لمة الليبيات الجزء 15 لشهر ربيع الاول

صباح الخير يا قهيوه ....


اييييييه هو كذب بس !!!!


الدنيا زااااائله وللأسف معرفوهش إلا مؤخرا وهي مش بلد بوه علشان يحكمها 42 سنه سده خلاص فلوس ومنصب وجرائم وشذوذ


ربي يعافينا منه ويفضيه إلى ما قدمه هو وأولاده

السلام عليكم

بنغازيه صباح النور

للاسف ليبا تحكمها عصابه لا دستور لا قانون لاشي غيرو التاريخ وصورو للعالم انهم ابطال

وهم للاسف كمشه عصابه بالله شوفوا سيف في المقطع الي في الجزيره وهو يحرض في

جماعته ويقوللهم هده بلادكم وماتخافوش من شويه صياع ... شوفو الاسلوب اسلوب

عصابات .. قالك ليبيا الغد قالك متقف وينفع يمسك بعد بوه ههههه هو من بوه نسخه

حسبي الله عالضالم الي مزال مش متخيل انه الناس معاش تصدق في الكدب خلاص

والي قات مؤامره وحطت الرابط انا ماقريتش فيه كويس بس حسب مافهمت انه الموقع

مش ليبي تقريبا مغربي لو مش غالطه بنقوللها ليش زعماء العرب مافيش حد تكلم

والا ادان الي يصير من قتل للابرياء ؟ وليش يبو يبينو للناس ان معمر مضلوم ؟ لان

مش في صالحهم ان معمر يطيح لان لو ادانو الي صاير بينوضوا عليهم شعبهم

لانهم كلهم طينه وحده ... واش معنا القنوات توا توا بيديروا علي معمر مؤامره ليش

مش من زمان ؟ وباهي هده الجزيره كدب والباقي ؟ والصور الي الناس تصور من موبايلاتهم

والمرتزقه من جابهم ؟ الي تقول معمر حققلنا الامن والامان نقوللها قتل 1300 في ساعه وحده

هدا امان ؟ طيح طايره فيها ناس ابرياء هدا امان؟ يمول في حروب هدا امان ؟ فلوسنا ماشيات علي

عارضات الازياء والفنانان .... وعلي الاسلحه المدمره ... نفطنا ماشي ويصب فيه علي ايطاليا

مره وحده قات خلا متاع ايطاليا يبوس يده نقوللها سلم الفلوس الي يصبله فيهن مش غير يبوس يده

يبوس حتا رجله ... والله شن بنقول والا شن بنقول ؟؟

ربي يوضح الحق وفي الاخير اهم شي اراده الشعب وبعدين حتا لو هو كويس ميه في الميه

يااااسره 42 عام يحكم خلي يعطي غيره فرصه خلااااص ...........

وعليكم السلام حنونة

ربي يهدى الأمورررررررررر

ربي ينصر معمر

ربي ينصر معمر القذافي

معمر خلاص زوا عليه فيل جمدو فلوسه و ممنوع من السفر و معاش عنده اي صفه

في ليبيا خلاصصصصصص

وربي ايدوم علينا الأمان

ومع هذا ربي ينصره

لانه الضالم ليه يوووم وربي مايرضاش الضلم

ياخد الحق منهم في الدنيا و مزال عقاب الاخره

لا فى ليبيا هو معمر القائد

ينصره علي شنو علي شعبه ؟ ينصره علي شنو علي قتل الاطفال والعزل ؟

قائد هههههه رئيس عصاااااااابه

قهوة طرابلس هادية جدا

قهوة .. ينصره ع كلاب الظالة امتع الحبوب الجرداااااااااااان ههه

شفتي سيف كيف شاد اسلاح ويتكلم يقول بنوروهم

تي من بتوري .. شعلاقته هو .. ماعنده لا منصب لا شيء وبيورينا

رئيس عصابة راضينا بيه

جنون انتي راضية يا حنا محد قالك ماترضيش

بس الناس اللي طالعة واللي خسرو صغارهم كلهم مش راضين

من انا انتى اخر وحدة تتكلمى لانك مش عايشة فى ليبيا

قهوة ليش العلم هذا مش درتوا ثورة جديدة وين علم ثورتكم
والا طول عمركم تقعدوا تحت الاستعمار