التجمع الخامس لحوامل شهر شباط فبراير 2011

هنوف المملكه;14201089:

خل احط لكم تقريري لاول امس وعقبها تقرير ليوم امس

اول امس

طلعت العصر
رحنا السوق الشعبي
خذنا فررة على جم محل عشان نجوف طقم الضيافة
اخرت الدلال والصينية
بس الاستكانات والفناييل ما لقيت شي عدل

رحنا محل اسمه بيت النجوم
على شارع الخدمات بعد مالقيت عندهم شي عدل

رحت محل فرحة ام
حصلت عندها بارز بس المشكلة انه طقم ويا بشت وآنه ما ابغي البشت
قلت لها تفصل لي تتوقعون متى يبرز ؟؟؟؟
عقب اسبوعين >>> ليش ؟؟؟ تقول وااااااايد عندها زحمة ... يالله شنسوي
لازم ننطر

رحنا المغسلة >>> عشان استلم طقم البيبي اللي شريته من السعودية
خليتهم يغسلونه لي مافيني شده :)

رحنا محل ورود >> نتعامل دايما وياه
عطيناه الستاند والاغراض اللي شريتهم للتزيين وخليناه يزينه
مافيني شدة بعد
مع اني قلت بأفترغ له وبآزينه ... بس كللللش مالي بارض

و في رجعتنا للبيت ولدي قال يبي بيتزا :)
مرينا بيتزا هت
قلنا خل نجرب العرض مال اول ان ون بوكس
بس للاسف ما كان حلو :(

فتون11;14200419:
خخخخ 90 الف بهار مدري وين بتحصلين البهارات ..كل بهار من وادي بس ولا يهمك اقول ليك الطريقه لانه يسوي تدورين بهاراته كلللللش لذيذ ومطلوب مني دايما اسويه

المهم خيو .. صدر دجاج مقطع + بهارات الثوم( اني اخدها من وحده تسويها من البيت تقدرين تستخدمين نص ثومه مدقوقه مع ماجي .. هو بهار فيه طعم خفيف للثوم من جدي يعجبني واخده :'(من عندها ولانه ما احب اقشر ثووم )+ زنجبيل رشه بس+رشه باربيكا + رشه بهار ماسلا (بهار هندي )

لما يستوي نص سوي الدجاج احط الخضار وبعدين عليه بهار تايلندي مدري ويش اسمه خخخ اختي تجيبه لي براويك صورته وهو سر طعم النودلز ..
وشويه ملح والباقي معروف ..

أم مــــــلاك;14200523:
صباح الخير
شخباركم
حشى ساعة إلا ربع و أني أقرأ الواجب:| دار راسي
مشكورين اللي علقوا على قصة ولادتي و فرقودة ترى محد يقدر يوصف الألم صدقيني مهما وصفتينه ما راح تعطينه حقه و راح تمرين بهالتجربة و تفهمين قصدي، بس الصدق احنا كلنا خواتي صبورين في هالموضوع يعني بس نتعوصر ما نقعد نصارخ و لأن في معلومة تقول إن أصلاً الصراخ بصوت عالي يزيد الألم :worn_out: فأني كلما جاني الألم قعدت أتنفس بعمق و أمسك أي شي يمي بقوة<< أخخخخخ ذكرتيني بالذي مضى
سقاني, حلوووة فكرة التوزيعة و الله يعينش على هالمرة الحمي
أم فاطمة, الله يكون بعونش و يخفف عليش و يتمم لش على خير
هنوف, إي صورت ولدي بس الصور طلعوا مو واضحين خخخ بس على الأقل في إليه ذكرى :D
يارا, ما عليش شر إن شاء الله، سوي لش حليب بالزنجبيل و حطي بدل السكر عسل

سقاني من قربه الالم;14200572:
اي والله الواجب طويل طويل طويل

بس قريته لا تخافون

صباح الخير صبايا

شخباركم مع الثقل والتعب

فتون11;14200807:
يوووووووه ساكتين .. ماااافيه احد يهدر

فتون11;14201138:
بكم اسعار اطقم الضيافه خيو ؟

وفرحه ام شفتين عندها جلابيات استقبال حليوه؟
واجد بتتاخر عليك بس ويش تسوين ..
زين سويتين وديتينهم مغسله اصلا ما فيه وقت ..
وفي وين محل الورد هذا وبكم اسعارهم ..

