ملتقى العراقيات والسوالف العراقية الحلوة..متجدد..اتفضلوا

اختي يو اس اي

حتى اني اذكر مره شفت وحده منزلتها الطريقه بل منتدي بس ما اذكر والله اسمهاا
بس هسه اني هم راح ادور واذ لكيت الرابط اجيبه الج تدللين حبيبتي ..

http://forums.3roos.com/showthread.php?t=513084

شوفي حبيبتي هذا الرابط بي طريقه الكباب

دخلي وشوفي الطريقه وان شاء الله تعجبج ..

OM_ABOUDY;14413486:


هلووو بنات شخباركم
لا هسه الحمد الله رايقه ههه نمت وكعدت رايقه
موسيقى حبيبتي والله ضايجه وشويه بعيد عنج الايام الفاتت تعبت ومن يومتها واني ضاااايجه
ومالي خلق لكل شئ والله افكر افكار سوده والله افكر ببني اكول لا سمح الله يصير بيه شئ منو يمه
هذاك اليوم كم ساعه تعبت تبهذل واني والله الحمد الله محافظه ع صلاتي ودايما اقرى قران والحمد الله من هاى الناحيه

ممقصره بس تعرفين هاى الافكار بذات احنا المغتربين بروحنا لا اهل يمنا ولا شئ بس هسه الحمد الله نمت كعدت شويه

مصحصحه قريت فران صليت العشاااء تعوذت من الشيطان والحمد الله وشكر مرات الواحد تجيله افكار ومزاجه
يكون كلش متعكر وماله خلق حق اى شئ بس يله هم احسن من غيرنا بهوايه نتحمل الوحده والغربه
الحمد الله وشكر يارب

اي نرجع للبيتزا ما احب النكت احب دايما مفرفشه ورايقه والله حتى الى يعرفوني واهلي قبل من كنت عندهم او حتى هسه اذ سمعم صوتي ضايجه يكلولي المشكله ممتعودين عليج هيج مو حلوه عليج الضوجه هههههههههههههه

الله لا يجيبها لحد وان شاء الله دوم الكل مرتاح يارب

اي هسه موسيقى انطيج طريقه البيتزا قبل فتره نزلت بل منتدي بس شنو طركاعه مو بيتزا هههههههه
مداح العروس امهاا وخالاتهاا ههههههههه

هاى الطريقه طبي ع هذا الرابط وشوفي خطوه خطوهوبذات امشي كلش زين ع العجينه روووعه والله ماشيه عليها صارلي فتره طويله وتطلع تخبل جربي وكولي ما كالت ام عبودي هههه
اوكي حبيبتي سلامم..
حجيت هوايه ونسيت انطيج الرابط هذا


http://forums.3roos.com/showthread.php?t=574794

عيني تسلم ايدج اني هسه غيرت راح اسوي بيتزا
ولو طابخة زوجي بس راح اطبخ الي بيتزا
مشتهيته:adore:
عاشت ايدج:thumbs_up:

عيني موسيقى اتعلمت الكباب وهاي الطريقة راح اكولها الكم:thumbs_up:

سهلة بنات ولو اني مسوية رجيم

نجيب اللحم المفروم لحم غنم طبعا
وبصل مثروم ناعم,وكرفس اذا حبيتو;)
وكزبرة عند الرغبة
او كمون:D
وفلفل اسود ملعقةشاي
وملح حسب الذوق
وطحين3ملاعق
وتخلط المواد الى ان يجانس وتشكل العجينة نقوم بوضع فحمة الى ان تتحول الى جمرة
نقوم بعمل حفرة وسط العجين ونضيف مقدار فنجان زيت ونضع وسطها على الزيت نضع الجمرة او الفحمة
نغلق مباشرة الجدر ونتركه نصف ساعة
ثم نخرج الزيت والجمرة ونخلط العجين مرة اخرى ونضع مقدار ملعقة طعام من هذا الزيت
وثم نشكل العجين بهذا الشكل

ونرتبه في صينية الفرن
او اذا احببتي شكليه بالشكل الذي ترغبين به

ضعيه في الفرن
والف عافية اتمنى عجبتكم:p

مالي خلق لكل شئ والله افكر افكار سوده والله افكر ببني اكول لا سمح الله يصير بيه شئ منو يمه
هذاك اليوم كم ساعه تعبت تبهذل واني والله الحمد الله محافظه ع صلاتي ودايما اقرى قران والحمد الله من هاى الناحيهممقصره بس تعرفين هاى الافكار بذات احنا المغتربين بروحنا لا اهل يمنا ولا شئ بس هسه الحمد الله نمت كعدت شويه
مصحصحه قريت فران صليت العشاااء...........
ليش ام عبودي خير اشبي عبودي وليش محد يمكم لعد وين ابو عبودي ؟؟؟
قلقتيني عليج !
ويسلموو حب عالطريقة مال بيتزا

