شات حوامل مصر القمرات وتجهيزاتهم للبيبي لشهر ربيع الثاني

اه افتكرت
ايمي الكوثر ده فعلا ف قصر النيل
انا جبت بنطلون قماش من محل هناك كان عليه خصم كان ب50 بس طلع واسع عليا اوي هضيق رجليه
بس هو احلى بنطلون حمل قماش شفته
مش استك ولا كدا...لا نصه الي قدام الي على البطن كله بيتفك بالكامل...وكل جنب منه عليه 3 زراير بحيث انك تقدري تضيقيه على 6 مقاسات مختلفة
انا حالا لو حبيت البسه هضيقه على اصغر مقاس من الناحيتين
وكل مرحلة انقل زرار مثلا او حاجة

amatalrahman237;14662171:
سؤال للي ولدوا قبل كدة

هو انا اخد شبشب بلاستيك ولا فرو المستشفى؟؟؟؟
كمان هو البيبي محتاج مشمع؟؟؟؟

طبعا يا سمسمة لازم المشمع علي الاقل في السن الصغير وكمان هاينفعك جدا في الخروج اكتر من البيت سواء انتي عند حد في بيته او في حمام في اي مكان عشان تحطيه علي الرخامة مثلا وتنيمي البيبي عليه، ولو عند حد بدل ما يحصل غلطة ويبهدلك المكان عند الناس الغرب، لو في بيتك بقي انا بطلت استخدمه لما جوجو كبرت بقالي كذا شهر كتير وبتحكم بسرعة وبكون كده كده بنشفلها بالفوطة فبتبقي تحتها وبكون مجهزة البامبرز وفتحاه وكله عشن احطه عالطول، بس عارفة بقي بينفعني امتي كمان :lol::lol: لو حصلت وسربت وانا بره مثلا في مرة او في العربية بقوم مطلعاه واحطه علي رجلي وهي تقعد عليه عشان هدومي مش تلقط اي حاجة.


والشبشب بقي هاتي اي حاجة بس يستحسن حاجة مقفولة وتدفي او شراب كمان وتكون خفيففففففففففففة عشان التقيل مش هتقدري ترفعش رجلك بسهولة وتمشي وكده لو لا قدر الله قيصري بس ربنا يكتبلك الطبيعي يارب، بس بردو عشان تبقي خفيفة كده سواء كده او كده

نودي ازيك عامله ايه ..منورة التجمع ياقمر

ايمى هى جودى مشيت ولا لسه

ماحدش ياخد ريم يلاعبها شويه:badly:

راكبه ع قلبى وعماله تسرحلى شعرى بالمعلقه بتاعتها وقطعتهولى:hysterical:

ولما ازعقلها واقولها هاضربك

تقولى ماما قطع:worn_out:

@زهرة دبلانة@;14661838:

والله ياايمى انا بتحرى الحته دى جدا ف الاسامى وسميت جنى بناءا على كده وهيا كانت كنيتى وانا ف الجامعه ام جنى واحنا بنختار انا بحب اسم ياسمين مووووووووووووت فبقول لجوزى قالى جاسمن ممكن قلتله جاسمن بالانجليزى ؟؟؟قالى اه ده حلو جدا ورقيق ومن يومها لايمكن يغير الاسم ابدااااااااااا ياابنى فيه اسم كزا يقولى جاسمن طب اسم كزا يقولى جاسمن فقلت النصيب بقى

خلاص يبقي اتلكي علي الله وهو جميل ورقيق، وعلي فكرة متعرفيش ممكن علي اخر لحظة يغير رأيه او لما يجي يسجلها فعلا يكتب حاجة تانية

mesk_2005;14662142:
ربنا يكرمك ياحبيبتى بس قوليلى غاليه اد ايه يعنى بكم انا لسه ميح فى الحجات ديه
فمنكم نستفيد