وعليك بالعافيه وزين خلصتي كم شغله

نص دكتورة;14201178:
ماتبين الصورة
جان قلتي عن التايلاندي
توها صديقتي جايه من هناك هههههه

ماليكم الا التنفس العميق
ترى يخفف الالم

لاتجلطيني
اقعد من النوم بسبب الم الجوانب


انا ابوي سماني ادم
واليوم طلعت ونورت العالم
بعدتعبت تسعة اشهر جيت سالم
استبشروا وهنوا امي ياعالم

هنوف المملكه;14201188:

تقريري ليوم امس

كان عندي موعد اول مراجعة في العسكري>> بحكم اني بأولد هناك فلازم اراجعهم على الاقل مراحعتين قبل الولادة

بصرااااحة وااااااايد زحمة وتعب ... من 7:30 ما يا موعدي الا 10:30

المشكلة ما اجوف اني فيه حركة على هالزحمة
يعني الكل قاعد .. ومافي الا غرفتين ينادون عليهم
انزين وباقي الغرف؟؟؟

المهم نادوني حق الوزن
ويبت معاي ملفي من المركز طبعا
رجعت لي الفايل قالت سلميه الدكتورة لين دشيتي عليها

المهم دخلت عالدكتورة >> شكلها باكستانية
سألتني الاسئلة العبيطة الاعتيادية >> متى اخر دورة.. جم ياهل عندج ... و ... و...و
قالت ليش ما سويتي تلفزيون؟؟؟
قلت لها محد خبرني ؟؟؟ قالت ...لا عندج موعد حق تلفزيون روحي الحين خل يسوون لج
حطيت ملفي في غرفة التلفزيون والغرفة فاضية ما فيها مراجعات ... وبعد ما نادوني الا عقب ربع ساعة :(

المهم ... انسدحت عالسرير .. وكانت بعد الكتورة هندية او باكستانية ؟؟ مادري والله يتشابهون:)
بس حبيتها والله ... طيبة وحبوبة
حطت الجهاز وتمت تتمقل ربع ساعة .. وانا ما غير اناظر بوجهها وفيني حومة ابغي اجوف انه بعد :)
ما قدرت اسكت ... قلت لها >>> كان آآآآي سي
قال>> يس لحظة بس

المهم ...قالت اهو صبي >>> قلتها يس ادري (( مايبتي شي يديد)) ههههه
وفرت الجهاز علي ... وراوتني كل شي بالتفصيل وعلى رواق
حسيتها احسن بمليون مرة عن منى الشرقي :(
صج ان جهازهم مب واضح ذاك الزود بس راوتني وشرحتلي كل شي
الراس .. الويه .. العيوم كانو مبطلين و بوزه بعد .. كان كل شوي يحط اصابعه في حلجه ويطلعهم
قمنا نضحك عليه ... تقول شكله يوعان
راوتني قلبه ... وشلون كان يدق.. فديييييييت قلبه
والبطن والعمود الفقري

وعقب ريوله

وآخر شي سامانه :)

وعقب دشيت عالدكتورة مرة ثانية .. قالت كل شي اوكي الوزن والحجم والحركة
وعطتني موعد تاريخ 25-1 >> حسيته بعيد لان المفروض في التاسع المواعيد كل اسبوع ؟؟؟

وعطتني تحليلين دم
رحت المختبر واشوه كان زحمة بس الارقام تمشي مب نفس المركز .. تنقعين

جا دوري بس اللي خذت لي الدم شكلها توها متدربة
دخلت الابرة وتمت تحوسها داخل يدي ... وأنا ما غير اقول اااخ وااااخ اقول يمكن تحس
الا تقول تعورج ؟؟؟ اقول لها اييييييييييييه

