استفسارات وتساؤلات الأمهات * الجزء التاسع *

بسكوتى انا زيك بالظبط بس عارفة انا بعمل اية بقفل النور وبسيب نور خفيف اوووى ومش بتكلم خااااالص
معاة حتى لو ضحكلي فهو بيزن شوية وبعدها بيزهق وينام بس اهم حاجة يكون فية هدوء ومأكلاةكويس

ايمى واناناسه وام معاذ
ميرسى على ردودكم وهحاول معاه فى الاكل بس
انا عندى مشكله تانيه مع حمزه مبيلعبش تقريبا بلعبه خالص عارفين بيحب يلعب بايه؟؟؟
بحاجت المطبخ الحلل والاطباق والمعالق بيحب جدا ياخد طبق او كوبايه ومعلقه ويعد يقلب وياسلام لو شاف المكنسه بيحب يكنس الموضوع ده بجد مضايقنى اوى لأنه ولد حاسه انه من كتر قعدته معايا فى البيت وبيشوفنى وانا بشتغل معدش يعرف حاجه غير الطبيخ والتنضيف والله عنده اكتر من كوره وعربيات وموتوسيكل وعجله فين وفين لما بيعبرهم مش عارفه اعمل معاه ايه؟ ولو مديتلوش اللى هو عايزه يفضل يزن والله معندوش مشكله يزن 8 ساعات لحد ما اديله الكوبايه والمعلقه عشان يقلب...........

بسكوتى
حاسه بيكى والله حمزه عنده سنه و4 شهور ولسه بنفس حالة ابنك
بس انا اكتشفت انه لما بيسهر اوى كده بيبقى تعبان فعلا بسبب السنان لأنه ورانى يومين لا بيبطل صراخ ولا عايز ينام عايز يرضع وبس فالله يعينك بس بردوا حاولى تطفى النار وتعملى نفسك نايمه وسيبيه هيلعب شويه ولما يزهق هينام ربنا يعينك يارب

Jumanaa;14670853:
ايمى واناناسه وام معاذ
ميرسى على ردودكم وهحاول معاه فى الاكل بس
انا عندى مشكله تانيه مع حمزه مبيلعبش تقريبا بلعبه خالص عارفين بيحب يلعب بايه؟؟؟
بحاجت المطبخ الحلل والاطباق والمعالق بيحب جدا ياخد طبق او كوبايه ومعلقه ويعد يقلب وياسلام لو شاف المكنسه بيحب يكنس الموضوع ده بجد مضايقنى اوى لأنه ولد حاسه انه من كتر قعدته معايا فى البيت وبيشوفنى وانا بشتغل معدش يعرف حاجه غير الطبيخ والتنضيف والله عنده اكتر من كوره وعربيات وموتوسيكل وعجله فين وفين لما بيعبرهم مش عارفه اعمل معاه ايه؟ ولو مديتلوش اللى هو عايزه يفضل يزن والله معندوش مشكله يزن 8 ساعات لحد ما اديله الكوبايه والمعلقه عشان يقلب...........

ههههههههههههههههه اكنك بتوصفى نانو بالظبط خصوصا مع المكنسه سواء اللى بالكهرباه او حتى العاديه
وبرضو بتسيب اللعب وتمسك فى حاجات المظبخ او اى حاجه ملهاش علاقه بيها
بصى انا شايفه ان الموضوع ملوش علاقه بولد او بنت هم العيال كدا رخمين بيحلالهم الحاجه اللى في ايدينا جربى كدا تمسكى اللعب بتعته شويه وتقوليله الله ايه ده عربيه وتمشيها وتقوليلى بيبب يعنى حسسيه ان العربيه بالنسبالك حاجه كبيره وهتلاقيه عاوز ياخدها منك بالعافيه يعمل زيك رخامه بقى هههههههههههههه

بس انا عوزه اقولك على حاجه نصيحه مش عشان عندك ولد يبئا ميساعدكيش فى حاجه فالبيت لو كبر انه اتعود يروق اوضه ويغسل الطبق بتاعه مثلا او الكوبايه اللى شرب فيها وان يتعود على نظافه البيت هيكبر ومش هيقرفك لما يكبر ويبهدلك الدنيا بقى عشان هو ولد مايعملش حاجه وماما هى اللى تعمل وبس فهمانى
انا ان شاءالله لو ربنا رزقنى بولد هعوده على كدا عشان ميستغلنيش انا ونور بقى هههههههههه لزم يعتمد على نفسه ويعرف ان مش غلط انه يعمل حاجه فالبيت ولما يتجوز يساعد مراته برضو اهو الواحد يعمل حاجه كويسه فيها يمكن تدعيلى :lol:

وصحيح حاولى تجبيله لعب ممكن يعمل بيها حاجه مش مجرد عربيه وخلاص مهو هيزهق منها بسرعه يعنى المكعبات حلوه برضو تفكيها مثلا وهو يركبها وكدا هتخليه ينشغل شويه طبعا لو شبعان او مثلا لما تلعبى بالعربيه مثلا خاليها تمشى وقوليله يجبهالك واهو يعمل مجهود ويمكن ينام هههههههههه

ام نانو انا فعلا عايزه اجيب له مكعبات بس يكون حجمها كبير شويه ياريت اللى يشوفها يقولى فين؟
انا مش ضد ان الولد يساعد فى البيت بس خايفه يكبر وميعرفش حاجه غير شغل البيت تبقى مشكله:lol::lol::lol:

جومانه يا قمر ماتقلقيش كلها كام سنه وهيسيبك ويخرج مع باباه
بس كل اللي بتقولي عليه ده عااااااااااااادي جدااااااااا وزي انوس ما قالت لك مش فارق ولد من بنت هم كل الاطفال كده عشان قاعدين معانا طول النهار
طب اقول لك بقى معاذ بقى عارف معظم انواع الخضار والملح والفلفل والبهارات هههههههههههههههههههههههههههههه
وعارف شكل اللحمه والفراخ وكل حاجه لانه على طول معايا ف المطبخ ويقعد يسال ايه ده ايه ده

فدي حاجه طبيعيه جدا وبعدين هو لسه صغير طبيعي اللي بيعمله ده وكله الا حاجة المطبخ دي حبيبة كل الاطفال هههههههههههههههههه
عارفه شوية كده هتلاقيه بدا يحط غطيان الحلل كل غطا على الحله بتاعتها وانتي ساعديه في ده عشان هم بيحبو الحلل فانتي خليها له لعبه تنمي ذكائه

بس كلها كام شهر كده وهتلاقيه بدا يهتم بلعبه وعرف يلعب بيها

فعلا يا جومانا استغليها فرصه وعرفيه اسامى الحاجات وانواع الاكل الخضروات والفاكهه وادوات المظبخ والتنضيف عرفيه اسمها واستخدمها ايه وخاليه ينولك الحاجه برضو اهو يعرف معنى كلمه حله مثلا ويجبهالك

على فكره الطفل بينمو عنده الاول اللغه المعرفيه او الداخليه اللى هى لما تقوليله هات كذا يجبهولك حتى لو مش عارف يقول اسمه لسه بس لما تقوليله هات حله يروح ويجبلك الحله حتى لو فى وسط حاجات تانيه فهمانى

وبالنسبه للمكعبات هتلاقيها فى اى محل لعب كتير او حتى اضعف الايمان فالتوحيد والنور وطبعا الحجم الكبير هى احسن حاجه عشان يعرف يمسكها كويس وكل مايكبر المكعبات تصغر عشان مهارات صوابعه بتنمو لما يكبر اللى بتخليه مثلا يعرف يتحكم فالقلم

كان معكم كريزى اناناس من جمب كشك عم عبدو للعب هههههههههههه

يا ماميهات انا لاحظت ان التطعيم اللي في كتف جود ده ماعملتش العلامه اللي بتتكلمو عليها دي مش عارفه ليه بأه محدش يعرف ليه؟

marioum27;14685898:
يا ماميهات انا لاحظت ان التطعيم اللي في كتف جود ده ماعملتش العلامه اللي بتتكلمو عليها دي مش عارفه ليه بأه محدش يعرف ليه؟

ماتقلقيش هو عمل فى كتف هينار بعدها بشهر

بنات انتوا بداتوا تاكلوا بيبيهاتكم امتى
دكتور ادهم بيقلي ابدا اديله سريلاك من اول الشهر الرابع
عشان هو ضعيف اوى و محتاج تغذيه
انا محبطه جدا و مكتئبه من ساعه ما رجعت من عنده

السلام عليكم
ازيكم يا ماميهات
يارب تكونوا بخير واولادكم يارب
انا بقالي فترة طويلة مبدخلش بس انتوا عارفين باه عموري مشقلبلي حياتي كالعادة
عايزه اسال عن كتاب بيتكلم عن تربية الطفل بس يكون حاجة موسوعية كده ونقاوة ايديكوا ، حاجة يعني كويسة وملمة بجوانب كتير، وياريت يكون باديء من سن مبكر يعني في السنة الاولى مثلا، يعني انا كتير بقعد افكر عمر عنده اربع شهور ، هل في حاجة ممكن اعملها من دلوقتى تخليه يباه شخصية كويسة ، ولا كل المطلوب منى في الفترة دي ارضع واكرع واغير وبس
انا بلعب معاه طبعا ومسالة الحنان والاهتمام دي عارفاها، بس اقصد حاجات تانية في المرحلة المبكرة دي تزرع فيه انه يكون مثلا شجاع او مسئول او ذكي
اتمنى تكونوا فهمتوا قصدي وشكرا لكل واحدة هتجاوبني

marioum27;14685898:
يا ماميهات انا لاحظت ان التطعيم اللي في كتف جود ده ماعملتش العلامه اللي بتتكلمو عليها دي مش عارفه ليه بأه محدش يعرف ليه؟

عادي يا قمر شوية كده وهتلاقيها بدات تظهر لما هي تكبر شوية
وهي بتكون نقطه بيضا كده صغننه هي كده عند معاذ نقطه صغيره اوي لونها ابيض

sweetyronaaa;14693333:
بنات انتوا بداتوا تاكلوا بيبيهاتكم امتى
دكتور ادهم بيقلي ابدا اديله سريلاك من اول الشهر الرابع
عشان هو ضعيف اوى و محتاج تغذيه
انا محبطه جدا و مكتئبه من ساعه ما رجعت من عنده

رونا ازيك يا قمر ماتزعليش نفسك الاطفال كلها كده جسمهم قليل وضعيفين خالص

موضوع الاكل بقى معلش استحملي وربنا معاكي انا كنت اكلت معاذ برضو في الشهر الرابع عشان كان ضعيف
بكره يكبر ويبقى راجل ان شاء الله ماتقلقيش

طالبة الحق;14693411:
السلام عليكم
ازيكم يا ماميهات
يارب تكونوا بخير واولادكم يارب
انا بقالي فترة طويلة مبدخلش بس انتوا عارفين باه عموري مشقلبلي حياتي كالعادة
عايزه اسال عن كتاب بيتكلم عن تربية الطفل بس يكون حاجة موسوعية كده ونقاوة ايديكوا ، حاجة يعني كويسة وملمة بجوانب كتير، وياريت يكون باديء من سن مبكر يعني في السنة الاولى مثلا، يعني انا كتير بقعد افكر عمر عنده اربع شهور ، هل في حاجة ممكن اعملها من دلوقتى تخليه يباه شخصية كويسة ، ولا كل المطلوب منى في الفترة دي ارضع واكرع واغير وبس
انا بلعب معاه طبعا ومسالة الحنان والاهتمام دي عارفاها، بس اقصد حاجات تانية في المرحلة المبكرة دي تزرع فيه انه يكون مثلا شجاع او مسئول او ذكي
اتمنى تكونوا فهمتوا قصدي وشكرا لكل واحدة هتجاوبني

بصي يا قمر هو كده لسه صغير اوي فعلا مش وراه حاجه غير الرضاعه والنوم والبي بي
انك تعلميه ازاي يكون شجاع بقى ومسئول والكلام ده لما يبدا يفهم ويستوعب الكلام انتي تعلميه مثلا يعتمد ع نفسه مش كل حاجه انتي اللي تعمليهاله
تبدأي تشغليه معاكي ف البيت وهات دي واعمل كذا كده يعني عشان يحس ان مش كل حاجه بالساهل وانه لازم يعتمد على نفسه

الكتب بقى دوري ع النت اكيييد هتلاقي
هو ف كتاب اسمه تربية الاطفال في الاسلام بيتكلم عن كل حاجه وجميل اوي
هو مجلد كده زي الكتب الدينيه بس حلو اوي

om_hienar;14687041:
ماتقلقيش هو عمل فى كتف هينار بعدها بشهر

لأ يا حبيبتي دي جود عندها 10 شهور دلوقتي ماشاء الله يعني مطعماه من زمان أوي ده اللي قلقني

