لمة الليبيات الجزء 15 لشهر ربيع الاول

السلام عليكم يابنات كيف حالكم

:-#:-#:-#:-#

هادي سياسة صعب احني الناس العاديين نفهموها

باهي يا سيدي هو اللي طلعهم وبارك الله فيه ومافيش زيه ...

بس مش معناها اللي دار انجاز خلاص يلصق معاش يتنحي ..

انتم كله طلع الاميركان والطليان .. هدا احكم 42 سنة مش خمس سنين حتي هدا يكون الانجاز الوحيد اللي داره

مسمعتش قلتو شيء تاني غير طلع امريكا و ايطاليا

صباح الخير رموسة كيف حالك اليوم

ياناس فى العالم كله الناس تختلف وماتديرش زيكم ليش التجريح فى بعض
ايام ازمة غزه برا العرب والاسرائليين كانو يتناقشو فى المظاهرات كل واحد اللى ليه واللى عليه
حرااااام هكى والله حرااام
فى مصر اللى ضد واللى مع تلكموااا
احترام الراى والراى الاخر

اهليييين مرج باهى الحمد لله وانتى كيف حالك

عن نفسي

وحدة مع القائد ماعندي مشكلة خل تتكلم اتكلم عادي

اما تقولي انتي اخر وحدة تتكلمي انتي عايشة برا ف تتحمل شن يجيها

لان هو اللي طلعنا وتوا جاين يقولو اخر وحدة لانك عايشة برا ..

ف لما حد يقولي هالجملة ينسي اني اتكلم زي خلق الله معاه

رموسه والله محترمين بعض وعادي القلوب صافيه غير مرات الواحد يخونه التعبير بس

ربي عالم بالنوايا وكان تعصبنا او ردينا الكلام علي بعض مش معناه بيتغير شي احنا

مانقدروش نديروا شي الا بالدعاء بس بس وهده اعتبريها فشت خلق

السلام عليكم ورحمه الله وبركاته

نهاركم مبارك ان شاء الله

حبيباتي وخياتي الله يربحكم خلاص والله تعبنا بجديات

حنونة الله يربحك والله غالية عليا ويعلم ربي ردبالك ع بيبي متاعك

عارفة تذكري بيا بصاحبتي لما نلقاك كاتبه هك نقعد نبكي ننشغل عليها

ربــــــــــــــــي فوق هو قادر ع كل شيء وربي حيسهلها ماتخفيش سموحة

روز عندي معاك كلام اصبري بس

تحكمني ههه خيرني شن درت .. شنو اللي عندك معايا كلام

ههه اسمعي كان بتكشخي اعليا فكينا عاد ... مادرت شيء اني ههه

حبيبتى جنون ليش العصبيه قولى رأيك من غير ماتجرحى الناس

السلام عليكن جميعا,,,, بالتأكيد ان ليست الكثيرات منكن يعرفن بعضهن,,,, لكن قريبا جد باذن الله ستعرفنني كلكن وستشاهدنني أتدلى في ميدن الشهداء !!!!

صباح الحب والوفاء لشعبنا الحبيب

مش معقوله يابنات انكونوا اعداء مع بعضنا ونحن قاعدين فى ارض واحده وفصيلتنا وحده ليبيا طول عمره شعبها حامى وطيب وكريم ونحن كلنا اعصبنا متوتره ومش عارفين شنى فى بكره والى امتى بلادنا الغاليه بتقعد فيها الفوضى يعنى حتى كلامنا معاش ينفع توا الحاجه الوحيده اللى تصلح ببلادنا فى وضعها الراهن هى الصلاه والدعاء للحمايتها من الشر
وحتى لو اختلافنا فى الرأى المفروض توا نوقفوا يد واحده وانشوفوا مصلحة البلاد اولا حتى على حساب انفسنا
انا عن نفسى نحترم اراء المؤيدين للقائد ونحترم اراء المعارضين ايضا
وكل واحد عنده اسبابه المقنعه معارض او مؤيد هذى مش مشكله حقيقه لان الكرسى عمره مادم للحد ومفيش واحد مخلد فى الدنيا هذى
لكن مشكلتنا شبابنا وبلادنا وخبرتها اللى ضاعوا
يعنى انحاولوا انفكروا بطريقه حياديه وطريقه نحترم فيها كل الاراء بدون من نخسروا بعضنا
بغض النظر على الكلام والاحداث اللى اتصير فى بلادنا
وليش انعدوا بعيد نحن انفكروا بلمنهج اللى كلنا اشربنه فى المدارس والجامعات هى انا الشغب هو اللى ايقرر وهو اللى يحكم ومن اراء الديمقراطيه بحق التصويت للاغلبيه اغلبيه الشعب رفض حكم القائد لكل هذى السنوات ويبوا دستور جديد معظم الاشخاص فى المنطقه الشرقيه وبعض المدن الغربيه هذا شوفتوا فى القنوات وحتى هنا فى اسره المنتدى يبوا التغير وهذا حقهم ومن منطلق الكتاب الاخضر
الحاجه الثانيه هو ديما ايقول انا منيش رائيس ومعنديش حكم باهى اغلبيه الشعب الان يطالبون ان اتكون للدوله اللليبيه رائيس له
تعرفوا السياسه بحرها واسع ودائما غير مفهوم
وحتى لو تغير النظام والبين انه فعلا حيتغير لو مش اليوم بكره
اكثر حاجه انفكر فيها هى هل التغير الجديد فى النظام حيكون من مصلحة شعبنا او من مصلحه الدول الخارجيه ؟
والكارثه هنا هى ان الشعب ايكون الضحيه دائما ونقعدوا زى العراق والدول الاخرى

