استفسارات وتساؤلات الأمهات * الجزء التاسع *

((K~A~T~O));14887967:
الدوا اسمة dentinox teething gel هو الدكتور اللى قالى علية وبحطة على حتىلو مافيش سنان طالعة عشان الورم بتاع اللثة وبيريحها وبتنام كويس
انا فطمها تقريبا بقالى شهر انا كنت برضعها مرة واحدة الصبح ومرة بليل قبل النوم وبعد كدة مرة واحدة بليل لغاية مافطمتها
وبالنسبة للبن هو اول اسبوع بعد الفطمام كان بيوجعنى ولما سألت قالولى اصبرى هما اسبوعين والوجع هيروح وفعلابس لسة ماخدتش حاجة تنشف اللبن الدكتورة قالت ليا بعد شهرين لو مانشفش لوحدة ناخد دوا ينشفة

وفيه واحد كمان يا كاتو تقريبا اسمها اوراكيور جل البنات بيقولوا عليه بردو

انتي عارفة انا اخدت الدوا ده فعلا وتصدقي انه بجد فعلا نشف خالص الحمدلله مكنتش متخيلة ان الدوا ده فعال اوي كده وخصوصا علي حجمه وجرعته الغريبة، جربت امبارح كده لقيت مفيش ولا نقطة خلاص

طيب الحمد لله يا كتكوتة ان اللبن نشف هو انا سألت الدكتورة قالتلى لو على شهرين مانشفش ناخد دوا على اسبوعين تقريبا مرتين فى الاسبوع حاجة كدة انا لما بضغط علية بينزل تقريبا نقطة لبن لونها اصفر


والجيل اللى بتقولى علية انا اللى بستخدمة لاسنانى ههههههههههههه

مورو انا اميرة بشربها اللبن فى كوباية وهى اللى بتشربوا لوحدها هو صحيح حبة منة بتشربة السجادة بس اهو عشان اعودتها تشرب لوحدها

لو سمحتوا بقي انا عاوزه اعرف النظام اللي بتمشوا عليه في الاكل يعني مثلا اول مايصحوا الولاد ياخدوا لبن ولا فطار والوجبه التانيه ايه والتالته وهكذا لاني اعتبر جديده في الكار ماما سابتني وسافرت وكانت شايله عني كتير :( وقبل النوم لبن ولا اكل والبيض بياخدوه مسلوق ولا مقلي ؟؟؟؟؟؟؟؟؟؟؟؟؟؟؟؟؟؟

ازيكم يابنات
انا عايزة اسال سؤال هو اية نظام الخوخ والكنتلب ممكن اكلهم لمالك عادى ولا لازم اجربهم الاول زى الموز والمشمش والفراولة عشان اعرف اذا كان بيعملوا حساسية ولا لا يعنى هما الطبيعى بتاعهم بيعمل حساسية ولا عادى ؟؟؟

مايونيز;14888273:
لو سمحتوا بقي انا عاوزه اعرف النظام اللي بتمشوا عليه في الاكل يعني مثلا اول مايصحوا الولاد ياخدوا لبن ولا فطار والوجبه التانيه ايه والتالته وهكذا لاني اعتبر جديده في الكار ماما سابتني وسافرت وكانت شايله عني كتير :( وقبل النوم لبن ولا اكل والبيض بياخدوه مسلوق ولا مقلي ؟؟؟؟؟؟؟؟؟؟؟؟؟؟؟؟؟؟

