بيتنا الحادي عشر/فيه التفاؤل منتشر/بيت السنعات ربي يحميهم من كل شر /لشهر ربيع الاخر

مساء الخيرات عالحلوات


اليوم بعد ردي الصبح نمت و وقت جوالي 3 مرات

10 و 10 وربع و عشر و نص

و العجيب اني صكيتها كلها و كملت نومي و الادهى

اني ما صحيت الا على جرس جوري بعد ما طفشت و هي

تدق و اسمع الجرس اقوم و رجولي الثنتين نايمه و لا انا اللي نايمه

مدري المهم اني طحت و ارجع اوقف و اطيح ثاني و اقوم امشي

كم خطوه و اقوم ثالث مره و اقول ايش هذا ايش يا بنت

و اتمالك نفسي لما الباب و افتح اخيرا ههههههه

و دخلت و جايبه لدودي شيبس و شوكليت و حلاوه

يسعد قلبها يارب و غيرت لدودي و بديت بالغدا قطعت الدجاج الا

موال سوسو بدأ شفتها و رجعت للغدا كملته و حطيته عالنار

عملت مقلوبة خضار صحيه على قول سوسو و صليت الظهر

و جاء زوجي عطيته غداه ريجيم طبعا و كملت طبخ و تغدينا

و غسلت النحاس و نشرت مريول جوجو كان بالغساله

و غسلت الحمامات حمام الصاله و قسم الرجال

و يتخلل هذا مذاكره لجوجو و بعدها اعطيتها و اعطيت نفسي

بريك قلت لها قومي العبي و عملت لي كوب كوفي مع كتكات

شنكي و بعدها كملنا مذاكره و بعد المغرب كنست و بس...



احبك الهي
هههههههههه و انا امس جالسه عالنت و السماعات باذني من مقاطعكم
و اهز و انا بمكاني و زوجي يتفرج تي في بس الظاهر انه عينه عندي



روز
رووووووووووووووووعه القبعه ماشاء الله لا قوة الا بالله


شروق
الف سلامه عليها عليها يارب اللي اعرفه عن هذا المرض انه اسمه
الوجه و الظاهر انه بسبب عصب بس علاجه مدري خليها تقرأ عليها
و تاخذها لطبيب شعبي ثقه في هالاشياء الطب الشعبي افضل



روحي تحبك
الف سلامه على اخت زوجك الله يشفيها يارب


خوخه
الف مبروك الي اس ال الله يعطيكم خيره و يكفيكم
شره بصراحه مافي احلى منه خليه حافز لك اذا اشتغلتي
تجي تريحي عليك بدون حوسة كونكت





جالكسي بالكرامل
لكل جواد كبوه و غلطة الشاطر بعشره
انتبهي مره ثانيه

سلام ازيكو؟
رايقه تراني شايفتك بالحديقه وجلست اضحك على ولدك حسبته لحجي خخخخخخخخخخخخخ
امزح استهبل عليك ياشين هالمواقف خخخخخخخخخخخ

خلود
انا كنت معارضه انك تشيلين ال DSLمن البدايه بس انتي قلتي يلهيني عن الطاعه
لاني عارفه وضعك وسفر زوجك ولازم شي يشغلك عن هالجو الي انتي فيه
وبالنسبه لأختك جيبي لها ساعه حديد دامها شرت جلد
و الله يعينك على الميزانيه الساعات الزينه غاليه
شروق
الذيب عند طاريه اهوجس فيك وانا اكنس حوش المطبخ خخخخخخ قول من زمان عن يومياتها الممتعه

روز
ماشاءالله شغل متعوب عليه اهنيك ياام جود :) اتقنتي فأبدعتي
يومياتي:
صحيت 12 سويت قهوه وعبيت كيك مااقلد جوجو وانثى خخخخخ واستنيت زوجي
جلست احفر كوسا وحشيتها ورصيتها بالقدر ونقعت الرز
تقهوينا 2 وشبيت على غداي وعلى 3تقهوينا
شلت عفشي وراكمته بالمجلى
نمت شوي للمغرب مره هادتني الأنفلونزا
قمت غسلت مواعيني وحطيت ملابس بالمجفف وبالغساله ملابس سوداء لميت الزبايل وطلعت وجبه القطيوه على قوله ولدي خخخخخ
كلت كيك وبسكوت جوعانه خخخخخخ وجلست معكم
لقيت صارور بدالوب المجلى وبخ بخ بخ بالفليت وهج مدري وين ذلف!!
مدرري من وين يجن!!معقوله من الحوش؟
طريقه المحشي مع ان محد طلبها مني بس بحطها خخخخخ:
كاس جبن كرافت الطوبل رز مصري انقعه نص ساعه
افرم بصله ناعمه وثومه وفلفل رومي مره ناعمين واخلطهم بالرز
افرم لحمه تقريباً قد الكف واخلطها بالرز اتبلهم بملح وبهارات
خطوه الثوم والفلفل الرومي مره مهمه وتعطي نكهه حلوه بالمحشي وبرضوه اللحمه يفضل تكون عندك بالفريزر لحمه طازه مقطعه مكعبات وانتي طلعي منها وافرمي
تطلع الذ من المفروم المجمد!!
اقور الكوسه والبطاطس والباذنجان وابدا احشي واذا خلصت جلست اخطط الكوسه بالشوكه عشان تطلع مقلمه خخخخخ
احط الخضار بقدر ضغط واحط فوقهم باقي الحشوه واصب عليهم كاس عصير طماط وازيده شوي مويه تقريباً نص كاس ومعجون طماط
لازم تصير حبات الخضار باينه مو مغموره بالمويه لان اذا كثرت مويه الحشي خرب!
واحنا نبي مرقته خاثره
المهم املح المرقه واضغطه 25دقيقه واسوي معه رز ابيض وبالعافيه :)

