شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

ياسمينا حبيبتي متزعليش نفسك و خللي بالك انك ممكن تكوني اصلا في مود سئ من قرب البريود مثلا و تاخدي كلام ممكن يكون عادي او هزار على محمل سئ

أجمل ايام العمر;14637846:
شوشو انا الحمد لله احسن الظاهر اخدت على الجوع .. دينا انا شايفاكي تحت اخبار الدايت ايه طمنيني ؟ .. جوزي بيقوللي الدايت بان عليكي بقى عندك لياقة في الهوم ورك

ههههههههههه شطورة ياهدى, احلى حاجة ان تاخدي كلمتين حلوين هدية من جوزك على الخسسان , الكلام ده بيهون التعب على الواحد

دينا حمدى;14637886:
ههههههههههههه حلوة لياقة فى الهوم وورك دى ياهدى
انا ياستى اهو ماشية مش دايت قاسى بس تقليل فى كمية الاكل والمفروض انى كنت اوزن امبارح بس لسه ماوزنتش انا كده بقالى اسبوعين مخففة الاكل يارب ييجى بفايدة

لازم توزني يا بت يا دندون عشان لو ما كنتيش خسيتي , تعملي نظام محترم :D

manyaa;14637957:
محدش يحيبلي سيرة الدايت لحسن جايلي اكتئاااااااااااااااااااااااااااااااب بسببه... خصوصا مع الأخبار اللي بعد اقراها كل يوم دي..
حاسة ان مرارتي حتتفقع ياخواااااااااااااااااااااااتي... اه ياني اه...
بجد حالة اكتئاب لا عادية.. مخنوقة اوي و مليش نفس لا اعمل اكل و لا اخش مطبخ اساسا..

بت يا مانيا ايه اللي حصلك , ليه كل الاكتئاب ده, اللي بيحصل في مصر ثورة على الفساد وان شاء الله كل حاجة هتمشي تمام بس لازم اللي حصل ده يحصل , وده مش معناه انك تخافي وتكتئبي

طيب اقولك انا, ساكنة في مدينة نصر وكان فيه اعتصام برده عند امن الدولة عندنا ومع كده الناس مالية الشارع ماشيين في امان وبيتفسحو عادي , والحياة عادية جداااااا, صحيح في ثورة بس مش مأثرة على حياتنا خالص

بطلي الجنونة دي واستمري على الدايت حتى لو كنتي زدتي في اليوم الفري مش مشكلة كملي وخليه نظام تمشي عليه في حياتك , وان شاء الله هتخسي بس لازم يكون عندك اراده اقوى من اي حاجة تحصل حواليكي , وانا ادامك اهو في عز ايام الثورة والخوف اللي كنا فيه كنت ماشية على الريجيم بحذافيره

onny;14638041:

امونة وحشتينى يا جميل
بس بجد مش مصدقة نفسى معقولة خرجتى تانى ههههههههههههههه مرتين كده ورا بعض يالا عقبال المرة التالتة

ويارب يا امونة تجيبى بنوتة قمر وعسولة زى مامتها قريب ياااااااارب

ههههههههههههه شفتي يا منى خرجت واتبهدلت والله من المشي وصوابعي مفأفأة هههههههههههه

ويارب اجيب بنت عسولة زي اللي شفتها امبارح , والله دول احلى من بنت احمد زاهر الصغنونة اللي كانت في عمر وسلمى , المهم امبارح اني اتوحمت على البنات دول وخزنتهم في الذاكرة عشان لما احمل ان شاء الله افتكرهم واتوحم بجد هههههههههههههههه

ربنا يكرمك يا منى ويسهل عليكي المنظار يوم التلات يارب ويخفف عنك

لحظةحب;14638921:
يا عيال انامنقوطه حماتي من شويه كنت قاعده معاها واحنا باذن الله مسافرين عمره انا وجوزي وحماتي وجدتها واخواته البنتين.اخته هي اللي هتحجز واحنا مدينهل بدجيت معين تحجز عليه كلماني بتقولي سعر اعلي فقولتها لا كتير مش هينفع جوزي عايز غرفه لينا لوحدنا حماتي تقولي احنا هنحجز سويت في غرفتين وصاله خليكم انتم في غرفه وبتبها نقفول عليكم ولو يعني حبيتو يبقي فيه جماع ابقوا استنوا لما نتزل واصلا ده مش مكانه ولا وقته طيب ارد اقولها ايه

ماتحطيش في بالك يا ياسمين عشان بجد ردها مستفز

انتي دبري نفسك انتي وجوزك وشوفي اللي يناسبكم واحجزو انتم بلاش اخته , واعملو اللي يناسب ظروفكم المادية , دي فلوسكم وانتو احرار فيها, ودي مفيهاش زعل

RAINBOW2000;14638994:
ايه يا امونة انا كمان كنت سيتى ستارز امبارح و مشينا لما طفوا النور شفتى الصدف السعيدة

بجد يا ميوي طيب كنتي لابسة ايه ههههههههههههههههههههه

ياسمين ولا تزعلي نفسك يا موزة بالنسبه للعمره اخلعي انتي منها قولي لجوزك بس طلباتك وهو يعملها ويكلمهم واطلعلي انتي منها عشان كلامك هو اللي هيقف في الزور انا بعمل كده لما بتحط في موقف شبيه ووالله انا زيك جوزي هو اللي متحمل مسئوليه والدته برضه من زماااااان وبتطلب منه طلبات تغيظ اوي بس برجع اقول معلش ده عشان هو كويس وحنين واللي مالوش خير في والدته مش هيبقي ليه خير فيا انا وحنيته عليها ومش بيرفض لها طلب ده بينعكس عليا من حنيته فانتي معلش اصبري واستحملي واحتسبي الاجر من الله بس بهدوء وحاولي متدخليش نفسك في قصص الفلوس معاهم سيبيهم هما يقولوا اللي يقولوه وحتي لو قاعده اعملي عبيطه ومترديش انا بعمل كده لان كلامك انتي اللي هيفتكروه لكن هو لا فهماني ؟

لحظةحب;14639315:
والله يا عيال انا مفقوعه بد تعبت من العيشه في البيت ده علي قد ما اهل جوزي طيبين بس متطلبين بطريقه فظيعه والله اني بحبهم وعارفه انهم بيحبوني بس تعبت انا مش قادره اشرحلكم بس عارفين لما خلاص توصلوا اخيزكم واقل حاجه تتعب اعصابكم هو ده اللي انا بقيت فيه حاجه صغيره فوق حاجه صغيره تعمل مشكله كبير وانا مشكلتي مبعرفش ارد ولا احرج حد

لواحظ دي ضريبة العيشة مع الاهل

الام هتفضل ام , مش معني ان ابنها كبر واتجوز انها متزعقلوش لو حست انه غلطان او كانت مخنوقة من حاجة , بس المشكلة ان انتي ساكنة في نفس البيت وبتسمعي الكلام ده بودنك , لو كنتي عايشة لوحدك كان برده هيحصل نفس الكلام من غير ما تعرفي

المشكلة ان دا بياثر على نفسية جوزك وبالتالي شوية شوية هتلاقيكي بتكرهي اهله

اعزلي نفسك عن اللي بيحصل دا عشان نفسيتك متتعبش , حاولي تخففي عن جوزك الضغط اللي عليه , وزي ما قلتلك دي فلوسكم وانتم احرار ازاي تنظمو صرفها, واللي يزعل يزعل يا ستي, ابقي خلي جوزك يصالحهم بكلمتين وخلاص

ربنا يشرح صدرك ويفك كربك ويهدي اهل جوزك , ويرزقك انتي وجوزك من وسع يارب

manyaa;14639327:
انا مش في مصر يا فجر..انا في السعودية..
يا بنات انا مؤمنة ان الجاي أحسن خلاص.. بس حاسة اني في حالة غريبة من الصدمات و الخنقة و الاكتئاب لأسباب كتيرة جاية فوق بعد..
حاسة اني دماغي على آخرها من كتر التفكير...
و عقلي وقف من كتر ما انا قاعدة على النت بتابع الأخبار
...

مانيا لما تنزلي مصر ان شاء الله كل ده هيتغير , هتحسي بامان اكتر وهتشوفي بعينك ان الوضع عادي جدا , احنا مثل ادامك اهو من محافظات مختلفة ورايقين وبنتكلم عن الهوم وورك , يعني مفيش قلق خالص في مصر, بس البعد هو اللي عاملك القلق ده

تاني حاجة المشاكل العائلية ومشاكل الشغل موجودة في كل بيت , سبحان الله يمكن حالكم احسن من غيركم كتير , لسه امبارح قريت مشكلة في المنتدى عن واحدة ولدت بنت من غير ودان , تفتكري دي حاسة بايه دلوقتي ؟

طول ما انتم بصحة وعافية وستر احمدي ربنا, اي حاجة تانية مقدور عليها , استعيذي بالله واذكري ربنا الا بذكر الله تطمئن القلوب

RAINBOW2000;14639504:
ايه يا جماعة بقى انا اصلا مخنوقة و على اخرى و قلت اجى افك معاكو شوية الاقيكوا كلكوا كده دى حالة عامة بقى

ايه يا بنات هيا فرة ولا ايه :)
بت يا مي مخنوقة من ايه يابت , ده كفاية ان الواحد يشوف المزز في سيتي ستار تلاقيه انشكح علطول:lol:

منايا

انتي فعلا محمله نفسك فوق طاقتها بالنسبه لمصر شكلك بتخشي حتت تشوفي منها الاخبار حتت وحشه ومغرضه بجد انا فهمت كده من الاول خالص من متابعتك للجزيرة والمنتديات اللي مش ولابد في اخبار كتير بتقريها وتعقدي تهري في نفسك وتتعصبي وتكتئبي وفي الاخر بتطلع غلط زي اخر خبر بتاع التعبئه العامه ده خبر مقلق جدا وطلع غلط الحمدلله بالله عليكي يا شيخه نقي الاماكن الي تقري فيها الاخبار انا عارفه صعب لانه مافيش تلفزيون بس حاولي

بالنسبه للريجيم

سمعت دكاتره كتير بتقول وانتي بتعمل ريجيم متفضليش شايله الريجيم علي دماغك ههههههههههههههه بمعني ايه يعني متفكريش كتير ومش كل ما تشوفي حد تحكيله عن ريجيمك حاولي تخليه اساسي في حياتك واعتبري هو ده العادي مش العكس طبعا مقصدوش والله انك بتحكيلنا لا والله انا بقصد هونيها علي نفسك شويه طيب هقولك النهارده ايه اللي حصل طلعت فراخ بانيه عشان جوزي خلع مني ومش هيعمل ريجيم وانا بتبلها عشانه قولت طيب وانا هاكل ايه شيلت منها حتتين ليا وفي الكبه فرمتهم مع بصل وتوم وتوابل من اللي قلبك يحبها وعملتها زي البرجر وشويتها من غير اي زيوت والله طلعت روعه وكلتها مع سلطه لازم تبتكري كده وتشغلي مخك عشان الامور تمشي يا قمر وربنا معاكي ويارب يفكها عليكي ويفك كربك وهمك يارب العالمين

فجر1975;14639798:

طيب اقراو دول وانتو تضحكو

اغبى اسئله في العالم

لما يشوفوك نايم على السرير ومغمض عينيك ويسألوك هتنام؟؟!

امال ...بحاول اموت مثلا

يتصلوا على تيلفون البيت ويسألوك انت فين؟؟!
هكون في الجامعه وساحب السلك هناك

...يشوفوك واقف قدام الاسانسير في الدور الارضي ويجي واحد يسألك طالع؟؟!
لأ مستني الشقه تنزلي

تكون في الحمام ويخبطوا عليك ويسألوك انت بتعمل ايه؟؟!
هكون بلعب كوره جوه مثلا
..........

هههههههههههههههههههههههه عسل مووووووووووووووت

امونه يا قمر شوفت الغدا اللي نزلتيه بس ده العادي يعني هههههههههههههههه انا عايزة اعرف انتي بتاكلي ايه ههههههههههههههههههههه

هههههههههههههههههه بلاش يا شوشو تعرفي انا باكل ايه هتتعقدي ههههههههه

طبعا انا كل اكلي يا اما فراخ او لحمة مسلوقة

نيجي للخضار

نوعين اتنين بس

يا اما كوسة + بطاطس + جزر , خضار سوتيه ني في ني , وده باكله 3 ايام في الاسبوع , بعمل حلة كبيرة ههههههههههه

يا اما بسلة وجزر وبطاطس ,برده ني في ني, بس مرة في الاسيوع

كده يبقى فاضل يومين , يوم منهم باكل تونة واليوم التني يبقى الخميس مش بتغدى عشان اكل بالليل فطيرة الزعتر

هلا يا بنات... كلامكم كله صح و عين عقل و كلام جميل مقدرش أقول حاجة عنه..... :)
انا عارفة اني دوشتكم .. و مش من عادتي اني اقلب على وش الكآبة كدا مع حد...... (إلا جوزي يا عيني ههههههه )
شكرا يا بنات.. و جزاكم الله خيرا..
فجر.. حلوة اوي الاسئلة الغبية دي :)