بنات لوسمحتم عاوزة اسال عن اللبن البقرى العادى ندخلة امتى بالضبط
انا بنتى فاضل لها حوالى اسبوع وتتم سنة بس انا ابتديت ادخلهولها فى الاكل شوية شوية هل كدة غلط واستعجلت ولازم تتم السنة بالضبط ولا اية
وجزاكم الله خيرا

♥أم°•♥DANDONA_2010 ♥•°حلا♥;14694898:
بنات لوسمحتم عاوزة اسال عن اللبن البقرى العادى ندخلة امتى بالضبط
انا بنتى فاضل لها حوالى اسبوع وتتم سنة بس انا ابتديت ادخلهولها فى الاكل شوية شوية هل كدة غلط واستعجلت ولازم تتم السنة بالضبط ولا اية
وجزاكم الله خيرا

ازيك ياام حلا كل سنة وحلا طيبة ياجميل ويارب العمر كلة ان شاء اللة
بصى ياقمر انا عارفة ان اللبن البقرى يدخل مع الاكل كوجبة غذائية يعنى ماتستغنيش عن اللبن الصناعى بتاعها او لبنك انتى الدكتور محمد رفعت هو اللى قال كدة يعنى اللبن البقرى يبقى عبارة عن وجبة زى البيض والسمك وكل الاكل اللى بتاكلة لكن مايعوضش عن اللبن الصناعى او لبن الام
ولو دخلتية ان شاء اللة لما تتم السنة بالسلامة تدخلية واحدة واحدة يعنى يبقى مخفف الاول بماية وبعد كدة تقللى نسبة المية شوية بشوية
اما بقى على الاستعجال انا مش حقدر افيدك بجد بس معتقدش انها هتفرق من اسبوع مش عايزة افتى بس طالما مش عملها حاجة لاقدر اللة يبقى الحمد للة وقفى لحد ماتتم سنة وكام يوم كدة وارجعى حطية فى الاكل تانى او تديهولها لوحدة وربنا يخليهالك ان شاء اللة

sweetyronaaa;14693333:
بنات انتوا بداتوا تاكلوا بيبيهاتكم امتى
دكتور ادهم بيقلي ابدا اديله سريلاك من اول الشهر الرابع
عشان هو ضعيف اوى و محتاج تغذيه
انا محبطه جدا و مكتئبه من ساعه ما رجعت من عنده

لا عادى يا رونا انا اكلت نانو من اول يوم فالرابع وكدا احسن عشان يتعود عالاكل وميعذبكيش بعد كدا وحاولى بعد كدا يعنى الخامس والسادس كدا متخليش الاكل سائل قوى يعنى يادوب تسلقى البطاطس مثلا وتهرسيها بالشوكه مش فالخلاط عشان يتعود ان الاكل مش كله سائل ويقرف لما يكمل سنه ومايعرفش يمضغ الاكل لانه هيكون اتعود على الزلط علطوووول :lol:

sweetyronaaa;14693333:
بنات انتوا بداتوا تاكلوا بيبيهاتكم امتى
دكتور ادهم بيقلي ابدا اديله سريلاك من اول الشهر الرابع
عشان هو ضعيف اوى و محتاج تغذيه
انا محبطه جدا و مكتئبه من ساعه ما رجعت من عنده

رونا الدكتور مينفعش يحدد من دلوقتي ممكن البيبي وضعه يتغير في الفترة دي ان شاء الله يغاية ما يوصل للرابع، اهتمي بس انتي بالرضاعة وكلي حاجات مفيدة ليكي واشريي سوايل كتيرة عشان يوصله لبن مغذي وينمو كويس، بس حتي لو كده متقلقيش كده كده هو كان هياكل مثلا من اول الخامس يعني شهر مفرقش كتير

طالبة الحق;14693411:
السلام عليكم
ازيكم يا ماميهات
يارب تكونوا بخير واولادكم يارب
انا بقالي فترة طويلة مبدخلش بس انتوا عارفين باه عموري مشقلبلي حياتي كالعادة
عايزه اسال عن كتاب بيتكلم عن تربية الطفل بس يكون حاجة موسوعية كده ونقاوة ايديكوا ، حاجة يعني كويسة وملمة بجوانب كتير، وياريت يكون باديء من سن مبكر يعني في السنة الاولى مثلا، يعني انا كتير بقعد افكر عمر عنده اربع شهور ، هل في حاجة ممكن اعملها من دلوقتى تخليه يباه شخصية كويسة ، ولا كل المطلوب منى في الفترة دي ارضع واكرع واغير وبس
انا بلعب معاه طبعا ومسالة الحنان والاهتمام دي عارفاها، بس اقصد حاجات تانية في المرحلة المبكرة دي تزرع فيه انه يكون مثلا شجاع او مسئول او ذكي
اتمنى تكونوا فهمتوا قصدي وشكرا لكل واحدة هتجاوبني