بصى يا مايو انا مش ماشيثة بنطام معين هو كوكو خلاص ماشاء الله كمل سنة يعنى ممكن تبدأى تأكلة كل حاجة عادى
انا الصبح بفطر اميرة بيض مسلوق سندوتش جيبنة وايام بيض وفول وكوباية اللبن زبادى شاى بلبن مع بسكوت مثلا ومش بحاول ااكلها كتير بين الوجبات عشان تاكل كويس فى معاد الوجبة الاساسية بديها فاكهة اة عصير بسكوت ممكن تاكل خيار خس بتحبهم جدا اى حاجة وفى الغدا بتاكل من كل شئ رز والخضار والفراخ وشوربة حتى ميرو بتحب محشى ورق العنب جدا :lol:
والعشا بيكون سندوتش وممكن زبادى وكوباية اللبن بتشربها مع الاكل وخلاص

razminia;14891309:
ازيكم يابنات
انا عايزة اسال سؤال هو اية نظام الخوخ والكنتلب ممكن اكلهم لمالك عادى ولا لازم اجربهم الاول زى الموز والمشمش والفراولة عشان اعرف اذا كان بيعملوا حساسية ولا لا يعنى هما الطبيعى بتاعهم بيعمل حساسية ولا عادى ؟؟؟

لو لسة هتجربيهم اول مرة يفضل انك تجربى الاول وتشوفى لو مافيش حساسية او امساك او مغص مثلا خلاص كملى لو تعب منة خلاص اصبرى

((K~A~T~O));14888115:
طيب الحمد لله يا كتكوتة ان اللبن نشف هو انا سألت الدكتورة قالتلى لو على شهرين مانشفش ناخد دوا على اسبوعين تقريبا مرتين فى الاسبوع حاجة كدة انا لما بضغط علية بينزل تقريبا نقطة لبن لونها اصفر

اه انا كان كده بردو بس كان عدي عليا اكتر من 7 شهور ههههه والدوا ده اللي اخدته ده كان نص قرص كل 3 ايام وهما 4 انصاص وبس
قوليلي بتستخدميه ليه بقي الجل هههههه

مايونيز;14888273:
لو سمحتوا بقي انا عاوزه اعرف النظام اللي بتمشوا عليه في الاكل يعني مثلا اول مايصحوا الولاد ياخدوا لبن ولا فطار والوجبه التانيه ايه والتالته وهكذا لاني اعتبر جديده في الكار ماما سابتني وسافرت وكانت شايله عني كتير :( وقبل النوم لبن ولا اكل والبيض بياخدوه مسلوق ولا مقلي ؟؟؟؟؟؟؟؟؟؟؟؟؟؟؟؟؟؟

انا بدي جوجو اول حاجة اللبن لازم وواحد تاني قبل النوم عالطول عشان تنام نوم هادي ومش تقلق بالليل، وباقي الفطار بقي بعد اللبن ده بحبة كده بديها الجبنة والزبادي، وفي الغدا بتاكل معانا اللي بناكله وطبعا علي مزاجها بردو بس طبعا تراعي انه ميكونش في شطة او فلفل حامي او فلفل اسود زيادة عن اللزوم في الاكل وبردو مش بديها دهون في اي حاجة لكن ممكن بطاط محمرة اه وكده كده الطبيخ والاكل بيكون معمول بالزيت مثلا او سمنة بردو بس علي خفيف بس قصدي دهون مباشرة لأ والعشاء بس هو مش شرط يكونوا تلات وجبات معاها بصراحة غالبا بيكونوا اتنين لأننا بنقوم متأخر وبنتغدي متأخر بردو، بيض جبن طماطم وخيار حسب اللي موجود وساعات بعملها حلو او بطاطا او رز بلبن يعني اي حاجة

razminia;14891309:
ازيكم يابنات
انا عايزة اسال سؤال هو اية نظام الخوخ والكنتلب ممكن اكلهم لمالك عادى ولا لازم اجربهم الاول زى الموز والمشمش والفراولة عشان اعرف اذا كان بيعملوا حساسية ولا لا يعنى هما الطبيعى بتاعهم بيعمل حساسية ولا عادى ؟؟؟

اظن الكنتالوب عادي لكن الخوخ ممكن يكون زي المشمش والفراولة بس مش متأكدة

ازيكم يا بنات ... عيسى مبقاش بيحب وجبة الخضار اللى انا بعملها ,,, وعملته بشوية رز مصري مسلةق وبرضو مش عايزه ممكن ادخل ايه جديد ولسان العصفور بيكون امتى؟؟؟؟

