ba7rinia;14902488:
هلوووووووووو بنات شلونكم
واليوم ما دشيت اسولف معاكم لانه كله برع ههههههههههه
الله يسلمكم وديت خدامتنا اليوم تسوي فحص لانه بتسافر
وقلت مره وحده امر رويال بيبي و عشان اخذ فكره عن الاسعار
زين اللي ما في بوكي بيزات وايد جان بتهور وباوصي من الحين
وخذيت لكم الاسعار
مفرش الطفل 45
شنطة الطفل 40
مهاد 4
بدلة الطفل 6
قبعه ب 4
لوحه تتعلق ع الباب او الجدار ب 10 اصغر وحده
جلابيه للام تتراوح بين 45 الى 60
مفرش سرير الام 70
وخلاص قررت اسوي عندهم بس ان شاء الله زوجي يرسي على اسم لانه ينني كل يوم له اسم
عشان اروح اسوي
وهذي تقريري لليوم
يسوون كبت للطفل مع السرير نفس فراش الام يعني طقم؟ وكم يطلع احس اسعاره شوي فوق لكن وايد حلو:adore: ناعمين
انتي من الرفاع لو رحتي الرفاع يعني في تفتيش ؟
SomeOne1;14901088:
اهلين سحابة
وااي سويتوني خبيرررررة هههههه
يا ويلي
آنه اعرف على حسب التنسي يعني بشنو تنسيتي من أكل شنو تشتهين تاكلين خخخ
وفي شي بعد معلومة بجد وايد لاحظتها
ان اذا بنت الام يكبر خشمها ويتغير شكلها شووي
لانه على قولتهم البنت تاخذ من حلاته امها
وبجد لما كنت حامل بمريوم كان خشمي مأساه شكبرة خخخخ
حنى خالتي كانت حامل وما تغيرت وقلت لها بتجيبين صبي وجابت صبي
وزوجة اخوي بعد كان خشمها مأساه وقلت لهم اكيد بنت وفعلاً طلعت بنت خخخخ
والله اعلم بعد
يالله قولي لي بشنو تنسيتي شنو تحبين تاكلين ..
وصار خشمج كبير وخنافر او لا خخخ
انا خشمي صار عريض شوي لكن يقولون لي محلوة مع اني احس روحي كسيفه بس الكل يقول الحمل محلني يقولون يمكن صبي
بس مرتين اسوي فحص ومايبين بس المرة الثانيه قالت شكله بنت
وبالنسبه للوحم مافي شي معين توحمت عليه
توحمت على لومي وانا ماكله قبل وعلى كيك شوكليت :lol: وعلى رطب وعلى ربيان ولحم هههههههههه :woo:
بس بقولكم للحين الوحم معاكم ؟ انا مو راضي يفارقني الزوع لحد الحين صبح وعصر ودورة راس عندي مو طبيعيه من حملت للحين وبالذات لما اركب السياره