بيتنا الحادي عشر/فيه التفاؤل منتشر/بيت السنعات ربي يحميهم من كل شر /لشهر ربيع الاخر

‏احبك الهي, ‏جداويآ يا ابويآ, ‏عالم الاسرار, ‏كوامن الليل, ‏earth angel, ‏روحــــــ تحبك ـــــــي

كل هذول معاي يابختي بس :adore:

توني تعشيت وغسلت المواعين ورتبت ورفعت البيت وكنست الصاله باقي اابخر بيتي بس شكلي بكره ببخره

انوثه شكلكم والله اعلم ناقلين لبيت ثاني يارب يكون حدسي صح

والزبيب حتى احنا مع االقهوه ناكله او بدونها مره حلو لفقر الدم واللي عندها نقص حديد

لي عوده

ما جاني النوم جالسه أكتب أفكاري و أفر في النت أدو ر على أفكار تساعدنا في تغيير الجو على أخواني وعشان أساعد أمي وأبوي فيهم
سبحان الله .. أخواني زمانهم غييير زمانا رغم أنه مو ذاك البعد
بس أحسهم مره متعبين أهلي .. ما كنا كذا أول
الحمد لله صالحين وما يخلون صلاة المسجد حتى الفجر لكن عندهم طاااقه ونشاط في كل شي
أول ما يجون من برا يبدأ الإعصاار في البيت الله يصلحهم ..
تقول أمي إذا جلسنا مع بعض جلسه عائلية وكلاً يقول اللي في خاطره حتى لو في ورقه تقول تتحسن أمورهم ويصيرون أهدأ
ومتعاونين أكثر .. وإذا عصبنا عليهم يتغيرون صح مو بقلة أدب لكن نفسي يكونون أهأ من كذا
يهتمون في مستقبلهم أكثر

جوجو\
أنتي هوووون ..
وينك ماعاد حصلتك ع المسن ؟

بروح افرفر شوي

تصبحون على خير
وراي قومه بدري
أشوفكم على خير

جوجو _
لو يدري عني كان محاضرات وندوات_بنتي تناظرني وانا متحمسه ومستغربه_
يكره الكوره كره العمى

يسعدلي مساكم..

جوجو..لا ما اكل الزبيب ابدا !! ما احبه!!

وحنا ما نحطه الا مع كشنة الرز فقط..

عاد تصدقين لولو تحبه!!! شكلي بجيب لهم لأنه مره مفيد..

تغسلونه قبل تقدمونه؟ والا زي المكسرات ما يغسل!!؟

خلود.. هههه ايه بنتي اللي لابسه القبعة..

وش رايك باصابعها خخخخخخ..


يا حبي لكم..عجبكم شغلي ^_^ زين طلعت لكم الصور وما ارتز الضفدع بدالها..
____________________

يومياتي..

بعد اخر رد..سكرت الجهاز.. وركبت على قهوة..

وسويت كيكة تمر..و خمس قطع بيزا..

لبست بناتي.. وجهزت شنطة روفة..

وقطعت سلطة لزوجي وغلفتها وحطيتها بصينية وحطيت له بيزا..

تغدى عليها اول ما رجع.. وعلى بال ما خلصت مجهزة اغراضي طلعنا للحديقة..

متفقين الحريم يتغدون فيها شغلات خفيفة..

حطنا زوجي ورجع للبيت..

وتقهوينا وسولفنا وتمشينا بعد ما تغدينا..

هالحديقه حلوة ..ذكرتي بفكتوريا بارك.. اول مره ادري عنها!!!!!

مع اني دايم اسئلهم عن حدائق حلوة!!!

المهم..قعدنا فيها لما الساعة ست.. كلمت زوجي يجينا..

وبعد ما جا دق علي وطلعت له..طبعا تخبرون البزران ما يحلا اللعب الا باللحظات الاخيرة..

وساعه وانا انادي لولو.. لين جت وهي تبكي!!!

لما فتحت باب السيارة لقيت زوجي مطرطع..ومعصب!!!!!!!!!

وانا يديني مثلجه.. ما اقدر استعجل بتنزيل رهف من العربانه..واسفط العربانه واحطها بالشنطه..

والاخ بس يتذمر وينطل كلام!!! [COLOR=olive]بصاقه ورفاله ومن هالكلام..[/COLOR]

انا هنا عصبت..وقلت وانا اسكر الشنطه بقوة.. ما عجبك قم عاوني بدل ما انت قاعد..

بسم الله منه ومن عيونه اذا عصب.. يخوف..

يوم ركبت قعد يهاوشني..ويقول:وش قلتي.. لسانك طايل..وش قلتي..

وانا: ما قلت شي..

وبنفسي اقول..اذا ما تبينا نطلع للحديقه قل "لا" وبلا هالتنكيد!!!!!

وه بس الله يهيده يا كثر ما ينكد علي طلعاتي..

رجعنا للبيت وهو يتوعد ما يبي يسمع صوت..

ظفيت حوستنا.. وغسلت المواعين.. وسخنت لبناتي بيزا..

وقعدت معاهم بالصالة ومسكرين الباب علينا..

ثم قمت وزعت الغسيل..وبديت فيه.. ثم ركبت على العشى..

<<في العاده ما نتعشى بس هالمره الغدا كان خفايف وعشان لا يلقى علي زلة..

نامن اميراتي عدا جود..

قطعت سلطة.. ورقيت النايمات ومريت زوجي اقول له يتعشى..

ونزل يتعشى..وقعد يسولف مع جود لين طاح الحطب..

ظفيت السفرة..وغسلت المواعين وكملت الغسيل..

وطبقت اللي نشف وحطيته بالدولاب..

حليت واجباتي اللي من زماااان مهملتهن..

وجيتكم..انتظر الساعه تجي 12 عشان ابلع حبتي..

وتصبحون على خير..

صباح الخير...
اخباركم؟؟....
وين العروس؟؟....خخخخخخخ
*********
انثى>>اما لقيتو بيت....او...بتروحي لعند اهلك؟؟....خخخخ
والله غاليه...وكل البنات...
******************
خلود>>مبروك الد اس ال...
***********
جداويا-روحي-سلخير>>ماشاء الله عليكم.....
************
بقية البنات>>قواكم الله....انا و(ماي هاسبنز)....بيننا اتش...والفاظه صايره تنرفز....ويهينني لدرجة الغليان...
واليوم لازم احزم الامر...

اخذ الكونكت عناد فيني...وطلعته بعد ماراح الدوام ودخلت عليكم....

قاعد يهينني ويهين اهلي....وانا كنت كتاب مفتوح له من بداية زواجي....وهو صامت...

حسيت نفسي البارحه...انني جاريه مو أمرأه...

يارب تستر>>ماقلت هذا لكي تقلقو...لاوالله...
من باب الفضفضه....واحتمال انقطع...

الامور تبين نتيجتها عالعصر...

بنات ليبيا>>طمنونا عنكم...
باخبار اذاعة القرآن...سمعت بان القصف ع مصراته والعاصمه...والله خفت عليهم مرررره...
*****************
روز>>شغلك روووووووعه...حمستيني اكروش...
عندي العده...وماسسويت شيء

ياصباح الورد والفل علي احلا حبايب علي قلبي ياجعلي مااذوق حزنكم يومياتم تهبل نشاط وابداع

امس قمت الصباح لبست حبيبي وافطر وطلع الله يحفضهم وافطرت وشبيت علي الغساله وطلعت دجاجه وبعدها نشفتهم ورجعت انام علي الساعه 11صحيت انا وبنوتيي وغيرت لها وجلست تلعب وانا ارتب البيت بعدها سفطت الملابس.
اليوم عاد ناويه اكوي ماعندي شي مميز بس احتمال اسوي العشا تورتيلا واروح بها معي لخالتي ووبسسسس.

السلام عليكم
رووووز
ماشاء الله القبعه حلوه
روحي
سلامة أخت زوجك لما قلتي الصغيرة أفتكرتك العام لما سويتي لها المكياج عشان حفلة المدرسه

شروق
هلا بيك وبنتك جارتك أكيد أبا الوجه الله يشفيها
أنوثه
هلا وغلا أكيد أفتقدناك وحاسه أنك مشغوله بالبيت الجديد صح;)
مايمدحني
هلا بيك نورتي الله يصلح مابينكم ولاتكوني حساسه لأن فترة الحمل الوحده تكون حساسه بزياده
خيط من حرير
صباح النور والسرور
بنات الي عندها خبر عن فوفو مهاوي تطمنا ماصرت أتابع الأخبار نفسيتي تتعب

انوثه حمستيني اعرف وش اللي مسعدك عساها دوم
تصدقين هالايام افكر فيك
...........................
همس اخبارك ياقلبي
.....................
شروق ضاق صدري على بنت جارتك الله يشفيها

صباح الورد على احلى ورد

اشكركم من اعماق قلبي وربي ماعندي وقت اذكراسامي

وانا ارسلت لجارتي الوصفه (مدري مين كتبها اللي فيها حبة سوداء وزنجبيل ...الخ

ويارب يشفي بنتها ياعمري 3 سنوات توها

موفقين بنات انثى يارب دوم الفرحه ومايمدحني اعوذ بالله وش جايكم ربي يهدي سركم

بنات زواج اختي بعد 3 اسابيع اللي ودها تشرفني من بنات الرياض حياها

سلخير وينك اضفتك في البلاك عشان نشجع بعض نكنس مطابخنا للي بالحوش خخخخ

ظهر الخير على القمورات
امس صحيت الساعة 10 ونص اعتبرة انجااااااااز من زمان عن الصحيان بدري اخذت دش سريع وسويت شاي وسويت سندوتشات بالجبن والعسل افطرنا انا وامي وكنست الصالة وغسلت واحد من الحمامات ومسحت الاسياب بماء وصابون وكلوركس وشطفتها بكوفرت الوردي
صليت الظهر ومسحت الطاولات والمداخل واللوحات والتحف والتلفزيونات صار البيت يلق بعدها سويت قهوة وجلسنا نتقهوى والساعة
3 سويت الغدا صينية دجاج بالفطر اتغدينا بعد العصر صليت العصر وجلست ع النت الى 5 سويت قهوة لامي جوها جاراتنا وسويت معاها
كيكة التمر سويت بعدها لهم شاي وماراحو الى العشا اتفرجت بعدها ع المباراة وبعد ماخلصت غسلت مواعين القهوة والشاي جاب اخوي العشا
كباب واتعشينا ونظفت المطبخ من الى غسيل البوتجاز والارضيه والمواعين الوسخة شغلت المروحة وجلست ع النت الى 2 ونمت بعدها
اليوم صحيت 10 افطرت واتفصحت نت وكنست مجلس الحريم ورتبته
ومسحت الطاولات وبخرته وبخرت باقي البيت وكنست غرفة المعيشة ونفضت التكايات والمساند وغسلت الحمامات وعطرتها بعطر بالورد
ومحتارة اش اسوي غدا افكر بالبروست