استفسارات وتساؤلات الأمهات * الجزء التاسع *

دندونة انا راحت مستشفى الامومة والطفولة والدكتورة بتاعت دودى قلتلى اروح لاااخصائية التغذية عشان تقولى على الاكل اللى يناسب دودى وهو عنده 6 شهور
وادتنى ورقة مطبوعه فيها الاكل من ست شهور لحد سنة بس انا هقولك الست شهور باجميل

الاستمرار فى الرضاعة
نبدا بالحبوب(الارز _ الشوفان _نشا الذرة)
ثم الخضروات( الكوسا _ القرع الاخضر _ البطاطا)
ثم الفواكه مثل ( التفاح _ الكمثرى _ الباباى)
ويمكن ادخال صفار البيض المسلوق جيدا

الكمية والقوام
عدد الوجبات :_

وجبتين فى اليوم
الكمية من 2-3 ملاعق متوسطه

القوام:_
نبدا بكمية مطحونة وسميكة
بس انتى متديش معالق بقى انتى ادى مثلا لو زبادى علبه كاملة انا قلت ليها كده قلت ليه مفيش مشكلة

وده عشان الاطفال اللى من الشهر السابع لحد التامن

1_ يمكن تقديم الزبادى العادى بدون اضافة سكر او اى نكهات او عسل

2_ يمكن تقديم الدجاج بدون جلد ولحم الغنم بعد ازاله الشحوم المرئية

3_ يمكن تقديم البقوليات( العدس والفول) بدون القشر

4_ يمكن اضافة الزيت النباتى لطعام الطفل

عدد الوجبات:_

تصبح 3 وجبات فى اليوم بلاضافة الى وجبة خفيفة حسب شهية الطفل

الكمية والقوام :_

تزداد الكمية تدريجيا حتى تصل نصف كوب

القوام :_

يصبح الطعام اكثر سمكا مع تقليل درجة الهرس


ملحوظة كمان ادى البيبى لحد مايشبع ياقمرات مش شرط نص الوجبة لحد مايشبع خالص برضه الاخصائية لما قلت ليها انا بدى لابنى الوجبة لحد مايشبع قلتلى مفيش مشاكل مدام مبتلاحظيش قياء خلاص

dandona om jou;14529405:
يا بنات ابني ان شاء الله تم 6 شهور ماشاء الله عليه عايزة اعرف اديله اكل ايه بقى بالظبط بالله عليكو و ياريت يكون حد من دكاتركتو قايلة ليكو يا قمرات يعني بالله عليكم كل واحدة تقولي دكتورها كان بيقولها تاكل ابنها او بنتها ايه في الفترة دي ان شاء الله

دندون انا لسه جايه امبارح من عند الدكتوره قالتلي لاكل كالتالي:

1- كوسا و جزر احمر

2- تفاح و جزر احمر

3- بسكوت ماري و ينسون

لجزر بيتبشر و يتسلق و قرب السوا تضيفي لكوسا او التفاح




سؤال بقي يا بنات انا الدكتوره قالتلي الكميه بتاعه الوجبه مقدار فنجان قهوه ... بنتي مش بتكمله ارميه ولا يتشال في التلاجه

nemonamanemo;14534537:





سؤال بقي يا بنات انا الدكتوره قالتلي الكميه بتاعه الوجبه مقدار فنجان قهوه ... بنتي مش بتكمله ارميه ولا يتشال في التلاجه

اززززززززززيك يا نيمو عامله ايه وازي القمره حلا


لا مش ترمي الاكل يا حبي ممكن لو هتاكله تاني يوم على طول او بالليل الجو دلوقتي برد والاكل مش هيبوظ لو فضل بره التلاجه
وممكن تحطيه ف التلاجه وتطلعيه قبل ما تاكله بساعه ولا اتنين عشان مش يبقى ساقع

وماتقلقيش بكره تكمل الوجبه بتاعتها عشان هي بس لسه بادئه تاكل فبتبقى اكلهم خفيف ومعلقتين وبس انما بكره تكبر شوية وتخلصها ان شاء الله

sally2007;14534039:
دندونة انا راحت مستشفى الامومة والطفولة والدكتورة بتاعت دودى قلتلى اروح لاااخصائية التغذية عشان تقولى على الاكل اللى يناسب دودى وهو عنده 6 شهور
وادتنى ورقة مطبوعه فيها الاكل من ست شهور لحد سنة بس انا هقولك الست شهور باجميل

