التجمع الثاني لحوامل شهر اغسطس *8* 2011 ‏ ‏

اهلين بالبنات

شخباركم

عاد انا بكرة عندي موعد اشعة وجهزوا روحكم عشان نشوف فريق منه بيغلب ؟؟؟؟؟؟؟

فراشه١;14896615:
حياك الله ياقلبي بينا والف مبروك بعد هالأنتظار الطويل وربي يتمم لك على خير أن شاء الله وثبته لك بس ماقلتي لنا وش جنس الجنين

تسلمين حبيبتي ....بنسبه لنوع الجنين كل مره يقولون حاط رجل على رجل ما يبين
اللي يجي من الله خير وبركه و الحمد لله

ba7rinia;14896638:
ما شاء الله
الله يتمم حملج على خير و تيبين اخت او اخو لبنوتج
و حياج الله ويااااااااااانه

:adore:

ها بتديني نجهزين او للحين

تسلمين حبوبه ........بس للحين ماجهزت ولا شي
ووايد مضايقة من هل سالفة لأني من الحين أحس بالثقل و التعب
تعرفين الفترة طويلة ونسيت كل شيء عن الحمل .....مع أني صغيرة مو كبيرةههههههه
الحمد لله على النعمه

SomeOne1;14898377:

مرحبااااا كروووووووووشااااااات

بحرينية

ههههههههههههه
لا تعطيني اسمج ارجوج انتي ام غايب مب آنه

آنه الحمد الله من اول شهر حملت عارفة شنو باسمي خخخخ

بس ريلي من يقولي ام علي اقول لا تناديني ام علي
آنه حتى لو يبت علي يبقى اسمي ام مريم
مريم اهي الاصل والشيخه ... :(

واي على السيف ابي اروووووووح
عاد قولي بتروحين جاملي وقولي تبي اوديج معاي ول ول بخيلة بعطيج فلوس البترول...

دلوعه ريلي
آنه بخير وسهاالة .. شحالج انتي عساج بخيرررر
اما هالوولد من الحين شيطاان الحركة وايد زايده امس العصر كنت دايخه من الشغل وطباخ الغدا رحت حطيت راسي قلت برقد شووي
ابد ما ياني نووم كل شوي ترفس في مكاان وما قدرت اناام
لين قعدت مريومه وكملت وراح النوم كله خخخخ
الله يعيني اذا شرف شنو بيسوي فيني ....

فراشة
ههههههههه
اشوى في ناس مثلي للحين ما جهزو
آنه لو على ودي والله جان رحت تشريت شووي
بس الوضع كلش كلش ما يساعد واخاف اطلع صراحه
واختي نجفتني لانه قالت نطري لين عقب بتنزل اشياء يديده وبيصير التخفيض
بس اكيد ما بنطر لين شهر 7 وايد متأخر
يعني باحاول هالفترة اروح افارر اشوف الأشياء علشان اقرر من وين بشتري ...

سحابة
هلا فيج حبيبتي بينااااااا
ماشاء الله فرق كبير في العمر
الله يخلي لج بنتج
ويحفظ إلي في بطنج

اهللين ام خلا كيفك
وحشتينا من زمان ما شفنااج ..
عن الملابس والله للحين ما جهزت علشان اراويج
بس معقولة ما نزل عندكم صيفي لانه الصيفي صار له شهرين او اكثر من نزل
ع الاقل حتى لو الكم طويل بس لا تاخذين الرجل مسكرة لانه حرام حر ويختنق الياهل
حطي في بالج ان بيكون ملفوف وبعد ثياب متينة وواي بتختنق البنت خخخ

وعن الميزانية والله آنه ما احط في بالي مبلغ
لما بمريوم بديت اجهز من نهاية الرابع يعني بهالفترة
وكنت كل ما بين فترة اروح السوق وافارر واتشرى إلي يعجبني
بس ما حطيت ميزانية في بالي
ولا ادري كم صرفت خخخ