بالنسبه للشنطه بقى انا هعمل زيكم كده بس فى سؤال هما فى المستشفى مش عندهم اصلا حاجه البيبى كلها يعنى الشامبو والزيت والحجات ديه
طيب احنا ناخودها معانا ليه اصل مرات اخويا لما ولدت كانوا بيحموا البيبى بالحاجه اللى عندهم فمش عارفه بقى قولت اسألكم

مش هفتكر دلوقتي بصراحة بس مثلا مثلا يعني لو الرينج الحلو انه يكون الواحدة ب 75 قرش مثلا لغاية جنيه فده ممكن يكون ب جنيه و25 او جنيه ونص كده فهماني فلما يكون باكت علي بعضه والاستهلاك الكتير هتفرق معاكي اوي خصوصا في المقاسات الكبيرة بقي لأن كل ما المقاس يكبر السعر بيعلي، بس عامة النوع التحفة بس يعتبر غالي مولفيكس وفيه كان بيبي وفيه سانيتا بامبي، بس انتي ابتدي بالكويسين الحلوين الاول ولو حثل ومش ريحوكي ابتدي بقي جربي وغيري وكده

اما حاجات المستشفي دي هرد عليها في مشاكرة لوحدها عشان كل البنات تاخد بالها من الكلام

kitty_kity;14663621:
ميرسي ياكتكت ربنا يخليكي
مامي بتقولي انها شافت جوانب السرير دي مرة ف هانو او ف محل من الي هما كانوا قطاع عام دول مش فاكرة
فهبقى اشوف لو ملقيتهاش هحاول انزل القاهرة اجيبها
لو ماعرفتش يبقى هفصلها وخلاص
ان شاء الله

كنت هقول حاجة كمان ونسيتها

بجد والله مكنتش اعرف انهم بيبعوا الحاجات دي فيهم، بس يبقي حلو اوي لو كده واظن هايبقي ارخص كمان

kitty_kity;14663640:
اه افتكرت
ايمي الكوثر ده فعلا ف قصر النيل
انا جبت بنطلون قماش من محل هناك كان عليه خصم كان ب50 بس طلع واسع عليا اوي هضيق رجليه
بس هو احلى بنطلون حمل قماش شفته
مش استك ولا كدا...لا نصه الي قدام الي على البطن كله بيتفك بالكامل...وكل جنب منه عليه 3 زراير بحيث انك تقدري تضيقيه على 6 مقاسات مختلفة
انا حالا لو حبيت البسه هضيقه على اصغر مقاس من الناحيتين
وكل مرحلة انقل زرار مثلا او حاجة

اه النوع اللي بزارير ده حلو اوي بس مش متوفر كتير نادر لما تلاقيه وفيه ناس بتبعت تجيبه من بره كمان بس ممكن مش يناسب كل البنات عشان فيه بنات بيزيدوا زيادةو فظيعة بجد

فراشه فى بيتها;14663668:
ماحدش ياخد ريم يلاعبها شويه:badly:

راكبه ع قلبى وعماله تسرحلى شعرى بالمعلقه بتاعتها وقطعتهولى:hysterical:

ولما ازعقلها واقولها هاضربك

تقولى ماما قطع:worn_out:

:lol::lol::lol: يا خلاصي يا توتو عايزة اشوفها البنت دي اللي بتطلع الكلام ده من بقها ما شاء الله، لا جودي لسه بردو عايشة في نفس الدور اللي ابتدته من شهرين تمشي وهي ساندة لكن لوحدها لسه

ايمى انا جربت سانيتا بامبى لريم وحلو فعلا

CuTie KaTkOoTa;14663686:
:lol::lol::lol: يا خلاصي يا توتو عايزة اشوفها البنت دي اللي بتطلع الكلام ده من بقها ما شاء الله، لا جودي لسه بردو عايشة في نفس الدور اللي ابتدته من شهرين تمشي وهي ساندة لكن لوحدها لسه