يا سلام عليكم يا امهات مصر اول مرة اخش الموضوع ده ازيكووو عاملين أنا بحرينية بس صاحباتي. مصريين ونسيابنا كمان المهم أنا عندي بنت عمرها ٨شهور وبرضعها طبيعي بس عاوزة اعرف آكلات حلوة كده زيكو اصلي الصبح بفطرها سيريلاك بالفواكه وساعات موزه والظهر بعمل لها خضار مع رز معاهم حتت فرخه صغننة وبالليل سيريلاك او روب يعني زبادي بس حابه انوع لها بس مش عارفه

رجائي رضا ربــــي;14893323:
ازيكم يا بنات ... عيسى مبقاش بيحب وجبة الخضار اللى انا بعملها ,,, وعملته بشوية رز مصري مسلةق وبرضو مش عايزه ممكن ادخل ايه جديد ولسان العصفور بيكون امتى؟؟؟؟

ازيك ياام عيسى انتى وعيسى يارب تكونوا بخير
بصى ياقمر انا مالك جت علية فترة وعمل زى عيسى كدة ودة للاسف انى مكنتش بغيرة الاكل تخيلى نفسك كدة لما تقعد تاكلى نفس الاكل كل يوم هتحسى بأية فتخيلى هما ياحرام واللة بجد صعب عليا اوى اول لما فهمت انة زهقان من الاكل
بصى انا دخلتلة لسان العصفور عادى مع الرز بس كنت بهرسة جامد بالشوكة كنت بخلية حتت صغيرة اوى وممكن تعمليلة مهلبية بالجزر والبرتقال حلوة اوى والاطفال بيخبوها وممكن تدخلى سمك ياجميل واحدة واحدة انا فى ناس قالتلى لا السمك على ال8 او 9 كمان انا دخلتة من السابع بجيب اللى هو السمك الفيلية دة واسلقة واحطة على الرز وبتبقى وجبة طعمها حلو اوى
لما افتكر حاجة تانية ابقى اقولك ياقمر لحسن لسة راجعة من برة ودماغى هتنفجر من الصداع حاولى بس تبعدى الخضار شوية خلية ينساة قيمة يومين كدة وارجعلية تانى

بنات هي علبة الزبادى بس تعتبر وجبة لية ولا لازم اكلة حاجة معاها وكمان ينفع اكلة سمك مشوي ولا لسة شوية
وكمان هو بيرضع كتييييييييييير بليل اووى يعنى تقريبا يصحى يرضع نص رضعة
كدة وينام تعبت من قلة النوم كل شوية اصحى ينفع مش ارضعة بليل اصلا ولو
ينفع اعودوة ازاى وسؤال كمان يابنات انا لحد دلؤتى بنيمة جمبي انقلة سريرة الي جمبي على طول ولا استنى لما يتم السنة

وحشتووووووووووووووني يا عيال عاملين ايه؟
دلوقتي مومو باشا ابني عنده سنة اهو و15 يوم
بس المشكلة مش بياكل خاااااااااااااااااااااااااالص بيرضع بس كمان عنده لسه حساسية اللبن مارحتش فطبعا اكلات كتير مش بياكلها افيدووووووووووووووني

شكرا يا أم مالك على ردك ... ياريت تقوليلي ادخل ايه كمان والمهلبية اعملها بسكر عادى ولا سكر نبات ؟ وربنا يبارك ليكي فى مالك يارب

ياسمينا لازم تعشيه وجبة حلوة عشان ينام شبعاااان بصى انتى قبل ما ينام بساعتين او 3 جوعيه أوى اديله وجبة العشا ممكن تكون سيريلاك مع فواكه واديله رضعة حلوة كدا وان شاء الله هينام وأخري وقت النوم بتاعه شوية يعنى اشغليه ولعبيه وان شاء الله مع الوقت هينام معاكي ويصحى معاكي

يا بنات انا هنزل مصر فى شهر 5 باذن الله بس المشكلة انى هخرج كتير اوى وكمان عندى مشاكل فى ضهري مش هعرف اشيل عيسى كتير يا تري اجيب عربية صغنتوته كدا ولا اجيب حمالة البيبي ؟

انا اشتريت كل هدومه صيفى يعنى على ما انزل الجو فى مصر اخباره اي ؟

توتا وحشانى جدا جدا كل سنة ومومو طيب وعقبال 100 سنة هو لسة عندوا الحساسية يا حبيبتى طيب الدكتور قالت هتروح امتى ربنا معاكى
بصى يا توتاهو ماشاء الله كم سنة يعنى ابدأى اكلية رز مع خضار بطاطس كوسا سمك صدور فراخ الاكل العادى اللى بتاكلى منة وبعدى عن اى شئ بيعمل لية حساسية وربنا يعينك

زجائى بصراحة مانصحكيش خلاص بحمالة الظهر وجعتنى جدا جدا ظهرى وكتافى الاتنين برقبتى انا كنت كدة بشيلها بالحمالة بس تعبت انتى خدى معاكى العربة بتاعتة انا خدتها معاى وطلعة بيها لغاية الطيارة وهناك خدوها منى وخدتها تانى مع الشنط بس كانت اريح اصلى انا لما سافرت جبت الحمالة بس وانا راجعة مصر اخدت عربيتها معايا

http://forums.3roos.com/showthread.php?p=14906572#post14906572

رجائي رضا ربــــي;14899634:
شكرا يا أم مالك على ردك ... ياريت تقوليلي ادخل ايه كمان والمهلبية اعملها بسكر عادى ولا سكر نبات ؟ وربنا يبارك ليكي فى مالك يارب

ياسمينا لازم تعشيه وجبة حلوة عشان ينام شبعاااان بصى انتى قبل ما ينام بساعتين او 3 جوعيه أوى اديله وجبة العشا ممكن تكون سيريلاك مع فواكه واديله رضعة حلوة كدا وان شاء الله هينام وأخري وقت النوم بتاعه شوية يعنى اشغليه ولعبيه وان شاء الله مع الوقت هينام معاكي ويصحى معاكي

يا بنات انا هنزل مصر فى شهر 5 باذن الله بس المشكلة انى هخرج كتير اوى وكمان عندى مشاكل فى ضهري مش هعرف اشيل عيسى كتير يا تري اجيب عربية صغنتوته كدا ولا اجيب حمالة البيبي ؟

انا اشتريت كل هدومه صيفى يعنى على ما انزل الجو فى مصر اخباره اي ؟

لا بلاش الحماله هتتعب ضهرك اكتر لو عندك عربيته خديها عادى معندكيش هاتى وحده خفيفة من اللى بتشوفيهم خفيفه هنا مش اللى فيها تفاصيل كتير وكمان شهر 5 الجو هيبقى حر او بمعنى اصح هيتلبس صيفى فيها

بنات ازيكو عاملين ايه وازي الكتاكيت


عاوزة اسالكو بتلبسو البريست بادز ازاي ف الصيف
انا الاول كنت بلبسها عادي خالص وبحطها في البرا بس دلوقتي ف الصيف معظم اللبس مش بيحب البرا وكمان عشان الخنقه وكده بس من غير البرا البادز بتقع واللزق بتاعها بيفك بسرعه لو لزقتها ف القميص اللي لابساه على طول كده من غير برا


قولولي بتعملو ايييييييييه

أم معاذ ممكن تشتري برا تكون كلها قطن للبيت زى كارينا كدا انا ولدت فى الصيف وكنت بلبسها مع الكارينا عادى

Bossy22;14882013:
هو البيبى اللى من سن شهر ل 6 شهور المفروض يصحى بالليل كام مرة عشان يرضع يعنى هيجوع كل كام ساعة و اللا المفروض الام تنيمه من غير ما يرضع و يكمل نوم للصبح انا متلخبطة يعنى تايا يا توكى مش بتجوع طول الوقت ده؟؟؟انتى لسة مش بتاكليها صح معقولة تقعد على الرضعة 9 ساعات مثلا

