استفسارات وتساؤلات الأمهات * الجزء التاسع *

سالي أحسن نوع وايبس من سيباميد والحمد لله مش بيعمل مع ابنى اى تسلخات

ياسمينا ,, انصحك بلاش المخدة خالص فى سرير البيبي هوا هيتقلب يمين وشمال فأحسن حاجة ترفعى تحت راسه يعنى تحت الفرش فهماني ؟ وتلبيسه سليب باج عشان يتقلب براحته ومفيش حاجة تضايقه

وبلاش المعلبات الا فى الضرورة انا كنت بفكر فيها وبيكتبو مفيش مواد حافظة وهما حاطيين انتى أحسن حاجة اشتري الخضار والفواكه واعملي طازجة ممكن بالمالتى كويك من بروان هتسهل معاكي الموضوع يعنى الدكتورة نصحتنى وقت ما أعمله سيريلاك أضيف تفاحة مثلا بقوم ضربه التفاحه من غير ما أسلقها واخلطها على السيريلاك وكمان الموز والبرتقال والكمثري والخضار كمان اسلقيه وممكن تحطيه فى علب صغيرة وتحفظيه فى الثلاجة لو خارجه أو مشغولة بس ابعدى عن المعلبات ربنا يحفظلك ابنك

انا طعمت فيرو نطعيم ال6 شهور بس المره دى سخنت زياده وورمت رجلها عن كل مره بس الكلكيعه فى رجلها بتقل الحمد لله
ده طبيعى ؟؟؟؟؟؟

طبيعي يا موني يا حبيبتى انا برضو طعمت عيسى من يومين والمره دى كان ساخن عن كل مرة والحمد لله مع المسكن وخافض الحرارة اتحسن

السلام عليكم و رحمه الله و بركاته
ممكن يا جماعه أشترك معاكم
أعرفكم بنفسي اللأول
أنا اسمي غاده و عندي و لد عمره 4 سنين اسمه عمر و بنت اسمها يارا عمرها شهرين
و كان ليه سؤال شاغل بالي أوي أتمني تردولي عليه
امته يارا حتبتدي تناغي هي كل اللي بتعمله لحد دلوقتي الابتسام مش أكتر من كده وكمان امته أبتدي أكلها أصلي بصراحه متحمسه أوي للموضوع ده و شكرا ليكو يا بنات

السلام علليكم اامهات والله اني محتااااااااااااااجه زي كذا تجمع مرررره حلو
انا عندي بنوته عمرها 6 شهور الله يحفظها يارب بس مجننتني بالصياح الله يصلحها ملوله
وصاير لعابها يسيل كثير وبس تبي تعضعض مسكينه شكله تسنين وانا اول طفل ماعندي خبره
المهم بسألكم يامهات من خبرتكم متى يخف التعب مع الطفل والارهاق وترجع الحياة طبيعي زي قبل لانه
الارهاااااااق ذبحني واحس مو لاقيه وقت لا لنفسي ولا لزوجي تى تخف هالاشياء ويرجع كل شي طبيعي ياليتكم تجاوبوني ربي يسعدكم

sally2007;14717885:
ازيكم ياامهات الامامير الصغيرين
ايه احسن وايبس للاطفال ايزى كير ولا بيبى جونسون ولا نوع ايه انا بستخدم ايزى كير

انا جربت وايبس سانوسان بجد روعه و مولفيكس كمان جميله و جربت كمان بتاعت بامبرز بس جابت لدومى تسلخات

dr dodi83;14730498:
السلام عليكم و رحمه الله و بركاته
ممكن يا جماعه أشترك معاكم
أعرفكم بنفسي اللأول
أنا اسمي غاده و عندي و لد عمره 4 سنين اسمه عمر و بنت اسمها يارا عمرها شهرين
و كان ليه سؤال شاغل بالي أوي أتمني تردولي عليه
امته يارا حتبتدي تناغي هي كل اللي بتعمله لحد دلوقتي الابتسام مش أكتر من كده وكمان امته أبتدي أكلها أصلي بصراحه متحمسه أوي للموضوع ده و شكرا ليكو يا بنات

اهلا بيكي يا حببتي
يارا ان شاء الله هتبتدي تناغي على شهرين و نص او تلات شهور
اما الاكل بقي فيه بيقولوا من اول الرابع و فيه بيقولوا من اول الخامس

عالسلامة أخواتي كتير حلو هالتجمع الله يحسن لمتكم
حبيت أكون معاكم و أشاركم هاللمة الحلوة
أنا ا أسمي أميمة و أم لبنوته أسمها لجين و عمرها 11 شهر
فياريت تقبلونا معاكم نفيد و نستفيد