متشرده ربنا يهديهم افتحى الفيس بوك

بصى هى كده كويس لانها لسه مكمله السنه ريما مشيت ع سنه وشهر انتى اهم حاجه اديها الكالسيوم كويس وشجعيها امسكى اديها ومشيها فى الصاله



بس نصيحه هى كده احسن لما تمشى هاتقلببك الدنيا ريم اول ما مشت قطعتلى الورد كله:mad:

وكسرتلى علبة المكياج كانت جايالى هديه منه بره وخلتنى احطه فى دولاب الهدوم وخلتنى شلت كل حاجه حطاها ع التسريحه:Dمفارش وبرفانات وكللللل حاجه خلتها قرعه

بصوا بقي بالنسبة للمستشفي وانكم مش عايزين تاخدوا حاجات البيبي بتاعة الحمي ساعتها معاكم، فلا خدوهم للاحتياط لازم بدل ما تضطروا تنزلوا تشتروا تاني من هناك غير اللي عندكم في البيت، لأن كل مستشفي للأسف وليها نظامها ومتضمنيش هما ايه او ممكن تسأليهم قبلها ولو ان ممكن يحصل اي حاجة بردو وتغير النظام ساعتها، يعني دفتي كلنا اخدنا معانا واحتجناه علي اختلاف المستشفيات، بسي كل واحدة اختلف اللي اتطلب منها ساعة الولادة، يعني انا مثلا اخدوا الشامبو تقريبا وبسسسس حتي كنت واخدة زجاجة جونسون صغيرة ليهم ومرضتش اديهم سانوسان عشان ممكن مش يرجعهولي مثلا او يسرقوا منه وكده بجد والله مش بهزر، ومعظمنا اتفقنا اننا هنعمل كده ناخد انواع رخيصة وبسيطة وكمية صغيرة للممرضة غير حاجتنا احنا الغالية، ده اول حاجة غيري بقي في بنات قالوا اخدوا البيبي اويل كمان اطلب منهم ساعة الولادة عشان تقريبا بينضفوا به جسم البيبي بعدها، بس انا محتجتوش خالص كنت وخداه للاحتياط بردو، تاني يوم ليا في المستشفي بقي، النيرس جت وقالتلي جهزيلي حاجات جودي للحمي وكده، ودخلت حمتها في حمام اوضتي وانا جنبها عشان توريني طريقة الحمي الصح والماسكة علي دراعي والاتجاهات وكده وعشان المية مش تيجي في عينيها ولا ودنها ولا تتزحلق مني وطبعا استخدمت الشاور بردو وساعتها قالتلي بلاش صابونة خالص ليهم دلوقتي وبعدين طلعت لبستها علي السرير وورتني بردو ازاي انضف السرة واعمل البامبرز بس انا كان عندي خبرة وخلفية بردو الحمدلله كويسة

ايمى ام جوجو حاجاتك اكثر من رائعه بسم الله ماشاء قمه ف الرقه والذوق لسه كنت بتفرج عليها الوقتى عقبال ماتجيبى للتانى عن قريب يارب

بس ليا كام سؤال واستحملينى
بالنسبه للشفاط هوا عندى من ايام جوجو قليلى استخدمه ف اليوم ايه بالظبط واعمل ايه عشان ارضع الننه وكيفيه استعماله الصحيح واللبن اللى بيطلع منه اوديه فين؟؟ لان سدرى المره اللى فاتت كان قوالب طوب ربنا مايوريها لحد وقعدت اشطف اشفط هههههههههه

كمان الجيل اللى انتى حطاه بتاع ايه ؟
كمان الصابون اللى من سانسون حلوة وبتغسليلها شعرها بيها ولا ماينفعش
وكمان الليفه اللى ممكن احمى بيها الطفل ف بداية ولادته شكلها ازاى ؟
او احمى بيها جوجو انا بخاف عليها بحاول اغسلها بليفه ناعمه اوى بس مش عجبانى

