22 مرة نقول يا تري بتعملي الأكله دي ازاي ؟ ( مبدعات مصر ) شهر ربيع الأول 1432

om_hienar;14410688:
طيب انا عايزة اللينك

انا جبتلك الطريقة فراشة الايمان الله يباركلها كانت بعتتهالي في رسالة وهي طريقة دودي كات F:


بصى ياقمر انا خدت المقادير من دودى كات

المقادير :
2 كوب دقيق 2 بيضة ثلثين كوب سمن
ثلثين كوب سكر 1ملعقة فانيليا كبيرة 1 ملعقة بيكنج بودر
4 ملاعق كبيرة مربى وتفضل مربى المشمش

بس انا عملت مربى فراوله بنحبها اكتر:L:

الطريقه بقى ضربت البيض والفانيليا وبشر ليمون ده قالتلى عليه بسبس ولما لون الخليط افتح

ضربت السكر والزبده لحد مالونهم افتح

وضيفت الدقيق والبيكنج بودر وعجنت بس ضيفت الدقيق حبه حبه بس انا خدت منى اكتر من كوبايتين علشان حسيت انها طريه شويه انا بستخدم دقيق حلويات

وسيبتها ترتاح نص ساعه فى التلاجه وبعدين خدت 3/4 العجينه فردتها فى صينيه البيتزا وبعدين دهنت مربى خفيييييف لاننا مش بنحب المسكر قوى

وخدت الربع قطهت حته حته وبرمتها وحطيتها على الوش مربعات كده وخدت فى الفرن ربع ساعه

والخطوات دى خدتها من بسبسF:

@زهرة دبلانة@;14410780:
ام هينار دى طريقة شيرى اهى واللى نور بتقول عليها

رورو الكلام كوبي بالتفصيل ههههههههههههههههههههههه واسم بسبس منور

بيرق أمل;14410785:
رورو الكلام كوبي بالتفصيل ههههههههههههههههههههههه واسم بسبس منور

:lol::lol:
انا جيت ابعتها لقيتك باعتة:D

صحيح شوشو ام مازن وحشانى اوى محدش عنده اخبار عنها ؟
اكيد جوزها مش هيسافر الوقتى ف ظل الظروف دى

@زهرة دبلانة@;14409506:
هههههههههه يخربيت شيطانكم هههههههههههه والله ضحكتووونى بصوت عالى كلكم بلا استثناء ايه الانقسام ده والتشتت اللى انتم فيه ؟
ربنا يلهمنا رشدنا الله يجازى اللى كان السبب ؟؟؟


نووورما انا فعلا باذن الله صايمة يوم الاتنين ورسالتك جت ف وقتها جميله جدا بدعواتها بكله وليكى منى تقييم بدعوة ف الفطار باذن الله وياريت تتبعت لكل الشات هنا

بس سؤال ياام بودى انتو قلتى كل اللى طالع ف ميدان التحرير جميع الفئات هههههههه من كله يبقى الشعب كله بهههههههههههههههههه
امال بقى اللى قاعد ف البيت مين ؟؟؟ تعرفى تقوليلى ؟وقاعد ليه ؟؟بلاش قاعد ليه اقصد ساكت ليه ؟او بمعنى ان لو اللى ف ميدان التحرير مشو خلاص هتحسى بالامان والاستقرار وكله كله قشطه ؟؟؟؟باجابات مختصرة جداومش هرد عليكى فيها اوعدك

وعلى فكره لو اترشحتى بجد البلد هتبقى زى العسل خالص انا اول واحده هايدك ههههههههههه انا والكل ههههههههه
سؤال كمان ؟؟احنا ليه بنبص للحاجة من جانب واحد بس ؟؟؟؟؟فعلا صدق الشيخ حسان لما يحصل فتنة يغيب العقل والحكمة اه والله ؟
ومااقصدكيش والله ولااى حد اقصده بالتحديد انا اقصد العموم ف الناس اللى انا شايفاه وبسمعه الايام دى

سؤال اخير والله ليه جايبين الصور اللى عادية خالص وسايبين صور مشينة جدا تخلى ف القلب جرح وعمر الجرح ده مايتلئم ابدا ابدا ليه كده ؟؟؟؟؟ولا يغتفر ابدا الا بمرور السنين بقى ؟مش انانيين شوية؟؟؟ ماينفعش ندعى ونتقرب الى ربنا ونسكت ؟؟؟ونستحمل محنتنا شوية ؟؟ولالازم نقرقش ف ملحة اى حد ؟؟؟ونتكلم على ده وندعى عليه مع انه هوا اللى خلى العالم كله يتنفض بصورة ايجابيه؟؟؟

انا مارضتش اتفيقه على اى حاجه بس دى اسئله عيزالها جواب ومش هرد ع الجواب بس ياريت الجواب يريحنى


نتكلم بقى ف المطبخ
انا ياام بودى الكل جابلى سبانخ مش عارفه هيا جرجير ولا سبانخ ههههههههههههه اه والله وغسلتها وسبتها ومحتاره مش عارفه اعمل ايه ؟؟قمت دقت ورقة منها لقيتها مش مززة اوى واحترت برده مش عارفه ؟؟عموما انا ركنتها على جمب لان فعلا النباتات هنا مابتبقاش واضحه اوى
الحاجه التانيه القلقاس بيتحفظ ف التلاجه ازاى ؟الفريزر يعنى ؟
والكزبره الخضرا لو حطيتها ف الفريزر متقطعه وطلعتها اعمل بيها خضرة القلقاس هتبقى حلوة ولا لازم فريش ؟

تسلمى يا رورو انتى ولوتس انتم الوحيدين اللى رديتو عليا
كالعاده ف القسم دا
ربنا يكرمكم ومتنسوش قولو لاى حد تعرفوه على الصيام والدعاء

بيرق أمل;14410594:
يا بنات صحيح بالمناسبة نسيت اقولكم

عملت امبارح باستا فلورا طلع خطيييييييييييييييييييييييييرة بجد انا اول مرة ادوقها
وعملتها بمربى تين ده الي كان عندي واحنا اصلا بنحبو مربى التين والمشمش قوي
وبشر اللمون فيها جمييييييييييييييل بيدي نكهة كده مش باينة انها لمون قوي وفي نفس الوقت مميزة

تسلم ادين البنوتة اللي قالتلنا عليها
وفراشة الايمان الله يباركلك ويهدي روعك وخوفك كده بطلي خوف يا جميل متقلقيش
واهي الباستا جربتها اللي كنتي بعتيلي طريقتها ;)

اول امبارح برده عملنا كيكة برتقال وكيكة شيكولاتة والله بهرجلة كده ومن غير بقي ترتيب وحوارات طلعوا تحفة احلي منبعملهم في الايام العادية
انا برده نفسي هفاني علي الحلويات اووي وعايزة اعمل
زي ميكون فعلا كنا محاريم :)
هي الباستا فلورا بتحتاج شعلة من فوق عشان تحمر لشعلة اللي فوق بايظة عندنا ؟؟

@زهرة دبلانة@;14410766:
ههههههههههههههه فعلا يابنات انا برده قاعده اعمل اى حاجه اكلها مسكرة معرفش ليه والكل يقولى انتى مزاجك حلو كده ليه قلتيله هعمل يعنى هعمل ؟
بس زعلت اوى عملت بسبوسه بتاعت شوشو ماعجبتهوش وقالى حاسسها مايعة:'(فيها حاجه مش مظبوطة طعمها غريب وناعمة اوى :'( قلتله عشان سميد ناعم بس قالى لا طعمها مايع كده مش مستطعمه :'( ومارضاش ياكل منها وانا اتدبست ف الصنيه كلها والله بقوله ممكن يكون السمنه كترتها شويه وطعم السمنه باين فيها ؟ قالى ممكن ؟
بس بجد زعلت اوى بس برده هعمل يعنى هعمل مع المزاج الوحش ده

معلش يا رورو متزعليش اكيد تركيزك كان مشغول شوية ..ربنا يفكها علينا

N0rma;14411333:
تسلمى يا رورو انتى ولوتس انتم الوحيدين اللى رديتو عليا
كالعاده ف القسم دا
ربنا يكرمكم ومتنسوش قولو لاى حد تعرفوه على الصيام والدعاء

بأذن الله يا نورما

ايه رأيك تعملي ايفنت علي الفيس هتبقي كويسة الفكرة

وياريت يا جماعة تصلوا صلاة قضاء الحاجة هما ركعتين عاديين وتدعوا ربنا بنصر الامة وانه يظهر لنا الحق

ههههههههههههه
انا كمان يا ام بودى اللى عايز ينتقم من حد يجيبه يثقعد مع عيالى بطلباتهم
يوم واحد

على خطى الحبيب;14411735:
اول امبارح برده عملنا كيكة برتقال وكيكة شيكولاتة والله بهرجلة كده ومن غير بقي ترتيب وحوارات طلعوا تحفة احلي منبعملهم في الايام العادية
انا برده نفسي هفاني علي الحلويات اووي وعايزة اعمل
زي ميكون فعلا كنا محاريم :)
هي الباستا فلورا بتحتاج شعلة من فوق عشان تحمر لشعلة اللي فوق بايظة عندنا ؟؟



معلش يا رورو متزعليش اكيد تركيزك كان مشغول شوية ..ربنا يفكها علينا



بأذن الله يا نورما

ايه رأيك تعملي ايفنت علي الفيس هتبقي كويسة الفكرة

وياريت يا جماعة تصلوا صلاة قضاء الحاجة هما ركعتين عاديين وتدعوا ربنا بنصر الامة وانه يظهر لنا الحق

منا عملت يا لوتى ع الفيس بووك وبعتللك ابقى ابعتيها لكل اللى عندك

نورما يخربيت شيطانك:D:Dدايما تقولى كده
صحيح يابنات مزعلين نورما ليه ومش بتردوا عليها ليه؟:|محدش يزعل نورما تانى ولا ام معاذ هه:celebrate::study:

Boody we zady;14411725:

روروووووووووووووووووووو انتي لمضه قوي و أنا لو بقيت رئيسه حأحطك وزيره الأعلام عشان بتلكي كتير هههههههههههههههههه

اللي قاعد فيبته يا ستي :

1- ناس غلبانة لا ليها في أي حاجة غير لقمة العيش معندهاش الثقافه بتاعه الديمقراطيه بتاعتنا.

2- ناس بتسمع للشيوخ الأفاضل زي محمد حسان زي جوزي ما عمل و قعد يحمي بيته و مراته و ولاده.

3- الحراميه اللي واكلين البلد اللي مش فارق معاهم حاجة.

4- ناس خايفه علي عيالها و قلقانة و في انتظار رحمة ربنا .

5- ناس شايفه انه كويس ما هو أكيد في ناس بتحبه يعني .

6- ناس شايفه انه نفذ اللي اطلب منه و خلاص انكسر بلا عودة

7- ناس قاعده قدام ال تي في بتقول عاش الملك مات الملك.

8- ناس مطحونة في شغل البيت و نفسها تجيب العادلي و تسلطه علي عيالها زي أنا ههههههههههههههههههههههههههههه

و شكرا

:lol::lol:ازيك ياحبى كنتى فين النهارده؟
بالنسبة للاعلام مش هياخدنى ياام بودى لانى محجبة:cool: واينفعش امسك منصب سياسى وانا مخبية وشى كده:worn_out:

وانا وعدتك انى مااردش بس اللى قاعدين ف البيوت زى مابتقولى كده خلاص يبقى الناس اللى ف التحرير خليهم زى ماهما ع الاقل هيجيبولنا حقوقنا واحنا قاعدين ف البيت
يابختك ياام بودى حقك هيجيلك دليفرى:D لكن انا لسه هستنى لماانزل :!!:


لوتس بالعكس كنت مركزة والله معرفش هوا لو السمنه زودتها شويه توحشها ولا ايه؟

ازيكم كلكم يا حلويين

مفيش اخبار عن جوز سوسى؟؟؟؟ يارب خير ياااارب

@زهرة دبلانة@;14411969:
نورما يخربيت شيطانك:D:Dدايما تقولى كده
صحيح يابنات مزعلين نورما ليه ومش بتردوا عليها ليه؟:|محدش يزعل نورما تانى ولا ام معاذ هه:celebrate::study:
:lol::lol:ازيك ياحبى كنتى فين النهارده؟
بالنسبة للاعلام مش هياخدنى ياام بودى لانى محجبة:cool: واينفعش امسك منصب سياسى وانا مخبية وشى كده:worn_out:

وانا وعدتك انى مااردش بس اللى قاعدين ف البيوت زى مابتقولى كده خلاص يبقى الناس اللى ف التحرير خليهم زى ماهما ع الاقل هيجيبولنا حقوقنا واحنا قاعدين ف البيت
يابختك ياام بودى حقك هيجيلك دليفرى:D لكن انا لسه هستنى لماانزل :!!:


لوتس بالعكس كنت مركزة والله معرفش هوا لو السمنه زودتها شويه توحشها ولا ايه؟

مهى دى الحقيقه يا رورو لازم اكتب 95 مشاركه اظاهر عشان يردو ا
ختى موضوع الصيام والدعوه محدسش رد اكنى داخله اطلب 5 جنيه سلف متلا

N0rma;14411852:
منا عملت يا لوتى ع الفيس بووك وبعتللك ابقى ابعتيها لكل اللى عندك

تم يا نورمتي
ربنا يباركلك ويجعله في ميزان حسناتك F:

@زهرة دبلانة@;14411969:


لوتس بالعكس كنت مركزة والله معرفش هوا لو السمنه زودتها شويه توحشها ولا ايه؟

بيتهيألي تبقي ناعمة اووي وسايلة شوية

يا جماعه عاوزه طريقه حلوه للتارت والحشوه بتاعته

ع فكره انا سألت السؤال ده كتتتيييييير قبل كده:mad:

كان في التارت بتاع رونا تحفة استني هدورلك عليه

بيرق أمل;14410594:
يا بنات صحيح بالمناسبة نسيت اقولكم

عملت امبارح باستا فلورا طلع خطيييييييييييييييييييييييييرة بجد انا اول مرة ادوقها
وعملتها بمربى تين ده الي كان عندي واحنا اصلا بنحبو مربى التين والمشمش قوي
وبشر اللمون فيها جمييييييييييييييل بيدي نكهة كده مش باينة انها لمون قوي وفي نفس الوقت مميزة

تسلم ادين البنوتة اللي قالتلنا عليها
وفراشة الايمان الله يباركلك ويهدي روعك وخوفك كده بطلي خوف يا جميل متقلقيش
واهي الباستا جربتها اللي كنتي بعتيلي طريقتها ;)

خدي ده رابط المشاركة يا فراشة

http://forums.3roos.com/showpost.php?p=11356924&postcount=27

ازيكو يابنات
عاملين ايه يارب الجو يهدى كمان وكمان
الحمدلله على كل شئ
مليش مزاج خالص للاكل بس نفسى فى حاجه حلوة اوووووووووى
بتوحم باين؟
ههههههههههههههههههههههههه

بنات انا عملت جلاش بالكاستر طلع حلو اوي بجد جزاكم الله كل خير بصراحة انا مش فاكرة مين الي كان كاتب الطريقة

ازيكم يا بنوتات
انا كمان عملت باستا فلورا بنفس الطريقة طلعت تحفة اوي وبرضه زودت دقيق يا نور
اضحكوا بعد ما حطيتها في الفرن لقيت جوزي وحماي وكله عندنا بيشوفوا الاخبار يوم جمعة

الغضب والقسم اضرب وحاجات كتير قلت لما اقدمها هيقولوا ايه الفايقة دي بس الحمدلله عجبتهم
وعملت سويس رول بطريقة ناني بس اتهرى سنة بس جميل بالنسبة انه اول مرة
نورما انا قريت مشاركتك بس انا حائض بس هابلغ ان شاء الله وربنا يجعلوا في ميزان حسناتك
لوتس صلاة الحاجة مهمة اناكنت صليتها حسيت براحة اوي
شعور الاتصال بربنا في كل لحظة شعور لا يوصف يا رب عبيدك سوانا كثير وليس لنا الا انت
ام بودي انت عسل اوي تنفعي ريس بجدبس خلي بالك من رورو دي لو ماديتهاش حاجة هتعملك زي البرادعي ونور كده
وبالمناسبة عايزة الينك بتاع الموقع بتاعك
اخيرا توتو انا شفت طريقة تزيين تارت حلوة اوي على فتافيت بس معرفش العجين عامة انا فاضية واروى نايمة هاقعد ادور عشان انا كمان عايزاه

نورما و فراشه في بيتها ............ يا تري انتوا سألتوا السؤال ده قبل 25 يناير و الا بعد 25 يناير ههههههههههههههههههههههه أصل مصر قبل 25 ينناير غير مصر بعد 25 يناير ههههههههههههههههههههه و ليا رأي مدام محدش سمعلوكم يبقي ثورة ثورة حتي النصر بس أنا غلبانه و الله مش زي جبروت حسني مبارك هههههههههههه

معلش و الله يا بنات الواحد حالته النفسيه غصب عنه ممكن مش يقرأ كل الكلام و ساعات بيبقي ملوش نفس يشوف حاجة و لا يكتب حاجة ربنا يعدي الأيام دي علي خير و مصر ترجع تاني بلد الأمن و الأمان

بصي يا فراشه بالنسبه لحشو التارت مفيش أحلي من الكريم باتسيير بصراحة


روروووووووووووووووو انا النهارده كنت بكافح في المطبخ ... .... صحيح يا بنات عايزين نطلب من وزيره التجاره و الصناعه انها تتنزلنا علي بطاقه التموين 2 باكيت ألويز هههههههههههههههههه هيا مش وليه و مفروض تحس بينا و كمان نجبر أصحاب المحلات يعملوا عروض توفير كتير و الا ايه هههههههههههههه