متشكرة قوى يابنات على ردكم بخصوص الوايبس ربنا يكرمكم يارب

انا كنت قلتلك على كرسى الحمام اللى بحمى عليه ابنى وقلت هصوره ليكم معلشى طبعا اتاخرت بس والله الكسل بعيد عنكم بقى مساكنى قوى

المهم انا صورته اهو ليكم

http://www.3roos.com/files/ups/2011/142132/01300465345.jpg

http://www.3roos.com/files/ups/2011/142132/11300465345.jpg

بنات ايه احسن نوع كريم للتسلخات
انا بستخدم كينا كومب بس اياد عنده حبوب حمرا كده ف منطقة البامبرز وبقى لي كذا يوم بحط له كيناكومب وهي مش بتروح خالص :(

dr dodi83;14730498:
السلام عليكم و رحمه الله و بركاته
ممكن يا جماعه أشترك معاكم
أعرفكم بنفسي اللأول
أنا اسمي غاده و عندي و لد عمره 4 سنين اسمه عمر و بنت اسمها يارا عمرها شهرين
و كان ليه سؤال شاغل بالي أوي أتمني تردولي عليه
امته يارا حتبتدي تناغي هي كل اللي بتعمله لحد دلوقتي الابتسام مش أكتر من كده وكمان امته أبتدي أكلها أصلي بصراحه متحمسه أوي للموضوع ده و شكرا ليكو يا بنات

وعليكم السلام
اهلا يا قمر منوره التجمع يا جميل
الاكل ممكن من الشهر الرابع وفي ناس بتفضل في الشهر السادس

sweetqueen;14731049:
السلام علليكم اامهات والله اني محتااااااااااااااجه زي كذا تجمع مرررره حلو
انا عندي بنوته عمرها 6 شهور الله يحفظها يارب بس مجننتني بالصياح الله يصلحها ملوله
وصاير لعابها يسيل كثير وبس تبي تعضعض مسكينه شكله تسنين وانا اول طفل ماعندي خبره
المهم بسألكم يامهات من خبرتكم متى يخف التعب مع الطفل والارهاق وترجع الحياة طبيعي زي قبل لانه
الارهاااااااق ذبحني واحس مو لاقيه وقت لا لنفسي ولا لزوجي تى تخف هالاشياء ويرجع كل شي طبيعي ياليتكم تجاوبوني ربي يسعدكم

اهلا يا جميل منورانا
فيه جل تحطيه لها على اللثه بتاعتها عشان يخفف الالم بتاع التسنين شوية
ربنا يخليهالك يارب
والمفروض الطفل يبدا ينام كويس من 6 شهور تقريبا بس مش زي الكبار برضو هيبقى زينا كده لما يتم سنتين او حاجه ان شاء الله

أم لجوني;14731657:
عالسلامة أخواتي كتير حلو هالتجمع الله يحسن لمتكم
حبيت أكون معاكم و أشاركم هاللمة الحلوة
أنا ا أسمي أميمة و أم لبنوته أسمها لجين و عمرها 11 شهر
فياريت تقبلونا معاكم نفيد و نستفيد

اهلا بيكي يا جميل منورة التجمع
واهلا بيكي معانا

يامهات بليز عايزه اللينك بتاع حوامل مصر

ام معاذ انا بستخدم لاميرة كريم حلو بصراحة وبيريحى لما يكون عندها تسلخات سمة كوادريدرم كريم (Quadriderm) هى بيطلعلها حبوب والحبوب ساعات بتجيب نقطة دم خفيفة وهو اللى ريحها اكتر من الكريم اللى قولتى علية انا كنت بستخدمة وسلامتة الف سلامة

حلم العمر 110;14734728:
يامهات بليز عايزه اللينك بتاع حوامل مصر

اتفضلي يا قمر اللينك اهو

http://forums.3roos.com/showthread.php?t=604383&page=355

((K~A~T~O));14736225:
ام معاذ انا بستخدم لاميرة كريم حلو بصراحة وبيريحى لما يكون عندها تسلخات سمة كوادريدرم كريم (Quadriderm) هى بيطلعلها حبوب والحبوب ساعات بتجيب نقطة دم خفيفة وهو اللى ريحها اكتر من الكريم اللى قولتى علية انا كنت بستخدمة وسلامتة الف سلامة

جزاكي الله خيرا يا كاتو
هغيره ان شاء الله وابقى اجيب اللي قلتي عليه ده اجربه

الله يعطيك العافيه على الرد ياام معاذ وربي يسعدك ويسهل امرك

عندي سؤال بسيط للي عنده خبره اصعب مرحله للطفل بالنسبه لك كأم ايش هي هل هي بسن الاشهر او متى

