شات منتظرات الحمل وأمهات المستقبل بأذن الله (احلى بنات فى مصر )لشهر ربيع الاول

مش كدا يا دينا وللا ايه.. شايفاكي تحت اهو..
ماتيجوا نحترم نفسينا و نعملوا دايت محترم كدا لمدة شهرين بس ...

دينا الندلة هربت وسابتك يا منمن هههههههههههههه

ملكيش دعوة بيها دي وحدة مش حسيسة :lol::lol:, ابداي انتي يمكن تحس هههههههههههههه

والله الدايت صعوبته في قلة الحلويات والعيش لكن , غير كده انا باكل كميات خضار مسلوق كتير عشان اشبع , اهم حاجة اني اشبع

وباكل تفاح وبرتقال بين الوجبات برده عشان اشبع

واهم حاجة تحاولي تنامي كويس عشان متفكريش في الاكل هههههههههههههه


منى ازيك يا جميل اخبارك ايه؟ فينك مختفية

والله يا مانيا مش هتتخيلي انا نفسي اكل ايه نفسي اكل كشري مصري وكشري اصفر , هموت على اي نوع كشري هههههههههههه

هبدا معاكي يامنايا يس قوليلي الدايت اللي ناويه تمشي عليه
انا مش عارفه دايت معين انا مقلله النشويات خالص وباكل عادي
عايزه اسئلكوا عل حاجه سلفتي هتعمل السبوع بكره في بيت مامتها وحماتي قالتلي
بس مش هي المفروض تعزمني ولا ايه الصح انا مش عارفه اروح ولا لا

http://forums.3roos.com/showthread.php?t=448697

==> مشترياتي بـ صفحة 37 ،، لا تنسون التقيييم :02:

والله يا سمر انا بتهيألي ان سلفتك هيا المفروض اللي تعزمك

مش سلفتك دي اللي موريتكش البيبي؟

اه هي دي
حماتي قالتلي تعالي معايا وقلتلها ماشي
وبعد ماقفلت معاها قلت مش هروح بيتهم لا اما يعزموني .. طيب اقول ايه لحماتي ؟
اصل انا مش بعرف اتصرف في اي موقف وحاسه اني خايبه

manyaa;14484519:
ميرا أنا لسة مش عارفة حبقى أوت وللا لأ.. المفروض اني أأجز من النهاردة بس لسة ما الأمورة ما جاتش....فأنا منتظراها تشرف الأيام دي...

ازيك يا قمر اخبارك ايه...

ميساااااااااااااااااااااااااااااااااااااا ماشاءالله تبارك الله انت في مصر و حضرت الثورة .. ماشاءالله حبيبتي مبروك عليكي و على المصريين و الشعب العربي كله يا قمر.. بجد فرحت اوي... وحشتيني جداااا.. تصدقي انا جوزي كل شوية يقولي كان نفسي اكون هناك ... كان نفسي احضر مع الشباب دول و انزل المظاهرات....يلا الحمد لله على كل حال.. :)

..

ازيك يا منمن
عامله ايه عامله ايه ياحبيبتى
ربنا يكتبلك الخير ياحبيبتى ان شاء الله ياحبيبتى يااااارب

وانا كمان كان نفسى انا وجوزى نبقى فى القاهره ونشترك باى حاجه فى الثوره دى

ra_tamima;14484560:
[BACKGROUND="70 #666666"]السلام عليكم
ازيكم يابنات
ميرا انتى نسيتى اسمى ف الختمه:(:(:(:( ان شاء الله الاربع اكون معاكو
امونتى......هى الاشعه بالصبغه صعبه ليه هى عباره عن ايه وايه لازمتها
وعلى فكره انا فاكره تحليل جوزى كويس بس يا امونه هاخليه يعمله لما اكمل 6 شهور علشان بالمره اروح للدكتوره

ودعه...........نورتى الشات من تانى متغبيش عننا تانى ياقمر:)[/BACKGROUND]

ازيك يا رشا ازاى انا مكتبتش اسمك مع انه فى الورقه عندى اهوه و مرضتش كتب بترتيب حرف التاء باسم تميمه وقلت اكتبه بترتيب حرف الراء رشا

شكل الاسم وقع منى و لا ايه :(:( معلش يا رشروش انا اسفه

bosy82;14484661:
وحشتونيوحشتوني وحشتوني

عامليين ايه يا بنات

ايه اخباركم

هل من جديد

واحشني اوي اوي

اهلا اهلا ازيك يا بوسى
والله العظيم كنتى فى بالى امبارح وانا بكتب اسم بوسى ام جودى فى الختمه افتكرت وقلت يارب تدخل تطمنا عليها يارب

ابقى ادخلى كده فى السريع طمنينا عليكى بتوحشيناااااااااااا:adore::adore::adore:

manyaa;14484764:
اه صحيح و نسيت أقولكم صينية الكيكة بعد ما الانبوبة فضيت امبارح طلعتها و كانت لسة عجينة طبعا ما استوتش.. حطيتها في التلاجة و قلت ابقى اجربها تاني يوم لما نغير الانبوبة.. و فعلا انهاردة بعد ما غيرناها سخنت الفرن و حطيتها و اتخبزت و طلعت مرفوعة ماشاءالله و هشة و جميلة جدااااااااااااااااااااااااااا.... حنفطر بيها بكرة ان شاءالله.. كنت خايفة تكون باظت و حرميها خلاص بعد لقيتها اتخبزت عادي و ما هبطتش...
تعالوا خدوا حتة بقى :)

يم يم يم
بالف هنا وشفا يا منمن
طب كويس انها طلعت حلوه الحمد لله بالف هنا و شفا يااااارب
وانتى لما تاكلى بالف هنا كاننا اكلنا بالضبط

Bossy22;14486797:
انا معاكو فى الختمة باذن الله

ازيك يا بوسى
ان شاء الله ياحبيبتى طب كويس انك شفتى الاسماء كنت هبعتلك رساله :adore:

manyaa;14487578:
صباح الخير يا بنات...
ميرا.. خلاص شيلوني من الختمة...:( الحمد لله على كل شيء..

:(:(:(:(
معلش يا منمن ان شاء الله تبقى معانا عالطول ومش تيجى البيريود تانى الا بعد 9 شهور يارب

shoshet*himo;14488434:
ازيكم يابنات

عاملين ايه

ياسمين

والله غصب عني يابنتي الدورة مش هي خاااااااالص مالص خايفه يكون الكيس لسه موجود واخد منشط تحصل مصيبه اعمل ايه بس والدكتور عادل قالي اعملي سونار تاني فهستني اسبوعين كده وابقي اعمل سونار تاني مش كله وراه بعضه كده وخلاص الحمدلله علي كل حال
محدش عنده تفسير ليه الدورة قليله اوي كده ومش بينزل دم اصلا ده حاجه لونها غاااااااااامق اوي يكاد يكون اسود وقليله برضه مش كتير معلش قرفتكم هههههههه بس حد يقولي ايه ده؟؟؟

طب كويس ان دكتور عادل رد عليكى يا حبيبتى وخلاص ابقى اعملى سونار تانى وان شاء الله خير

وااخبار مازن ايه عمل العمليه الحمد لله؟

samar2011;14488873:
السلام عليكم ازيكم كلكم عاملين ايه
ميرا انا معاكم انشاء الله في الختمه

اوكيه يا سموره ان شاء الله ياحبيبتى F:F:

shoshet*himo;14488910:
انا معاكم يا ميرا في الختمه باذن الله

ان شاء الله يا شوشو
وربنا يتقبل منا جميعا يارب

د\امونة;14489581:
ميرا

انا معاكم في الختمة ان شاء الله , الجزء 13 و 14

ان شاء الله يا امونتى :adore::adore::adore:

manyaa;14489608:
اخبارك ايه يا امونة...
عايزة احترم نفسي و اعمل دايت عدل بقى...يمكن لما اخس ربنا يفرجها و احمل...

طيب يلا شدى حيلك يا منمن واتفقى كده مع دينا و سمر و شجعوا بعض :thumbs_up::thumbs_up::thumbs_up:

د\امونة;14489776:
والله يا مانيا مش هتتخيلي انا نفسي اكل ايه نفسي اكل كشري مصري وكشري اصفر , هموت على اي نوع كشري هههههههههههه

ياحبيبه قلبى
قلبى بيوجعنى لما تقولى كده و يبقى نفسك فى حاجه :(:(:(

ازيكم يا بنات عاملين ايه ؟

مونة اخبارك ايه يا جميل ربنا معاكى ان شاء الله فى اشعة الصبغة وربنا يطمنا عليكى
انا الايام اللى يا مونة وزنى زاد وعايزة ابدأ معاكى رجيم

ممكن تقوليلى النظام اللى ماشية عليه وبتخسى اد ايه فى الاسبوع

انا لو منك يا سمر مش هروح طبعا

دول ناس كانو خايفين يوروني ابنهم عشان خايفين لاحسدهم خلاص, من حقهم يخافو مني ومن حقي اني ما احضرش السبوع حفاظا على كرامتي

اتحججي لحماتك باي حجة, مثلا ماما رايحة للدكتور وانا رايحة معاها, او قوليلها انك تعبانة اوي من الدورة مثلا ومش قادرة تتحركي

ثانيا المفروض صاحبة المناسبة هيا اللي تعزمك , ولو هيا عايزاكي تبقي موجوده كانت قالتلك تعالي يا سمر شرفيني وعقبالك وكلام من ده

ازيك يا ميرا عاملة ايه ؟ واخبار البيبى ايه ؟

ميرا لو ينفع اكون المرة ده معاكم فى الختمة ياريت ولو رتبتى خلاص ومش هينفع اكون معاكم اعملى حسابى المرة الجاية ان شاء الله بس اوعى تنسينى يا جميل

منى

النظام بتاعي بيعتمد على انك متاكليش لا عيش ولا مكرونة ولا رز ابدا ولا اي خضار بصلصة

الفطار , بيضة مسلوقة باقل من ربع رغيف بلدي وهيا دي المرة الوحيدة اللي هتاكلي فيها عيش, ومعاها كوباية شاي اخضر

بعدها بساعتين تفاحة او برتقالة واحدة بس

الغدا اي خضار مسلوق بس مش بطاطس, ومعاه لحمة او فراخ او ارانب مشوية او مسلوقة
او ممكن سمك مشوي وشوية سلطة

وبعدها بساعتين فاكهة

العشا زي الفطار او ممكن زبادي + فاكهة




رشا

انا نسيت ارد عليكي في حكاية اشعة الصبغة

الاشعة دي عبارة عن انبوبة بتدخل جوا الرحم وبعدين بيحقنو مادة الصبغة , ودي بتبين اذا كانت انابيب فالوب مفتوحة ولا مسدودة, لانها اللي بيحصل جواها الاخصابو لو مسدودة يبقى مفيش حل غير اطفال الانابيب او الحقن المجهري

صعوبتها زي البنات ما قالولي هيا اثناء حقن الصبغة بيحصل افظع من الم الدورة ومحتاجة تمسكي نفسك ومش تتحركي عشان تطلع مظبوطة




شوشو

اخبار مازن ابن اختك ايه؟

ميوي اخبارك ايه يا جميل ؟ مفيش تقارير تاني من ميدان التحررير :)

ربنا معاكي يامونه في الاشعه يارب
وخلاص هو السبوع بكره ولو متصلتش مش هروح

ازيكم يا حلوين

ميرا
ياريت تدينى من اول الجزء التامن لو نفع منفعش مفيش مشكلة اى حاجة


امونة
ربنا معاكى فى الاشعة و لو انى كنت شايفة ان بدرى انك تعمليها خاصة انك كنتى بتقولى هرمون اللبن عالى فانا كنت شايفة انك تظبطى الهرمونات و بعدين تدورى على سبب تانى و اصلا انت مش متاخرة فى الحمل الوضع الطبيعى ان الناس متاخدش اى اجراء الا بعد سنة و ده كلام الدكاترة اللى عندهم ضمير

هى ماجدة فين يا بنات ؟

samar2011;14489924:
اه هي دي
حماتي قالتلي تعالي معايا وقلتلها ماشي
وبعد ماقفلت معاها قلت مش هروح بيتهم لا اما يعزموني .. طيب اقول ايه لحماتي ؟
اصل انا مش بعرف اتصرف في اي موقف وحاسه اني خايبه

لاء طبعا متروحيش يا سمر بقى بعد ما رحتى تباركى و موروكيش البيبى هتروحى السبوع من غير ما حد يعزمك انا بصراحة شايفة انك تقولى كده لحماتك بصريح العبارة ما هو فى حاجة اسمها اصول و لو انت مش عاوزة وجع دماغ اتحججى لحماتك باى حجة تعبانة و لا جايلنا ضيوف و لا اى حاجة بس انا شايفة انك طبعا متروحيش

د\امونة;14490061:
ميوي اخبارك ايه يا جميل ؟ مفيش تقارير تاني من ميدان التحررير :)

لاء مرحتنش تانى بقى باشلرف على المرحلة القادمة من البيت:lol:

كده احسن يا سمر ولو عزمتك روحي عادي

اصل يا ميوي الاشعة مش اجراء دي مجرد فحص زيه زي السونار , مش هيخسرني حاجة بس هيخلي اعصابي مرتاحة

والمرحلة القادمة عايزينك تبقي المتحدث الرسمي باسم الجيش :)

ايوة صح ماجدة مختفية رغم انها قالت انها بقت كويسة

يارب تدخل تطمنا

ميرا حبيبتي

انا صحيح نفسي في حاجات كتير اوي اكلها بس بصراحة لما بحس اني ممكن بسبب اكلي ما اخلفش ارادتي بتبقى حديد , كله الا اني اقصر في حق حبيبي

وبعدين برده الدايت هيخليني مزة لما الصيف ييجي عشان ناوية البس شفتشي خالص هههههههههههه جوزي مش مسدء امتى الصيف ييجي و بيقولي امتى الطبقات اللي انتي لابساها دي تروح ههههههههههههههه