تجمع حوامل وامهات قطر لشهر ربيع الاول لعام 1432ه؛ الموافق لشهر فبراير لعام 2011م

السلام عليكم

شخباركم ...في ناس اختفت عن الشات عسى المانع خيرر

ولدي الصغير فيه كحه وحراره وبلغم وديته للدكتور ووصفه له مضاد لاربع ايام مع ادويه ثانيه...
وبصراحه خايفه من المضاد لانه توه ؟؟شرايكم اعطيه او لا؟

على حسب الدكتور شقالج ؛ إذا فيه التهاب لازم مضاد حيوي ؛ وانتي واثقه من كلام الدكتور ؛ عند من وديتيه؟

وديته لدكتور خاص ...والله يعين بعطيه وامري لله

الحقيقة هنا

http://forums.3roos.com/showthread.php?p=14527994#post14527994

ليله
بنوتي فديتها بتكمل ال3 ان شالله
واحنا بخير ربي يسلمج
شخبارها نساتج ؟؟






الناعمه
مايشوف شر فديته
اصبري عليه او وديه عند حد ثاني





برب

لولو
نساتي خفت هالأيام لأن ريلي مسافر وقاعده في بيت هلي ؛ وصايرة آكل أحسن ؛ بس هالأيام ضغطي نازل وتصيدني دورة ؛ وصايرة أشرب ماي أكثر وآكل أشيا مالحه قبل لا أروح أي مكان.

عن بنتج إذا بتدخلينها مستقله دخليها لين صار عمرها ٤ سنين ؛ بس المدارس الخاصه أحسن تدخلينها وهي ٣ سنين عشان يقبلونها.

ليله
اخذي غانيا وانتي مغمضه
وعن بنوتي والله ماعرف اذا مستقله والا خاصه
بشوف اصلا وش اللي حولي وبسال عنهم بس مب الحين
هي بتكمل 3 سنين ان شالله وبدايه السنه الجايه يصير خير وبقرر وقتها وين بحطها ..

لولوة الدوحة
المستقلة يقبلون من عمر ٤ سنوات
دخليها سنة روضة خاصة
وبعدها انقليها مستقلة
اذا في الدفنة
روضة دانة ممتازة

لولو
إذا بتدخلينها خاصه لازم تسجلينها من السنة ؛ بعض المدارس تسجيلهم شهر ٤ أو ٥ ؛ دوري من الحين ؛ لأن في مدارس عليها لستة انتظار.

ليله + فرفلا
ايه قالت لي ربيعتي
ان شالله بشوف لها
الله يسهل ان شالله

يومياتي اليوم
فطوري كان اومليت مع مشروم وكوب حليب بالينزبيل
غداي صدر دجاج مشوي في الفرن و5 حبات تمر
والسناك 3 قطع صغيره من كادبوري مع كوب شاي حليب
والعشا 2 توست اسمر مع جبنه وفليفله حمرا وخس يمي يمي

لولو
انا مب كاتبه تقريري لانه عجيب
كب كيك وهمبورجر من بوبايز هههههههههههههههههههه

كامي
فيه العافيه
صحه وهنا لوووووووووووووول
البارحه تقريري عجييييب فيه كنافه وتركش كوفي لاول مره فحياتي
وغير المين دش والابيتايزر لوووووول

السلام عليكم


شخباركم؟ من زمان عنكم .. اسمحولي..


العيون

مبروك البنوته.. تتربى في عزكم ان شاء الله..


قطرية.. ام خلودي

انا بين في الاسبوع ال 12..
على حسب البيبي وشلون وضعيته..
كنت ابي اتأكد من الجنس في اخر موعد ما قدرنا نتأكده لان الحبل السري كان بين ريل البيبي..
اصلا يقولون ان الدكاترة يعرفون بس ما يقولون..


بنات مفكره هديه حق بنت اخوي لين ان شاء الله انولدت..
اسويلها نفس الدزة الصغيرة خخخخ.. << فكرة ريلي..
خذت فستانين كيوت مع ليغينغز
و شغاب ذهب..
شنو ممكن احط بعد.. عطوني افكار بليز :)

وايد حلوه فكرتج مووووواز
حطي سليب باق والشنطه وخذي دباديب معاها
كم جوتي مع الفستان على القبعات كيوت
جي سوالف البيبي وايد

مشكورة ام خلودي
بشوف ان شاء الله هالاسبوع قبل السفر..

موزان

نور المنتدى ؛ ما بغيتي تطلين علينا ؛ عرفتي جنس البيبي ولا لين الحين؟ وحلوه فكرتكم حق دزة البيبي ؛ اخذوا لها فوط وفي قطعه مثل الفراش الي تنحط عالأرض حق البيبي تلقينهم في ماماز اند باباز ؛ في أشيا وايد تقدرين تاخذينها روحي المحلات وشوفي وبتذكرين هناك ؛ بس الثياب أخذي لها من &#1635; شهور لين &#1638; شهور لأن أمها أكيد بتكون شارية أشيا شكثر.

كامي ولولو ‏

بليييز لا تتكلمون عن الاكل والريجيم واليوميات صااارلي اسبووعين ‏
آكل بشكل غير طبيعي يااربي كله من الزهق
ولاا وكله اشتهي سوويت واكل سبايسي والله لوو ام علي ماشرفت ‏
كان قلت اتنسى
وع طاري بوبايز امبيييه شخباري للحين موجود خبري فيه اول مافتح
هبينا فيه كنت استانس ع هداياه هههه

لولو ‏
انا سالتج عن المدراس لا الخاص مايقبلون بعد السنوات الاغلبيه
منهم


مزمز

وحشتيني ‏
وعن فكرة الهديه عجبتني حيييل وازيد ع كلام ام خلودي جيبي اندورير
مقاس شووي كبير ‏‏(‏‏(فنايل داخليه‏)‏‏) شبااصات اهم شي
واذا تقدرين حطي بوكس صغنون فيه اغراض النظافه شامبو كريم ‏
مقص اظافر ‏..الخ ‏
عن وحده من صديقاتي الكلووز قلت لها ملابس البيبي علي وجبت ‏
بوكس كشخه مثل ستايل بوكسات مامز وبابز وجبت لها ملابس من ‏
نيو بورن لين ‏ شهور وشباصات واندروير واغراض العنايه واكيد
كم فستان لان حملها كان ثقييل وكله بالمستشفى والسوق ماطبته

ليله

اي عرفت جنس البيبي بس ابي اتأكد تأكيد اخير قبل ما ارد قطر خخخ


ام حمني

شكرا عالافكار.. كتبتهم عندي.. ما فكرت في الفنايل الداخليه :) حلو...
قلت باخذ الاغراض من هني .. وبرتبهم في بوكس كشخة في قطر لان ما بقدر احطه في الشنطة..

صباح الخير

شخباركم ... وحشتوني

العيون
الحمدلله على السلامه ,,,ومبروك البيبي غيرل تتربى في عزكم

موزان
فكرتج حلوه ....
انا مم ودي اعرف جنس البيبي ..بس شكلي في الاخيره بحثلها وبسأل


كامي , لولوه الدوحه
اكلكم يشهي صراحه ... خلنا نربي بالسلامه وننضم لكم

الناعمه
ماعليه شر .. روحي لماهر عياده في العزيزيه هو مايعطي مضاد الا للحالات القصوى وعلاجه اوكي