Bossy22;14715369:
هى ليه الكبده مش محبذة يا ايمى

بوسي هي مضرة بردو لينا الكبار بس لو هناكل منها يبقي مش كتير وكل فترة كده عشان نفسنا وخلاص، لكن الاحشاء دايما والحاجات الداخلية وخصوصا الكبد بتبقي عرضة للتلوث والسموم كلها وحتي كبدة اللحوم وكده قريبة جوزي دكتورة في علوم شرحتلي منفترة بالظبط انواع الديدان والحاجات اللي بتبقي في الكبدة او بتستقر فيها الجزء ده تحديدا ولازم له طريقة معينة مش عارفة ايه وكده حوار كبير فالواحد اضمن يقلل خالص او بلاش احسن
وزي ما رضوي قالتلك كده بردو

((K~A~T~O));14716418:
تسلموا يابنات
انا هحاول اروح لدكتورة يا ايمى ان شاء الله بس مثلا قبل ما اسافر لزوجى او قبل ما هو يجى بس انا عادى حصل حمل قبل كدة وانا برضع فربنا يسهل هو فى دوا بيتاخد مرتين فى الاسبوع لمدة اسبوعين كنت بفكر اخدة وخلاص بس غيرت راى عشان عايزة اعرف ممكن يأثر على شئ وكدة ولا كدة هصبر شوية اسبوعين يمكن ينشف لوحدة يا مسهل وانتى اول مرة تاخدى بالك من كدة ولا ولا مرة جربتى تضغطى وتشوفى نشف ولا لسة

لا ده انا جربت اضغط بالصدفة من فترة صغيرة اوي لقيت لسه فيه وانا كنت نسيت الموضوع ده من فترة وفكراه نشف، فاتخضيت بقي واستغربت اوي وبردو ساعة لما قل ولما بطلت بعدها بشهرين حتي كنت جربت لقيت فيه بردو بس كان شفاف وامبيض اكتر لكن ده حسيته مصفر شوية، فعشان كده الدكتورة لسه هتشوفه وغالبا هتكتبلي علي حاجة عشان تنشفه لما اشيل اللوب ان شاء الله بس لسه لما تكشف الاول

razminia;14720095:
ازيكوا يابنات
ميرسى ياايما انا بديلة سمك وفراخ الحمد للة بس مش بديلة كبدة عشان الدكتور قالى مش محبذة فقولت على اية مش فيها فايدة اوى يعنى مش اشكال اديهالة اصلا
طيب ازاى بليلة ومهلبية ياقمر ممكن تقوليلى الطريقة بتاعتهم

اه هي فعلا مش محبذة يمكن انا اكلت منها جودي مرتين ولا حاجة للتجربة كده ومش كتير لكن مش بجيبها خالص من زماااااان
المهلبية لبن ونشا وسكر بس بالنسبة له هو طبعا ممكن تحليها بالعسل الابيض خفيف كده، وتتعمل باللبن الصناعي طبعا حطي علي الكوباية معلقة كيرة نشا وحليه خفيف كده عشان ميبقاش مسكر اوي وهو كده كده اللبن بتاعهم متعودين علي طعمه وهو من غير حاجة، وارفعيها علي النار وقلبي لغاية ما تتقل معاكي بس اعملي كمية صغنونة اول بأول ومش لازم تدخليها التلاجة، هي لما تهدي وتبره هتلاقيها مسكت نفسها وعشان تبقي سهلة عليه في الاكل وطبعا كمية صغيرة لأنها مش هتنفع تقعد فترة طويلة عشان اللبن الصناعي بردو

والبليلة بقي بتكوني غسلاها ونقعاها من اليوم اللي قبلها وبعدين تحطيها وتملي مية كتير عليها وتسيبيها بقي تاخد وقتها علي النار لغاية ما القمح يفتح وتنفش وتبقي طرية وزوديها في السوا اكتر عشان تبقي سهلة في الضهم والبلع له، وشوفي بقي هتحطي عليها لبن بردو وتدهاله بالمعلقة ولا تضربيها علي خفيف في الخلاط وحليها طبعا بردو عشان القمح دلع خالص

ياسمينــــا;14720275:
بنات ازيكم ياااارب يخللكم اطفالكم يااارب وتفرحوا بيهم
انا عندى آدم لا طلع سنان ولا زحف هو كدة اتأخر ولا اية هو عندة 7 شهور تقريبا
وكمان بتنيمة اولادكم على اية يعنى المخدة بتاعة الاطفال دية اجبها منين
انا لحد دلؤتى بنيمة من غير حاجة خااالص هو ينفع انيمة على المخدة الي بنام عليها
واكلة اية انا بأكلة زبادى وسيرلاك ومعلبات دية بتاعة هيرو بيبي

لا ليه بلاش مخدات خالص دلوقتي ممكن كمان شهرين كده تجيبي مخدة صغيرة فايبر من محلات الاطفال، والاكل اعمليه حاجات في البيت احسن عشان يتعود علي الطعم البيتي ومش يغلبك لما يكبر ويطلع ميحبش إلا الجاهز وبس

monyfofo;14726401:
انا طعمت فيرو نطعيم ال6 شهور بس المره دى سخنت زياده وورمت رجلها عن كل مره بس الكلكيعه فى رجلها بتقل الحمد لله
ده طبيعى ؟؟؟؟؟؟

انتي عارفة بردو ان جودي في ال 6 شهور تعبتني اكتر مرة سبحان الله سخنت وتعبت غير اللي الاتنين اللي قبله خالص

*Om Mo3az & Eyad*;14734662:
بنات ايه احسن نوع كريم للتسلخات
انا بستخدم كينا كومب بس اياد عنده حبوب حمرا كده ف منطقة البامبرز وبقى لي كذا يوم بحط له كيناكومب وهي مش بتروح خالص :(

هاتي ليتروديرم بس عامة الكريمات دي كلها بستخدم 3 ايام بس مش اكتر مرتين في اليوم الصبح وبالليل وبعد كده ان شاء الله تروح المشكلة وترجعي تاني لكريم الحفاضات اللي متعودة عليه

بنات اللي كانوا بيسألوا علي تمن تطعيم الكبدي أ في تبارك ب 90 وجودي كانت هتاخده المرة اللي فاتت دي بس الدكتور اجله احتياطي عشان البرد اللي عندها فان شاء الله تاخده بكرة لو لقاها كويسة.

وضروري يا بنات اللي هايتعمله تحليل الهيموجلوبين في الصحة لما البيبي يتم السنة لو هو اصلا كان عنده انيميا، ميعتمدش علي التحليل بتاعهم ويرجع يعمله تاني اضمن في مكان كويس عشان يتأكد من النسبة لأنهم ادوني نسبة مختلفة خالص غير اللي عمتها تاني لجودي بعدها في تبارك

وسألت الدكتور علي البيبي مفروض ياخد لبن اد ايه في اليوم قاللي رضعتين ده بعد السنة يعني وقلتله واللبن الرايب مفيد قاللي لأ رايب لأ لبن عادي وبس او باودر يعني اي حاجة واي نوع

وسألته علي مية الشرب امتي اشربها مية عادية للعلم يعني تبقي زينا كده من غير غليان او فلتر حتي او معدنية وكده قاللي دلوقتي عادي جدا هي كده كده خلاص مفروض تبقي زيكم بالظبط

والكالسيوم والحديد اللي كانت بتاخدهم قاللي معاكي لسنة ونص كمان

بس الانيميا طلعت لسه عندها والنسبة قليلة بردو فزودلها جرعة العلاج بقي

ازيكو يا ماميهات بقالي كتير ما شوفتكوش وحشتوني .. عايزة أسأل كام حاجة

اشرب حمزة ميه قد ايه في اليوم هوا عنده 10 شهور دلوقتي

الكيكي بتاعه بقى جامد اوي و بيحزق جامد يا حبيبي مع اني مش باكله غير سيريلاك مرة في اليوم معلقتين بس

انا مقصرة معاه اوي اوي اوي في الاكل و باستسهل انه لسه بيرضع و ممكن يعدي اليوم من غير ما ياكل حاجة اصلا قولولي وجبات حلوة ليه ربنا يكرمكم كنت جربت اعمله بسلة و جزر في الخلاط ما حبهاش

انا مش باديله فيتامينات غير فيتامين دي مفروض اديله حاجة تانية؟

ازيكم يا قمرات انا جبت لعيسى المشاية وبقعده فيها بس وبحس انه مدايق وكمان رجله مدلدلة كدا فبحط تحتها مخده تسندها هيا مكتوب عليها من سبع شهور وهوا اسبوعين ويخلص السابع ان شاء الله امتى اخلى رجليه ع الارض عادي لانى قلقانة من الحوار دا مع ان كل قريبى بيجبوها من السادس وعادى والبيبي بيجري بيها وكل ما اسمع دكتور يقول تقوس لا قدر الله