كل يوم هنتكلم عن موضوع جديد لصحه طفلك....الجزء التانى

ام سيمو ازيك
عندى سؤال خاص ببنوته اخو زوجى هى عندها اربع شهور وكام يوم بدأت تأكلها بسكوت مارى بالشاى " ومتسأليش ازاى وليه " النهارده طلع لها شويه بقع حمرا كده فى وشها هى مش كتير بس باينه ده سببه ايه ؟؟؟

بالنسبه لحور هى الحمد لله كويسه بس النهاردة بتكح يمكن اربع او خمس مرات اديها ايه؟؟

دينا هو الطفل في سن 3 سنوات المفروض ينام كام ساعه ف اليوم

معاذ بينام بالليل 10 ساعات بالكتير يعني ومش بينام بالنهار خالص
هو كده قليل اوي ولا ايه

ولو نام بالنهار مش بيكمل الساعه وبيصحى



اخويا بيقول لي كده احسن اللي بينامو قليل الاذكيا ههههههههههههههههههههههههههههههههههه
بس انا ببقى عاوزاه يناااااااااااااام عشان بتعب منه جداااااااااااااااااااااا

هههههههههههههههههههه كاتوو و ام سيمووو شيلتونى هم كلام الناس لما انزل مصر اوووووووووووف بجد شايلة همه و فكرتوونى انا و انا صغيرة مشيت متاخر على سنة و نص و عمتى (اصلها كانت طيبة اوى8o|:D) كانت تقول لماما لا بنتكوو دى هتطلع مشللوولة ههههههههههههه

katkooota_7aboooba ام حــور;14885961:
ام سيمو ازيك
عندى سؤال خاص ببنوته اخو زوجى هى عندها اربع شهور وكام يوم بدأت تأكلها بسكوت مارى بالشاى " ومتسأليش ازاى وليه " النهارده طلع لها شويه بقع حمرا كده فى وشها هى مش كتير بس باينه ده سببه ايه ؟؟؟

بالنسبه لحور هى الحمد لله كويسه بس النهاردة بتكح يمكن اربع او خمس مرات اديها ايه؟؟

طبعا انا مش محتاجه اقولك ان الشاى مش كويس للاطفال
انا مش عارفه ليه الناس عندها اعتقاد ان الشاى حاجه كويسه
البقع دى شكلها عامل ازاى يعنى حبووب صغيرة كده زى قرص الناموس و لا بقع كبيرة و زادت ولا لا؟

بالنسبه لحور بقى اديها herba cough
معلقه صغيرة 3 مرات
هوا دوا تركيبته اعشاب
و طبعا متنسيش السوايل الدافيه

*Om Mo3az & Eyad*;14886432:
دينا هو الطفل في سن 3 سنوات المفروض ينام كام ساعه ف اليوم

معاذ بينام بالليل 10 ساعات بالكتير يعني ومش بينام بالنهار خالص
هو كده قليل اوي ولا ايه

ولو نام بالنهار مش بيكمل الساعه وبيصحى



اخويا بيقول لي كده احسن اللي بينامو قليل الاذكيا ههههههههههههههههههههههههههههههههههه
بس انا ببقى عاوزاه يناااااااااااااام عشان بتعب منه جداااااااااااااااااااااا

الطفل فى سن 3 سنين ينام من 11 ل 12 ساعه
يعنى هو كده تمام متقلقيش
عايزة تنيمى الواد بالعافيه ليه ;)
سيبيه يلعب و ينبسط:):)

Bossy22;14887364:
هههههههههههههههههههه كاتوو و ام سيمووو شيلتونى هم كلام الناس لما انزل مصر اوووووووووووف بجد شايلة همه و فكرتوونى انا و انا صغيرة مشيت متاخر على سنة و نص و عمتى (اصلها كانت طيبة اوى8o|:D) كانت تقول لماما لا بنتكوو دى هتطلع مشللوولة ههههههههههههه

ههههههههههه انا متخيله احساس مامتك و هيا بتسمع الكلام ده

متشيليش هم ولا حاجه تعالى و اسمعى من ودن و طلعى م التانيه

sweetyronaaa;14885443:

بصي انا هرد عليكي في موضوع الكلام
انا بنت اخويا اكبر من بنوتك بشهرين تقريبا هي برده بتقول كلمات كتير بس مش بتقول جمل و اللي اعرفه ان الجمل المفروض تقلها من سنتين
و السنان بنت اخويا مطلعه 6 سنان و الدكتور بيقلها ده طبيعي لسه

تسلمى يا رونا والله انا قلقانة فعلا بس هى بتقول كلام حلو على قدها بس هما تقول جمل مفيدة زى ماما انا جعانة:lol::lol:
برغم ان اميرة لو فضلت طول اليوم من غير اكل ولا هتعيط هى عايزة كدة فبقولهم اميرة لايمكن تقول الجملة دة خالص :D

OM SIMO;14885685:
متخافيش يا كاتو بدال معملهاش مغص و لا حاجه يبقى مفيش مشاكل بس خللى بالك المرة الجايه

بالنسبه للكلام البيبى المفروض على سن سنه يقول كلمه او كلمتين ليهم معنى
و على سنه و نص يقول 6 كلمات
و على سنتين يقول جمله مكونه من كلمتين او تلاته
طبعا فى اطفال بتتكلم قبل كده و فى اطفال بتتاخر عن كده انا بتكلم على الرينج يعنى
انتى على قد متقدرى اتكلمى قدامها كتير و خليها معاكى فى كل حته احكيلها انتى بتعملى ايه و شاوريلها ع الحاجات باسمها

بالنسبه للناس بقى احسن حاجه انك تسمعى من هنا و تطلعى من هنا عشان اعصابك متتعبش
يا بنتى الناس دى اساسا مبيعجبهاش العجب انا كانت فى واحده بتيجى كل شويه تفورلى دمى و الله و سما عندها شهرين كانت تقعد تقولى ايه دا البنت مبتقفش على رجلها ليه امال انتى دكتورة ازااى:mad::mad::mad:
و جات على 6 شهور تقولى دى المفروض تكون بتمشى طب اقولها ايه دى8o|
بجد كنت بمسك نفسى بالعافيه بس بعد كده بقيت احط اعصابى فى تلاجه و مردش عليهم اصلا

بالنسبه للسنان مازلتى فى الطبيعى متقلقيش خليكى على الكالسيوم و الفيتامين شويه كمان

تسلمى يا قلبى طمنتينى لا اميرة الحمد لله بتقول اكتر من 6 كلمات والحمدلله وممكن لو فضلت اقول كلمة قدامها كتير تنطقها بس مش دايما لو كانت الكلمة خفيفة بتقولها ;)
وبعدين طفل اية اللى يمشى من 6 شهور هما بيبدأو يعقدوا على 6 شهور الناس القديمة محسسنى ان احنا خيبانين كدة ومش عارفين نعمل حاجة :sick:
ربنا يهدى

Bossy22;14887364:
هههههههههههههههههههه كاتوو و ام سيمووو شيلتونى هم كلام الناس لما انزل مصر اوووووووووووف بجد شايلة همه و فكرتوونى انا و انا صغيرة مشيت متاخر على سنة و نص و عمتى (اصلها كانت طيبة اوى8o|:D) كانت تقول لماما لا بنتكوو دى هتطلع مشللوولة ههههههههههههه

:lol::lol::lol:
مشلولة مرة واحدة يا ساتر يارب انا ممكن لو حد كان قلى كدة انهار انا بصدق بسرعة :lol:
لا وماتشليش هم حاجة هما كلمتين ولازم تسمعيهم :lol: جهزى نفسك والله حتى لو بتمشى وتتكلم هيطلعولك اى حاجة تحرق دمك وخلاص :lol:

dandona om jou;14881458:
الف سلامة على جودي العسل يا كتكوتة ربنا يشفيها يارب و تبقى زي الفل ان شاء الله

الفراخ تتاكل ازاي ليوسف مع شوربتها و لا تتنسر و اديهاله و لا ازاي طريقتها بالله عليكو

