استفسارات وتساؤلات الأمهات * الجزء التاسع *

اه طبعا يا بوسي و الله صعبان عليا الاشتراك اللي مدفوع ده و مش عارفة اتهنى بيه زي الناس المهم

انا عايزة حد يقترحلي وصفات اكل لسن 8 شهور في الاطفال بالله عليكم

و ياريت كمان حد يقترح عليا ازاي انظم نوم ابني بحيث انه ينام بليل زي الناس و يقوم الصبح ربنا يكرمكوا يارب

بنات نور ماما اياد كانت عايزة دكتور جراحة شاطر وكويس عشان تعمل الطهارة عنده، كل واحدة تقول هي عملت عند مين لو فعلا كويس واستريحت لشغله وياريت الدفعة القديمة كمان، ولو حد يعرف فرع تبارك بتاع مدينة نصر دكاترة الجراحة اللي فيه كويسين ولا لأ، ولو تعرفوا دكتور في فيصل او الهرم يبقي كويس اوي بردو

ازيك يا دندن وازى يوسف ,,, بصى يا ستى انا بحثت على شوية وصفات واخترعت شوية فقولك علىيها

اول حاجة ممكن تعتمديها على الفطار انك تخلطى البسكويت فارليز مثلا مع الجبنه كيري او مع صفار البيض

ممكن كمان السيريلاك تخلطيه مع تفاحه او خوخ او موز تبع الفاكهة اللى تناسبه وهقولك على خلطة جميلة اوى بعملها لعيسى بيحبها

سيريلاك رز مع تفاحة وموز وعصير برتقال بتبقى طعمها جميل اوى

ع الغدا ممكن تعملى ايه.. الحلة تحطى فيها رز وميه او شوفان وميه او عدس وعلى الحلة حطى مصفاة فيها جميع الخضار اللى جربتيه معاه كوسه جرز وبطاطس والذرة الحلوة مفيدة اوى وكمان القرع وتسيبي الخضار يستوي على البخار وتضربيهم فى الخلاط او تهرسيهم تبع ما بتعملي

وجبة كمان شفتها على النت الشوفان تسيبيه مع ميه على النار وبعدها يضرب فى الخلاط وتخلطي معاه موزه وممكن بسكويت دى حلوة اوى

لو هتدخلي الزبادي ممكن برضو تخلطيه بالفاكهة زى التفاح

وام مالك فى الموضوع هنا نصحتنى بالسمك انتى شوفى هتدخليه امتى وهيبقى وجبة حلوة مع الرز

وكمان مهلبية الكاستر معلقة من اللبن بتاعه ومعلقة من الكاستر وكوبايه ميه على النار وتقلبي

هوا فى موضوع هنا عن الوصفات هدور واجيبهولك وكمان لو عرفت حاجة هكتبها


بالنسبة لموضوع النوم حاولى تأخرى وقت النوم بتاع يوسف وتديله وجبة عشا كويسة ولو عيط سيبيه شوية ممكن ينام تانى ولو قلق كتير يبقى تسنين وفترة وتعدى ان شاء الله ... لان عيسى ابنى بيجي ايام ينام طول الليل ما شاء الله وايام تانيه يصحى 3 مرات يعيط

شكرا يا سالى على ردك ربنا يخليلك ادهم ايوة يا جميلة انا شفت العربيات الصغيرة اوى دى حتى بسيطة وتنفع فى اى مكان هشوف منها فى بيبي شوب وطالما الحمالة هتوجع الظهر انا مش ناقصة

رجائي رضا ربــــي;14908957:
أم معاذ ممكن تشتري برا تكون كلها قطن للبيت زى كارينا كدا انا ولدت فى الصيف وكنت بلبسها مع الكارينا عادى

تسلمي يا قمر
تصدقي فعلا ماجاش ف بالي موضوع الكارينا ده :D
هجرب كده ان شاء الله

M!ss Tuky;14909962:
بصو يابنات الى قريتو ان الطفل ف الوقت ده بيكون النوم بيغلب الجوع عندو او تقدرى تقولى انو مبيصحاش جوع لا ده بيتمزج بالرضاعه فقط ف بيصحي

وقريت ف كتاب انو ابتداءا من الشهر السابع لو عاوزه طفلك ينام لحد الصحيان الصبح من غير ما يصحي علي فترات متقطعه انك تسيبيه يعيط لما يصحي من وسط النوم طالب الرضاعه

هو بإمكانه ينيم نفسه تانى تلقائي هيفضل يعيط تسيبيه والموضوع كلو مش هيعدي اسبوع والعياط هيقل تدريجي لحد ما يتأقلم انو ينام فترة اللليل لحد ما يصحي

اما بالنسبه للصحيان للرضاعه ف انا بدى تايا كبايه زبادى قبل النوم والباقي رضاعه طبعا لحد ما تنام وبحطها ف سريرها ده بيبقي ع الساعه 2 كده تنام ع الساعه 3 بس تكون شبعانه ع الاخر

المهم انيمها ف سريرها اول يوم معرفتش انام كل شويه اقلق ابص عليها لحدما بقيت اسحب ف النوم ومعرفش اذا كانت قلقت ولا لا المهم بحس بيها ع الساعه 9 ونص او 10 الصبح تفرك ف السرير اقوم اشيلها وارضعها مبتكنش صحيت بتكون بتفرك بس

المهم تانى رضعه بتبقي ع الساعه 12 وبما انى بحب النوم وبقوم ع الساعه 2 كده ف بجيبها عالساعه 12 ده جنبي عالسرير بيكون طبعا باباها مشي وتفضل جنبي من 12 لحد 2 بتصحي ساعات تلعب مع نفسها وتنام مع نفسها وهكذا

الوضع بقي قبل ده كلو كانت بتنام ايا كان معاد نومها 1 او 2 او 4 او 5 لازم تقوم عالساعه 7 ترضع ومن الوقت ده لحد ما تصحي عالساعه 2 تفضل تقوم كل ساعتين او ساعه ونص لدرجه كنت بكره نفسي الحمدلله ماشاء الله الوضع اختلف

بسم الله ما شاء الله يا توكي ربنا يحميهالك يااااااااااااااااارب



طب هو المفروض البيبي اللي عنده شهرين ينام كام ساعه متواصل اصل اياد اكتر حاجه بينامها متواصل ساعتين كده بكون هعمل له فرح :lol::lol:
غير كده بقى ممكن يصحى بعد نص ساعه او ساعه
وبسيبه يعيط شوية مش بيسكت خاااااااااااااااالص وبيصعب عليا بقى مش بقدر لاني بحس فعلا ان صوته هيروح من كتر العياط

انا بقى فعلاتعبت من قله النوم وبحس انى وانا طول اليوم بنام على نفسى والنوم الراحه ده نسيتة خالص نفسى بجد ابنت ينام بليل وعلى 2 صباحا حتى بدل 4 ونص 5 دى يارب يهديهم لينا ويناموا كويس

طيب الطفل بعد مابيتفطم بينام كويس ولا لا يعنى فى امل انوا بعد مايتفطم ينام ولا هفضل كده سنتين تلاته اللى عندهم اولاد كبار يفرحوا قلبنا كده

بصى يا سالى انا اميرة من قبل الفطام وماشاء الله كانت بتنام كويس فترات حلوة يعنى وبعد الفطام ماتقلقيش هينام بنتظام وفترات اطول اميرة بعد ما فطمتها مريحانى وبتنام من بلليل للصبح متواصل

ام اياد ....البيبي اللي في سن اياد شهرين مثلا المفروض انه بيهضم الاكل من ساعتن ل 3 ساعات

فدا طبيعي فيالمرحله دي انه يصحي من من 2 الي 3 ساعات
انا بنتي كانت كدا ..
وموضوع بقي نومها في نص اليوم كان بيبقي فعلا 10 دقايق او ربع ساعه بالكتير نص ساعه

ايمي انا ادهم كان كده لدرجه انى لو نمت ساعه و نص او ساعتين على بعضكنت ببقي طايره من الفرح