امونه ماشي حلو اوي كده طبعا الخضار ده مع سلطة برضه ؟؟


طيب بتعملي الخضار ده سوتيه ازاي علي البخار ولا ازاي ؟؟؟ وبتضيفي ايه بالظبط؟؟؟ وانا عملت خضار ني في ني من غير زيت ولا سمن بس بصلصه طماطم ينفع ولا لا ؟؟

بت يا امونه برضه ممكن تغيري يومين من الايام دي بدل الخضار تاكلي 4 معالق فول بالسلطة برضه وبدون زيت واعصري لمون كتير عليه وكمان ممكن بيضيين مسلوقين مع سلطه برضه وربع رغيف

ازيكو يا بنات كل ما ادخل ميكونش فيه حد نفسي مره الاقي حد اتكلم معاه

عامة انا كان سؤالي على اللى مكملوش شهر او شهرين والله لكن اللى اكتر من كده

ربنا يكرمهم ويرزقهم الذرية الصالحة انا بسأل لأني مش حاسه انى ملهوفة على الخلفة

اه اتمنى يكون عندى بنوتات حلوين العب بيهم واعلمهم كل حاجة حلوة

لكن مش هاموت واخلف وكل ما اشوف طفل اتخيل

فانا خايفة ان يكون عندي مشكلة او كده :( ومتضايقة انى مش حاسه زي الستات

وقولولي تحليل التكيس ده اسمه ايه واعمله ازاي للأطمئنان

ومنايا

مش عارفه ايه حكاية خطيبي دي صحيح هههههههههههههههههه

شكلك متبعاني هههههههههه

ههههههه اه طبعا يا كلاسيك واخدة بالي منك من زمااااااااااااااااااااااااااااااااان :)
و على فكرة كدا احسن انك مش ملهوفة على الخلفة و ماتخافيش انت طبيعية يا حبيبتي...:) عشان لسة عروسة... أصلا دكاترة كتير يقولوا ماتبدأوش تقلقوا غير لما يعدي سنة و نص...
و ان شاءالله تحملي قبل السنة ماتخلص هههههههههههههههههه و تيجي تشدي شعرك من العيال..

يا بنات ..هي مين جوجو بركات على الفيس؟؟؟

shoshet*himo;14640455:
امونه ماشي حلو اوي كده طبعا الخضار ده مع سلطة برضه ؟؟

ايوة ممكن خضار مع سلطة بس طبعا مل لما تضيفي صنف بتزيد السعرات عشان كده انا بستغنى عن السلطة

طيب بتعملي الخضار ده سوتيه ازاي علي البخار ولا ازاي ؟؟؟ وبتضيفي ايه بالظبط؟؟؟ وانا عملت خضار ني في ني من غير زيت ولا سمن بس بصلصه طماطم ينفع ولا لا ؟؟

بصي ياستي , بجيب الحلة وابشر فيها بصلة + الخضار + ملح وفلفل وكمون+ماية واحطهم على النار وساعات بدل الماية احط شوية شوربة واكون شايلة الدهون منها


وممكن تعملي الخضار بعصير طماطم( طمطماية واحدة) لكن ممنوع استخدام الصلصة الجاهزة لان سعراتها عاليه وكمان متسبكة

shoshet*himo;14640475:
بت يا امونه برضه ممكن تغيري يومين من الايام دي بدل الخضار تاكلي 4 معالق فول بالسلطة برضه وبدون زيت واعصري لمون كتير عليه وكمان ممكن بيضيين مسلوقين مع سلطه برضه وربع رغيف

انا عارفة يا شوشو والدكتور كان عاملي نظام متنوع جدا كل اسبوع بس انا اخدت من النظام اسرع حاجة تخسسني وفي نفس الوقت تشبعني عشان متعذبش

وكمان في اخر مده الريجيم الدكتور اداني نظام تثبيت هبقى احطهولكم في مرة

manyaa;14637957:
محدش يحيبلي سيرة الدايت لحسن جايلي اكتئاااااااااااااااااااااااااااااااب بسببه... خصوصا مع الأخبار اللي بعد اقراها كل يوم دي..
حاسة ان مرارتي حتتفقع ياخواااااااااااااااااااااااتي... اه ياني اه...
بجد حالة اكتئاب لا عادية.. مخنوقة اوي و مليش نفس لا اعمل اكل و لا اخش مطبخ اساسا..

معلش يامنمن والله يابنتى كلنا مصدومين وفى حالة ذهول
انا مش قادرة اتخيل كم الفساد ده ولا امن الدولة دى لوحدها كوم تانى
انا حزينة جدااااااااااااا على اللى شوفته وكلنا قلبنا موجوع بس اللى يصبرنا ان الحاجاات دى خلاص اتكشفت ومش هتكون موجودة تانى ابداااااااااااااا بإذن الله وخنبدأعهد جديد

فجر1975;14638174:

[SIZE=4][COLOR=#0000ff]ازيك يا دندونه عامله ايه
معلش زى بعضه استحملى شويه وان شاء الله يكون فى نتيجه:)

ازيك يافجر ياحبيبتى
والله ادينى اهو ماشية فى الريجيم العبيط ده وربنا يسهل

لحظةحب;14638921:
يا عيال انامنقوطه حماتي من شويه كنت قاعده معاها واحنا باذن الله مسافرين عمره انا وجوزي وحماتي وجدتها واخواته البنتين.اخته هي اللي هتحجز واحنا مدينهل بدجيت معين تحجز عليه كلماني بتقولي سعر اعلي فقولتها لا كتير مش هينفع جوزي عايز غرفه لينا لوحدنا حماتي تقولي احنا هنحجز سويت في غرفتين وصاله خليكم انتم في غرفه وبتبها نقفول عليكم ولو يعني حبيتو يبقي فيه جماع ابقوا استنوا لما نتزل واصلا ده مش مكانه ولا وقته طيب ارد اقولها ايه

كلام غريب ومالوش لزوم ابداااااااااا بس معلش كبرى دماغك
معلش يا لواحظ كان من الافضل ان جوزك اللى يحجز احسن بدل مااخته تتصرف بدماغها
وربنا يعينك يالواحظ يارب يوووه قصدى يا ياسمين علشان الدعوة تطلع مظبوطة :D

manyaa;14639327:
انا مش في مصر يا فجر..انا في السعودية..

انا بس عايزاكوا تدعولي من قلبكم .. ان ربنا يشرح صدري و يزيح الهم من قلبي و يريح بالي و يفرح قلبي...

ربنا يريح قلبك يا منم يارب ويفرح قلبك ياسكر

فجر1975;14639798:

طيب اقراو دول وانتو تضحكو

اغبى اسئله في العالم

لما يشوفوك نايم على السرير ومغمض عينيك ويسألوك هتنام؟؟!
امال ...بحاول اموت مثلا

يتصلوا على تيلفون البيت ويسألوك انت فين؟؟!
هكون في الجامعه وساحب السلك هناك

...يشوفوك واقف قدام الاسانسير في الدور الارضي ويجي واحد يسألك طالع؟؟!
لأ مستني الشقه تنزلي

تكون في الحمام ويخبطوا عليك ويسألوك انت بتعمل ايه؟؟!
هكون بلعب كوره جوه مثلا
..........

هههههههههههههههههههههه عسل

د\امونة;14639961:



لازم توزني يا بت يا دندون عشان لو ما كنتيش خسيتي , تعملي نظام محترم :D

حاضر يا مونا هوزن ويارب ماتصدمش :o

ازيكم يا بنات ياللي تحت :)

كلاسيك انتي طبيعية, بس سدئيني كمان شهرين القيامة هتقوم حواليكي والناس هتقولك مفيش حاجة جاية في السكة وانتي هتضحكي معاهم في الاول وبعدين تضايقي منهم وبعديم تعيطي منهم وهلم جرا لحد ماتحملي, ربنا ما يكتب عليكي الانتظار وتحملي علطول

ميرسي يا دينا جزاك الله خيرا يا قمر...:) و حلوة اوي حتة الريجيم العبيط ده ههههههههههههههه

ازيك يا أمونة...

ازيك يا منمن, اخبار النفساوية ايه دلوقتي ؟

هما البنات فين النهارده, والبت ميرا مدخلتش تاني

انا تعبانة اوي من خروجة امبارح وهموت وانام, الخروج بيهد حيلي :)

أهو يا أمونة الحمد لله على كل حال.. بحاول أخرج من الموود اهو.. بس في أخبار تشل ...قال عايزين يخلوا أمن الدولة علشان يكافح الإرهاب... انا خايفة ليكونوا بيستخفوا بينا..ربنا يستر..