من تجربتك.. فترة ما بعد الولادة

Bride Dreams;14308655:
مرة حلو الموضوع الله يعطيش العافية
ننتظر مشاركات الأمهات عشان نستفيد منها :)

وبالنسبة للي مايحبوا الحلبة.. فيه حلبة تنباع على شكل حبوب في الصيدلية ومحلات الأغذية الطبيعية زي جي ان سي

مغتربة سدني;14308110:

السلام عليكم ورحمة الله وبركاته...

اخواتي الفاضلات

ادخل في الموضوع مباشرة..

نبغا نستفيد من بعض في الاشياء اللي نسويها بعد الولادة

مثل:

1- هل استخدمتي مشد للبطن؟
المشد الاندونيسي
تبدائي به من نصف الفخذ الى تحت الصدر يعني تبدائي من اسفل الى اعلى
لا لم استخدمه وسبب ترهل للبطن "الكرش"
وحده من زميلاتي استخدمته ومعها 5 ماشاء الله تبارك الله وبطنها لاصق لظهرها ماشاء الله
كم كانت الفترة؟؟
طول فتره النفاس بس استعملته من 2 اسبوع من النفاس وكل يومين تشد شوي على البطن مو من اول مره يكون مشدود ويفضل يكون على السره كتاب او حاجه قويه ماتنثني علشان يدخل معها البطن ولايكون بارز
و هل هي بعد الولادة مباشرة؟؟
لا بالاسبوع 2 من النفاس
وكيف كانت النتيجة معاكي؟؟
مو معي مع زميلتي ماشاء الله تبارك الله البطن ماتقولين انها حملت اصلا
2- ايش المشروبات الساخنة اللي شربيتها؟؟
قشر قهوه وزنجبيل كل يوم بالنفاس الى اخر يوم
والحلبه من 20 يوم الاولى فقط
هل شوفتي الفايدة المرجوة منها؟؟
الحمدلله النتيجه مرضيه نوعا ما
وكم المدة اللي استمريتي عليها؟؟
طول فتره النفاس لبعض المشروبات فقط مثل الزنجبيل وقشر القهوه
3- كيف كان نظامك الغذائي و وجباتك اليومية؟؟
الصبح:
تمر مع سمن بلدي ورشاد
وخبزه بلدي من الخباز بسمن وعسل
الظهر:
مرق لحم او دجاج مع خبز الخباز
مطازيز او مرقوق او قرصان بدون خضار فقط لحم وعجين
العشاء
مرق لحم او دجاج مع خبز الخباز
مطازيز او مرقوق او قرصان بدون خضار فقط لحم وعجين
وعند النوم
اكل خبز من عمايل الماما عليه عسل طبيعي او مصابيب اوبيض بلدي
وطريقة تحضريها لو امكن؟
احمس اللحم بشرط يكون طازج بدون بصل او طماطم واضيف له الملح والبهارات واحمسها شوي ثم ازيدها ماء واتركها لحد النضج واغرفها واشربها واكل من اللحم وممكن تاكلي اللحم حتى تشبعي مو لازم معه خضار او ممكن تغمسين الخبز باللحم وتاكلينه
هل ساعدتك على خسارة الوزن الزائد بعد الولادة؟؟
كان فيني سكر حمل واسوي دايت ولما كنت بالنفاس الحلبه نافختني وبعد ماخلصت اليوم 21 ولما ماطلعت من النفاس كان وزني 70 وبعدها بفتره رجعت اللي كنت حاملته مع ولدي ههههه لاني احسب المرضعه لازم تاكل حق شخصين
4- بالنسبة للمولود.. هل كنتي تعطيه مشروبات للغازات؟؟
اعطيه شاهي الاطفال
وممكن انومه على بطنه واطق ظهره خفيف بحيث تخرج الغازات
كيف طريقة تحضيرها؟؟و الكمية كم مرة في اليوم؟؟
ملعقه من شراب الغازات تلقينه بالصيدليه اسمه شاهي الاطفال
وتحصلين التعليمات وطريقه الاستخدام موجوده بالعلبه
ويمكن استخداه بعد كل رضعه او ممكن اذا حسيتي فيه يبكي من مغص
من تجربتي :
كنت اغمس قطنه بكريم الاذان واسكر فيه اذان عيالي والبسهم طربوش "قبعه صوف" والحمدلله ما اشتكيت من الغازات لاطفالي
5- سرة المولود..هل كنتي تستخدمي اي شي لها حتى تسقط؟؟
ايوه اشتريت بودره اسمها بودره السر احط منها كل يوم او يومين واخذت اسبوع او اقل وطاحت لكن بالشتاء يكون السر يسقط متأخر يبغى له 10 ايام او 15 يوم اهم شيء مايكون فيه التهاب بالسره
6- كيف تخلصتي من الاسمرار و تصبغات الجسم بعد الحمل؟؟
ايوه لاني سويت خلطات واهتميت بنفسي فتره النفاس
اذكري لنا الوصفات؟
سوي اقنعه خاصه بالكلف وتخفف اسمرار الحمل وممكن اذا توقف الدم من النزول تاخذي حمام ساونا بالبيت علشان يشيل كل التصبغات اللي بجسمك
7- هل عانيتي من قلة الحليب في الصدر؟؟
ايوه
وايش الاشياء اللي فادتك في ادراره؟؟
عالجته بالحلاوة الطحينيه والحلبه والدجاج
والاكل الكثير :o
8- ايش استخدمتي للغرز؟؟
كريم مرسوم عليه نمر او اسد من شركه مصريه
ادهن فيه الخيوط
واغسل المنطقه بمنقوع بالملح والخشن والمره وانشفها بالطبطبه وادهن المنطقه بالكريم سابق الذكر
اذا عندك نصايح اخرى..ارجوكي افيدينا بيها..اتمنى من الجميع المشاركة بخبراتهم

هل استحق التقييم؟؟F:

أم عبادي @;14320575:
اخواتي غسول بيتادين شلون استخدامه اخلطه مع ماء دافي او اغتسل بيه لوحد بدون شيء