دلوقتي بقي انا برده مشكلتى معاه النوم مش بينام قبل الساعه 4 و نص او 5 و بجد مش عارفه اعمل منه حاجه خالص
قولولي اظبط نومه ازاى هو بينام كتير الصبح و لو حاولت اصحصحه بيفضل يعيط لغايه منيمه
و مش عارفه خالص اظبط نومه
و جسمى تعبان جدا من قلب اليوم ده و مبعرفش اعمل اي حاجه
شوفولي حل بجد

بالنسبه للفطام في ناس بتعود اولادها بعد ما يتفطمو علي سنه وشهر او سنه واربع شهور انهم لما يصحو يربوهم عضاير وكانت منهم اختى بس بنتها اتعودت تقوم للعضير زى اللبن بالظبط ف اضطرت تفطمها من العصير كماان

بس مع ابنها التانى لو قام تديلو يرب ميه شويه ومبقاش يرضي بالميه وعاوز يرضع فضلت ورااه ومبقتش تديلو حاجه خالص تعبها يوم يضحي يعيط تاخدو ف حضنها وتنيمو وهكذا لحد ما اتعود وبقي يقوم الصبح وده الى هعملو لما افطمها ان شاء الله

sweetyronaaa;14915011:
ايمي انا ادهم كان كده لدرجه انى لو نمت ساعه و نص او ساعتين على بعضكنت ببقي طايره من الفرح

دلوقتي بقي انا برده مشكلتى معاه النوم مش بينام قبل الساعه 4 و نص او 5 و بجد مش عارفه اعمل منه حاجه خالص
قولولي اظبط نومه ازاى هو بينام كتير الصبح و لو حاولت اصحصحه بيفضل يعيط لغايه منيمه
و مش عارفه خالص اظبط نومه
و جسمى تعبان جدا من قلب اليوم ده و مبعرفش اعمل اي حاجه
شوفولي حل بجد

بصى يا رونا حاولى ماتخلهوش ينام الصبح كتير حاولى معاة يعنى مثلا عندك من الساعة 5 او 6 بلاش ينام العبى معاة وصحصحية كدة يقوم يجى مثلا على بلليل خلاص مش قادر ينام عطول وينام فترة حلوة وكمان فى حاجة مهمة لو بترضعى طبيعى ابعدى عن المنبهات بانوعها شاى قهوة نسكافية كدة واشربى عصير مية مشروبات دافية يانسون ونعناع وكدة الشاى والحاجات دة زى ما بتسهرنا بتسهرهم وان شاء الله يظبط نومة

بقولكم اية يا بنات انا عايز اغير نوع البامبيرز بتاع ميرو بيعملها تسلخات والتهابات بقالها شهر تقريبا وزهقت ومش عايزة استخدم كريمات التسلخات كتير
انا بستخدم بامبيرز وبيبى جوى
حد بيستخدم نوع تانى يكون حلو ونظيف ومش بيسرب عند تجربة يعنى

ازيك يا أم أميرة .. انا كنت بستخدم لابني بامبرز الأبيض دراى ماكس هوا كويس ومفيش تسريب بس الريحة بتكون فظيعة فغيرت لهجيز هوا تركي وعجبنى والحمد لله مش بيسرب خالص جربيه

((K~A~T~O));14916971:
بصى يا رونا حاولى ماتخلهوش ينام الصبح كتير حاولى معاة يعنى مثلا عندك من الساعة 5 او 6 بلاش ينام العبى معاة وصحصحية كدة يقوم يجى مثلا على بلليل خلاص مش قادر ينام عطول وينام فترة حلوة وكمان فى حاجة مهمة لو بترضعى طبيعى ابعدى عن المنبهات بانوعها شاى قهوة نسكافية كدة واشربى عصير مية مشروبات دافية يانسون ونعناع وكدة الشاى والحاجات دة زى ما بتسهرنا بتسهرهم وان شاء الله يظبط نومة

و الله فعلا يا كاتو بحاول اصحصحه الصبح بس بيبقي مقريف اوى و انا عند حماتى الايام دي فطبعا بتقعد تقلي نيميه و ايه المشكله و انا في الاخر اللي بتدبس معاه :mad:
و انا اصلا مش بشرب اى مكيفات مش بحبها من الاساس و حتى الشكولاته منعتها الدكتور قالي ان فيها كافيين فبتسهره

توكى طيب انتى عودتيها تنام ازاى الساعه 2 او 3 و لما بتصحي ترضع و تقعد تلعب بتعملى معاها ايه

سويتي انا هقول التدريج الى انا مشيتو ليها بصرف النظر عن ان في حجات صح او حجات غلط بس بالنسبه لنوم تايا ف اللى حصل عالتاتى :D

طبعا اول شهرين ونص دول كنت بكلم نفسي من قله النوم لحد ما حماتى قالتلى وانا برضعها اخليها علي صدرى لحد ما تنام جنبي طبعا ف السرير وصدرى ف بقها لحد ما تروح ف النوم واسحبو براحه منها

وعملت كده وريحني جدا وفرق معايا جدا بالعكس من هنا ابتديت احس انى نومها انتظم بليل يعني بقت عارفه ان الليل ده بيتنام فيه مش للصحيان وبقت تنام من الساعه 4 الفجر كده لحد الساعه 7 تقوم ترضع وتنام وهكذا لحد ما نقوم عالساعه 1 او 2 كده تفضل تقوم كل ساعه كل ساعتين

شويه شويه لما بقت خلاص عرفت ان الوقت ده بيتنام فيه وبقي يغلبها النوم عن الصحيان طبعا بوفرلها جو هااااادى عشان كده لما بطلع لحماتى عندها دوشه مبتعرفش تنام وفي بيقولو انها تتعود عالنوم ف الدوشه بس بصرف النظر انا بوفرلها جو نوم هادى من ساعه ما اتولدت لحد دلوأتى لحد ما بقت ماشاء الله تدخل الشقه تلاقيها شخصيه تانى تدحك شويه اينعم بتزن كتير بس عالاقل مش زن متواصل زى بره

المهم ويه شويه مبقتش بديلها صدرى لحد ما تنام وانيمها وهو ف بقها لا بقيت بسحبو منها شويه شويه وهى علي دراعي بعدين احطها ف مكانها براحه وهكذا لحد ما نقلتها ف سريرها الحمدلله الوضع اتحسن كتير بالنسبه للنوم المتواصل وسمعت الدكتور بيقول ان من 4 شهور 6 بتبدي الذاكرة بتاعه الطفل تتكون

وهى كانت عندها 5 شهور ونص ف لحقت نص الشهر ده انى اعودها ع سريرها والحمدلله

اينعم لما بتنام وسط النهار بحطها علي سريري طبعا اللى بلاقيه قدامى بحطها عليه بس بليل ده فسريرها

وانا عندي تفسير ان لما بتكون ع سريري جنبي بالتأكيد انتى بتتحركي فبتقلقيها او بتفضل تفرك جنبي ف بتنتبه للرضاعه والصحيان انما ف سريرها ف هي لوحدها مفيش حد بيتحرك جنبها ويقلقها ف بتنام كويس الحمدلله وهى خلاص بتتم ال 6 شهور اهو عقبال ادهمش

بنات عاوزه اسالكم هاتصيفو امتي للبيبيهات
وابني عنده زكام مستمر من غير لا سخونه ولا حاجه حد يعرف دواء كويس لانه خد رينوستوب معملش اي حاجه

((K~A~T~O));14919586:
بقولكم اية يا بنات انا عايز اغير نوع البامبيرز بتاع ميرو بيعملها تسلخات والتهابات بقالها شهر تقريبا وزهقت ومش عايزة استخدم كريمات التسلخات كتير
انا بستخدم بامبيرز وبيبى جوى
حد بيستخدم نوع تانى يكون حلو ونظيف ومش بيسرب عند تجربة يعنى

انا كنت بستخدم بيبي جوي وكان حلو معاها جدا من يوم ما اتولدت بس لما كبرت وفرق المقاس كان مشكلة وغيرت لفايني وكان حلو بس دلوقتي بردو فرق المقاس مشكلة مقاس 3 صغير ومقاس 4 كبير وطبعا بامبرز وحش جدا بيعمل تسلخات
جربت سانيتا بامبي وحلللللللللللللللللو جدا مع لومي
جربيه يا كاتو حلو

كاتو جربي سانيتا حلو جدا ماشاء الله و كله قطن و هيعجبك ان شاء الله