ازيك يا بطوووووط، بصي خدي اللينك ده اسألي فيه علي اللي انتي عايزاه وهتلاقي فيه معلومات تفيدك جدا عن كل حاجة تخص صحة البيبي، وممكن تسأليها بردو علي كتب ممكن تكون عارفة حاجات كويسة
http://forums.3roos.com/showthread.php?t=604248&page=8

♥أم°•♥DANDONA_2010 ♥•°حلا♥;14694898:
بنات لوسمحتم عاوزة اسال عن اللبن البقرى العادى ندخلة امتى بالضبط
انا بنتى فاضل لها حوالى اسبوع وتتم سنة بس انا ابتديت ادخلهولها فى الاكل شوية شوية هل كدة غلط واستعجلت ولازم تتم السنة بالضبط ولا اية
وجزاكم الله خيرا

انا دخلته لما تمت السنة بالظبط والدكتور قاللي اديها اي نوع احبه سواء عادي او باودر ومن غير ما اخففه، بس يستحسن يتخفف بردو عشانت متضمنيش بس انا جربت والحمدلله تقبلته من غير تخفيف ومتعبهاش، ممكن بردو تدخلي علي نفس اللينك اللي فوق وتسألي دندن، بس اظن انه عادي فرق الاسبوع ده مش مهم اوي

*Om Mo3az & Eyad*;14694159:
عادي يا قمر شوية كده وهتلاقيها بدات تظهر لما هي تكبر شوية
وهي بتكون نقطه بيضا كده صغننه هي كده عند معاذ نقطه صغيره اوي لونها ابيض



رونا ازيك يا قمر ماتزعليش نفسك الاطفال كلها كده جسمهم قليل وضعيفين خالص

موضوع الاكل بقى معلش استحملي وربنا معاكي انا كنت اكلت معاذ برضو في الشهر الرابع عشان كان ضعيف
بكره يكبر ويبقى راجل ان شاء الله ماتقلقيش

ميرسي اوي يا ايمى
طيب متفتكريش اكلتى معاذ ايه في الاول

crazy ananas;14696881:
لا عادى يا رونا انا اكلت نانو من اول يوم فالرابع وكدا احسن عشان يتعود عالاكل وميعذبكيش بعد كدا وحاولى بعد كدا يعنى الخامس والسادس كدا متخليش الاكل سائل قوى يعنى يادوب تسلقى البطاطس مثلا وتهرسيها بالشوكه مش فالخلاط عشان يتعود ان الاكل مش كله سائل ويقرف لما يكمل سنه ومايعرفش يمضغ الاكل لانه هيكون اتعود على الزلط علطوووول :lol:

ميرسي يا انوس
انا ماما كمان بتقلي كده و بتقلي اصلا انهم كانوا من نص التالت بيدخلوا عصاير للبيبي
طيب بقلك يا انوس انتى كنتى بتاكلي نانو ايه في الاول
هو الدكتور قالي هنبدا بوجبه سريلاك و بعد كده ندخل الاكل وحده وحده

CuTie KaTkOoTa;14697156:
رونا الدكتور مينفعش يحدد من دلوقتي ممكن البيبي وضعه يتغير في الفترة دي ان شاء الله يغاية ما يوصل للرابع، اهتمي بس انتي بالرضاعة وكلي حاجات مفيدة ليكي واشريي سوايل كتيرة عشان يوصله لبن مغذي وينمو كويس، بس حتي لو كده متقلقيش كده كده هو كان هياكل مثلا من اول الخامس يعني شهر مفرقش كتير

هو كده او كده خلاص فاضل له 11 يوم على اول الرابع و هو لسه الدكتور هيشوفه الاسبوع الجاى بس بيقلي معتقدش ان وزنه هيتظبط و مش عايز نتاخر في الاكل عشان ميضعفش اكتر

ام مالك وكتكت
تسلمولى على ردكوا
ربنا يبارك لكوا فى اولادكوا يارب