معلش امبارح كنت عمالة اكتب في الردود ولقيت جوجو داست علي ارسال واتبعتت من غير ما اكمل فمسحتها وقلت لما ارجع بقي ارد او لما تدخلوا الصبح احسن عشان تشوفوا الرد لأنكم مش بتقروا اللي فات
kitty_kity;14692744:
لا بجد ياكتكت انتي ماشاء الله روحك حلوة اوي وبتفيدينا بخبرتك دايما
انا كمان برشحك للوسام ههههههه
لا بجد يا جماعة بتحرجوني وتفرحوني اوي بجد ربنا يخلينا لبعض دايما
kitty_kity;14692758:
طب والي بتعرف ترقص حلو بس جوزها مابيحبش الرقص ههههههههههه سبحان الله
انتي جوزك مش بيحب لأ انا بعرف بردو اوي حني مكنش حد متصور اني بعرف كده واتفاجأوا بيا جامد، اللذيذ بقي ان جوزي هو اللي بيتكسف يرقص قدامي او معايا يعني بمعني اصح عشان بفضل اهزر معاه واضحك وانكشه وكده فبقي يتكسف لكن في الافراح بتاعة صحابه او قرايبه بيرقص عادي طبعا لكن لوحدنا بيتكسف خالص يقولي ارقصي انتي، بس بجد اول مرة اشوف راجل مش بيحب الرقص خالص
ام عمر افندى;14692776:
ربنا يخليكى يااارب لا بجد بحسك عاقله عشان ساعات بلاقى بنات بتجيب لمجرد انها تجيب وبس وتبقى الحاجه عندها مش فى هنا انا اقصد فى التجهيزات زمان كنت بدخل دمى يتحرق واطلع فاهمانى لكن انت لا خااالص فانا بحب كده اوووى مبحبش اجيب ويا استعملها يا ما استعملهاش لااااا
وبالنسبه للفرق بين مقاسات السعوديه ومصر مش هقدر افيدك لانى بجيب لعمر من هنا علطول مجبتش من مصر قبل كده هنا بحس الهدوم احلى وانضف وارخص حتى لو مش ماركه فى غيارات داخليه اللى هيه بكباسين من تحت دى كنت جايباها لعمر الواحده ب3 ريال يعنى بالمصرى تقريبا 4جنيه ونص مش عاوزة اقولك غسيل ولبس ولبس وغسيل وهيه زى ما هيه ماشاءالله وقطن نضيف كمان حاجات البيبهات هنا رخيصه اووى وفى الغالى بس بينى وبينك بستحرم اجيب غالى فى السن اللى اصغر من سنه بحس اللبس مس بيتلبس اصلا
انت عارفه انا شوفت السرير بتاعك ماشاء الله عسول شوفت زى المفرش بتاع السرير ده هنا فى سنتر بوينت مش فاااركه خالص ماركه ايه بس ساعه لما شوفته عجبنى اوووى وكان ب350 ريال وكان تقريبا 10 قطع نفسى افترك ماركه ايه راحت عن بالى خاالص
مووووووااااااااه تسلمي يا بوسي، اية فعلا انا برو بتغاظ اوي من البنات اللي بيجيبوا لازم كل حاجة منها مليون حاجة وكل الانواع والاشكال ومش بيسمعوا الكلام كمان لو حد قالهم ملوش لزوم بيبقوا فرحانين وخلاص ولما يجربوا بقي يقولوا مالوش استخدام ويتركن وياريتني
اما بقي حاجات السعودية اللي بتقوليه ده حلو اوي والسعر كمان تحفة طيب تصدقي بقي صاحبتي خلتني اجيبلها من هنا وهبعته مع ماماتها وبتقولي هنا غالي ومش حلو :(
انتي قصدك مفرش السرير بتاعي انا ولا جوجو، بتاعي انا بجد شوفتيه طيب حلو اوي انه عجبك بجد تسلمي لو هو اللي قصدك عليه انا كنت جيباه من المعرض وكان من الناس السوريين وفاصلت فيه جامد عشان حمايا كان ماسك المعرض ساعتها الناس العارضة دي يعني فقعد يفاصل هو واهل جوزي ونزلوه بس نسيت بكام وكان بكام :) :) :)
كريز;14692778:
من عينيا ياقمر قوليلى انتى فين وانا ابعتهوملك وخدو دول تصبيره
موووووااااه انا اخدتهم خلاص من كلامكم الحلو ده بس ممكن تديهوني في التقييم بقي انا طماعة صح :)
y.choclate;14692790:
كتكت يا مظبطنا طيب لو هنجيب كام سالوبيت نيو بورن بس طيب والداخلي نجيبوا مقاس نيو بورن ولا من 3-6
لا النيو بورن حاجة ومقاس 0-3 حاجة تانية، النيو بورن ده الصغير خالص ده اللي مش بيكفي كتير زي ما قلنا هنخليه بس لطقمين او تلاتة لزوم الحركات قدام الضيوف في الاول وخلاص لكن كله نجيب من 0-3 لو شكله واسع ومريح ولو مش واسع او طويل كفاية نجيب اللي من 3-6 ونفس الكلام للداخلي حسب الماركة اللي هتجيبيها، بس عامة الشايات مفيش منها غير مقاس 0-3 لكن اللي اكبر من كده بيكون سالوبيتات داخلية اللي هي بتكون بكباسين من تحت بردو ومن عند الكتف بقي مش من الجنب زي الشاية
ام عمر افندى;14692840:
تصدقى انا بنوتى ان شاء الله هتيجى على اول سبعه مش ناويه البسها بكم خااالص هوا نص كم لان البيبى جسمه زيك بالظبط يعنى انت حاسه بحر هوا كمان حاسه ببرد هوا نفسك بس زوديلو فانله زياده عنك يعنى انت لابسه الاندر مثلا وعليه فانله واحده لبسيه هوا فانله داخليه زياده فهمتى قصدى ايه ولا مش عرفه اشرح
اللى هتجيبيهه بقا بتاع اول شهرين هاتى حاجتين للنيو بورن والباقى كبير سنه صغننه يعنى مثلا من 0_3 مش عارفه كتكوته قلقتنى لانها بتقول فى فرق فى المقاسات بين عندى ومصر اساليها هيه اضمن عشان معكش الدنيا
بس بلاش بردو يا بوسي نص من اولها كده خليها كم بس صيفي عشان بردو مهما كان هما كانوا في جو مختلف عن هنا وجسمهم بيبقي ضعيف اوي علي الاقل اسبوع او اتنين وبس هو صحيح الجو عندكم غير هنا بس بردو للاحتياط.
دلوعة الغالى;14693335:
اوووووووو بجد ياام عمر هتكشف هتكسف اوووووووووووى
ههههههه كده كده هتكشفي في الاخر بردو وراك وراك يا ايمو
فراشه فى بيتها;14693352:
وازاى هاتولدى التانى طبيعى
انتى هاتخوفينى ليه انا كمان والده ريم قيصرى
عادي يا توتو مش شرط اللي والدة قيصري تولد كل مرة قيصري إلأ في حالة ان حوضها ضيق اصلا، لكن غير كده بيبقي عادي اصل القيصري ده حالات كتير وكمان حسب هو عدي فترة اد ايه من بعد الولادة، انا دكتورتي قالتلي الفرق بين الحملين الولادة يعني والحمل التاني سنة وانا قيصري وممكن اولد طبيعي المرة الجاية عادي لأني حوضي يسمح زي بسبس كده
semsema_semsemy;14693368:
انا كان جالى التهابات جامده ف اول الجواز والدكتوره ماكشفتش من تحت ادتنى دوا وبس
انا جالي بردو التهابات خفيفة ولا كانت ايه نسيت والله لسه فاكرة دلوقتي بس لما انتي قلتي اني روحت في اول جوازي بردو بس كشفت عليا وكتبتلي حاجات وساعتها مرضتش اخد منها حاجة غير الفوار وبس عشان كنت شاكة انه ممكن يكون في حمل فمرضتش اخد حاجة إلا لما اتاكد الاول عشان ميكونش فيه غلط علي الحمل
ولما جاتلي بعد الولادة بردو كشفت عليا بعد ما شافت التحليل ووصفتلها قالتلي هبص لازم
فراشه فى بيتها;14693400:
طيب ما تقوليلهم انك والده قيصرى عشان ما يبقاش فى غلط ع الجرح ولا ايه؟؟؟؟؟
لا متقلقيش وكمان بوسي بقالها فترة والدة بردو فمفيش قلق يا توتو، جمد قلبك يا جميل
أم ياسين العسل;14693459:
بصى يا ستى
يحكى ان بسبس الدكتور قالها هتولدى طبيعى يا ست ام العيال
ههههههههه فكرتيني بالذي مضي يا بسبس اخر الايام خالص لما كنا مستنيين بعض وبنحكي كلنا بالتفاصيل وكده، بقولك ايه ادخلي اكتبي هنا انتي وباقي البنات اللي ولدوا ومكتبوش بجد عشان الموضوع ده كان حلو فعلا ومفيد
http://forums.3roos.com/showthread.php?t=518213&highlight=%E3%E1%DD+%D4%C7%E3%E1+%E1%E3%D3%CA%D4%DD%ED%C7%CA+%E3%D5%D1&page=7
علي فكرة انتي بتقولي دلوقتي بس عشان يويو صغير انك نفسك كله يبقي ولاد، لكن لما يكبر ولو جبتي ولد تاني بجد هعكسي كلامك خااااااااااااااااااااااااالص عن تجربة ناس كتير اوي حواليا امهات كبار وصغيرين بردو :) :)