تجمع حوامل وامهات قطر لشهر ربيع الاول لعام 1432ه؛ الموافق لشهر فبراير لعام 2011م

لولوه ام نونا
ان شالله بتضعفين
بس انطري شوي ..
والكلاكيع يبيلها رياضه ...حتى مع نزول الوزن يترهل الجلد كل ما الوحده تمتن وتضعف بدون رياضه.






ام حمني
شدي على عمرج
وهالملابس الضيقه بتلبسينها وانتي مستاسه وشاقه الحلج
عن نفسي اول ماربيت اشتريت لي كم بدله على بنطلون وجذي يعني
وعقب وقفت لاني ماحللت ملابسي القبليه
وفيه منهم اللي كان سترتش فكنت البس على متني لوووووووول
ولما نزلت وزني الحمدالله رجعت البس منهم ..






دحدوحه
هالخربطه لامفر منها
مدري ليش ..
مشكلتي ارجع من الدوام ويصير غداي وعشاي وقت واحد العصر
وماشتهي شي عقبها الا اني اشرب كوب حليب ..
هاي ايام الاسبوع ويتعدل هالشي بس فالويك اند
وبعد هال3 كيلو ماتحركوا غرام لوووووووووول

لولوة الدوحة
يمكن حركتج من ترجعين من الدوام قليلة
وماتحرق ال٣ كيلو الباقيين

لولو ‏

من بؤك لباب السما لحد الحين ماشيه اوكيه ماخربيته ان شاءالله اعصقل

ههههه‏<‏‏<هييين

اليجنت
نفس طريقتي اشتري ملابس اضوق مني عشان اضعف والبسهم هههههههه

لولوة
نفسي ما اغير مقاسي لو شنو
ولازك احتفظ بملابسي قبل الحمل واضعف لين اقدر البسهم وبعدين اشتري شغلات جديده

++++++++++++++++++++

بنات تعرفون كريمات تشد الجسم؟
سالت الصيدلانيه قالتلي استمري على التمرين احسن

كامي
حبيبتي مافي كريمات تشد الصراحه
جربت روك اللي عن السليوليت ..
ماحسيت بوايد فرق يمكن لاني مالتزمت فيه
وقلت بجرب نيفيا بس ولا اشتريت اي كريم
حتى في من ماركه فيشي vichy
بس بعد ماتعبت نفسي وخذته لووووول
احسن شي الرياضه مافيه غيرها يشد الجسم






ام حمني
بتضعفين والله
لا تستهنين بالموضووع ولا تملين ولا تقولين مافي فايده ..
ترا بتشوفين النتيجه بس مو من اول شهر يبيلج اقل شي 3 شهور مع تمارين البطن وبتشوفين نتيجه حلوه ان شالله





فارفلا
مممممم يعني تقريبا
ماتحرك وايد عقب مارجع من الدوام..

مساء الخير


العيون

الحمد لله على السلامة وتتربى بعزكم ان شاء الله




بدور

وانا صار لي الحين اسبوع ما مهدتها





ماميز

بسألكم متى اغير الحليب بداية السادس ولا بعدين عقب التطعيمة ؟

مسا الخير

شخباركم ماميز؟

قاعده اقرا سوالفكم عن الريجيم ؛ إن شا الله ألتزم عقب ما أربي ؛ بس متى ابتدي عقب ما أربي على طول ولا عقب كم شهر ؛ أنا في بنتي يوم كنت أرضع كنت دايماً يوعانه وما كنت أقدر أخفف ؛ أحاتي وزني هالمرة أول مرة يوصل وزني السبعين الله يستر لين أربي.

أم شيوخ
من صجج ما سويتي تحليل دم ؛ ولا عدتي تحليل البيت ؛ أنا ذاك اليوم تميت متحرقصه لين تأكدت ؛ الله يكتب لج الي فيه الخير.

مساء الخير النظرة الخجولة عندك عطر جيلتي من غوتشي و هاي الاسم بالانجليزي guilty

نور الحب
اظن من السادس تبدينه عالنوع الثاني على طول
بدون ماتخلطين النوع الاول والثاني مع بعض






هتان
الحمدالله ع السلامه
ولاتنسين اليوميات ؛)







روكر
شخبارج
وشخباره شيخ الشباب ؟؟اشوه ان شالله






ليله
اذا وزنج مع الحمل 70 عادي لا تحاتين الحين
عقب الولاده امسكي نفسج
حتى مع الرضاعه الطبيعيه انا كنت اجووووووووه وكنت اكل توست اسمر ..اول 4 شهور كنت عادي اكل اكلي العادي وواجوووع بعد
عقب الولاده ب6 شهور هني بديت امسك نفسي العشا اول شي يكون بدري وتوست اسمر طبعا واخفف العيش واكثر سلطات
وفي بنات هني في الشات بدوا من الا40
يعني مايخربطون ولا يهبشوووون ويضربون بالخمس عالعيش ..خلي اكلج صحي ومتوازن في ال40 وبتنزلين ان شالله
عقبها ادخلي اي مركز صحي عشان ينزل وزنج معاهم ..