[COLOR="DarkGreen"]ربنا احمى بلادنا وارحم موتنا واحقظنا نحن من كل الفتن وسوء الظن واعطنا القدره على موجهة اعدائنا ولا تسلط علينا من لا يخافك ولاتحملنا طاقه اكبر من طاقتنا يارحيم ياشافى يا حاقظ ياباسط حكيم [/COLOR]

مشنقة القذافي;14595812:
السلام عليكن جميعا,,,, بالتأكيد ان ليست الكثيرات منكن يعرفن بعضهن,,,, لكن قريبا جد باذن الله ستعرفنني كلكن وستشاهدنني أتدلى في ميدن الشهداء !!!!

خوفتيني :-#:-#:-#:-#:-#:-#:-#:-#:-#:-#:-#

الاسم و الكلام وكله :-#:-#:-# ياساتر

بس وعليكم السلام

واهلين بيك معنا .. :-#

بنقول حاجه بس علي حكايه طلع الامريكان والطليان زمان قبل ماينقلب هو علي الحكومه

الحكومه القديمه كانت دايره اتفاقيه مع امريكا وايطاليا علي حقول النفط في ليبيا زي ماتقولي ماجرتلهم

المكان .. وبعد جاء معمر وتغيرت الحكومه لغا الاتفاق الي بين امريكا وايطاليا وقاللهم خلاص اطلعوا معاش فيه

بينا اتفاق اتفاقكم كان مع الحكومه القديمه .. قالوله اوكي وطلعو عادي يعني مادار انجاز او حارب لاشي

اتفاق تم وهم طلعة زي لما تاجري لحد بيت و بعدين تقوليله اطلع يمشي يطلع ويدور بيت تاني عادي يعني

مش بحرب او شي طلعو بكل سهوله و بس ... وكانه هو شجاع اول ماصارت الغاره علي ليبيا دوروه مالقوه هههه

طلع عبد الله السنوسي قال القايد الان ماتخافوش عليه لانه تحت الارض ههههه فضح بيه هههه وبس هده الكلمه

الي خاطري نقولها ههههه والي حاضر الغاره يقوللكم الحق ...

مشنقة القذافي;14595812:
السلام عليكن جميعا,,,, بالتأكيد ان ليست الكثيرات منكن يعرفن بعضهن,,,, لكن قريبا جد باذن الله ستعرفنني كلكن وستشاهدنني أتدلى في ميدن الشهداء !!!!

بسم الله الرحمن الرحيم هدا شنووو ؟؟:badly:

هههه قهوة نفس الصدمة

حتي اني انرعبت ههه

لالالا معقولة ياروز لا وجهة نظر حبيت نقولها بس

بنات خلاص بجديات راي لا يفسد للود قضية بس مش هكي

وسعوا بالكم واختي سناء الي عايشين برا الله غالب انتي قتيها

خبر يشيلنا وخبر يرفعنا وكلنا ليبيا وحده حتي الي برا ليبيين ونفس الشعور

وماعندي مانقول الا ربي قــــــــــــــــــاعد وحياخذ حق كل واحد

وان شاء الله ربي يصبر اهل الشهداء يارب

ان الله وان اليه راجعون

انتى قرحانة بيها واتقولى اتتدلى فى ميدان الشهداء.انت حتى مشيتى للميدان الشهداء وشنقتى روحك.بتمشى للربى العالى وانتى كافرة كافرة.تحسابى كلامك كويس .امشى صلى وادعى للربى ان الشيطان يبعدها عليك.تعرفى من كلامك حسسنى انك مراهقة .