هل هو الشخص المناسب لي ياريت تردون علي يا بنات محتاجه استشاره منكم

Aseel 82;14241924:

الله يوفقك بس لازم تتقبلية وبعدين توافقي , طبعا الناس بدينهم واخلاقهم واذا على ترتيبه للبسة فانت يمكن تهتمي فيه بعد الزواج وتهتمي بمظهرة , واذا ع شكله فارجع واقول الرجل باخلاقة بس انت لازم تتقبلي شكلة وتتقبلية بالكامل قبل لا توافقي , اخيرا الاستخارة لا تعني ان تحلمي شي ابدا الاستخارة تعني انك وكلتي امرك لله فاذا تيسر الموضوع فهو خير لك وان تعرقل فهو خير لك والله يسعدك يا رب

مشكوررره اسيل وانتي وضحتيلي شي مهم وهو عن الاستخاره لاني صج كنت فهمتها غلط .

السلام عليكم


مشكوووووووووووووووره وايد يا عسولات والله انكم ريجتوني كتير بكلامك هذا بطريقه ما تنوصف وانا الحين هطلع وراح اكمل رد عليكم اول ما رجع بس صج يسلمووووووووووووووووووووو واهذي طالعه من قلبي . والله يسهل اموووووركم كلها ويعطي كل وحده فيكم الي تحبه ويرزق كل بنت مو متزوجه الزوج الصالح ويعطي كل واحده على نيتها امين يارب .


اشوفكم على خير يا قمامير

ما عليج من كل الاخوات و اسمعي كلامي, الرسول (ص) ايضا قال تخطب المراة لاربع: دينها و جمالها و حسبها و اخلاقها. يعني هالامور ممكن نطبقها على الزوج. البنت يهمها زوجها يكون مرتب في شكله و لبسه بحيث لمن تمشي معاه تحس بانه انيق و تفتخر فيه مش تمشي جنبه و كلها خجل منه. ثانيا تبغي الرجل يكون لبق, يتكلم زين معاها و مع الناس كلهم و بمنطق متوازن و عقلاني. و ايضا لازم يكون ملتزم الى حد ما و مهتم بصلاته و عبادة الله و يتمتع باخلاق طيبة و طول بال. بس لازم توازني بين هذه الامور كلها, يعني توزنيه من هذه الاربع زوايا: المال, الشكل, الدين و الاخلاق. لو جاب معاك فوق 60% غالبا تقدري تفكري بالموضوع, بس اقل على طول الغي الفكرة. و العمر قدامك و الله ما ينسى عبيده, و لا الزواج كان مصدر السعادة الوحيد للمراة ابدا. من كلامج و وصفج له هو يدووب يحصل50% يعني للاسف ما بيكون ملائم لج. و لازم تشوفي هل عقليته و منطقه قريب لج؟ احس انك افهم منه. عموما الله يوفقك و هو الامور ما تحتاج استخارة لان بالعقل نقدر نفصل فيها و الله يوفقج.

لا انسى, مو كل انسان ايجابي و يتقبل نصائح الاخرين لتغييره. يمكن ما يتغير و ما اتوقع انك تبغين تتزوجي شخص تعيدي ترتيب شكله او شخصيته و تبذلي كثير من المجهودات. انا اختلف مع الاخوات و افضل الزوج الشبه متكامل يعني معتدل في كل شئ من شكله و لبسه و دينه و اخلاقه.

أهم شيئ الأخلاق مو الجمال

الله يقدملك الي في خير ان شاء الله

انه اتفق مع ام هادي
والله يوفقش ويكتب لش مافيه من صلاح لش

يالغلا انا ويا الاخت ام هادي في كل كلمة قالتها واهم شي القناعة واذا انتي مب مقتنعة ماراح تشوفين ايجابياته لو كانت 100%نصيحتي لج اختي صلي الاستخارة واذا اقتنعتي فيه وحسيتي انج راح تقدرين تتقبلينه بكل مافيه توكلي على الله اختي انصحج وعن تجربة لأخت قريبة لي تزوجت بدون اقتناع من فترة الخطبه الين ماعقدت وهي مب مقتنعه رغم ان الرجال ماينعاب بس هي مب مرتاحتله اقنوعوها الاهل يمكن الاحساس يتغير بعد الزواج تزوجت وش صار تتوقعين شهر وردت عند اهلها ما قدرررررت حاولت بس ماقدرت رغم ان السبب بسيط عشان كذا اقولك تأكدي ان الزواااااااااااااج اقتنااااااع والله يوفقج....

حبيبتي انا شايفة انو اللبس مو مشكلة بامكانك مع المدة تغيريه المهم انكم تتفاهمو وما تهمك نطرة الناس اليه الجمال مش هو المهم انتي بس اديه فرصة وشوفي كيف بيفكر وانا بتمنالك كل خير وان شاء الله راح تتفاهمو ومع الوقت هو راح يحاول يتغير عشانك وانتي كمان أختي اتنازلي عن الحجات اللي مو مهمة والله يجيب اللب فيها خير (انت تريد و أنا أريد والله يفعل ما يريد)

اختى ما عليج من حد الراي الاول والاخير لج

انا بالضبط نفس عمرج

ورفضت شخص من قبل لنفس اسبابج

مشكوررررررررررررررررررررررررررررررين وايد بنات وماتقصرون على ردووكم الحلوه والي تبرد القلب واذا ابي رايكم مره ثانيه في اي شي اكيد بتلاقوني ناطه عندكم مرة ثانيه :) و الصراحه حبيت اقولكم بعد انه اليوم 17 هالشهر كان يوم ميلادي واستانست فيه معاكم حبيت اكتبه امس مع موضوعي بس طلع من بالي . ويسلمووووووووو مره ثانيه ونساعدكم في الافراح يارب ويجعل ايامكم كلها ساعده .


اسفه مارديت على الكل وانا لي رجعه اكيد بكره الصبح لانه اليوم اشغلت مع عيال اختي .


يلا السلام عليكم حلوات واشوفكم على خير بكره ان شاء الله. ^__^

الله يقدملج اللي في خير

حبووبه صاحبه الموضوع الراي الاول والاخير راايج ..
ووحده من الخوات كتبت قصتها وقالت انها غيرت ريلها 180 درجه ..
انتي فكري عدل ولا تستعجلين
ترا 24 مب كبيره ابــــــــــــــــــــــــدا وماعليج من اللي يقول عكس الكــلأام هـذا :087:

شوفي حبيبتي انا بنفس عمرك ومريت بنفس تجربتك بالضبط تقدم لي واحد مثل مواصفات اللي متقدم لج بالضبط ولوهله حسيت اقرأ تجربتي لكن بصراحه رفضت لانه قال لي انا جذي وما ابي اتغير وحياته بس شغل في شغل فقلت ما في نصيب بالرغم من انه امي وابوي شافوه مناسب بس يوم قال لا مجال للتغيير قالو عندج حق وافتكيت من التفكير اللي هدني بصراحه وبالنسبة للسمن والله حبيبتي هذي ارزاق والله اعرف ناس وزنهم 180 واكثر وهم خوات وما شاء الله تزوجوا وانجبوا وفرحانين بحياتهم حاولي تخففين وزنج بس لا تقولين انه هذي عقبه للزواج وبعدين انت24 مو وايد كبيرة وان شاء الله بتاخذين نصيبج بس الرأي الاخير يعود لج طبعا وانا كتبت لج تجربتي وعطيتج رايي وبالتوفيق

حسوني نور عيوني;14259374:
شوفي حبيبتي انا بنفس عمرك ومريت بنفس تجربتك بالضبط تقدم لي واحد مثل مواصفات اللي متقدم لج بالضبط ولوهله حسيت اقرأ تجربتي لكن بصراحه رفضت لانه قال لي انا جذي وما ابي اتغير وحياته بس شغل في شغل فقلت ما في نصيب بالرغم من انه امي وابوي شافوه مناسب بس يوم قال لا مجال للتغيير قالو عندج حق وافتكيت من التفكير اللي هدني بصراحه وبالنسبة للسمن والله حبيبتي هذي ارزاق والله اعرف ناس وزنهم 180 واكثر وهم خوات وما شاء الله تزوجوا وانجبوا وفرحانين بحياتهم حاولي تخففين وزنج بس لا تقولين انه هذي عقبه للزواج وبعدين انت24 مو وايد كبيرة وان شاء الله بتاخذين نصيبج بس الرأي الاخير يعود لج طبعا وانا كتبت لج تجربتي وعطيتج رايي وبالتوفيق

هذا ردي انا كان المفروض تسوين اقتباس ومو تخلينه جذي كأنه ردج

خيو تقدرين اني تفتحينه على الحياة بعد الخطوبة
لكن اني فكري بعقل ومنطق شنو السلبيات والايجابيات لو تزوجتو
وبالنسبه للشكل ما يهم

الله يوفقك لما فيه الخير

السلام عليكم

انا اسفه طولت عليكم مع انه قلت اني راح ادش و ارد عليكم بس ما قدرت بس الصراحه الله يعطيكم العافيه لدعمكم لي و ارائكم ساعدتني كتير عشان قراري وانا اتخذت قراري خلاص بالرفض والحمد لله وفهمت اهلي سببي الي رفصته فيه وقلتلهم اني مو مقتنعه واهم كل مره يجلي عريس وارفضه يقولولي على كيفج بس هالمره كانت صعبه اشوي عشان كان عاجب جزء من العائله بس بالاخير قالولي انه هذا حياتج واني حره فيها الله يخليلي اهلي ويوطول بعمرهم يارب والله يرزق الشاب البنت الي تستاهله ويرزقني انا بعد الشخص المناسب والزوج الصالح ان شاء الله .


ويرزق كل بنت مسلمه الزوج الصالح امييييييييييييييين يارب


ويسملو بنات على مساعدتكم لي واشوفكم على خير ان شاء الله

حبيتي صلي صلاة استخاره والله يكتبلك الخير وبالتوفيق

باختصار اذا حسيتي نفسك مانتي مقتنعه فيه لاتضغطي ع نفسك ياقلبي والنصيب بيد الله

وزي ماسخره لكي اكيد بيسخرلك غيررووو والله يوفقك ويقدم لك المولى النصيب والزوج الخيرر