خلصت الاولية ... وردت نفس المشكلة مع الغرشة الثانية

المهم ... خلصنا ع خير ... وطلعت
اتصلت في رفيجتي ... قلت لها يسوى اداوم هالحزة والا ....؟؟؟

قالت ولا يسوى ولا شي ياعمري
قعدي في بيتكم وانثبري لج احسن

مريت برجر كنج خذيت وجبة >>> كنت حدي جوعانه (( ما عجبني اكلهم))
رحت بيت عمي ... نطرت ولدي يرجع من الروضة
رحنا الشقة ... غديته ونام عالساعة1

العصر قام ريلي يكمل باقي صبغ الغرفة
وباقي له تناتيش انشالله يكملها على هالاسبوع >>> خبركم يبغي اهو يصبغها
مايبي يجيب هنود :(

صج يا بنات
الحمد لله الغرفة بدت تتشطب >> من ناحية الصبغ
شكلي بأتفرغ لتاثيها عقب الولادة
أهم شي نخلص الصبغ .. وونرجع لها الاغراض اللي كانو فيها
بس طبعا نرتبهم مب نفس قبل

عشان اتفرغ واشطب الشقة قبل لا اولد
لان المطبخ حاليا الله لا يراويكم اياه
كل اللي كان في الغرفة انتقل للمطيخ

ايغي افتك بسرعة ... عشان احك المطبخ حك والمعه عدل
وعقبها اتفرغ لباقي الشقة
وتكون نظيفة قبل لا اولد :)

الله يعين بس

قلت قصة حياتي
بس ادري بكم متمللين ماعندكم شي
اقروها .. وخففو عني شوي:)

نص دكتورة;14201257:
شابكه من وارد النساء والولادة وسط الولدانات والحوامل هعهع
شرايكم في فلم الرعب؟

فتون11;14200997:
عندي مسج بس مو مثل ما ابغي شوفوا ..

لاحضان امي انا جيت
وبأسم ادم انا تسميت
جيت وبنظم لاخواني
وبنصير شموع هالبيت ..

هذا ثاني..

انا ادم و ابوي سماني
وعلى هلي نورت البيت
جيت وبنظم لاخواني
وبنصير شموع هالبيت

يحتاج بعد تعديل:woo: طبعا كله سرقه من عندكم ..خخ

موجة غرام;14201314:
امتحاني تاجل الى وربع قلت اشبك من الموبايل واسالكم
الخميس الي طاف تعبت وايد من ركبت الدرج في الجامعه ومن يومها البيبي ماينام بالمره دائما يضرب ويتحرك يمكن ينام بس وقت الي اكون نايمه ومن اقعد احس بضرباته مو بس حركته ضرباات وعندي الم يروح ويرجع في نهاية ظهري واحيانا نهاية بطني وتحت بعد
ورجولي اليسار تالمني عدل ماقدر امشي منها امشي مثل العوجه احد عنده خبرره ياريت تفيدوني:(

سقاني من قربه الالم;14201317:
اي الثاني حلوو

حبتين :thumbs_up:

هنوف المملكه;14201253:

الصينية بـ 22
والدلال ثنتين بـ 18

وبالنسبة لفرحة ام >> :( للاسف ..بس دشيت فصلت وطلعت لان ريلي كان ينطرني في الشارع ويا ولدي

المحل في جدعلي اول ما تدخلين جدعلي ... تمشي شوي بتجوفينه صوب باباي على يدج اليمين ... ما اعرف شسمه :)
آنه كنت ناوية ازينه ورد طبيعي ولين ذبل وابدله واحط صناعي
بس ادري حزة الحزة ولين بدى الطلق ما بسوي شي ... وريلي بعد احسه بيتوهق حزتها وما بيسوي شي بروحه

فشريت ورد صناعي سادة من السعودية ازرق وابيض واغراض تزيين
عطيتهم راعي المحل وزين لي الستاند وصينية وحده بـ 3 دينار بس

عطيته بس صينيه وحده ... يازعم انه بآشتغل عالثلاث الباقيين
:)