التجمع الخامس لحوامل شهر شباط فبراير 2011

الفرقد 23;14197289:
ههههههههه ان شاء الله

اني من رايي روحي الستي مرة وحده الان فيه سنتر بوينت وفيه مذركير
ومرة وحده في السينما خخخ الان بنتش تبي تروح السينما خخخ عشان مو كلحين تروحون مجمع خخخ

أم مــــــلاك;14190131:
صباح الخير
شخباركم اليوم ويش مسوين
ههههههههههه ضحكتوني صبايا اللي قلتون بتحطون الكاميرا على الجارج من الحين ههههههههههههه انزين حتى لو فولتونها و ما استخدمتونها بعد تستهلك جارج يعني عقب اسبوعين بتشوفونها بدون جارج هههههههههههههههه، جرجوها أول ما يبدي عندكم الألم أو تبدي بوادر الولادة أحسن

أم مــــــلاك;14190282:
هلا يارا و سقاني و فتون صباح النور و السرور، أني بخير و الحمد لله
_________________________
قررت اليوم أقول إليكم تجربتي في الولادة، يعني متى انطلقت إلى المستشفى
أولاً أني كنت متأخرة أسبوعين عن موعد الولادة، و عن جد كانوا أطول أسبوعين في حياتي، بس هو التأخير لحد أسبوعين طبيعي ما يكون أكثر
المهم بدأت وياي الآلام و كان ثاني يوم من شهر رمضان ،ما قعدت لصلاة الصبح إلا وياي ألم خفيف كأنه بداية ألم الدورة فما تتخيلون فرحتي:) لأن هذا بالنسبة لي فرج بعد طول انتظار، و لما دخلت الحمام تكرمون أتوضأ شفت تنزل مني خيوط دم بنية فتيقنت إنها بوادر الولادة و ظليت على هذا الحال إلى المغرب مع ألم خفيف يروح و يرجع، عقب الفطور طلبت من زوجي يسوي لي حليب بالسمسم و الزعفران و ظليت أشرب كوب ورا كوب، يمكن شربت 3 أكواب خلال ساعة:D، في الليل على الساعة 11 تقريباً صار يزيد الألم شوي شوي و طبعاً طول الليل ما قدرت أنام لأن من انبطح يزيد الألم فظليت طول الوقت بس أتمشى في الشقة و على الساعة 2 زوجي العزيز تعب و راح في سابع نومة:thumbs_down: و أني بس أفتر في الشقة و إذا تعبت أقعد أريح شوي و أرد أقوم أمشي و هذا حالي للصبح:hysterical:، و بعدين على الساعة ست الصبح بدأ الألم الحقيقي و بدأ مع الطلق ينزل شوي ماي و طبعاً كنت حاطة فوطة صحية و أبدلها كل ساعة، و واصلت المشي في الشقة لأن أحس أهون من القعدة أو البطحة و من يجيني الطلق أوقف ما أقدر أتحرك بالمرة من شدة الألم :'(و ظليت متحملة الطلق لأن حاطة في بالي إني ما راح أروح المستشفى إلا لما يصير الطلق عندي كل 10-5 دقايق علشان ما يمللوني بالكشف كل شوي :worn_out:و فعلاً هذا اللي صار، انتظرت إلى الساعة 2 و نص الظهر :clock:و صار عندي الطلق كل 5 دقايق تقريباً فقلت لزوجي خلاص بروح المستشفى، طبعاً أول ما وصلت عطيت بطاقة الوزن حق الممرضة و كشفت علي و كنت جداً هادئة يعني ما يبين علي ولادة << صبورة البنية خخخ ، طلعت متوسعة 7 سم و سألتني من متى ينزل علي الماي و أخذت وزني و على طول أرسلتني غرفة الولادة، في غرفة الولادة قاسوا ضغطي و حطوا علي المغذي و جهاز التخطيط و قعدت الممرضة تسألني كم سؤال لين وصلت 10 سم و شالوا عني المغذي و جهاز التخطيط حتى أذكر لحظتها لما سألتها كم وصلت قالت فُل طاحت دمعتي من الفرحة:'(، و أخيراً بشرّف البطل و بشوفه، على الساعة 3:40 الظهر شرّف أحلى نونو للدنيا و عقب خمس دقايق نزلت المشيمة و عقبها بدأ مشوار آلام الخياطة اللي تعذبت منها:'(، حتى من كثر ما تعذبت من الخياط دائماً أقول ألم الولادة يمكن أنساه لكن الخياط مستحييييييييييل أنساه كان عذااااااااااب مو طبيعي و اللي قهرني ان الممرضة تخيطني و يمها ممرضة ثانية قاعدة تسولف و تطالعها شلون تخيطني :mad: جيف على بالهم احنا سبيل 8o|
اللحظة اللي ما أنساها لما جابوا ولدي يمي، أدري إنه بعده ما يشوف عدل بس ياااا الله شنو نظراته أسرتني، حبيته في جبينه و حضنته و كانت هذي أروع لحظة :thumbs_up:
الحمد لله رب العالمين على نعمة الأمومة، الله يرزق اللي ما عندها و اللي تتمنى ياااااا رب
يا ربي لا تحرم أحد هذي النعمة العظيمة

سقاني من قربه الالم;14190817:


بنات شرايكم في هالتوزيعه

سقاني من قربه الالم;14191529:
بنات عندي مشكله مع مرت اخو ريلي << ماعرف شنو يسمونها

هي ولدها اكبر من عبدالله ب 5 شهور


ف من كان ولدي صغير حاطه العين عليه

اول شي لما كنت انزل وانزل عبود اقعد العب معاه واسولف معاه مع انه صغير صج مايفهم بس يحس

ف كانت تقولي ياحيج تكلمين ولدج انا مادري ليش ماكلمه >>> يه صعب يعني تكلمينه

ولما تشوفني ملبسته بنطلون تقولي توه صغير ولما البسه جوتي تقولي مب زين عشان ريوله << شدخل جواتي الصغار كلها قطن ولا خامه خفيفه

لما كبر شوي قام يمسك الاشياء بيده وولدها للحين ماكان يعرف يمسك ف عمتي قالت لها جوفي الاصغر من ولدج يمسك وولدج لا وسوتها سالفه وزعلت وودته المستشفى عشان يشوفه الدكتور ومادري وشو

ودايم تسالني وش تأكلينه ولدج صحته زينه جان زين ولدي جي والثياب تطلع عليه حلوة

حتى قمت اخاف ياكل جدامها

والحين ماشاء الله عليه يتكلم وكلامه مفهوم وولدها للحين مايتكلم عدل ف اطالعه على الوحده حتى ودت ولدها المستشفى تبي تشوف ليش عبود تكلم وولدها للحين

اقولها ترى هالشي يختلف من ياهل والثاني بس مافي فايده والله جننت الدكاتره اذا شافت واحد اصغر من ولدها وسوى شي قبله على طول تروح المستشفى توديه

حتى الدكتور تملل منها وعطاها رقمه قالها اذا في شي اتصلي مافي داعي تجين

قمت اخاف على ولدي والله ماعرف شسوي معاها

نص دكتورة;14192452:
البارحه زوجي فتح اليوتيوب وشاف ولادة قيصري


وكسررررررررت بخاطره

قلت له هذي يقصوا وانت مو حاس


عجل لو تشوف الطبيعي


اللي الالم تحس به طول الوقت هههههههههههههه


كسرت خاطره مره


هههههههههههههههههههه


يقول الالم بيعطوكم حق الالم


قلت له اني ماباخد لانه كل طلقه باجر شهيد


ولا باخد شي عشان الثواب

تحسيه شوي ويصيح ههههههههههههههههه


اخر شي يقول الحمدلله اللي خلقني رجال ههههههههههههههههههههههههههههه


قلت له عشان تعرف اني انسانه طيبه


والمثل يقول كل حمل واخره ولادة ههههههههههههه


واخر شي من التفهي والنعس اني وهو نقول خلاص بخليه في بطني ولين جى يخطب بطلعه هههههههههههههههه


وتوفير الاكل واللبس


تحسي فهينا من النعس

نص دكتورة;14192865:

:

:

:

:

:

:

هههههههههههههههههههههه


عجبوني

طوق الزهور;14193101:
كروشات ايش رايكم في هذا المسج عجبني كثير احسه جديد
بينما كان في احشائي وبالقرب من قلبي
اصبح في احضاني وامام عيني
(ابنتي او ابني) ابصر النور اليوم وها هو بين ذراعي ولله الحمد

نص دكتورة;14193810:
اشتهيت اروح البحرين


اخر مره رحنا الضهر ماجت المغرب الا احنا في البيت


مشيت ساعتين في ستي سنتر وخفت من الالم اللي جاني اني اولد قبل اواني ورجعت ههههههههههههههههههههه

~ أم فاطمة ~;14193857:
سلام عليكم ... شخباركم ...

بنات أدعوا الية وقت صلاتكم , الله يخفف عني هذي الحموضة و الاستفراغ ...

اليوم تعبانة من الليل كلة حموضة ذابحتني و الصبح قمت رجعت و الحين كلش تعبانة على الرغم اشرب دويات الحموضة و الترجيع ..

لاتنسوني من الدعاء :'(