كمان المشمع ده بييجى منين لفيت عليه مش لقياه ؟؟؟؟
الحاجه الاخيره رخمت عليكى موت معلش انتى اما تكونى بره بترضعى جوجو ايه ؟؟؟وعودتيها من امتى عشان تسكت لانى عايزة اغير نظامى اللى عملته مع جوجو وياترى كنتى بتسقيها بالليل ينسون وكده
معلش:o

فراشه فى بيتها;14663695:
ايمى انا جربت سانيتا بامبى لريم وحلو فعلا

فراشه فى بيتها;14663706:
متشرده ربنا يهديهم افتحى الفيس بوك
بصى هى كده كويس لانها لسه مكمله السنه ريما مشيت ع سنه وشهر انتى اهم حاجه اديها الكالسيوم كويس وشجعيها امسكى اديها ومشيها فى الصاله
بس نصيحه هى كده احسن لما تمشى هاتقلببك الدنيا ريم اول ما مشت قطعتلى الورد كله:mad:
وكسرتلى علبة المكياج كانت جايالى هديه منه بره وخلتنى احطه فى دولاب الهدوم وخلتنى شلت كل حاجه حطاها ع التسريحه:Dمفارش وبرفانات وكللللل حاجه خلتها قرعه

:lol::lol: فتحته اهو، ايوة فعلا هما مشيوهم بيجي علينا بخسارة ، اذا كانت دلوقتي وايديها بتاكلها اكلان فظيع ومش بتسمع الكلام واي حاجة في متناول ايديها بتمسكها وكمان انا عندي ورد بردو بس في فازة علي الارض اللي هو الطويل ده بس سادة عليها ومش بتعف توصله غير مرة بالغلط ولحقتها علي اخر لحظة، طيب انتي عارفة بقي ان فيه امهات بيعجبووووني جدا بس مظنش اني هقدر اعمل كده زيهم اوي او علي الاقل هحاول شوية، مش بيشيلوا اي حاجة خالص يا توتو وبيعودوا ولادهم من صغرهم انهم يشوفوا الحاجات دي حواليهم ويتربوا علي انها موجودة اه علي الترابيزة بس غلط نمسكها ومش بيقربولها فعلا فدي حلوة اوي بجد

انا المستشفى اللى ولدت ريم فيها حلوه اوى جابولى ريم مستحميه وريحتها شامبو وشاور وزى القشطه كده وماطلبوش منى حاجه

ع فكره امة الرحمن دى مستشفى الاهلى اللى هاتولدى فيها ان شاء الله ممتااااااااااااازه كل ما اشوف المستشفى ببقى نفسى اولد:D:D:D

كمان معلش ياايمى ايه احسن نوع بامبرز اجيبه للنونه ف البدايه ؟؟وبعد كده اغيره لايه ؟؟؟

والنيرس قالتلك بلاش صابون حتى لو جلسرين ؟؟؟؟ وشاور ايه بقى اللى حميتها بيه ؟ معقول الشاور اضمن من الجلسرين ؟

CuTie KaTkOoTa;14663737:
:lol::lol: فتحته اهو، ايوة فعلا هما مشيوهم بيجي علينا بخسارة ، اذا كانت دلوقتي وايديها بتاكلها اكلان فظيع ومش بتسمع الكلام واي حاجة في متناول ايديها بتمسكها وكمان انا عندي ورد بردو بس في فازة علي الارض اللي هو الطويل ده بس سادة عليها ومش بتعف توصله غير مرة بالغلط ولحقتها علي اخر لحظة، طيب انتي عارفة بقي ان فيه امهات بيعجبووووني جدا بس مظنش اني هقدر اعمل كده زيهم اوي او علي الاقل هحاول شوية، مش بيشيلوا اي حاجة خالص يا توتو وبيعودوا ولادهم من صغرهم انهم يشوفوا الحاجات دي حواليهم ويتربوا علي انها موجودة اه علي الترابيزة بس غلط نمسكها ومش بيقربولها فعلا فدي حلوة اوي بجد