تسلمي يا دندن ربنا يخليكي، الله يسلمك يارب، انا الفراخ كنت بسلقها بالمية وبس وبعملها مخصوص ليها في الاول كده، وكنت بسويها كويس جدا عشان تبقي طرية عليها شوية لن الصدر بطبيعته اصلا رخم في مضغه، وكنت بحطها مع لسان العصفور مثلا او الخضار عشان تتبلع بسهولة وكده لكن السمك ممكن لوحده عادي لو طري وسهل، وساعات كنت بحط جزء من المية بسيط خالص بتاعة السلق معاها تتطريها بردو وطبعا كان اساسي عندي احط كمون علي الال بتاعها بس وقت ما اجي اكلها بس مش في السوا عشان مش يمرر

*Om Mo3az & Eyad*;14883882:
ان شاء الله يا ايمي تبقى كويسه
ربنا يطمنك عليها يارب ويبالك لك فيها

تسلمي يا ايمي يارب، امبارح كله شافها وصعبت عليهم اووووي، بس الحمدلله الورم خف كتير بس لسه شوية بردو والتعويرة نفسها بقي لونها بان اكتر واغمق في الشفة نفسها والجزء اللي فوقها كمان اللي تحت المناخير

sweetyronaaa;14885443:
كتكوته الف سلامه على جودي ربنا يشفيها و يعافيها

الله يسلمك يا رونا يا جميلة تسلمي يارب

OM SIMO;14887822:
بالنسبه لحور بقى اديها herba cough
معلقه صغيرة 3 مرات
هوا دوا تركيبته اعشاب
و طبعا متنسيش السوايل الدافيه

دندن طيب ايه الفرق بين الدوا ده وبين اللبوس بتاع مينوفيليين تقريبا يارب اكون فاكرة صح

هى شبه قرص الناموس كده بس صغيرة فى وشها بس ةزى ما قلتلك مش كتير
بالنسبه للشاى انا قلتلهم كتير بس نعمل ايه اصلهم صعايدة" اجدع ناس طبعا" بتقولى احنا متربين عليه
جزاكى الله خيراً

ام سيمو ازيك ياقمر
كنت عاوزة اسالك هل البدى باتر مضر البيبى عشان خاطر الرضاعه الطبيعية اصلى بدهن جسمى منه كتير فهل غلط ؟

CuTie KaTkOoTa;14888040:


دندن طيب ايه الفرق بين الدوا ده وبين اللبوس بتاع مينوفيليين تقريبا يارب اكون فاكرة صح

الفرق بينهم انا مينوفيللين دا موسع شعب بيتاخد مع دوا الكحه لما تكون الكحه جامده و معاها تزييق
انما الهيربا كوف مهدىء للكحه و تركيبته معظمها اعشاب و معاها نسبه من الباراسيتامول
بيكفى لوحده لما تكون الكحه خفيفه

katkooota_7aboooba ام حــور;14888066:
هى شبه قرص الناموس كده بس صغيرة فى وشها بس ةزى ما قلتلك مش كتير
بالنسبه للشاى انا قلتلهم كتير بس نعمل ايه اصلهم صعايدة" اجدع ناس طبعا" بتقولى احنا متربين عليه
جزاكى الله خيراً

جزانا و اياكى يا ام حور
مش شرط على فكرة تكون حساسيه ممكن يكون من قرصه ناموسه ولا حاجه
هيبان لو اكلت بسكوت تانى لو ظهرت تانى او زادت يبقى بسبب حاجه من مكونات البسكوت

sally2007;14888725:
ام سيمو ازيك ياقمر
كنت عاوزة اسالك هل البدى باتر مضر البيبى عشان خاطر الرضاعه الطبيعية اصلى بدهن جسمى منه كتير فهل غلط ؟

لا يا سالى مش مضر ولا حاجه بس طبعا مش تدهنيه ع البريس

ام سيمو انا عايزة اعرف وزن يوسف المثالي دلوقتي المفروض يكون كام هوا كان مولود 2.870

