بنات حد سمع ان الحذر بقي الساعة 8 تاني؟؟؟
kitty_kity;14663813:
تسلمي ياايمي بجد كلامك بيفيدني جدا
ربنا يسهل والاقيه لان بجد نفسي اظبط شكل السرير
وف الوقت نفسه مش عايزة اصرف عليه اوي علشان اجيب واحد بداله :)
لانه صغير واكيد هيصغر بسرعه
:adore::adore::adore: تسلمي يا كيتي، فعلا بلاش ومش مستاهل تصرفي كتي، انا عملت كده في ده لأنه كبير ويكفي كتير الحمدلله وقيم ومتين وكله
Desly;14663819:
ربنا يخليك ريم ياارب يا فراشه
ايمى وحشاااااااااااانى اوى اوى اوى اوى اوى عامله ايه وجوجو عامله ايه معاكى يارب تكونوا بخير
بس ايه كل الحاجات والتعليمات اللى المفروض نعملها ساعة الولاده دى واللبس وكده انا ما عرفش اى حاجه من دى و ايه الشفاط ده كمان وازاى يعنى الواحد يشفط اللبن من صدره انا مش متخيله
وكمان حكاية السره وتغييرها دى شكلها صعب ولا ايه
ربنا يسترررر والبيبى ما يتبهدلش معايا لانى فعلا ما اعرفش اى حاجه نهائى
:lol::lol: ولا يهمك يا سالي لأ تقلقي كله هايجي بالممارسة وكمان الغريزة هتفرض حاجات عليكي وشوية نصايح وارشادات بسيطة وهتلاقي نفسك استاذة ، انتي كمان وحشتيني اووووي والله
السرة فيه فعلا بنات كتير بيقشعروا منها ومبيخافوا مع انها والله مفهاش حاجة، هي بس محتاجة كام يوم منك اسبوع كده وشكرا وهتنسيها خالص وتقع، بس المهم تتنضف فعلا كويس وكذا مرة في اليوم مع كل تغيير بامبرز مثلا عشان المشبك يقع ولما يقع بتكملي تنضيف بردو عليها هي نفسها بقي لغاية لما يختفي اي لون او سواد فيها.
واللبن بيبوظ فعلا وبيفصل كده زي اللبن الحقيقي، علي فكرة انا معنديش الجرأة اني ادوق اي حاجة من حاجات الاطفال، لكن جوزي او اخواته كمان ممكن يجربوا ويدوقوا الطعم بتاع الاكل ده ازاي وكده، المهم كان عندي فضول اشوف طعم اللبن ده ايه بس مش متجرأة ومش راضية، فشفطت بق كده وقلتله دوقه بقي وقولي، فقاالي عادي مش وحش بس يعتبر مالوش طعم اوي.
وبالنسبة للبس الولادة وكده هو بس عشان الواحدة مش تبره وتعيي لأن الوالدة دي بتكون معرضة للبرد بشكل جامد عن اي واحدة تانية، وكمان بتبقي واخدة معاكي بالطو او روب او اي حاجة للتمشية بره الاوضة وكمان قبل ما تدخلي اوضة العمليات عشان ممكن تكون الاوضة بتاعتك بعيدة عن اوضة العمليات وهاتبقي لابسة ساعتها لبس المستشفي ده وبس مش تحته اي حاجة.