التجمع السابع لحوامل شهر فبراير

ام ملاك

شربت منقوع الزعفران اليوم
ومافي اي بوادر للحين
ومشيت تقريباً ١٥٠٠ متر اليوم في الممشى

وشربت كف مريم

ولللحين مافي نتيجة :(

الف الف مبرووك حق الي ولدوو وعقبالنا ان شاء الله

كل ما اسمع خبر ولاده من التجمع افز قلبي ...

اول مره نخوض هالتجربه والله اكون في العون

الحمدالله على سلامة برائة وسلامة البنوتة

ام عبود
والله مايندرى ناس يقولون يسهل وناس لا

ღام عبودღ;14474911:

لا خلو كل شي على الله
تبين
اكلي اناناس فرش مو معلبات
وروحي تمشي
معروف عن الاناناس
يساعد على الحمل
ويساعد على الاجهاض في بداية الحمل
ويساعد على الولاده في الاخير
والدكاتره ينصحون بالجماع
لانه ماء الرجل يساعد على الطلق

:woo:الي اعرفه ان في احتمال يصير حمل

ღام عبودღ;14474725:

لفت نظري انكم تشربون الزعفران تفكرون يسهل او يسرع عملية الولاده
لا حبايبي الزعفران يقلل من نبضات البيبي
غير هذا الطلق يصير بارد

غريبة ما عمري سمعت عن الزعفران أنه يضر الجنين خصوصاً اني بحثت كثير عنه وجربته بنفسي في 3 ولادات

في ولادتي الأولى بحكم إني بكرية شربته بالليل وما ولدت الا ثاني يوم قريب المغرب

وفي ولادتي الثانية شربته بعد صلاة الظهر وولدت العصر

وفي ولادتي الثالثة شربته وكان الألم عندي كل 5 دقايق بس كان الطلق خفيف وما يأخذ أكثر من 30 ثانية وبعد ساعتين من شربت منقوع الزعفران ولدت

برائة عروس

الحمد لله على السلامة وتتربى نبراس في عزكم ودلالكم

ميقات العمر;14470534:
مرحبا بنات
:)
الحمد لله على سلامة باقي الكروشات الي ولدوا

المهم الحين دايخه حدي من قلة النوم ارنوبتي الصغيره ما تخليني انام بس سهر تغير برنامجي كامل وراحت ايام الراحه:(

قصتي بقلوولها لكم الحين احم احم رعب:hysterical:

المهم تاريخ 8 كان امبدي عندي الالم بس ما قلت الى احد وظليت اشتغل في الشقه واني حاقره والحركه صارت ضعيفه وايد وهم خفت وايد من قلة الحركه وكان بنفس اليوم عندي موعد تخطيط بس ما رحت لان كان عندي شغل وايد وجايبين كبت الصغيره وتنظيف وحاله فما رحت قلت بكره مره وحده مع الموعد مالي

المهم تاريخ 9 الاربعاء رحت الموعد وكان عندي الالم ترح وترجع واني اقول لا يمكن عادي بقول الى الدكتوره اذا وصلت والالم طبعا من قبل بليله طلعنا ورحنا الدكتورره وهي كانت مواعدتني بتسوي لي فحص وتوسعني احممممممممممم بقول لكم قبل لانروح صار بينا شي قلت بعد تمهيد احسن خخخخخخخخخخخخخخخ

صلت العياده والالم زاد دخلت عند الدكتوره الا تطالعي تقول ما ولدتين ههههههههههههه قلت لا\ها لا ويش اتشوفي المهم قالت شكلش على الليله بتاريخ 9 والده المهم قلت لها اي عندي اللم والحركه خفيفه قالت يالله السرير وتقوم تفحصني واني اصرخ هههههههههههههه يألم وايد الا اتقول لي ايييي الليله والده والده متوسعه 2 سانتي الحين ابغيش تروحين تمشين اشوي وتشربين اليش زيت الخروع لان عندش مساك وايد ولازم تنظفين البطن قبل الولاده
طلعنا من العياده وخبركم بعد الفحص زاد الالم رجعت شقتنا اخذت بعض الاغراض وبدلت ومريت شريت الخروع وسمسم ورحت الى امي ومسكينه امي الله يطول بعمرها سوت لي حليب بالزعفران مركز وايد وحطت فيه زيت خروع وسمسم وغصبت على نفسي اشربه وشربته وزاد الالم وظليت الى الساعه 12 الليل احس اللالم كل خمس دقايق واني اصيح من الالم وقوته شي مو طبيعي خيال كلمت الحجي وقلت له بسرعه طيران اتجيييي وجا بسرعه ورحنا المستشفى واني في السياره اصيح واقول بموت مو قادره ياربي وما اقدر يسوق بسرعه لان اتألم من جانبينات الشارع والمرتفعات وما ابغي يمشي بالهداوه ابي اوصل بسرعه عععععععععع

