييييييييييض ومفيش اى صوت وبعدها بشويه لقيت الدكتور بيقول لدكتور البنج معلش زق شويه الرجل مزنوقه

شويه كمان

يلا اهو هيطلع
يلا شويه

ياااااااااااااااااه اخيرا

ايه دا يا بسبس انتى مخلفه راس وليها رجلين


وببص مسمعتلوش صوت فا بقول هو فى حاجه

قالى لا دا بردان بس شويه

اخدو حطوه فى الدفايه وببص لقيت حد جمبى بيقولى بصى شبهك ازاى :adore:

ببص لقيت جوزى واقف وماسكه والدكتور لسه بيقفل

فا بقوله ايه دا انت هنا;)

قالى من زمااااااااااااااااااااان :D

لقيت نونو عسل لونه ابيض فى احمر كدا مغمض عينه ولابس زعبوط عسل بصيتله ولقيت الدكتور قال هاتوه اسلمه بقى للى يستحقوه


واخد الواد وخرج وقال فين ام الام ( امى يعنى) فا ماما قالتله انا

قالها اتفضلى راح بابا واخده و كبر فى ودانه وانتو عارفين الباقى بقى :worn_out:

عجبتني اوي القصة دي و بعينيا دمعت في الاخر يا بسبس، ربنا يخليهولك يارب

نور التقوى;14695229:
كيتى ماشاء الله لبس النونه عسول خالص ربنا يجيبهالك بالسلامه يارب

مسك اخبارها هيا وسمسه ايه يابنات محدش يعرف عنهم حاجه

ربنا يخليك يا نور، انتي الوحيدة اللي عبرتيني انتي و دلوعة تقريبا، ،،،انا اهو ادعيلي بقى

CuTie KaTkOoTa;14697256:
تعملوا ايه صحيح يا بنات لو اي حد فيكم بعد الولادة لقي انه جاب نوع البيبي مختلف عن اللي كان عارفه وعامل حسابه عليه وفي اللبس وكده وكله والاسم وكل حاجة

اصل واحدة صاحبتنا هنا حصل معاها كده وبتحصل كتير كمان

انا شخصيا هتبسط اوووووووووووووووووووووووووووووي عشان نفسي في بنت بس في نفس الوقت نفسي في الولد برضه بس كنت عايزاه يكون التاني
و جوزي و اهلي و اهله و كل الناس عندنا هيتبسطوا بصراحة عشان احنا عندنا ولاد كتير في العيلة ماشاء الله
دة حتى ولاد اخويا اللي عندهم 5 سنين لما عرفوا اني حامل في ولد قالولي مش عارفة تجيبيلنا حتة بنت :lol::lol::lol::lol::lol:

kitty_kity;14697434:
بنات ايه رأيكم ف اسم ريان؟
وف رأيكم ولد ولا بنت احسن

مش عارف يا كيتي انا مش عاجبني اوي
بس كان عاجبني تالين و تاليا و كنزي

صبااااااااااااااااااااااااااااااااح الخيررررررررررررررررررررررررررررررررررررررررررررررررر

صباح النور يا سارة عاملة ايه انتي والنونو

اهلا ياقمر انا الحمد الله تمام وانتي احبارك ايه الواد محجر ليه مش عايز ينزل

اه والله شفتي، انا خلاص بدات ازهق و مليش نفس اعمل حاجة اصلا لا في البيت ولا برة

شكل دماغه جزمة زي امه

ههههههههههههههههههه معلش انا عارفه موضوع انه ياخد التاسع كله ده الواحد اساسا من التامن وبيبقا خلاص علي اخره
ربنا يعينك ويصبرك علي التعب ويجعل ولادتك سهله

صباح الخير عامليين ايه يا حلويين بقولكم انا حاولت اكلم نهى امبارح بس موبايلها كان غير متاح حبقى احاول تاني بس حرووح عند ماما يوميين حبقى اشوف لو ينفع اجي اطمنكو ادعولها بقى ربنا معاها ان شاء الله

صباح الخير
ازيكم يا بنات

redflowerlovey;14698596:
صباح الخير عامليين ايه يا حلويين بقولكم انا حاولت اكلم نهى امبارح بس موبايلها كان غير متاح حبقى احاول تاني بس حرووح عند ماما يوميين حبقى اشوف لو ينفع اجي اطمنكو ادعولها بقى ربنا معاها ان شاء الله

ربنا معهاااا

sweetyronaaa;14698651:
صباح الخير
ازيكم يا بنات

صباح النور ياقمررر

شيرين ربنا يرزقك ولاده سهله وميسره ويملي قلبك بالطمأنينه والهدؤ

صباح الخيييييييير
عاملين اية كلكوااااااااا

بنات هو فيه اربطه للسره ؟؟ طيب بنربط السره بيها ازاي؟؟؟ وليه؟؟ مش بتبقى السره مربوطه بمشبك وبتتطهر بالكحول كل يوم ؟؟؟ صح كده ولا انا غلطانه؟؟؟

اشري صباح الجمال ,,, عامله ايه دلوقتي؟؟؟ يارب تكوني احسن

ازيك يا امه الرحمن
ربنا يقومك بالسلامه ان شاء الله و يرزقك ساعه سهله

ريد فلاور اخبارك ايه يا جميل

ساره عامله ايه يا حببتي
و ايه اخبار نور و النونو اللي جوة

فيه اربطه للسره
بس كل الدكاتره قالوا انها غلط جدا

اشري عامله ايه دلوقتي