سلخير ,,

أول مره نركب الدي إس ال ,,وأي طاعه يرحم والديك ,,

أستغفر الله بس الله يتوب علينا ,,

زوجي أخذ الجهاز للمكتب بسبب مشكله صارت بيننا ,,

وحسيت براحه ووقت كبير لشغل البيت وللحفظ ولعيالي ,,

ولاعاد طلبته منه ,,بس يوم سافرت لجده

العام وكان الجهاز معنا ,,بغيت أنهبل عليه ورجعت أدمنه ,,

وطلبته يرجعه للبيت,,وماقصر فديته ,,

وطريقتك بالمحشي تشبه طريقتي ,,بس أزود عليها كزبره وشبت ونعناع يطلع شيييي

وأحط مع المرقه ملعقتين دقيق تخثر المرقه ,,

وناسه ,,قاعده أشوف مباراة الهلال ,,<<الله يخلف

من زمان عن التشجيع,,يازين ذيك الايام ,,ايام الخبال

الي في البنت ابا الوجيه بالعامي وبالعلمي شلل العصب السابع وسببه التعرض لجو بارد وبعده على طول جو دافيء او العكس
وهذا ماحذرنا منه الرسول عليه الصلاه والسلام
يلف اعصاب الوجه ويغير اماكن الملامح زي الفم والعين يميلون بشكل كبير
علاجه الشعبي على مااظن ان الشخص يجلس اسبوعين بظلام دامس!!
ولا ياكل الا مسلوق بدون ملح
كاني مو واهمه
لقيت هالخلطه ياري تفيد:

خلطة لعلاج أبو الوجيه بعد الله تعالى..
4 ملاعق هيل مطحون
4 ملاعق زنجبيل مطحون
4 ملاعق نيل عراقي
4 ملاعق مر مطحون
4 ملاعق بارود
4 ملاعق عود " القسد أو القسط"
ستجدون جميع المقادير عند العطار..
الطريقة:
تعجن جميع المقادير بزيت السمسم إلى أن تصبح كعجينة "اللقيمات"..
ثم تلطخ على الوجه والأنف و فوق العين و تحتها..
جهّزوا مناديل لأنه سيخرج ماء كثير من الأنف فتوضع المناديل على جانب الوجه وهو مستلقي..
*توضع مرتين في اليوم مرة صباحاً ومرة مساءَ..
إذا وضع بعد صلاة العشاء يترك إلى الفجر ثم يغسل بماء دافئ بدون صابون ..
*3أيام و 3 ليالِ ..
ويكتب لكم الشفاء بإذن الله..
*مع العلم: الخلطة مجربة على عدة أشخاص والنتيجة أكيدة بإذن الله تعالى..
لا تنسوني من فضل دعائكم،،،
أم عبدالله..
وهذا علاج ثاني:
لسلام عليكم ورحمة الله وبركاته
هذا علاج مرض ابوالوجيه كفانا الله شره
المقادير/
1-ملعقه كبيره كمون
2-ملغقه كبيره زنجبيل
3-ملعقه كبيره فلفل اسود
4-ملعقه كبيره مسمار
5-ملعقه كبيره حبه سوداء
6-بيالتين ماء
الطريقه/
توضع المقادير على نار هادئه الى ان تفور وتُشرب مويته ثم يرفع عن النار ويوضع عليه بيالتين زيت ثم يوضع القدر مرة أخرى على النار إلى أن يسخن الزيت مع الخليط.

طرقة الاستعمال:
تدهن الجهة المصابة بهذا الخليط بواسطة الاصابع ويكون ذلك من جهة العين إلى الأذن ثم يوضع بقية الخليط حاراً على الجهة المصابة ثم يوضع منديل ويلف شاش.

ملاحظة:
يوضع المريض في مكان دافيء لا توجد به انارة كثيرة، يستعمل العلاج لمدة اسبوع إلى ثلاثة أسابيع.
والله الشافي والمعافي.

مساء الخير على الجميع

يارب يكونوا أهل ليبيا بخييير

وتر يا أحلى عروس / مبروووووووك

وربي يتتم لك على خير

جوجو / ما شاء الله صورة الأكل تشهي

ربي يعطيك ألف عافية

أنثى / ربي يديم عليك الفرح دوم مو بس يوم

بس / لازم نعرف شو اللي فرحك ( اشتغل كونان ) :p

يارب ترجع المحققه الأولى (مها ) وهي بخير

............................................

بنات انا ما شفت و لا رد لانثى ذوق خير عسى ما شر
اللي تقدر تطمن عليها و تطمنا جوالي استقبال بس.

انوثه دوبي اشوف ردك طول اليوم افكر فيكي و ابغى ارسل و لا عندي
رصيد الحمدلله الله يديم الافراح