المهم وصلنا المستشفى الا تقول فحص قلت لها ما مبي تعبانه اللم متواصل قالت لازم فحص خخخخخخخخخخ

المهم فحتني الا اتقل 4 سانتي اتخيلوا من متى الى متى بس 4 سانتي:|

قالت يالله ندخلش داخل قومي على الكرسي اقول لها ما اقدر واني اصيح وامي ويايي وهي مره نزره قالت قومي الا اشوف فيني ترجيع :badly: واناديها ابغي ارجع فيي زيله حقرتني يوم شافتني برجع الا تجيب الزيله الكبيره تسحبها ليي وتضربني على راسي لبها الله يغربلها فرت مخي :worn_out: رجعت عدل وتعبت من الترجيع احس اخذ كلل طاقتي المهم دخلوني داخل وكالمعتاد في غرفة التوليد الساعه قبالي :clock: هههههههههههه والوقت يمر واني بعدي واهلي واهل زوجي كلهم برى ينتظرون اولد وهم ضربوني ابر ثنتين علشان انام بس وين النوم والالم شغال انادي تعالوا لي بموت لحقوا عليي لا تخلوني وهم خبر خير تركوني بروحي:( جت لي الهنديه الا اقول لها بموت واني بس اصيح الا اتقول انتين الحين ماخذه ابر ثنتين ليش ما تنامين قلت لها ضربيني بعد ابغي انام هههههههههههههههههه قالت ما يصير بس 2 خلاص قلت تعالي عطيني بروفين عطيني بندول صرخت عليي وقالت ما يصير انتين ولاده قلت لها ما امبي اولد جيبي لي بندوووووووووووووووووووووووووووووووول صرت عليي وطلعت على الساعه 3 ونص حسيت روحي بتطلع الا اصارخ عليهم حرااام عليكم تعالوا لي بموت قتلتوني طلعت روحي وابد ما فيه بعدين قلت لهم لحقونيييييييييييييييييييييييييييييييييييييييييييييييييييييييي بصوت وجت وحده الا اتقول يالله بشوف الا اقول لها ما امبي فحصصص وهي تلبس القفاز قالت لازم قلت لااااااااااااااااا:confused: هههههههههه وغصب عني فحصتني واني اصارخ الا اشوف الماي كله برىىىىىىىىىىىىى:woo: ياساتر واصرخ الا تصارخ عليهم ولاده ولاده كانوا يعتقدون اني اجذب عليهم وساكتين عني ههههههههههههههه :woo:المهم الا تقول مع اللالم سوي بوش صارخت واني ادفع الا اتقول لي لاااااااااا تصارخين بس سكي بوزش وسوي مثل الخروج واني ينقطع نفسي عدل اقول لها بس خلاص ما اقدر سوييي لي بنج كامل ما امبي اولد الا تصارخ علييي ما في بنج كامل انتين ولاده :rolleyes: هههههههههههههههههه واني الا مصره بنج وادفع اقول لها تشوفين الشعر تشوفين الراس تقول اييي اشوف يبين انتين سوي مثل الخروج وارجع تضيع قتي الا اقول لها خلاااااااااااااااااااص ما اقدر صارخت علييي الا اتقول بسرعه البيبي تعبان واجد لا يمت وخوفتني وقاموا يجيكون على دقات القلب لا صارت سريعه وتصرخ بسرعه بسرعه بوش بيبي تعبان وقمت سويت بوش بأعلى قووتي اخر 3 مرات وطلعت نور عيوني ارنوبه الساعه 4 الا خمس الصبح وحطوها على بطني ههههههههههههه الا اقول لها ما تصيح ما تصيح واني اصيح الا تقول تعبتينها تصيح بس من صراخش ا تسمعين وخلوني ابوسها ههههههههههههههه بستها وقعدت اصيح :'(:thumbs_up:

وبعدين جا الالم الثاي مال الخياط يالهوتييييييييييييييي:worn_out: قعدت اصارخ واصيح ورجعت لسالفه البنج تقول لي اكو نرش بج موضعي قلت لها جذابه ما فيه بنج حطي بعد هههههههههههه:hysterical: اصارخ على الي تخيط اقو لها ارحميي ههههههههههه بموت ما عندش قلب لاا تعوريني واني بس صياح وكلحين اقول لها باقي وايد باقي كم باقي اي كثر واقول الولاده خلاص والطلق نسيناه الحين الم السيم مو قادره منه لا انقلب على ظهري ولا اعرف اقعد ولا امشي وكله على جنب جانبي يألموني من كثر ما انام عليهم والله يشافيني بسرعه

المهم طلعوني الى الاهل وشفت امي ويودت ايدها الا اصيح في ويها واقول لها اميييييي يعور تعبت عدل ههههههههههههه:confused::p

المهم الحين ابيكم تبروني شو اسوي صدري ما فيه حليب والبيبي فيها ابو صفار ولاز ارررضعها وايد شو اسوي ؟؟؟؟ عطيتها مرضعه بس تسبب لها غازات وبس تصيح وكله سهر..........
:|
ادري قصتي طويله هههههههههههههههههه :biggrin:
المهم بين كل فتره بدخل لان ما في وقت زين قدرت اكتب قصتي لان ارنوبتي نامت وقلت ادخل اخبركم

الله يتمم الى الباقي على خير يارب
ويقومكم بالسلامه يارب

الحمد لله على سلامتش وسلامة البنوتة

صج الولادة معاناة ولا عاد إذا صادفتِ ناس ما تحس ولا عندها في قلبها رحمة

والله يعينك ويعيني على الخياطة متى يطيح الخيط ونرتاح

بالنسبة للحليب أكلي سمسم ورهش (الحلاوة الطحينية) وكثري من الشوربات لأن الشوفان يزيد الحليب

وعلى أبو صفار علاوينا من أمس أحس أن عينه مو صافية وفيها صفار حاولت اتذكر الاشياء اللي تفيد لأبو صفار لكن ذاكرتي للأسف ميح فقلت بسأل أمي أو عمتي

الحمدلله على سلامتكم .................. فرقودة ووميقات العمر وام فاطمة وبرائة عروس والعروس النائمة
يتربون في عزكم الصغار


اللي تسال عن الحليب ............ الكمثرى والروب وعصير الجوافة من تجربتي يدر ون الحليب
حاولي قبل ماترضعين تشربين سوائل واشياء دافية

عروس ربي يسهل عليج ان شاء الله

ربي يحفظكم ويحفظ عيالكم

قبل لا أكتب قصة ولادتي بأكتب لكم الأشياء اللي سويته قبل لا أولد

كل يوم قبل لا أنام كنت أقرأ أدعية تسهيل الولادة الموجودين في الملف المرفق واللي حطته وحدة من الكروشات بس نسيت من :worn_out:

أدعية تسهيل الولادة

ثاني شيء سويته هو المشي

طبعاً زي ما قلت لكم من قبل أنا شفت افرازات مخلوطة بدم يوم الأحد ..

يوم الأثنين ما شفت شيء

يوم الثلاثاء كانت الافرازات مستمرة من الظهر الى يوم ثاني

يوم الاربعاء بدأ الألم من الساعة 4 الفجر وكان يروح ويرجع .. على الساعة 6 الصباح جلست أحسب الفاصل بين كل ألم وألم ... كان الألم كل 5 دقايق يعني منتظم بس كان الطلق خفيف وما كان يستمر أكثر من 30 ثانية

الى الساعة 9 والألم ما كان يزيد فجأة حسيت بشيء ينبط داخل قمت عشان أروح تكرمون الحمام ما لحقت أوصل الا الماي نزل بس كميته كانت قليلة.

كلمت زوجي وكان راجع من الدوام وبدأت تجهيز أولادي وجهزت نفسي وسويت لي منقوع الزعفران وحطيته في الشنطة كنت ناوية اشربه لما أوصل المستشفى بعدين غيرت رائي وشربته في السيارة

وصلنا المستشفى على ما خلصت اجراءات الدخول دخلت على الدكتورة فحصتني لقيت الرحم فاتح 4-6 سم خلوني اغير ملابسي وركبوني غرفة الولادة

ركبوا عليّ جهازين واحد لنبضات الجنين والثاني ما أدري حق ايش

وحطوا عليّ مغذي وجت الممرضة وحطت إبرة في المغذي عرفت بعدين أنها لتسريع الولادة

جت الدكتورة بتفتح كيس الماي ولما دخلت العصا عشان تفتحها ما شافت شيء نزل سألتني نزل عليش الماي قلت ليها اي قالت واجد قلت لها لا قليل مع انهم سألوني في الاستقبال وقلت لهم نزل الماي ولما أخذوا الضغط ردوا سألوني وقلت لهم

المهم جهزوني وخلصوا وقبل لا تطلع الدكتورة قامت توصيني لا تدفعي الا اذا قلنا لك تدفعي وطلعت الدكتورة والممرضتين اللي معاها وظلت ممرضة ويايّ

كان الألم يروح ويجي وكنت أحاول اتصبر وأشغل نفسي بالتسبيح لكن بعدين وصلت لمرحلة خلاص مو قادرة جلست أصارخ واتقلب على السرير يمين وشمال وشوي ودي اشيل الاجهزة المركبة عليّ

والممرضة تقول لي تنفسي لا تصارخي

وانا كلما احاول اتنفس مو قادرة خلاص الألم لا يحتمل واني اصارخ ومفزعة العالم وهي تقول لي لا .. لا .. تنفسي واني اقول لها ما أقدر

وجلست أصارخ عليها وين الدكتورة ؟

قامت تسألني زي سوي براز ؟؟ وأنا اصارخ

بعدين جت الدكتورة والممرضات .. اللي ولدتني الممرضة (قابلة) بس كانت الدكتورة موجودة تشرف على الولادة

كنت أصارخ ومو قادرة أدفع وكلما اشتد الألم قمت سكرت ارجولي والممرضة تصارخ عليّ أدفعي .. اعطي مجال للبيبي .. وانا مو قادرة .. وكان الراس باين بس ما كان يطلع

واسمع الممرضة تقول للدكتورة It is so tight والدكتورة ما تبغى تسوي توسيع بس لما شافت الوضع أنه مافي مجال سلموها المقص وبعدها حاولت ادفع اكثر وكلما احاول احس مافي فايدة وبعد عدة محاولات حسيت بشيء ينزلق وبعدها بشيء دافي ينزل وراه

أخذوا علاوي حبيبي وعلى طول رفعوه وحطوه فوق الشرشف وبعدها قصوا الحبل السري واخذوه ينظفوه ويفحصوه وانا ظليت على السرير لا حول لي ولا قوة

قالت لي الممرضة بعد شوي بنطلع المشيمة وتركوني فترة وبعدها جت الممرضة وطلعت المشيمة

وبعدها جت الدكتورة وخدرتني وبدأت الخياطة .. كنت أحس بنغزات واحس بالخيط وهي تخيط وما خلصت واني مصدقة ..

وجابوا لي علاوي عشان اشوفه وقربته مني الممرضة عشان ابوسه

وتوتة توتة خلصت الحتوتة .. حلوة ولا فتفوتة

الحمد لله على النعمة ... الله يرزق كل المحرمين ببركة هذا اليوم ..

أم فاطمة - العروسة الناعمة

الحمد لله على سلامتكم ويتربوا الكتاكيت في عزكم

أم ملاك - فتون - حلوة

وينكم اليوم ما أحد بين منكم

أم ملاك

أنا من السعودية (الشرقية) مو من البحرين :)

هنوف

ان شاء الله تكونين ولدتي وارتحتِ

في انتظار سماع الخبر على احر من الجمر

صباح الخير
التجمع حده خااااااامل
اييييييه وينكم يا اللي كنتون منشطينه
حتى فتون العيارة صارت ما تدخل مثل قبل
يااااااا رب تكون هنوف ولدت بالسلامة
عروس 08, ما عليه خيو تصبّري، متى ما الله كتب بجي بالسلامة إن شاء الله
برائة عروس, الحمد لله على سلامتش و سلامة الكتكوتة و تتربى في عزكم ياااا رب
أم الأقمار الثلاثة, حيا الله أهل الشرقية، توقعتش من البحرين خيو، و مشكورة على عرض قصة ولادتش بس للأسف ميزانش معاااند

ماشاء الله
حمد لله على سلامة اللي ولدوا و الفال للبقية
وري ييسرها و يسهلها لكم

الحمد لله على السلامة برائة عروس
تتربى بعزكم

صباح الخير


ام الآقمار الحمدالله على سلامتج وسلامة علاوي

الف الف مبرووك خيوو برائة عروس .. تتربى بعزكم ان شاااء الله ،، الله يخليها ويحفظهااا ..

الله يسااعدج ميقاات حسيت بالالم من قصتش بس يالله ربش كريم اهم شيء سلامتش وسلامة الصغيرره تتربى بعزكم ان شااء الله ..

من ناحية الاشياء الي تدر الحليب ماقصرو البنات .. والله يعطيش العاافيه ان شااء الله..

الحمد لله على سلامتش ام الاقمار الثلاثه .. حدهاا القصه مؤثره .. صرت خاايفه .. بس بعد ابغي اولد ,, يتربى علاوي بعزكم ان شااء الله ..


....

امس طبقت قاعده فتوون ورحت امشي امشي امشي .. والله ييسر .. صرت مو مستعجله احس عادي ! مالي مزاج اصلا وقت الا يبي يطلع بيطلع مابعور راسي بس الي عليي بسويه رحت شريت ملابس داخليه قطنيه عشان لا يدخل لي هواء على قوله .. ورحت اخدت المشط الي من زمان احن عليه .. يعني مشيت في المجمع وبعدين طلعت مع بنات خالتي مشيت ساعه كاامله .. وحركه النونو صارت مو مثل اول !! وبنت خالتي عقدتني موعدها 11-2 .. وللحين في حالة صمود الله ييسر للجمييع