شوفي يو اس اي اتضحك جانت تسأل على الكباب
اتريد وصفة راحت جابتهة وتكللنة عليهة صارت بالعكس السالفة خخخخخخخخخخ

اتفضلوا مدو ايدكم جبتلكم بيتزا عالصبح ووياهة الجاي العراقي المهيل عواااااااااافي

تستاهلي وتددللي عيوني
يوم لك ويوم عليك:lol:
تدللي عيوني:D
يوم اني اقدم شئ ويوم انتن تساعدوني
اشعدنا غير منتدى ياريت لو جنا خوات كلنا وجوارين من صدك شنسوي بعد جنا وحدنا ممتزوجات اليوم رياجينا يتحكمون ويتامرون ويشتهون واحنا نطبخ:confused:

اوهاي صينية الدولمة عالغدة واشحدهة التاكلهة عالريوك انتظروني ناكلهة سوة هع

خخخخخخخخخخخخخخ هاي انتي هنا ؟ امنورة ساعة بيش هسة عدكم؟؟

اختي ليش تشهيني بالدولمة مو مسوية رجيم
نسوان سويت بيتزا تجنن احاول انزل صور بس مااعرف شلون
لكن لعبت لبه طوبة
زوجي رجع وخابرني فايت وكت وكال عاجبني دجاج متبل حاضر كلي اشوبه بالفرن واني جنت طابخة
كلتله وكي كلت خلي اسويله البيتزا مفاجأة ليش ما يريد الا الدجاج ويه التمن وعصب واني منا اريد اسوي البتزا
ومامتغدية انتظره عصبني:mad:
المهم وية مركت الشجر والتمن سويت دجاج
زبعدين بلشت بالبيتزا وجان عندي مكان صغير لحد ماكملت طلعت روحي
بس تستاهل لان كلش طيبة طلعت سويتها باللحم والجبن وصلصة المعكرونة جاهزة

يم يم يم:adore:

عيني موسيقى اني يشتغل الكومبيوتر مااطفيه هسه عندي ساعةوحدة وربع بالليل
بس من جنت كتبت قبل هذه الرد ساعة جانت 5مساءا:clock:

يابة الف مرحباااااااااااااااا
اكو عراقيات هناية ومادري

ام عبد تسلمين روحي

U.S.A/VA;14414509:
عيني تسلم ايدج اني هسه غيرت راح اسوي بيتزا
ولو طابخة زوجي بس راح اطبخ الي بيتزا
مشتهيته:adore:
عاشت ايدج:thumbs_up:

عيني موسيقى اتعلمت الكباب وهاي الطريقة راح اكولها الكم:thumbs_up:

الله يسلمج حبيبتي واهم شئ انهااا عجبتج

وعوافي ع قلبج حبيبتي..

موسيقى هادئة;14414945:
مالي خلق لكل شئ والله افكر افكار سوده والله افكر ببني اكول لا سمح الله يصير بيه شئ منو يمه

هذاك اليوم كم ساعه تعبت تبهذل واني والله الحمد الله محافظه ع صلاتي ودايما اقرى قران والحمد الله من هاى الناحيهممقصره بس تعرفين هاى الافكار بذات احنا المغتربين بروحنا لا اهل يمنا ولا شئ بس هسه الحمد الله نمت كعدت شويه

مصحصحه قريت فران صليت العشاااء...........
ليش ام عبودي خير اشبي عبودي وليش محد يمكم لعد وين ابو عبودي ؟؟؟
قلقتيني عليج !
ويسلموو حب عالطريقة مال بيتزا

شوفي يو اس اي اتضحك جانت تسأل على الكباب
اتريد وصفة راحت جابتهة وتكللنة عليهة صارت بالعكس السالفة خخخخخخخخخخ

هلووووو حبيبتي موسيقى موجود ابو عبودي بس ارجال اذ بقا يمه الطفل نص ساعه ما يعرفون يتصرفون ويااا واني مو انو علمود مرضت عادي حتى لو مريض يوم يومين اصير زينه بس اني المشكله افكار سوده دايما تجيني ما اعرف يمكن علمود بيعد عنكم اختي قبل فتره فقدت ابنهاا وزوجها من هذاك اليوم واني دايما افكر وبس افكار تجبني وتوديني بس الله موجود ان شاء الله ماعلى شئ والله يحفضني اله ويحفظكم لطفالكم يارب,,

وعلى البيتزا
الله يسلمج حبيبتي ان شاء الله عجبتج
هههههههههه اي شفتيهااا اضحك هو والله الى تريد تسوى شئ الف شغله تجي بالها تحتار وهى شافت طريقه البيتزا ههههه كلت يله خلى اليوم نعلكهاا هههههه عوافي على قلبج حبيبتي ..