انتى عارفه انا اختى كده ماشاء الله عليها عندها بنتين وماشاليتش ولا حاجه من مكانها

وانا عملت كده فعلا مع ريم بس ريم عنيييييييييييييييييييييييده فوق ما تتخيلى اول ما ابعد عنها اجى الاقيها فرشت الصاله ورد:mad:

بس دلوقتى بطلت الحمد لله بقى عندها مهام اكبر من الورد

انتى عارفه وانا بكتبللك دلوقتى سمعت دربكه فى الحمام دخلت لقيتها واقفه فوق التواليت:confused: :confused: :confused:

@زهرة دبلانة@;14663724:
ايمى ام جوجو حاجاتك اكثر من رائعه بسم الله ماشاء قمه ف الرقه والذوق لسه كنت بتفرج عليها الوقتى عقبال ماتجيبى للتانى عن قريب يارب

بس ليا كام سؤال واستحملينى
بالنسبه للشفاط هوا عندى من ايام جوجو قليلى استخدمه ف اليوم ايه بالظبط واعمل ايه عشان ارضع الننه وكيفيه استعماله الصحيح واللبن اللى بيطلع منه اوديه فين؟؟ لان سدرى المره اللى فاتت كان قوالب طوب ربنا مايوريها لحد وقعدت اشطف اشفط هههههههههه

كمان الجيل اللى انتى حطاه بتاع ايه ؟
كمان الصابون اللى من سانسون حلوة وبتغسليلها شعرها بيها ولا ماينفعش
وكمان الليفه اللى ممكن احمى بيها الطفل ف بداية ولادته شكلها ازاى ؟
او احمى بيها جوجو انا بخاف عليها بحاول اغسلها بليفه ناعمه اوى بس مش عجبانى

كمان المشمع ده بييجى منين لفيت عليه مش لقياه ؟؟؟؟
الحاجه الاخيره رخمت عليكى موت معلش انتى اما تكونى بره بترضعى جوجو ايه ؟؟؟وعودتيها من امتى عشان تسكت لانى عايزة اغير نظامى اللى عملته مع جوجو وياترى كنتى بتسقيها بالليل ينسون وكده
معلش:o

@زهرة دبلانة@;14663746:
كمان معلش ياايمى ايه احسن نوع بامبرز اجيبه للنونه ف البدايه ؟؟وبعد كده اغيره لايه ؟؟؟

والنيرس قالتلك بلاش صابون حتى لو جلسرين ؟؟؟؟ وشاور ايه بقى اللى حميتها بيه ؟ معقول الشاور اضمن من الجلسرين ؟

يا رورو اسألي براحتك يا جميلة، بصي الصابون هي مش رفضاه عشان غلط لأ، بس عشان بتقولي مش مناسب لبيبي لسه مولود وعايزة تحميه في ثواني عشان مش يبره ومش يتزحلق منك، لأن الصابونة مش بترغي بسرعة ولا جامد زي الشاور، ومش ناعمة زيه بردو وهايبره منك وهتضطري تطولي في الوقت، انتي عارفة ان لغاية دلوقتي مش بعمل لجوجو بيها خالص، ممكن تخليها للكيكي وكده بس بقي لما تكبر شوية بردو، وانا جايبة لغاية دلوقتي شاور وشامبو مع بعض سانوسان ولما هاجي اغيره هجب الاول بردو سانتوسان بتاع الكيدز اللي هو له ريحة بقي جميلة اوي بس ليه مش عارفة من سان كام تقريبا سنيتن.

المشمع بقي بيكون في محلات الاطفال عادي غريبة انه مش موجود، بس انا جبته من التوحيد والنور ساعتها وفيه انواع اغلي منه عشان بتكون ليها زي مخدة صغنونة فوق كده للراس وفيه انواع بتبقي وش بشكير ووش مشمع، وكمان في شنط بيبي بيجي معاها زي شنطة جودي كده.

الاعشاب كنت بديها بيبي درينك المشكل ده عشان كانت بتتقبله وتشربه الحمدلله لكن بيبي كالم لأ معجبهاش نهائي، ومجربتش اديها اعشاب منفصلة خالص، بس كنت بديها وقت المغص او قبل النوم او لما اخرج ومفيش مكان ارضع فيه في الوقت نفسه ساعتها فكنت بس بديها الاول اعشاب تسكتها وتهديها شوية كده لغاية ما اوصل مكان اعرف ارضع فيه، ولما كبرت شوية بعد الرابع يعني بقيت اخد معايا سريلاك او عصير كده يعني وبعدين زبادي حسب السن اللي وصلتله، حاليا بمشي بكل الاكل بتاعها في الشنطة :lol::lol:

الشفاط بقي انا مكنتش هجيبه ولا كنت ناوية اعمش النظام ده، بس الدكتور هو اللي كان طلبه مني في مرة عشان بس يشوف معدل اللبن عندي كويس ولا متوسط ولا قليل عشان يشوف وكده هايكفي البيبي ويشبعه ولا لأ، في الاول خالص ، وساعتها قلت مادام كده يبقي اجيب نوع رخيص مادام مش هستخدمه في حاجة تانية، بس بعدها قلت طيب ما ممكن ابقي اشفط لو اتنزقت اوي للخروج وكده، بس محبتش بصراحة عشان موضوع المواعيد بتاعته دي ، يعني هي ممكن تنام نومة طويلة وانا بره ساعتها اللبن يكون باظ ومش ينفع ويبقي حرام عليا فضيت البريست عندي وفي الاخر اترمي، بس هو فيه منه انواع، في بيجي لوحده وفيه معاه ببرونة متوصلة به زي بتاعي ده فبتفطي وينزل فيها عالطول وكده مش بيدخله اي تلوث الحمدلله، ولما تخلصي تقفلي التنيبلز بتاعتها وتديها منها عالطول.

الجيل بتاع جيليت قصدك؟؟ لو هو كنت جيباه عشان اعمل به شيفينج للمكان تحت عشان هو معمول اصلا للمكان الحساس وخفيف عليه وكان حلو اوي بجد وبقيت اعمل بقي كمان جسمي ورجلي وكله ساعتها وعايزة اجيب منه تاني دلوقتي عشان خلص.

استني هكملك باقي الاجوبة بس قلت الحقك قبل ما تمشي وارد عليكي في شوية حاجات

تسلمي ياايمي بجد كلامك بيفيدني جدا
ربنا يسهل والاقيه لان بجد نفسي اظبط شكل السرير
وف الوقت نفسه مش عايزة اصرف عليه اوي علشان اجيب واحد بداله :)
لانه صغير واكيد هيصغر بسرعه

ربنا يخليك ريم ياارب يا فراشه

ايمى وحشاااااااااااانى اوى اوى اوى اوى اوى عامله ايه وجوجو عامله ايه معاكى يارب تكونوا بخير
بس ايه كل الحاجات والتعليمات اللى المفروض نعملها ساعة الولاده دى واللبس وكده انا ما عرفش اى حاجه من دى و ايه الشفاط ده كمان وازاى يعنى الواحد يشفط اللبن من صدره انا مش متخيله
وكمان حكاية السره وتغييرها دى شكلها صعب ولا ايه
ربنا يسترررر والبيبى ما يتبهدلش معايا لانى فعلا ما اعرفش اى حاجه نهائى

ازيكم يابنات
بجد انا حزنت اااااااااااااااااوى على جرين ربنا يعوضها خير ياااااااااااارب

وترمى اللبن ليه يا ايمى ما ينفعش تشربيه انتى ههههههههههه