صوت العيون ʚϊɞ ṨỠЙḍỠṧ ʚϊɞ;14882462:
وانتى طيبه يا جميله
وفى الصحه هما الى قالولى ودا بيتعمل على طول حتى كنت باخد بالى لما كنت بطعمها قبل كدا من الناس بتروح المعمل بس مكنتش اعرف ليه





ممممممممممم
طيب دا كمان ادوها دوا للانييميا ودا اتصرف لكل الى كانوا بيطعموا
واتلحليل فى تبارك بكام يا جميله




بصى يا جميله هى تاكل قلب البطاطس الطريه دى مش المقرمشه الى بره


توكى قوليلى بتنيمى تايا ازاى وهى بترضع بس ما شاء الله
سندس لحد دلوقتى الحمد لله بتصحى كل ساعه ونص ساعه ايه الفرق بقا ان شاء الله


وسؤال كمان بقا ازاى عازوين بعد سنه تنيموهم لوحدهم اولا مش حرام يناموا لوحدهم فى السن دا سيبك من كلام الدكتور
كمان لما بيصحوا يرضعوا بتسمعوهم ازاى بقا

بصو يابنات الى قريتو ان الطفل ف الوقت ده بيكون النوم بيغلب الجوع عندو او تقدرى تقولى انو مبيصحاش جوع لا ده بيتمزج بالرضاعه فقط ف بيصحي

وقريت ف كتاب انو ابتداءا من الشهر السابع لو عاوزه طفلك ينام لحد الصحيان الصبح من غير ما يصحي علي فترات متقطعه انك تسيبيه يعيط لما يصحي من وسط النوم طالب الرضاعه

هو بإمكانه ينيم نفسه تانى تلقائي هيفضل يعيط تسيبيه والموضوع كلو مش هيعدي اسبوع والعياط هيقل تدريجي لحد ما يتأقلم انو ينام فترة اللليل لحد ما يصحي

اما بالنسبه للصحيان للرضاعه ف انا بدى تايا كبايه زبادى قبل النوم والباقي رضاعه طبعا لحد ما تنام وبحطها ف سريرها ده بيبقي ع الساعه 2 كده تنام ع الساعه 3 بس تكون شبعانه ع الاخر

المهم انيمها ف سريرها اول يوم معرفتش انام كل شويه اقلق ابص عليها لحدما بقيت اسحب ف النوم ومعرفش اذا كانت قلقت ولا لا المهم بحس بيها ع الساعه 9 ونص او 10 الصبح تفرك ف السرير اقوم اشيلها وارضعها مبتكنش صحيت بتكون بتفرك بس

المهم تانى رضعه بتبقي ع الساعه 12 وبما انى بحب النوم وبقوم ع الساعه 2 كده ف بجيبها عالساعه 12 ده جنبي عالسرير بيكون طبعا باباها مشي وتفضل جنبي من 12 لحد 2 بتصحي ساعات تلعب مع نفسها وتنام مع نفسها وهكذا

الوضع بقي قبل ده كلو كانت بتنام ايا كان معاد نومها 1 او 2 او 4 او 5 لازم تقوم عالساعه 7 ترضع ومن الوقت ده لحد ما تصحي عالساعه 2 تفضل تقوم كل ساعتين او ساعه ونص لدرجه كنت بكره نفسي الحمدلله ماشاء الله الوضع اختلف

توكي ممكن بالله عليكي تقوليلي موضوع النوم ده بالتفصيل و بدأتي فيه ازاي لان انا يوسف مغلبني و الله و ده بيخليينا مش عارفة اعمل اي حاجة و لا اخرج و لا اروح جيم و لا اي حاجة في اي موضوع انقذيني من تحت الانقاض هههههههههههههههههههه مع العلم انه سريره جنب سريري على طول

ااااه يا توكى بتاكل زبادى انا فاكراها بترضع بس مش بتاكل فاستغربت
دندوونة جيم ايه اللى عايزه تروحيه يا بنتى دى اخلام اليقظة احنا كبرنا على الكلام ده:033: