استفسارات وتساؤلات الأمهات * الجزء التاسع *

*Om Mo3az*;14546700:
ايمي مكتوب عليه super enliven baby

وفي كلمه تانيه unisex

مش لاقيه حاجه تانيه اكتبها حتى مش لاقيه مكتوب عليه مصنوع فين

غريبة اوي دي لا مسمعتش عن ده خالص بصراحة يا ايمي

بسبوسةميدو;14552373:
شكرا ياجميل :)طيب هي عادي تاخدها دلوقتي ؟؟ وجبنة كيري تنفع ولا تقيلة عليها؟؟

اه تاخدها عادي متقلقيش بس بلاش كيري عشان دسمة وتقيلة اوي عليها دلوقتي

بسبوسةميدو;14552444:
معلش سؤال كمان :) الدكتور بتاع بنتي كاتبلها بيديكال 2ونص مللي ولما سالته مش كده قليل قالي لا دي لسه صغيرة وهي تمت السبع شهور النهارده ما شاء الله مش عارفه بقى انا بشوفكم بتقولوا دايما 5مللي؟؟ازودلها انا واديها 5مللي من نفسي ولا اعمل ايه؟؟

بصي انا فعلا كله بيدي 5 ودي بتبقي جرعة وقائية ومرة في اليوم، طيب هقولك عشان تتأكدي بردو ادخلي اسئلي ام سيمو هنا
http://forums.3roos.com/showthread.php?p=14549447&posted=1#post14549447

ازيكم ياميمهات
كنت عايزة اسال على حاجتين اية غير البطاطس والكوسة والجزر اللى ينفع اديها لمالك والحاجة التانية انتوا ازاى بتدوا لعيالكوا شوربة الخضار وبتبقى بشوربة فراخ ولا ماجى ولااية النظام والاكل اللى بيبقى جواها بيبقى مهروس ولا متقطع قطع صغيرة اوى
وسؤال كمان معلش امتى البيبى يبطل الاكل المهروس انا بدى لمالك الاكل مهروس اوى خايفة لحسن يتعود علية ومايبقاش عارف الاكل الطبيعى بليز يابنات اللى يعرف حاجة من الاسئلة دى يرد عليا وميرسى ليكوا مقدما

بناااااااااات انا هتجنن خلاااااص
محمد دلوقتى سنة و 20 يوم مثلا ولسة مطلعلش ولا سنة
روحت للدكتورة كتبتلى فيتامين د فى امبول كدا 2 سم اخففة لحد5 سم بالعصير اشربهولة مرة واحدة بس
كمان كتبتلى على هاى كال 5 سم كل يوم

قالتى خلال 10 ايام ولاحاج هتظهر الاسنان
لكن لا حياااااة لمن تنادى:(
بديلة لبن و زبادى و جبنة مثلثات
يعنى كالسيوم اهو
لية بئة كداااااااااااااااا

razminia;14556945:
ازيكم ياميمهات
كنت عايزة اسال على حاجتين اية غير البطاطس والكوسة والجزر اللى ينفع اديها لمالك والحاجة التانية انتوا ازاى بتدوا لعيالكوا شوربة الخضار وبتبقى بشوربة فراخ ولا ماجى ولااية النظام والاكل اللى بيبقى جواها بيبقى مهروس ولا متقطع قطع صغيرة اوى
وسؤال كمان معلش امتى البيبى يبطل الاكل المهروس انا بدى لمالك الاكل مهروس اوى خايفة لحسن يتعود علية ومايبقاش عارف الاكل الطبيعى بليز يابنات اللى يعرف حاجة من الاسئلة دى يرد عليا وميرسى ليكوا مقدما

الجزر ز الكوسة و البطاطس المهروسين دول هما اللى بنقول عليهم شوربة خضار
و عادى ممكن تضيفى شوية شوربة علشن يسهل الهرس
ممنوع استخدام ماااااجى نهائي
ممكن الجزر تعملية حلو يعنى مهلبية مثلا
و التفاح برضة


انا شايفة ان مالك 8 شهور يتحسن ميكنش الاكل مهروس اوى عشلن يتعود على المضغ
درجى سماكة الاكل

CuTie KaTkOoTa;14552935:
غريبة اوي دي لا مسمعتش عن ده خالص بصراحة يا ايمي

جزاكي الله خيرا يا ايمي
معلش تعبتك معايا
انا هستخدمه بقى وخلاص وان شاء الله يطلع كويس

razminia;14556945:
ازيكم ياميمهات
كنت عايزة اسال على حاجتين اية غير البطاطس والكوسة والجزر اللى ينفع اديها لمالك والحاجة التانية انتوا ازاى بتدوا لعيالكوا شوربة الخضار وبتبقى بشوربة فراخ ولا ماجى ولااية النظام والاكل اللى بيبقى جواها بيبقى مهروس ولا متقطع قطع صغيرة اوى
وسؤال كمان معلش امتى البيبى يبطل الاكل المهروس انا بدى لمالك الاكل مهروس اوى خايفة لحسن يتعود علية ومايبقاش عارف الاكل الطبيعى بليز يابنات اللى يعرف حاجة من الاسئلة دى يرد عليا وميرسى ليكوا مقدما

بصي ياقمر بلاش ماجي دي خااااااااالص هي اصلا بيحذرو منها عموما فبلاش منها لمالك خليكي ف الطبيعي احسن وشوربة الفراخ كويسه اوي
وممكن تدي له صفار بيض وجبنه مثلثات وممكن ياخد سمك مش هو 8 شهور ؟
دلوقتي ياكل السمك المشوي اولا عشان خفيف طبعا ويكون من غير ملح او ملح خفيف اوىىىى والفراخ كمان ممكن تفتتيها قطع صغنتته اوي وتديهاله

m@hy;14556955:
بناااااااااات انا هتجنن خلاااااص
محمد دلوقتى سنة و 20 يوم مثلا ولسة مطلعلش ولا سنة
روحت للدكتورة كتبتلى فيتامين د فى امبول كدا 2 سم اخففة لحد5 سم بالعصير اشربهولة مرة واحدة بس
كمان كتبتلى على هاى كال 5 سم كل يوم

قالتى خلال 10 ايام ولاحاج هتظهر الاسنان
لكن لا حياااااة لمن تنادى:(
بديلة لبن و زبادى و جبنة مثلثات
يعنى كالسيوم اهو
لية بئة كداااااااااااااااا

عادي يا قمر ماتقلقيش
قريبة زوجي بنتها كانت كده ولحد سنه وكذا شهر مش كانت طلعت ولا سنه ومش اخدت اي حاجه خالصولا وديتها لاي دكتور والسنان بعد كده طلعت لواحدها ما شاء الله
فيه اطفال بتكون كده طبيعي ماتخافيش

CuTie KaTkOoTa;14552935:
اه تاخدها عادي متقلقيش بس بلاش كيري عشان دسمة وتقيلة اوي عليها دلوقتي


بصي انا فعلا كله بيدي 5 ودي بتبقي جرعة وقائية ومرة في اليوم، طيب هقولك عشان تتأكدي بردو ادخلي اسئلي ام سيمو هنا

مرسي ياكتكوته انا برضه قلت كيري هتبقى تقيلة طيب ينفع اديها مع الجبنة قلب الفينو من جوة؟؟ اصل جوزي بيقولي ممكن يعملها تلبك معوي:!!: الكلام ده صحيح ولا ايه؟؟

razminia;14556945:
ازيكم ياميمهات
كنت عايزة اسال على حاجتين اية غير البطاطس والكوسة والجزر اللى ينفع اديها لمالك والحاجة التانية انتوا ازاى بتدوا لعيالكوا شوربة الخضار وبتبقى بشوربة فراخ ولا ماجى ولااية النظام والاكل اللى بيبقى جواها بيبقى مهروس ولا متقطع قطع صغيرة اوى
وسؤال كمان معلش امتى البيبى يبطل الاكل المهروس انا بدى لمالك الاكل مهروس اوى خايفة لحسن يتعود علية ومايبقاش عارف الاكل الطبيعى بليز يابنات اللى يعرف حاجة من الاسئلة دى يرد عليا وميرسى ليكوا مقدما

بصي ياجميل انا بنتي عندها 7شهور ما شاء الله وبعملها الكوسة والجزر والبطاطس بسلقهم عادي بمية وبحط معاهم وهما بيتسلقوا يا اما مكرونة الصغيرة اوي دي او لسان عصفور والله ومرة حطيت شعريه اي حاجه بس تمسك الشوربه في بعض كانك حاطه نشا مثلا الاول كنت بضربها في الكبة وبعد كده بقيت بهرسها بالشوكة وبعد كده بقيت اقطعهم بالمعلقه بسرعة بسرعه كده لما يبقوا حتت صغنونة وانا اصلا ببقى مقطعاها صغير قبل ماتتسلق علشان تستوي كويس وانتي ممكن كمان تضيفي حتت صغيرة صدور فراخ لان ابنك اكبر من بنتي ماشاء الله
وممكن تعمليله زبادي تحطي فيه فواكه او بسكوت ماري وصفار البيض ممكن مع الجبنة المثلثات علشان يعرف يبلعها وربنا يخليهولك يارب:)

بنات تايا عندها فدقنها كده من تحت حبوب صغيره اووى بس خشنه يعني بملس ع دقنها من تحت عند رقبتها بلاقيها خشنه ده من ايه

وبعدين عندها حبايتين قرص ناموسه بقالهم اسبوعين تقريبا وماراحوش من وشها اعمل ايه بردو ؟

توكي الحبوب الصغيرة دي مش عارفه ان شاء الله البنات يردوا عليكي اما قرصة الناموسة دي كانت دكتورة آدم قالتلي علي كذا حاجة مش فاكرة منهم غير كريم تراميسين بتاع العيون لأنه كان عندي في البيت بالصدفة ساعتها بس أعتقد أي كريم مضاد حيوي حته نونو كده بس وهي نايمه علشان مش تمد ايدها عليه و تحطها في بقها.. أنا حطيته لآدم بالليل صحي الصبح تقريبا مفيش حاجة

طيب كويس اوووى انا قلت هتروح لوحدها لحد ما بقت ختم ف وشها اتعلمت بيهم :D

ازيكم يا بنات
الحمد لله انا بنوتى دلوقتى عندها 7 شهور ونص
بدات اكلها لما كملت ست شهور
بس لما اديتها الجزر كان بينزل في الكيكي هو ده طبيعي ولا ايه ؟
ياريت تفيدونى جزاكم الله خيرا

شوق وحنين للجنة;14562410:
ازيكم يا بنات
الحمد لله انا بنوتى دلوقتى عندها 7 شهور ونص
بدات اكلها لما كملت ست شهور
بس لما اديتها الجزر كان بينزل في الكيكي هو ده طبيعي ولا ايه ؟
ياريت تفيدونى جزاكم الله خيرا

ازيك ياجميل ... ههههههههههه انا بضحك عشان انا لسة مأكلة مالك جزر من قيمة اسبوع كدة واول يومين كان عادة بس بعد اليومين دول لقيت برضة الكيكى لونها برتقانى وفيها الجزر طبعا اتخضيت كلمت ماما قعدت تضحك عليا ضحك قالتلى عادى بصراحة مهمدتش غير لما كلمت الدكتور وقالى دة عادى جدا طبيعى اهم حاجة مايبقاش لا عملة اسهال او امساك او مغص عموما ولا حساسية لاقدر اللة ربنا يبعد عنهم كل شر فمتقلقيش ياقمر كل الاطفال كدة
ربنا يطمنك عليها دايما وتفرحى بيها

ياجماعة انا عايزة اسال سؤال عشان انا خلاص هتجن انا مش عارفة اسالة فين بس اللى يعرف يرد عليا بقى وخلاص
التوقيع بتاعى انا عرفت اعملة بس مش عارفة ازاى اخلية يعد الايام بتاعة عمر مالك ازاى يعنى مالك عندة 8 شهور و5 ايام وهو كاتب و4 ايام ازاى بتخلوا العمر صح وبيعد كل يوم لوحدة ولو مش فهمنى قولولى الخطوات اللى بتعملوا بيها التوقيع بتاعكوا بلييز عشان انا نافوخى هيضرب
وعشان المخالفة امتى اعرف ان البيبى شبعان او العكس انة يبقى جعان ؟

ماميهات ازيكم انا عايزة اسألكم حد فيكم اشترى عربية بيبى من الموقع التانى؟؟؟؟؟؟؟؟؟

الحاجة التانية هينار المفروض تطعيمها كان يوم الثلاثاء ممكن اديهولها الاحد عادى؟؟؟؟؟؟؟؟؟؟

عادي يا أم هينار يوم الاحد مفيش مشكلة أنا طعمت آدم بعد الميعاد باسبوع والممرضة قالت عادي مفيش مشكلة

om_hienar;14567295:
ماميهات ازيكم انا عايزة اسألكم حد فيكم اشترى عربية بيبى من الموقع التانى؟؟؟؟؟؟؟؟؟

الحاجة التانية هينار المفروض تطعيمها كان يوم الثلاثاء ممكن اديهولها الاحد عادى؟؟؟؟؟؟؟؟؟؟

عادي ممكن تطعميها الاحد انا دايما بيوسف اقدم او اؤخر اسبوعين

ازيكم يابنات عاملين ايه

يوسف بقاله اسبوع بيطلعله بقع في وشه حمره وملمسها خشن عاملة زي الاكزمه مع اني استخدمتله كريم المشكلة بقت تخف وتطلع بحته تانيه والمكان اللي تخف منه اغمق

حد من ولادكم حصله كده او عارفين ديه ايه ومن ايه

ام تايا يا قمراية الحبوب الخشنة دي احتمال كبير تكون حمونيل و لو لونها احمر و خشنة و بتزيد مع البرد دي بتكون اكزيما الدكتور بتاع يوسف قالي الحمونيل بيكون علاجه بالكلامينا تحطيها بقطنة على المكان و تشيليها بقطنة فيها مية بعد ساعة او ممكن تسيبيها عادي بردو و تغسليها بعدين و الاكزيما بيكون علاجها مرطبات و بيبي اويل على طول و ممكن تستعملي كريم فيه نسبة كورتيزون قليلة اوي الدكتور كتبلي رياكورت تحطي منه يوم اه و يوم لا لحد ما يروح الاحمرار و بعدين تستخدمي مرطبات عشان تنعم و ترطب المكان و طبعا اهم حاجة تشربي تايا مية كتير

السلام عليكم


بنات انا جالي الطلق ورايحه اولد

ادعوووووووووووووووووووووووووووووولي بالله عليكويا بنات تكون وﻻده سهله والبيبي ييجي بالسلامه

ربنا معاكى يا ام معاذ ويرزقك ساعه سهله ياارب