سلام موضوعك رائع يا ام سيمو اهه نشوف الامهات والمشاكل اللي بتقابلهم ونستفيد من تجارب بعض
انا كنت عايزه أسألك لموره عندها حرارة مرتفعة واخدتها للدكتورة النهارده وقالتلي التهاب في ودنها وحاديها مضاد بس السؤال ينفع بعد ما تبقى كويسه اروح ازور خالي هو مربي في بيته قطط وانا خايفه تكون طالعه من مرض واروح ويجيلها حساسية من القطط
وتاني حاجه بصراحه انا سألتك ليه الدانيت مش كويس لاني بدأت أدي بنتي منه من قبل ما أسألك واديتها برضو جبنة كيري يعني الدكتورة ما سألتهاش عن الحاجات دي بالتديد بس سألتها في حاجه ما تنفعش دلوقتي قالت لا بس بياض البيض والسمك نأخره شويه فإيه رأيك يا عسل
ولموره الاموره جبت لها فرشة الزحف بتاعة الاطفال ولما باحطها عليها على بطنها تفضل دقيقتين وبعدين تعيط انا باحطها لاني عايزاها تبدأ تتقلب وتزحف فاعمل ايه برأيك
ومتشكره مقدما يا عسل

dandona om jou;14891482:
ام سيمو انا عايزة اعرف وزن يوسف المثالي دلوقتي المفروض يكون كام هوا كان مولود 2.870

على وزن الولاده يكون وزنه دلوقتى من 6 ل 8 كيلو ان شاء الله

beauty lady;14893979:
سلام موضوعك رائع يا ام سيمو اهه نشوف الامهات والمشاكل اللي بتقابلهم ونستفيد من تجارب بعض
انا كنت عايزه أسألك لموره عندها حرارة مرتفعة واخدتها للدكتورة النهارده وقالتلي التهاب في ودنها وحاديها مضاد بس السؤال ينفع بعد ما تبقى كويسه اروح ازور خالي هو مربي في بيته قطط وانا خايفه تكون طالعه من مرض واروح ويجيلها حساسية من القطط
وتاني حاجه بصراحه انا سألتك ليه الدانيت مش كويس لاني بدأت أدي بنتي منه من قبل ما أسألك واديتها برضو جبنة كيري يعني الدكتورة ما سألتهاش عن الحاجات دي بالتديد بس سألتها في حاجه ما تنفعش دلوقتي قالت لا بس بياض البيض والسمك نأخره شويه فإيه رأيك يا عسل
ولموره الاموره جبت لها فرشة الزحف بتاعة الاطفال ولما باحطها عليها على بطنها تفضل دقيقتين وبعدين تعيط انا باحطها لاني عايزاها تبدأ تتقلب وتزحف فاعمل ايه برأيك
ومتشكره مقدما يا عسل

تسلمى يا حبيبتى

بالنسبه للقطط دا ملوش علاقه بتعبها بس الافضل طبعا تخليها بعيد عنهم لان ممكن لا قدر الله يجيلها حساسيه من الفرو بتاع القطه
و الدانيت بلاشه دلوقتى زى مقولتلك اصبرى عليه شويه

و بالنسبه للزحف ايوة هما فعلا مش بيحبو ينامو على بطنهم انتى تحاولى تحطى لعبه بعيده عنها شويه بحيث تحاول توصلها و برضه حاولى من وقت للتانى تنيميها على بطنها دا بيساعد على تقويه عضلات رجليها و رقبتها و تحطيها فى وضع الزحف
و هتلاقيها هيا تفاجئك مرة واحده بانها الاول تقف على ايديها و رجليها و تقعد تحاول تهز نفسها و بعدين تبدا تتحرك خطوة
مع العلم طبعا ان فى اطفال مش بتمر بمرحله الزحف و بتقف تسند و تمش على طول

بنات اعزرونى لو اتاخرت عليكو فى الرد عشان هرجع الشغل من بكرة وهقابل المدير تانى ربنا يستر:(:(
بس على قد مقدر هحاول اكون متواجده و مش هقصر باذن الله

يعني اقل حاجة يا ام سيمو في الوزن 6 و اكتر حاجة 8 طيب لو اقل من 6 او اكتر من 8

OM SIMO;14897119:
على وزن الولاده يكون وزنه دلوقتى من 6 ل 8 كيلو ان شاء الله





تسلمى يا حبيبتى

بالنسبه للقطط دا ملوش علاقه بتعبها بس الافضل طبعا تخليها بعيد عنهم لان ممكن لا قدر الله يجيلها حساسيه من الفرو بتاع القطه
و الدانيت بلاشه دلوقتى زى مقولتلك اصبرى عليه شويه