جنة آلعرآق;14417799:
يابة الف مرحباااااااااااااااا
اكو عراقيات هناية ومادري

ام عبد تسلمين روحي

هلووو بيج حيااتي جنه منوووره
اي من زمااان هذا التجمع بس هسه جددنا وماشاء الله صارم عراقيات هوايه وخوش لمه وسوالف تفضلي مو تقطعين علينااا

شلونج انتي وشلون الحمل وياااج حبيبتي الله يسهل عليج ياااارب..

U.S.A/VA;14414639:
سهلة بنات ولو اني مسوية رجيم

نجيب اللحم المفروم لحم غنم طبعا
وبصل مثروم ناعم,وكرفس اذا حبيتو;)
وكزبرة عند الرغبة
او كمون:D
وفلفل اسود ملعقةشاي
وملح حسب الذوق
وطحين3ملاعق
وتخلط المواد الى ان يجانس وتشكل العجينة نقوم بوضع فحمة الى ان تتحول الى جمرة
نقوم بعمل حفرة وسط العجين ونضيف مقدار فنجان زيت ونضع وسطها على الزيت نضع الجمرة او الفحمة
نغلق مباشرة الجدر ونتركه نصف ساعة
ثم نخرج الزيت والجمرة ونخلط العجين مرة اخرى ونضع مقدار ملعقة طعام من هذا الزيت
وثم نشكل العجين بهذا الشكل

ونرتبه في صينية الفرن
او اذا احببتي شكليه بالشكل الذي ترغبين به

ضعيه في الفرن
والف عافية اتمنى عجبتكم:p

طريقه روووعه اجربهااا ان شاء الله
وتسلمين حبيبتي ..

موسيقى هادئة;14415010:
اوهاي صينية الدولمة عالغدة واشحدهة التاكلهة عالريوك انتظروني ناكلهة سوة هع

وااو
تخبــــــــــــــــــل حرام عليج موسيقى شهيتيني والله صارلي يمكن اكثر من سبوع ودي اسوى دولمه بس متعاجزه من عندهااا وهسه شفت هذا الصحن واااو عقلي طار هههههههه
تسلمين حبيبتي ع الضيافه ,,
موشيقى هاى صوره من النت لو من بيتج؟

موسيقى هادئة;14414988:
اتفضلوا مدو ايدكم جبتلكم بيتزا عالصبح ووياهة الجاي العراقي المهيل عواااااااااافي

يمه يمه ههههه ع هل صبح والله خلتيني اشتهي اكل هههه

بيتزا امس سويت ع الغداء بس الجاي يمه يخبل واحب اشرب بل ستكاان هذا بي طعم يخبل :lol::)تسلمين حياتي ماقصرتي ع الضيافه الحلوووه..

هلة وغلة ام عبد
اني بخير انتي شلونج
عبود شلونة مكبر
والله مادري اكو تجمع للعراقيات
الحمل بخير خخخخ
معون ادخل بشهري واجيب وارتاح
بس خايفة من الطلوك هع

هلووو بيج حيااتي جنه

تسال عليج العافيه اني بخير والحمد الله

وعبودي اي كبر ماشاء الله هسه صرله سبوع دخل لسبع شهور

ماشاء الله وريد هسه نشوفله مره ههههه

بس كاعدين ننتظر بنوتج شوكت تجي الله يجيبها بسلامه يارب
ونجي نخطب ههههههههههههههه

انتي دخلت بشهرج لو بعد؟

والله يسهل عليج حبيبتي هى اخر شهور كلش تعب
الله يتمم ع خير يارب..

بنات اكو وحده من الحبايب الموجودات
ما اريد اذكر اسمهااا وحبيت اجاوب هنانه علمود الكل يعرف

واني قبل هل مره ذكرت هذا الشي

هى تسالني كاتبه بتقيم طريقت كلامي نص ونص
لئن اني مواليد الكويت من هيج كلامي اذ تلاحظون مو بلهجه العراقيه ميه بلميه

لئن عشنااا بل خليج شويه من هيج كلامي نص خليجي وعراقي وبل مواضيع اكيد نكتب بل خليجى لئن المنتدي

خليجي وكله خليجيات فلذلك اذ كتبنا بلغتناا عراقي نصهم ما راح يفهمون وكل العراقياات الى بل منتدي

اذ تلاحضون من ينزلون مواضيع يكتبون بلهجه الخليجيه

وهاى كل السالفه ههههههههههههههه

وسلامتكم ...

مساء الخير شخبار حسني طلع لو بعده لاطششششش هع هع

الف عافية عليج عيني ام عبودي والدولمة من النت
اني هم كلللش عاجبني اسوي دولمة ومتعاجزة .

جنة فرحتينا ابتواجدج ويانة وياريت بعد اتجيبين بنات لهنا حتة السوالف واللمة اتصير أحلى
والله ايكومج بالسلامة عزيزتي.. بلمناسبة توقيعج كلش عجبني..

لا أنهار اظاهر مناوي يتزحزح لالالالالالالالالالالالالاطش

وهسة اكوم استحمه ..