الاستمرار فى الرضاعة
نبدا بالحبوب(الارز _ الشوفان _نشا الذرة)
ثم الخضروات( الكوسا _ القرع الاخضر _ البطاطا)
ثم الفواكه مثل ( التفاح _ الكمثرى _ الباباى)
ويمكن ادخال صفار البيض المسلوق جيدا

الكمية والقوام
عدد الوجبات :_

وجبتين فى اليوم
الكمية من 2-3 ملاعق متوسطه

القوام:_
نبدا بكمية مطحونة وسميكة
بس انتى متديش معالق بقى انتى ادى مثلا لو زبادى علبه كاملة انا قلت ليها كده قلت ليه مفيش مشكلة

قوليلي يا سالي هوا مركز الامومة و الطفوله هو المكان اللي بنطعم فيه
و كمتن ايه اخبار التطعيمات زي مصر و لا في زياده

و دودي عمل معاكي ايه في السفر
و اخبار الجو ايه هناك حر و لا برد

اصلي هنا مكلفتاه

مش عارفه البسه ايه هناك

كيوت لولا;14536996:
قوليلي يا سالي هوا مركز الامومة و الطفوله هو المكان اللي بنطعم فيه
و كمتن ايه اخبار التطعيمات زي مصر و لا في زياده

و دودي عمل معاكي ايه في السفر
و اخبار الجو ايه هناك حر و لا برد

اصلي هنا مكلفتاه

مش عارفه البسه ايه هناك

ازيك ياقمر ربنا يجيبك بسلامة يارب
اه انا بطعم فى مركز الامومة والطفولة والتطعيم البنات قلولى ان التطعيم الهر السادس حقنة ونقط
ادهم اخد حقنة بس وعرفت ان التطعميات هى هى بس بختلاف ممكن ياخد نقط بس مش شرط نقط وحقن بس التطعيم صحيح طبعا والمعاملة حلوة وبيعملوا شيك اب على البيبى من الوزن والطول وكشف كامل متكامل كمان فى ناس بيسالوكى اذا كانتى عاوزة تعرفى اى سؤال ولا لا وفى اخصائين كمان
ودودى بقى انا حسيت بقيمة ماما قوى بعد ما سافرت بس الحمدا لله بدات اتاقلم معاه والحمدا لله بعرف اتعامل معاه كويس لان مامتى علمتنى كل حاجة
الجو جميل جدا جدا جدا والله زى الربيع بضبط مش ساقع زى مصر انا جاية م مصر فى شهر 1 كان برد طبعا فى مصر وكنت ملبسة دودى 3 فانلات غير الطقم الخارجى و2 بنطلون غير السلوبت
بس بعده يومين كان اللبس خف ووصل ل فانله وبيجامة وبنطلون وبجامة دلوقتى بقى بق فانلة داخليه والبيجامة فوقيها
ولو لقيت الجو سقع سنة بلبسة بنطلون زيادة انا عن نفسى بلبس صيفى لان الجو بيبقى حر هو من الاخر زى الربيع بضبط ومتقلقيش من السفر فيه عن تجربة الامور كلها بتبقى سهله
وتيجى بسلامة يارب

قلولى بقى الجوافة ايه رايكم فيها دلوقتى للبيبى هو 6 شهور وكمان هو مش بيحب عصير البرتقال ايه رايكم فى عصير الطماطم

جزاكم الله كل خير يا نيمو و سالي ربنا يوفقكو يارب و متحرمش منكو ابدا

البنات اللي بره مصر بيستخدموا بامبرز نوع ايه بالله عليكوا

nemonamanemo;14534537:

سؤال بقي يا بنات انا الدكتوره قالتلي الكميه بتاعه الوجبه مقدار فنجان قهوه ... بنتي مش بتكمله ارميه ولا يتشال في التلاجه

لا طبعا شيليه بس مش يطول عن يومين كده، ابقي طلعيه يهدي قبلها بشوية او دفيه بردو

sally2007;14537518:
قلولى بقى الجوافة ايه رايكم فيها دلوقتى للبيبى هو 6 شهور وكمان هو مش بيحب عصير البرتقال ايه رايكم فى عصير الطماطم