و بالنسبه للزحف ايوة هما فعلا مش بيحبو ينامو على بطنهم انتى تحاولى تحطى لعبه بعيده عنها شويه بحيث تحاول توصلها و برضه حاولى من وقت للتانى تنيميها على بطنها دا بيساعد على تقويه عضلات رجليها و رقبتها و تحطيها فى وضع الزحف
و هتلاقيها هيا تفاجئك مرة واحده بانها الاول تقف على ايديها و رجليها و تقعد تحاول تهز نفسها و بعدين تبدا تتحرك خطوة
مع العلم طبعا ان فى اطفال مش بتمر بمرحله الزحف و بتقف تسند و تمش على طول

هو ده اللي مخوفني يا قمر ان الفرو يسبب لها حساسية لا سمح الله
وانا باعمل لها كده باخلي اللعبة بعيدة عنها وكلامك صحيح انا عارفه ان في عيال مش بتزحف بتقف على طول انا واخويا واختي كده
متشكره يا عسل وربنا ييسر امورك مع مديرك النكدي

http://forums.3roos.com/showthread.php?p=14906572#post14906572

بقلك يا دينا
هو امتى اقدر اظبط نوم ادهم و اخليه ينام زى البنى ادمين الطبيعين بليل و يصحي بالنهار
هو دلوقتي مبينمش قبل الساعه 4 و نص او 5 الفجر
نفسي ينام بليل

sweetyronaaa;14915556:
بقلك يا دينا
هو امتى اقدر اظبط نوم ادهم و اخليه ينام زى البنى ادمين الطبيعين بليل و يصحي بالنهار
هو دلوقتي مبينمش قبل الساعه 4 و نص او 5 الفجر
نفسي ينام بليل

lن دلوقتى يا رونا ابداى معاهعشان يتعود على روتين النوم بالليل خديه كل يوم على الساعه 12 كده و ادخلى بيه فى الاوضه تكون هاديه و اضائتها خفيفه و حاولى معاه تنيميه بس تكونى مرضعاه و مشبعاه كويس و لو بيجيله مغص تكونى مدياه الدوا
هو طبعا مش من اول يوم هيتعود و ينام هو هيدوخك فى الاول بس متياسيش خليكى وراه و اتعبيلك يومين تلاته و بعد كده هتلاقيه هو من نفسه جه فى الوقت ده و بدا ينام



بناات انا عارفه انى مقصرة جدا جدا معاكو معلش فى اقرب وقت هنزل باذن الله مواضيع جديده

ولا يهمك يا ام سيمو ربنا يكون فى عونك


انا بعمل شويه حاجات لحور اكل يعنى فقلت اكتبه هنا يمكن تستفيدو منه
بعملها رز بالبسله والجزر والكوسه وقطع فراخ بانيه بيبقى طعمه حلو ومفيد وساعات باكل معاها كمان
وممكن مرة او مرتين فى الاسبوع بقلب زبدايه مع مربع جبنه كيرى مع صفار بيضه بيبقى مفيد وطعمه حلو بردو

طيب بقلك يا ام سيمو احطه يعني علي السرير و اسيبه لغايه ما ينام و لا ايه
اصل ادهم مش بيعرف ينام الا و هو بيرضع
و كمان هو لو استنيت شهر كده هيبقي صعب انى اعوده
اصلي دلوقتي عند حماتى و طبعا لما بيسمعوه بيزقزق بس الدنيا بتتقلب عليا و ببقي وحشه
و كمان حماتى مش مقتنعه خالص انه مينفعش يقعد و يقف و ان كده خطر على رجله و ضهره
و كل ما تشيله تقعده او تسنده على رجله و غلبنا انا و جوزو نقلها بلاش كده
تقلنا هو بيحب كده
هو كده خطر عليه و لا ايه انا بحاول مقعدوش معاها كتير بس خايفه اوى على رجله و ضهره