نور الحب :
عادي من تدخل ال6 او عقب التطعيم نفس الشي
وبدون خلط مثل ماقالت لولو

مساء الخير

شخباركم ماميز

العيووون

الحمدلله على سلامتج
ومبرووك ماجاكم
تتربى في عزكم الامورة


موزان

عجبتني فكرة الدزة
حلو تطقمين لها اكسسوارات شعر
وفساتين بس مقاسات متفاوتة
شي 6-9 وشي 9-12 وشي 12-18
وخذي لها ورود حق الشعر من كليرز واتش اند ام
وهيلاهوبات ودلاغات وشوزات بمقاسات متفاوته

ماميز الرجيم

انا كنت ملتزمه بالرجيم اسبوعين وخربطت شوي
ونزلت كيلوين
وعقب فتحت عالاخر لين امس كلت من ماكدونلدز
وحسيت بالذنب

واليوم عاقبت نفسي تريقت 6 الصبح لان كان عندي موعد اسنان
كلت 2توست مع جبن وشاي حليب
وماتغديت ><"
والعشا دجاج مشوي مع فلفل بارد وسلطة خس وخيار

والحين اشوف فلم سولت على شو سينما
فضيع شفته فالسينما وبعد باشوفه
احب افلام انجلينا جولي

بس بس
منوره حبيبتي
ليش عاد المفروض تتشجعين لانج نزلتي وماتخورينها
قطعي علاقتج بماكدولنز وهارديز وكنتاكي لوووووووووووووووول
انا قاطعتهم حاليا
لوووووول وخلي اكلج في البيت كثر ماتقدرين في الفرن وبدون زيت وسلطات
وان شالله الاسبوع الجاي نازله

لولوووتي

ماكدونالدز انا قاطعته من فتره
بس اختي امس خذتلي وماقدرت اقاوم
وعقب ماكلت تحسفت << كالعاده خخخخخخخخخخخ
ناوية استمر ان شاء الله

ابشركم بنتي قامت تنطق كمن كلمة
افكر ادخلها حضانه
بس متردده ابيها تنطق شي مفهوم
عشان تعرف تعبر شنو تبي
اختي تقول وديها من الحين احسن
ومب عارفه
شرايكم؟؟

بسومتي
احس حرام بعدها نتفه
مايهياني قلبي اوديها وشوشه اكبر من بنوتج الله يحفظهم
اذا ماعندج حد يمسكها اوكي بدل ما تقعد مع الخدامه
بس غير جذي عالاقل اصبري عليها سنتين ونص عقب دخليها
شوفي راي البنوتات بعد

بسومة :
ما شاء الله كيلوين حلوووين
استمرررري و بتنزلين اكثر :)


هتان :
الحمدلله على السلامة
ننتظر يومياتج ..





أكمل يومياتي اللي مب راضية تعتدل :(
الغدا : ربيان في الفرن
و العشا : الطامة الكبرى بيستاسو من المعصرة و عصير برتقال

الله دوحانيه بستاتسووو بالعافيه خخخخ خخخخ خخخخ


بنات انا آكلي مب طبيعي اكل واااااااااااااااايد ,, وكله افكر اخاف اطيش بالوزن
عادي ولا لآ ..؟ وشلون انظم اكلي نفسيتي تعبت وانا افكر ومن التفكير ازيد بالاكل خخخخ

صباح الخير

قطرية_H_

لاحظي وزنج اذا زايد وايد خففي اكل



كيف أسيطر على وزني؟


جلّ ما عليك القيام به هو تناول الطعام بتعقّل، ووضع في اعتبارك أن السيدة الحامل تحتاج إلى حوالي 2500 سعرة حرارية يومياً. يشتمل النظام الغذائي المعقول على خمس حصص من الفاكهة والخضروات كل يوم، وأطعمة من جميع المجموعات الغذائية الرئيسية:
• حوالى 10 % من سعراتك الحرارية يجب أن تأتي من البروتينات، مثل اللحوم، والأسماك، والبيض والبقوليات.

• قرابة 35 % من سعراتك الحرارية يجب أن تأتي من منتجات الألبان، مثل الزبدة والجبنة والزيوت والمكسرات (الدهون)، أقل قليلاً إذا كان وزنك زائداً، ولا بأس باللبن الرائب (الزبادي) والأطعمة التي يمكن دهنها على الخبز على أن تكون قليلة الدسم.

• حوالي 55 % من سعراتك الحرارية (الجزء الأكبر منها) ينبغي أن يأتي من الخبز، والمعكرونة، والبطاطا، والأرز والحبوب (الكربوهيدرات). وتعتبر منتجات القمح الكامل أفضل من منتجات القمح الأبيض المكرر، كما أنها تحافظ على استقرار نسبة السكر في دمك وتساعد على تجنب الإمساك وتشعرك بالامتلاء والشبع لفترة أطول.

• ليس هناك ضرر من تناول الشوكولاته بين الحين والآخر، لكن تذكري أن الوزن الزائد الذي تكتسبينه أثناء فترة الحمل سوف يظهر بوضوح جداً بعد ولادة الطفل، ولن يكون من السهل خسارة الوزن في الأشهر الأولى من الأمومة.

ماميز يعني انتوا بعد تسون نفس طريقتي الملابس الضيقة يؤيؤ هههههه

انا العام قبل لا اولد بيوم خذت لي بدلة وكانت واااااااااااايد حلوة ومن زمان خاطري في هالستايل .. المهم خذتها و حطيت في بالي اني بضعف وبلبسها حق العيد .. و ماكنت اخربط وفي العيد جات قدي ولبستها مع ان مقاسها كان صغير وكانت تحدي الصراحة فالحين قلت مالي الا اسوي نفس الطريقة .. وان شاءالله الله يقدرني واصمد .. انا مرتاحة على رجيم النقاط والتزم بس المشكلة تطلع سفرة ولادورة ولا اي شس جديد في روتيني واعفس الدنيا