الجوافة عادي جدا سواء عصير او اكل بس خللي بالك البزر بتاعها لأ عشان غلط ووحش للمعدة، والطماطم انا عن نفسي الدكتور كان قايلي عليها عادي بس مخففة بردو وكنت بديها

سالى ممكن تقوليلى الاكل من 8 شهور لسنة ايه؟؟؟؟؟؟؟؟

*Om Mo3az*;14534587:
اززززززززززيك يا نيمو عامله ايه وازي القمره حلا


لا مش ترمي الاكل يا حبي ممكن لو هتاكله تاني يوم على طول او بالليل الجو دلوقتي برد والاكل مش هيبوظ لو فضل بره التلاجه
وممكن تحطيه ف التلاجه وتطلعيه قبل ما تاكله بساعه ولا اتنين عشان مش يبقى ساقع

وماتقلقيش بكره تكمل الوجبه بتاعتها عشان هي بس لسه بادئه تاكل فبتبقى اكلهم خفيف ومعلقتين وبس انما بكره تكبر شوية وتخلصها ان شاء الله

CuTie KaTkOoTa;14540418:
لا طبعا شيليه بس مش يطول عن يومين كده، ابقي طلعيه يهدي قبلها بشوية او دفيه بردو


الجوافة عادي جدا سواء عصير او اكل بس خللي بالك البزر بتاعها لأ عشان غلط ووحش للمعدة، والطماطم انا عن نفسي الدكتور كان قايلي عليها عادي بس مخففة بردو وكنت بديها

شكرا يابنات

الماشيه بقي اخر كلام حلوه ولا غلط

وكنتي يا كتكوته جايبه واحده ليها دواسه من تحت عملت ايه مع جوجو

بنات هو بامبرز كوتشي للبيبيز اللي لسه مولودين
مش حلو ؟
انا جوزي جابه لي عشان انا اللي قلت له عليه بس بيقول لي كان في حاجات تانيه مش فاكر نوعها ايه وليها مكان للسره وكده بس هو جاب كوتشي يعني

ابدله بحاجه تانيه ولا ايه ؟



وكمان هي سانوسان مش باقت بتنزل ولا ايه ؟
انا مش لاقيه اي حاجه سانوسان خالص

ايه احسن نوع جبنة مثلثات في السوق؟؟ ممكن اديها لبنتي وهي سبع شهور عادي ولا بدري؟؟

dandona om jou;14539458:
جزاكم الله كل خير يا نيمو و سالي ربنا يوفقكو يارب و متحرمش منكو ابدا

البنات اللي بره مصر بيستخدموا بامبرز نوع ايه بالله عليكوا

انا جبت بامبرز السعودى اللى من 4 ك ل 9 ك

CuTie KaTkOoTa;14540418:
لا طبعا شيليه بس مش يطول عن يومين كده، ابقي طلعيه يهدي قبلها بشوية او دفيه بردو


الجوافة عادي جدا سواء عصير او اكل بس خللي بالك البزر بتاعها لأ عشان غلط ووحش للمعدة، والطماطم انا عن نفسي الدكتور كان قايلي عليها عادي بس مخففة بردو وكنت بديها

جزاكى الله كل الخير يارررررررررررب

Bossy22;14541164:
سالى ممكن تقوليلى الاكل من 8 شهور لسنة ايه؟؟؟؟؟؟؟؟

من عنية ياقمر
بس ارجعى لصفحة التانية انا كتبت الاكل فى الشهر التامن
وده من الشهر التاسع للعاشر

يمكن تقديم لحم الابقار ( بعد ازاله الشحوم) وتقديم الاسماك

يمكن تقديم منتجات الالبان مثل الاجبان

يمكن للطفل المشاركة فى اكل العائلة

الاستمرار فى الرضاعة الطبيعية

الكمية والقوام :_

3 وجبات فى اليوم

من 2-1 وجبات خفيفة تعتمد على شهية الطفل

الكمية:_

نبدا بااعطاء الطفل الطعام على هيئة قطع صغيرة سهله البلع

مكتوب ملوحظة كده فى الورقة ان يفضل تاخير الاسماك البحرية الصدفية والقشريات الى ما بعد العام الاول