اهلين حيرة البلوشي >> ما ادري عدل قلت الاسم او لا :(

يا هلا ومرحبا فيج اختي بينا
سعداء اكيد بانضمامج معااااانا
اووووو زين زين عيل سجلتي قول في فريقنا فريق الاولاد
يعني شكلنا فزنا على البنات خخخ

والحمد الله ان المشيمة رجعت لمكانها وكل شي اوووووكي
والله يتمم حملج على خير يااااااااارب

وبعد شووووو اخباركم يا كروووووووشااااااااااات

هلا سم ون

والله صادقة تعبنا من هالخوف يالله الله يفرج

انا ياطويلة العمر تنسيت على اشياء حامضة واموت في السمج بس معظم الاحيان لايعة جبدي واتنسى على روحي احس بخشمي كل ريحة خايسة حتى عطوراتنا ما قمت اشتهيها

ها بشري قولي شنو فيني ؟؟؟؟؟؟

اهلين سحابة

وااي سويتوني خبيرررررة هههههه

يا ويلي

آنه اعرف على حسب التنسي يعني بشنو تنسيتي من أكل شنو تشتهين تاكلين خخخ

وفي شي بعد معلومة بجد وايد لاحظتها

ان اذا بنت الام يكبر خشمها ويتغير شكلها شووي
لانه على قولتهم البنت تاخذ من حلاته امها

وبجد لما كنت حامل بمريوم كان خشمي مأساه شكبرة خخخخ

حنى خالتي كانت حامل وما تغيرت وقلت لها بتجيبين صبي وجابت صبي

وزوجة اخوي بعد كان خشمها مأساه وقلت لهم اكيد بنت وفعلاً طلعت بنت خخخخ

والله اعلم بعد

يالله قولي لي بشنو تنسيتي شنو تحبين تاكلين ..

وصار خشمج كبير وخنافر او لا خخخ

او الحار والكاكاو

نفسي لما كنت حامل بمريوم

احط غرشة الفلفل والجبس وأكل خخخ

عيل بنت :)

يالله بسرعه روحي حللي جان اعرف آنه شاطرة اعرف احلل او لاء خخخ

مرحبا بنات كيفكم وشو اخباركم من يومين طلعت رحله وكانت الطريق طويله كتير ولهلأ حاسه اني تعبانه ووجع الظهر كتير قوي يا رب تمشي هالشغله على خير لاني بجد تعبانه

انا سويت اشعة وقالت لي الدكتورة امكن ولد

قطراويه2007;14895091:
تدخلين السادس في الاسبوع ال22

يعني بعدني مطوله :(

سحابه 77;14895715:

السلام عليكم

أنا من أشد المتابعات لكم كروشاتي أنامنكم وفيكم ولي قصة ................أنا عندي بنت و الحمد لله عمرها 15 سنه و بعد طول عناء وحكمة رب العالمين أنا حامل الآن..الحمد لله ......تعالجت و حملت وأنا الحين في الأسبوع 22 دخلت السادس و موعد الولاده إنشاء الله 8\8 طبعا بالترسون لأنه أخر دوره كانت شهر 10
أتمنى أن تقبلوني في وسطكم لأني واايد أستمتع من قرأت مواضيعكمو أستفيد منها
وأتمنى للكل اليسر في الحمل والله يتمم ليكم على خير إنشاء الله

..............تسلمون ...............

ما شاء الله
الف مبروك حبيبتي
الله يتمم عليك بالخير وتقر عينك بشوف ضناك يارب
بتنورينا ياقلبي :adore:

ba7rinia;14896703:
اهلين شجووونه
اتوقع في 21 اسبوع تدشين السادس و 24 اسبوع تحلصين السادسF:وهالورده حق بنووتج :$:

فديتك وليش عاد الورده لبنتي :rolleyes: هههههههههههه

فراشه١;14896805:
كروشات بسألكم سؤال وبكل امانه جاوبوني قرات موضوع وحده تسأل كم المبلغ إلي مفروض توفره حق التجهيزات وكانت الردود بالنسبه لي مبالغ فيها الأغلبيه قالوا خمس ألالف وإلي اربعه عاد أكثر وحده اصدمتني قالت عشر الاف طيب أنا أكثر شي لماكنت بكريه جهزت في يومين بس والله أني ماأبالغ رحت لسيتي بلازا وشريت اطقم كانت تقريبا عشر قطع اطقم اسعارها من خمسين لستين ريالا غير عن البربتوزات اسعارها من ١٥ الي ٢٠ عشر قطع و المهادات اقل شي اربعه والمدسات والشنط والسرير وكانت كلها ماركات ماكلفتني إلا ١٧٠٠ ريال وادوات الصيدليه من كريمات وشامبوا ومناديل معطره وحفائض ١٥٠ ريال فهل أنا غير فهموني

انا الصراحه ما حددت مبلغ معين بس ترى كل بلد تختلف عن الثانيه حبيبتي
مثلا احنا 3000 ريال مضمونه لذبايح وقت الولاده من غير الملابس والامور الثانيه :(

heart alblooshi;14898209:

صباح الورد كروشات

من أول ما فتحتو التجمع وانا كنت متابعة وياكم صفحة صفحة ورد رد والحمدلله واجد مستفيدة بينكم
وأخيرا قررت أشارك أم رحيق
هذي أنا
أنضميت وياكم أستانسي فديتج
أنا مثلكم الحمدلله حامل ألحين فالشهر السادس موعد ولادتي
3/8
بأذن الله

وحبيب قلبي اللي حامل بيه ولد

كان عندي المشيمة نازلة وألحين الحمدلله رجعت مكانها الطبيعي

وبخصوص التجهيزات لسه ما جهزت وان شاءالله ناوية من الشهر السابع وأول ما أشتري أي شي راح أنزله على طول لعيونكم الحلوة وللحين مو حاطه ميزانية معينة شكلي كل اللي أشوفه راح آخذه أن شاءالله

بخصوص أستفسارج شجونة هالأشعة اللي تسألين عنها سويتها الاسبوع الماضي ف مجمع بوشر وتبين لج كل شي القلب والعمود الفقري وكل أصغيرة وكبيرة وتستانسي واجد حتى تراويج الدكتورة شكل جنينج وتعطيج صور له والحمدلله اطمنت عليه وعقبالج أن شاءالله تطمني وتستانسي

أتمنى تضيفوني وياكم

والله يثبت حملنا ويقر عينا بطفل سليم معافى كامل الخلقة والخليقة لازيادة به ولا نقصان

هلا فيك معنا حبيبتي
اها انا راح اسويها في مستشفى الجامعه ان شاء الله اشوف كل شي عنها واهم شي اشوف شكل الوجه ههههههههههه:lol:

الدنيا 2005;14898728:
اهلين بالبنات

شخباركم

عاد انا بكرة عندي موعد اشعة وجهزوا روحكم عشان نشوف فريق منه بيغلب ؟؟؟؟؟؟؟

هلا حبيبتي
الحمد لله بخير
اووووووووه اخيرا عاد انا متحمسه من الحين:D

SomeOne1;14900219:

الله كريم خيوو

اووو حامضة يعني نفسي تقريباً اني في هالحمل اشياء مالحه وحامظة وخاصتاً الزيتون خخخ

وطلع ولد

عكس لما بمريوم كنت اتنسى كلا بأشياء حلوة

فيعني دام حامض يعني ولد خخخ

والله أعلم :)

حبيبتي انا توحمت على الحامض والحار وكرهت الحلو كره مو طبيعي
وطلعت بنت ما اعتقد له علاقه

احلى سوزان;14901593:
مرحبا بنات كيفكم وشو اخباركم من يومين طلعت رحله وكانت الطريق طويله كتير ولهلأ حاسه اني تعبانه ووجع الظهر كتير قوي يا رب تمشي هالشغله على خير لاني بجد تعبانه

هلا حبيبتي
الف سلامه عليك
المفروض تريحين نفسك وما تتعبين :(

ناشب;14901783:
انا سويت اشعة وقالت لي الدكتورة امكن ولد

الف مبروك الولد حبيبتي :thumbs_up: