غِـ‘ر ~;14396359:
السَّلام عليكن خواتي
ما شاء الله عليكن ،، قمة نشاط وحيوية عساها
دووم يا رب ولبعد الحملة بعد :077:
مثل ما تعرفن أمس كانت بداية الحملة وكنت مشغولة فالتحضير
وأسوي الخلطات ,, فتقريباً ما سويت اللي كنت مخططه له ..
لكني استغليت الفرصة إني طبعة الجدول وعلقته على باب
غرفتي ،، علشان ما ألخبط أو يروح علي شي بالغلط وأنسى إني
أسويه .. قررت إني قبل مارقد أكتب نوت عالأشيا اللي سويتها
واللي ما سويتها .. يعني أقيَّم نفسي بنفسي
وهذي صورة أقرب ليوم أمس
نصييحة يا خواتي أنكن تطبعن الجدول أو يكون موجود في
ورقة ،، مش على اللاب أو في الفون .. عالورقة أفضل بواايد ..
وكتبوا ملاحظاتكن لأنكن صدق بتشوفن وين مكان التقصير وما
بتنسن تسَوَّنه فالمره اليايه
فليل مسحت ويهي والرقبة بأسكينول .. تعرفون لان طول اليوم
كان ترطيب وضروري ينمسح كل شي قبل التنظيف لأن البشرة
تعرضت لوايد أشيا منها الغبار والأتربة ،، بعدها حطيت لي من
خلطة الخيار للعيون ,, المكونات موجوده في الجدول ^^
آمم خليتها لمدة 10 دقايق وبعدين غسلت ويهي بماي شوي فااتر
قريب من البرودة. ضروري يا خواتي أنكن تبتعدن عن الماي
الساخن لأنه يفتح المسام، إذا ما تحبن الماي البارد أو المتوسط
في الحرارة خلنه مائل شوي للحراره .. دايماً تخيروا بشرتكم أنها
بشرة أطفال .. مستحيل تعرضون بشرة الأطفال لماي ساخن
صح؟ هذي طريقة أستخدمها في فترة الاستحمام لأن الماي
الساخن جداااااً مغري ويوم تكون فكرة بشرة الأطفال في بالي
أنساه !!
وبعدين رحت أتفرَّك بقطعة الليمون
شوفوا يا خواتي كيف أحفظه عندي
أستغليت الليمون في خلطة الجليسوليد وقلت بتفرَّك به بعدين
مُمكن أنكن تحفظن قطع الليمون بعد ما تستخدمونها فالأكل
وتحطينها في علبة بلاستيك أو زجاجية ,, والله بيكون شي رائع!
فركت كفوف يديني مع الرسغ والأكواع ،، وبعدين الأقدام والركب
وغسلته بماي فااتر
قبل ما أبدى في وضع خلطة الجليسوليد فرشت أسناني لأني
ماريد ألمس الماي بعد الخلطة ،، على طول أروح أنام !
فرشت أسناني بمعجون كرست،، وأصبحت صدق أعطي التنظيف
حقه! بمعنى إني ما أغسل عالسريع! لا آخذ راحتي وأنا أفرشي أسناني وبالطريقة الصحيحة
للتذكير ،، طريقة فرش الأسنان
"للأسنان العلوية نحرك الفرشاه للأسفل،
وللأسنان السفلية نحرك للأعلى،
الاتجاه يكون واحد مش رايح راد لاا هذا هو الغلط
اللي يسويه الكثير" :081:
وبعد فرش الأسنان ما أنسى أبداً إني أفرشي اللسان وباطن الفم
من ناحية الخدود .. لول كل ما أفرشي لساني أذكر معلمة الأحياء
فالثانوي لأنها هي نوِّهتنا على هالشي الله يذكرها بالخير ^^
وآخر شي المضمضة بماي وملح
مم وبعدين أحط خلطة الجليسوليد على كل جسمي مع الرقبة
والويه عالخفيف .. ولبست بجامة قطن خفيفة ورحت دهنت
شفايفي بفازلين وباطن ريولي بكريم الفازلين ورقــدت :075:
هذا كان عن أمس
بعد ما وعيت الصبح دهنت شعري بزيت جدايل خليته لمدة ساعة
وقبل ماروح أتسبَّح حطيت تشقير على يديني ،، ممم عالمغرب
بنروح عزيمة وأنا من فتره أفكر إني أخلِّي شل الشعر بالمكينة
"أستخدم براون" وأشقِّر يديني! أشل بمكينة منطقة الإبط
وموس للمنطقة الحساسة ,, مرتاحة جي لأني ماحب
استخدام الحلاوة أبداً!
خذت عدة السفر ما شاء الله مو استحمام لوول ،، أول شي
تغسلت عن الجليسوليد بالصابونة وبعدين غسلت شعري بشامبو
صانسلك ،، متعودة بعد ما أغسل شعري ألفه وأرفعه علشان
أكون مرتاحة وأنا أنظِّف جسمي ،، نشَّفت جسمي وبعدين
حطيت الدَّلكة عالجسم
خليتها لفترة وبعدين باستخدام القفاز بديت أفرك ،، يوم تفركين
بضمير صدق تحسين بعد الاستحمام بالنظافة وبنعومة وبياض
البشرة ,, تغسلت وحطيت من الجل المعطَّر وخللصت بعد
التنشيف لفيت الفوطة على شعري ,, حطيت كريم الفازلين
وبعدين اللوشن المعطَّر
حطيت شبة للإبط ومن ثم نثرت بودرة على كامل جسمي ,,
كان الشعور واااااااو! :013::03:
نشَّفت شعري بالفوطة عالخفيف وحطيت له سيروم
نسيت أذكر قبل إني أدخِّن أو أبخِّر شعري بعد ما أغسِله ،،
يعطيه ريحه حلووه
هذا هو الدخون
طبيعة شعري شوي جاف كذلك بشرتي مائلة للجفاف
وبسبب الجفاف قلت أحط لشعري كريم ،، من فاتيكا
أنا طبعي أبداااااا ماحب الكريمات ،، أحس يروح
الغسيل عالفاضي -.-
المهم قلت بحط كريم حرام أروِّح هالتعب عالفاضي ،،
وبصير زينة وأحط الكريم دووـم
<- توها خلصت ثاني كوب ماي! أحط فيه شوي ماي ورد
إن شاااء الله بحاول أشرب 8 أكواب اليوم
وعلى أساس أسوي بدي كير ومنيكير اليوم بس هالمره
ما بسويه لأني سويته من يومين
وأظافري مقصوصة شوي ماريد أقصهن أكثر من جي ،، ومع
الترطيب ما بيكون له داعي لليوم :07:
هذا اللي كنت بقوله ،، نصييييييحتي يا خواتي تطبعون الجدول أو يكون في ورقة
لا تعتمدن على النسخه الديجيتال ^^
ماشاء الله عليج ياشطووووره :thumbs_up: غِـ‘ر ~;غِـ‘ر ~;غِـ‘ر ~;غِـ‘ر ~; الشطووووره بصراحه انتي اليوم ميه ميه100% طريقة الجدول انا جربتها بس للتزام بالطاعات وفعلا احس بالتزام اكثر وان شاء الله بطبقها للعناية , عيبتني عنايتج واااايد , تحياتي :)
& نعناعه &;14396378:حبيبتي الروح الخجولة ما شاء الله عليكي بديتي نشاط من اليوم
طبعا شربت كوب حليب من الصبح
لعبة على الدراجة 10 دقائق لان جايتني الدورة الشهرية وما حبيت أطول على الدراجة
أكلت صحن سلطة ونوعين من الفواكة
بعد شوي بقوم باخذاء لي شور بصابون الطاووس وبعده برطب جسمي بزيت الترطيب
والحين أشرب ماي
هلا نعناعه هلا بالغالية ... هااااه تبين تحلوين اكثر مني :p عسى الله يوفقج ياربي بخصوص عنايتج حلو انا بصراحه ودي اخفف من الاكل الثقيل لانه السلطة والفواكه مفيده جدا ,برافوووو برافو الحليب وايد اوكيه للجسم بحاول اشربه بس ماحبه , سوال الحليب الي تشربيه كامل الدسم ولا قليل ؟؟ تشربينا بارد ولا حار ؟؟ , بما انج بالدوره اشربي مطحون المرمريه والشاي الاخضر ترى جنان لشد الكرش وتنظيف بعد وان شاء الله تكوني احلى الحلوات ياربي تحياتي :*:
