هل هو الشخص المناسب لي ياريت تردون علي يا بنات محتاجه استشاره منكم

شوفي حبيبتي انا بنفس عمرك ومريت بنفس تجربتك بالضبط تقدم لي واحد مثل مواصفات اللي متقدم لج بالضبط ولوهله حسيت اقرأ تجربتي لكن بصراحه رفضت لانه قال لي انا جذي وما ابي اتغير وحياته بس شغل في شغل فقلت ما في نصيب بالرغم من انه امي وابوي شافوه مناسب بس يوم قال لا مجال للتغيير قالو عندج حق وافتكيت من التفكير اللي هدني بصراحه وبالنسبة للسمن والله حبيبتي هذي ارزاق والله اعرف ناس وزنهم 180 واكثر وهم خوات وما شاء الله تزوجوا وانجبوا وفرحانين بحياتهم حاولي تخففين وزنج بس لا تقولين انه هذي عقبه للزواج وبعدين انت24 مو وايد كبيرة وان شاء الله بتاخذين نصيبج بس الرأي الاخير يعود لج طبعا وانا كتبت لج تجربتي وعطيتج رايي وبالتوفيق

في بيت أبوي;14241387:
شوفي حبيبتي انا بنفس عمرك ومريت بنفس تجربتك بالضبط تقدم لي واحد مثل مواصفات اللي متقدم لج بالضبط ولوهله حسيت اقرأ تجربتي لكن بصراحه رفضت لانه قال لي انا جذي وما ابي اتغير وحياته بس شغل في شغل فقلت ما في نصيب بالرغم من انه امي وابوي شافوه مناسب بس يوم قال لا مجال للتغيير قالو عندج حق وافتكيت من التفكير اللي هدني بصراحه وبالنسبة للسمن والله حبيبتي هذي ارزاق والله اعرف ناس وزنهم 180 واكثر وهم خوات وما شاء الله تزوجوا وانجبوا وفرحانين بحياتهم حاولي تخففين وزنج بس لا تقولين انه هذي عقبه للزواج وبعدين انت24 مو وايد كبيرة وان شاء الله بتاخذين نصيبج بس الرأي الاخير يعود لج طبعا وانا كتبت لج تجربتي وعطيتج رايي وبالتوفيق

مشكوووووره وايد اختي على نصيحتك وخصوصا انج مريتي في نفس تجربتي وبكلامج هذا خففتي عني كثير والله يوفقك في حياتك ويرزق بالزوج الصالح الي تحبينه ويحبج ويرزق كل بنت مو متزوجه يارب

اختي باختصار برد عليج


بحديث للرسول عليه الصلاة والسلام (إذا جاءكم من ترضونه ديناً وخلقاً فزوجوه ألا تفعلوا تكن فتنه في الأرض وفساد عريض )

يعني الاسلام ماحط معيار للشكل والا الجمال

فيااختي شنو فايده الشكل اذا كانت اخلاقه زفت

ياليت تفكرين بعقل ومنطق اكثر

والله يوفقج

... دام ان الريال زين واهم شي متدين ومادحينه وانتي تجوفين ان ماعليه كلام
.. بس الشكل؟
تقدرين انتي عقب مثلا فتره الخطوبه اذا وافقتي تختارينله لبس تقولينله احس هذا حلو عليك ومن هالكلام يعني ..
مثل ماكتبتلج الاخت تجربتها .. انها سالت الريال فالبدايه وهو ماحاب التغيير
انتي بعد نفس الشي سالي الريال فالبدايه وجوفي رده ..
انا هذا رايي .. والله يكتبلج اللي فيه الخير انشالله

اهم شي القناعة في اختيار الشريك ..
ان حسيتي روحج مو مقتنعه فيه و تطلعين عيوبه لا تاخذينه عقب تظلمينه وياج ..
صحيح ان لكل واحد مزايا و عيوب بس من كلامج انج تنظرين للنواحي السلبية الي فيه اكثر ..
و هالشي ياثر بعدين ع علاقتج معاه لو صار نصيب بينكم ..
فلا تستهين بالموضوع و تعطين موافقتج بسرعه بالاخص انج بحاله تردد ..
تشوفين تقبل بيتكم فيه و انتي لا تنظرين لعيوبه ..
و امور تتمني يغيرها بس استحالة يغيرها ..
ان حسيتي ان ما كو راحه خلاص لا تستحين قولي ما في نصيب ..
الزواج عشرة عمر .. ما اظن انج تبين تعيشين طول عمرج ندمانه انج خذتيه بالاخص ان كنتي مو مقتنعه فيه ..
و بتقبلين فيه من ضغوط بيتكم عليج و مدحهم له و تصويرهم لج انج خلاااص 24 سنه يعني كبيرة .. !
توج في بداية حياتج و الحياة جدامج و اذا الله كاتب لج نصيب بتاخذينه ..
و الله يوفقج يارب حبووبة و فكري اكثر و لا تتهورين :)

سمـاري سر جمـالي;14241427:
مشكوووووره وايد اختي على نصيحتك وخصوصا انج مريتي في نفس تجربتي وبكلامج هذا خففتي عني كثير والله يوفقك في حياتك ويرزق بالزوج الصالح الي تحبينه ويحبج ويرزق كل بنت مو متزوجه يارب

تسلمين حبيبتي على هالدعوة الحلوة اللي فرحتني :)

قطريهـ ماتهابـ;14241523:
اختي باختصار برد عليج


بحديث للرسول عليه الصلاة والسلام (إذا جاءكم من ترضونه ديناً وخلقاً فزوجوه ألا تفعلوا تكن فتنه في الأرض وفساد عريض )

يعني الاسلام ماحط معيار للشكل والا الجمال

فيااختي شنو فايده الشكل اذا كانت اخلاقه زفت

ياليت تفكرين بعقل ومنطق اكثر

والله يوفقج

اختي كلامج صح وطبعا ما احد له كلام فوق كلام الرسول (ص) لكن هي لم تنظر للجمال انما للهيئة الخارجية بس مو معقوله احنا في هالزمن ويأتي واحد يتقدم وهذا يوم المفروض يكون مهم بالنسبة له يلبس لباس الجد هالايام ما يلبسه بالي وقديم وغير مرتب شكلا وغير منسق الوانا وانا احس انه الهيئة الخارجية لها دور ممكن اللي ما عنده شكل حلو مظهره يجمله ولا ننسى ان الله جميل يحب الجمال اتمنى ان تتقبلي مداخلتي

احساسك بانه مش حلو شكلا ولا حلو في لبسه هيخليكي تحسي دايما انك اقل من بنات غيرك وهيخليكي تتمني لو كنتي انتظرتي واتزوجتي شخص اخر

طبعا دي خلقة ربنا وممكن البشع بالنسبة لك يكون حلو لغيرك , عشان كده اهم حاجة انتي وبس , اهم حاجة تكوني مرتحاله نفسيا وسيبك من حكاية انك كبرتي والكلام الفاضي ده انا رفضت عرسان كتير لحد ما اقتنعت بزوجي شكلا واخلاقا واتزوجت وعندي 26 سنة والحمد لله سعيدة مع زوجي

وبالنسبة لوزنك لازم تعملي ريجيم عشانك انتي مش عشان تتجوزي, عشان تكوني بصحة حلوة ويكون شكل جسمك حلو وتقدري تلبسي اللي نفسك فيه , وكمان لما تتجوزي ان شاء الله تكوني واثقة في نفسك

حبيبتي ما تقدرين تتزوجينه وانتي مو متقبله شكله
صعبه .. هذا زواج وعشرة عمر ..
الشكل صحيح مو اهم شي بس القبول مهم جداا

فكري عدل ولا تستعجلين

وبصراحه( انا من رأيي) اذا (ممكن) ان شكله يصير احلى (مثلا) اذا حلق لحيته
او لبس عدسات طبيه بدل نظاره (مثلا) او يعدل من لبسه اذا كان مو انيق
فهالشي سهل .. وافقي عليه بعدين انتي غيري ستايله او لمحي عليه

اما اذا انتي مو متقبله شكله ابداا .. فلا توافقين .. لان حرااام راح تظلمينه معاج

وعن مسئلة صلاة الاستخاره .. الناس فاهمه صلاة الاستخاره غلط للاسف
احنا نصليها اذا كنا محتارين بشغله .. وبعد ما تصلينها .. اذا الشي اللي تبينه خير لج
راح تتسهل امورج .. واذا كان شر لج .. راح تتعقد الامور .. السالفه مو سالفة حلم
او رموز تشوفينها ..


و الله يوفقج

اممم

يعني انتي الحين رافضته بسبت شكله؟؟ولبسه ؟؟

بصراحة من حقج

ترفضين .. لان هذا زواج مب لعبة اذا كان شكله مب عاجبج راح تحسين بصعوبة ليما تتقلبين شكله...


على الرغم ان الشكل مب مهم المهم الاخلاق وياما ناس نحبهم واشكالهم عادية وناس ما نحبهم وهما

عندهم جمال

الجمال مب مقياس

بس مادري .... احس الواحد لازم يتقبل الشخص الي بتزوجه في كل شي شكله لبسه مستواه وكل شي.....

وانتي لا تقبلين بس عشان انتي متينة

انتي تقدرين تضعفين ليش ماعندج اراده تضعفين ... وسنج مب كبير وايد

يعني مازلتي صغيرة .... والحياة جدامج

وبعد اقولج فكري اكثر .. لا تسرعين

عزيزتي ..

صحيح .. ان الحديث للرسول عليه الصلاه والسلام يأمرنا .. باختيار من نرضاه دينا وخلقاً

ولكن وجبت الرؤيه الشرعيه .. لكي يقع شيئاً في نفسه ويقع شيئا في نفس المخطوبه .. ويكون الرضا والقبول

فيا اختي .. مهما كان خلقه طيبا وكان دينا ولكن لم يقع شكله الخارجي شيئا في نفسي وبك منه نفور .... لا انصحك بالقبول به ..او الزواج به

فستتعسين نفسك .. وتتعسينه ..وتندبين حضك .. وايضا اختي .. ان كنتي من يتبع كلام الناس فكلام الناس لا ينتهي ..

وامك ولا ابوك .. الي بتزوجون الشخص... انتي التي ستتزوج..

لهذا .. ومن بعد الاستخاره .. فياليت يا اختي .. ان تحاولي تجعلي قرارك حياديا ونابع من قناعه

ام جنى

خيتي انه مابتكلم عن جماله ولا كشخته
بس الي ابي اقوله لج خيتي.... اذا مو مقتنعه فييه كزوج وماتتخيلين حياتج بتكملين معاه لا تقبلين فيه
ولحد يقولج مع العشره بتحبينه
صح مع العشره الواحد ينحب وتجوفينه اجمل شخص وتقدرين تلبسينه على كيفج عقب
بس لو حبيتينه وقبل كنتي مو مقتنعه فيه بأقل هوشه بتحسين بشعور الكره صوبه لين تهدئين
بس لو كنتي مقتنعه فيه وحبيتيه وتهاوشتوا انتي بترخصين روحج له وبتراضينه حتى لو اهو غلطان
اول شي اقنعي روحج فيه ماقدرتي لا تظلمينه وتظلمين نفسج
الفرصه قدامج 24 مو نهايه العمر ان شاء الله درب حياتج طويل

والزواج خيتي يبيله راحه بااال عشان تقدرين تحلين المشاكل الي فيييه
اذا انتي مضغوطه من عدم الاقتناع مابتقدرين تسوين ولا شي وبتمر عليج ايام تكرهين فيها عمرج ومابتقدرين تعيشين فتره الخطوبه
الي كل بنت تتكلم عنها وتحلم فيها والايام الي ماتتعوض بتكرهين اليوم الي بتجوفينه مابتحسين بطعم الايام الي تجهزين فيها
فرحه اهلج لج وربشتهم وياج
ليله فرحج مابتحسين بطعمها
انه قلت كلامي مو معناته تتركينه خلاص لا... فكري عدل وجوفي هل يصلح لج؟؟

وبعطيج مثال: عندي وحده من الاهل ماشاء الله عليها جميله بمعنى الكلمه والكل يتكلم عن جمالها
تزوجت واحد متيييين وطوييييييل واسممممممممر غااااااااااامق وعيونه كلش صغاااار وماكان يعرف يلبس عدل والكل كان يتكلم عنها ان زوجها مو حلوو
واهي في قمه الجمال
بس والله من طيب قلبه وحبه لها وحبه حتى لنا ونظره عيونه الي ماليها الطيب نجوووفه وسيييييييم واحلف لج على هالكلمه
ان نجوفه وسييييم
طبايع الشخص تنطبع على ويهه

بس اهم شي الاقتناع حبيبتي
ان حتى احنا نجوفه حلووو ووسيم بعد

بقولك اختي عن تجربتي مع زوجي والله يوفقك


انا و زوجي زملاء الدراسة وكان كل البنات في دفعتي اللي درسوا معاي يعلقون على لبسه وشعره واسلوبه لانه ما كان جنتل ....بس كان جدا محترم وكان كل وحدة تقول لي ان هو طيب ومحترم ويصلي


المهم انخطبنا سنتين واثناء هالسنتين كنت اطلع معاه السوق طبعا مع وجدو اخوي ونلف المحلات واختار له لبس وحتى لما يحلق اقول له لو تسوي كذا احلى وكذا احلى واختار له عطور ولما جينا للزواج والله العظيم الكل كان مو مصدق ان هذا هو زوجي او الشخص اللي كان معاهم في الجامعة
غير حلقه شعره وغير اسلوب لبسه ... حتى صار يستعمل العطور الفرنسية الراقية ودايما قعدته مرتبة وطريقة اكله واسلوبه في التعامل مع البنات او الاولاد تغير


والحين هو صار يلبس احسن مني ويهتم وايد في شكله وحلاقته طبعا من كثر ما كنت اعلق له واقول له عشان المظهر ياثر في برستيجك وشخصيتك




وانت وشطارتك بس لا تحطي في بالك الشكل اهم شي التعامل

أم هـادي;14241608:
اهم شي القناعة في اختيار الشريك ..
ان حسيتي روحج مو مقتنعه فيه و تطلعين عيوبه لا تاخذينه عقب تظلمينه وياج ..
صحيح ان لكل واحد مزايا و عيوب بس من كلامج انج تنظرين للنواحي السلبية الي فيه اكثر ..
و هالشي ياثر بعدين ع علاقتج معاه لو صار نصيب بينكم ..
فلا تستهين بالموضوع و تعطين موافقتج بسرعه بالاخص انج بحاله تردد ..
تشوفين تقبل بيتكم فيه و انتي لا تنظرين لعيوبه ..
و امور تتمني يغيرها بس استحالة يغيرها ..
ان حسيتي ان ما كو راحه خلاص لا تستحين قولي ما في نصيب ..
الزواج عشرة عمر .. ما اظن انج تبين تعيشين طول عمرج ندمانه انج خذتيه بالاخص ان كنتي مو مقتنعه فيه ..
و بتقبلين فيه من ضغوط بيتكم عليج و مدحهم له و تصويرهم لج انج خلاااص 24 سنه يعني كبيرة .. !
توج في بداية حياتج و الحياة جدامج و اذا الله كاتب لج نصيب بتاخذينه ..
و الله يوفقج يارب حبووبة و فكري اكثر و لا تتهورين :)

:thumbs_up::thumbs_up:

دام الولد زين

حرام تردينه

واهلج موافقين عليه بعد

توكلي على الله

والله يكتبلج اللي فيه الخير

واللبس والتعدل

ان شالله انتي شوي شوي تعدلينه و تكشخينه وتسنعينه

والله يوفقج حبيبتي

قطريهـ ماتهابـ;14241523:
اختي باختصار برد عليج


بحديث للرسول عليه الصلاة والسلام (إذا جاءكم من ترضونه ديناً وخلقاً فزوجوه ألا تفعلوا تكن فتنه في الأرض وفساد عريض )

يعني الاسلام ماحط معيار للشكل والا الجمال

فيااختي شنو فايده الشكل اذا كانت اخلاقه زفت

ياليت تفكرين بعقل ومنطق اكثر

والله يوفقج

مشكوووره اختي قطريه ماتهاب و ان شاء الله راح افكر زين وماراح اتسرع وانتو ساعدتوني وايد تسلمووون ... وعلى فكره انا من مواليد قطر وعشت فيها تقريبا 13 سنه يعني طفولتي كلها يا هلا وغلا فيج .

سميته غلاي;14241601:
... دام ان الريال زين واهم شي متدين ومادحينه وانتي تجوفين ان ماعليه كلام
.. بس الشكل؟
تقدرين انتي عقب مثلا فتره الخطوبه اذا وافقتي تختارينله لبس تقولينله احس هذا حلو عليك ومن هالكلام يعني ..
مثل ماكتبتلج الاخت تجربتها .. انها سالت الريال فالبدايه وهو ماحاب التغيير
انتي بعد نفس الشي سالي الريال فالبدايه وجوفي رده ..
انا هذا رايي .. والله يكتبلج اللي فيه الخير انشالله

يسلموو اختي على الرد وانا جاتلي هالفكره وايد وامي قالتلي نفس الشي واني اقدر اغيره المشكله مو مشكلة لبس الخارجي وبس .

أم هـادي;14241608:
اهم شي القناعة في اختيار الشريك ..
ان حسيتي روحج مو مقتنعه فيه و تطلعين عيوبه لا تاخذينه عقب تظلمينه وياج ..
صحيح ان لكل واحد مزايا و عيوب بس من كلامج انج تنظرين للنواحي السلبية الي فيه اكثر ..
و هالشي ياثر بعدين ع علاقتج معاه لو صار نصيب بينكم ..
فلا تستهين بالموضوع و تعطين موافقتج بسرعه بالاخص انج بحاله تردد ..
تشوفين تقبل بيتكم فيه و انتي لا تنظرين لعيوبه ..
و امور تتمني يغيرها بس استحالة يغيرها ..
ان حسيتي ان ما كو راحه خلاص لا تستحين قولي ما في نصيب ..
الزواج عشرة عمر .. ما اظن انج تبين تعيشين طول عمرج ندمانه انج خذتيه بالاخص ان كنتي مو مقتنعه فيه ..
و بتقبلين فيه من ضغوط بيتكم عليج و مدحهم له و تصويرهم لج انج خلاااص 24 سنه يعني كبيرة .. !
توج في بداية حياتج و الحياة جدامج و اذا الله كاتب لج نصيب بتاخذينه ..
و الله يوفقج يارب حبووبة و فكري اكثر و لا تتهورين :)

اهلين اختي ام هادي وكلامج وايد مقنع وصح هذا زواج ولازم اني ما استعجل فيه واخذ القرار الصح وهذا الي موترني اكثر و اكثر .