بعد العام الاول

عدد الوجبات:_

3 وجبات رئيسية من 1-2 وجبات خفيفة
الكمية نص

القوام:_
زى طعام العائلة

بصى الكلام ده كله انا واخده من الاخصائية فى المستشفى هما بياكلوا ولادهم هنا كده

بنات روحوا شوفوا حاجات جوجو الجديدة:
http://forums.3roos.com/showthread.php?p=14545956&posted=1#post14545956

nemonamanemo;14542030:
شكرا يابنات

الماشيه بقي اخر كلام حلوه ولا غلط

وكنتي يا كتكوته جايبه واحده ليها دواسه من تحت عملت ايه مع جوجو

لأ حلوة اوي وبتسعف فترات كبيرة بس انا محطتهاش فيها إلا من 9 شهور مش قبل كده، والاول فعلا كنت سايبة الدواسة دي عشان كنت رافعة الكرسي وهي ساندة رجلها عليها وشوية كده شلتها بقي ونزلته درجة بحيث انها لو حابة تتحرك بيها تعرف وتبقي طايلة الارض كويس وشوية شوية ادربت عليها حلو اوي وبتجري بيها بسرعة بعد ما كانت بالصدفة بتتحرك بيها من غير ما تقصد :lol::lol:

*Om Mo3az*;14545140:
بنات هو بامبرز كوتشي للبيبيز اللي لسه مولودين
مش حلو ؟
انا جوزي جابه لي عشان انا اللي قلت له عليه بس بيقول لي كان في حاجات تانيه مش فاكر نوعها ايه وليها مكان للسره وكده بس هو جاب كوتشي يعني

وكمان هي سانوسان مش باقت بتنزل ولا ايه ؟
انا مش لاقيه اي حاجه سانوسان خالص

اكتبي اسمع بالكامل يا ايمي عشان الكوتشي انواع كتيرة
وسانوسان لسه شيفاه في محلات وصيدليات كتيرة عادي هنا خالص

بسبوسةميدو;14545638:
ايه احسن نوع جبنة مثلثات في السوق؟؟ ممكن اديها لبنتي وهي سبع شهور عادي ولا بدري؟؟

الدكتور كان قايلي لافش كيري ولسه بديها منها لغاية دلوقتي

CuTie KaTkOoTa;14545786:



اكتبي اسمع بالكامل يا ايمي عشان الكوتشي انواع كتيرة
وسانوسان لسه شيفاه في محلات وصيدليات كتيرة عادي هنا خالص

ايمي مكتوب عليه super enliven baby

وفي كلمه تانيه unisex

مش لاقيه حاجه تانيه اكتبها حتى مش لاقيه مكتوب عليه مصنوع فين

طيب سالي يا قمر مجربتيش نوع تاني اصلي لسانتيا غلوه جامد اوي اوي هنا الصراحة و كتير عليه السعر ده فبفكر اغير لنوع تاني ان شاء الله حد ينصحني بحاجة تكون كويسة و سعرها حنين و تكون بتتباع بره

dandona om jou;14548722:
طيب سالي يا قمر مجربتيش نوع تاني اصلي لسانتيا غلوه جامد اوي اوي هنا الصراحة و كتير عليه السعر ده فبفكر اغير لنوع تاني ان شاء الله حد ينصحني بحاجة تكون كويسة و سعرها حنين و تكون بتتباع بره

لا والله لسه مجربتش اى نوع جديد لانك زى ماانتى عارفة انا لسه رجعه من مصر من شهر وشوية فالباكت اللى جبتة لسه مخلصشى فى لسه مجربتش اى نوع جديد

CuTie KaTkOoTa;14545786:
الدكتور كان قايلي لافش كيري ولسه بديها منها لغاية دلوقتي

شكرا ياجميل :)طيب هي عادي تاخدها دلوقتي ؟؟ وجبنة كيري تنفع ولا تقيلة عليها؟؟

معلش سؤال كمان :) الدكتور بتاع بنتي كاتبلها بيديكال 2ونص مللي ولما سالته مش كده قليل قالي لا دي لسه صغيرة وهي تمت السبع شهور النهارده ما شاء الله مش عارفه بقى انا بشوفكم بتقولوا دايما 5مللي؟؟ازودلها انا واديها 5مللي من نفسي ولا اعمل ايه؟؟