yasema142;14231167:
وعند انوش الخبر اليقين
تسلمي ياحبيبتي
انوش عملتي ايه امبارح في جو المطر و الهوا ....
انا بصراحة خفت من الريح كانت قوية
ربنا يخليكِ ياقمري :L:
يوم الجمعة قضيته فالبيت الجو كان فظيع اتفرجت على ماتش مصر وكينيا في دورة حوض النيل ومتابعة احداث ثورة تونس
بس سبحان الله امبارح السبت كان مشمس جدااااا :DF:
yasema142;14231203:
اي منتدى تاني؟؟؟
ايسنس مين قال انها وحشة
مش صح طبعاااا
اولا الماركة دي بتتوفر باسعار ثابتة في كل مكان
واسعارها معقولة جداااااا
وانا جربت منها الموس فونديشن وزي الفل .....وجربته بنت خالي وجربت ميبيلن عجبها ده اكتر
وجربوه صحباتي وكلهم اتجننوا عليه
فيها حاجات كتيرة جميلة ومين قال انها للمرراهقين .....واصلا اي ماركة للمكياج للمراهقين وللمسنين و للصبايا ...مش كلام سليم ابداااا الكلام ده في مجال العناية بالبشرة بتفرق من سن ل سن
اما ميك اب مممكن حسب اختيار كل حد بالالوان
عندهم كوليكشن العناية بتاع الضوافر حلو ....عندهم التوب كوت بيدي قوة وثبات ولمعان
الميك اب انا عجبني منهم الكونسيلر القلم طري ...ومريح في الاستعمال وتغطيته حلوة
وكمان الفوندنتان .....الموس هايل بجيجي ب 3 درجات
عندهم الباودر البرونز حلوة ...
روج وجلوس مش جربت لاني بحب المت .....
ايه كمان مناكير الفرنش فرشته رفيعة جدا كش هاتلاقو ده عن اغلب الماركات
اممم و احسن حاجة ان سعرها محدد يعني مافيش مجال يلعبو على حد في الاسعار
وعلى فكرة دايما الاستاند بتاعهم فاضي من الاقبال عليه ....وكل مابيتملى مابيلحقوش
وبيكون اغلبه فضي
سارة ازيك ...ياقمر اخباروناتك وحشاني انتي وكلامك الجميل و صورك العثولة
بموت فيكي بجد
من خلال قراتي لمشاركاتك بحس ان اغلب ارائنا متشابهه جدا خصوصا توضيحك للتفاصيل
بخصوص وصفك للروج المط انه لازم يبان اكن دا لون الشفايف الطبيعي ويوضح تفاصيل الشفايف هو دا اللي خلاني اعجبت بروج جوردانا ان هو عمل اللي بتحكي عنه
لما احطه احس اكن دا لون شفايفي الطبيعي ومش بيعمل تغطيه لخطوط الشفايف بالعكس بيظهرها بشكل رائع وطبيعي ونفسي الاقي منه درجات تانية
اما عن الماركة الجديدة ايسنس انا مش شوفتها ادامي وعشان كده متابعة كلام البنات في صمت لحد ما اجربها وانا واثقه جدا برايك
طيب الكونسيلر بتاعها ثابت يعني مش بيسيح ولا ايييه ؟؟
وبشكل عام انا نفسي في كونسيلر يغطي معقول واهم حاجة مش يسيح ولا يتكتل في الخطوط الرفيعة اللي تحت العين لو تعرفي منتج كده قوليلي عليه
وايه رايك في تغطية الموس فاونديشن من ايسنس ؟
ميااااااده;14231174:
بنات صحيح مرطب شفايف لابيلو حلو وهل بيدى لون للشفايف بفكر اجيب الكريز ايه رايكم
ولا اجيب اى زبده تانى اصل لونا عندى ومش حباه ياريت اليه يقولى على حاجه تدى لون
ونعومه وتكون مستورده
بوصي ميادة انا جبت لابيلو فالفيت روز كان الكل بيشكر فيها بردو وبيقول عنها شعر وطلعت حجرررررر اكنك جايبه روج من بتوع زمان ابو جنية ونص الحجر دا وبتحطي منه
ولا ترطيب ولا شكل ولا لون وندمت ان جبتها وكان مصيرها ان سيحتها مع تندر كير عشا تتطرى واعرف استخدمها
فا من الاخر مباتش اقتنع بأراء الشكر الكتير في المنتجات بالمواقع العربية خصوصا بعد الهوليله اللي عملوها على بينك شوجر وطلعت اقل من العادي ومعجبنيش لان كنت رايحة اجربه وانا في دماغي مستوى معين من خلال كلامهم وطلع اقل بكتيييييير من المستوى اللي كنت متوقعاه
وبردو ماسكرا مايبلين الصفرا قالو عنها كلام اكن مفيش زيها وطلعت مقلب
وعايزة اقولك ان في مشترياتي الجايه هوريكي البرايمر بتاع اوريفليم لان قررت اشتريه الشهر دا عشان اقطع الشك باليقين واجربه بنفسي مع ان مكنتش مقتنعة بيه بس قلت 26 ج مش حكاية بس اتاكد بنفسي ومن تجربتي الخاصة
والله العظيم نزلت بيه الفاونديشن ساح من فوق شفايفي ومنطقة التي زون كلها بعد اقل من ساعة ونص فالشارع واصلا عمر الفاونديشن ما يعمل معايا كده فالشتا مستحيل يسيح مهما اعدت فالشارع واللي خانقني ملمسه كريم او لوشن تقييييل !!
بعد ما احطه احس وشي مرطب زيادة عن اللازم ومش متقبل فوقه اي فاونديشن فا بنسبالي مقلب جامد ومش هيتكرر ابدا خصوصا بعد ما جربت بتاع ايفون وعرفت الفرق بينهم ..
اخر الكلام المنتدى التاني اغلب اللي فيه بيفتو واحده بتحط صور منتجات وبتكتب عليها شرح الشركة للمنتج لا هي جربته ولا اشترته والكل وراها امين
وانا اتاكدت من الكلام دا فاكتر من ماركة واكتر من منتج حتى في وصف منتجات اوريفليم مبالغ جدا واغلبيته غلط زي مثلا واحده قالت ان الكونسيلر 3×1 تغطيته عاليه وثابت اعرفي وش انها لا جابته ولا حاجة مجرد كلام مرسل لان دا سيء جدااا ومالوش اي تغطيه وعايز بشر جافة وهيسيح معاها كمان انا جبته ومستخدمتهوش
ونفس الشخصيه قالت ان روج باور شاين ثابت جداااااااااااا
والله دي لو كانت عملتله تست بس مش هقولك اشترته مكانتش قالت الكلام دا وكل اللي اشتراه عارف ان الروج الباور شاين مش بيعد نص ساعة على بعضها هو ميزته في لمعته الرقيقه ونعومتة لكن ثبات مفيش نهاااائي بيطير لوحده
yasema142;14231210:
لا بيلو ونيفيا وكل الليب بتر مش بتدي لون ولا حاجة .....هي بترطب اما اللون يعني عايزة مجهر عشان تشوفيه
لان كمان بيفرق من لون شفايف وتانية
انتوا عايزين حاجة تدي لون للشفايف ولا ايه يعني زي التينت بتاع بنيفت ؟؟؟
وياللالا نقوم نصلي الفجر
صباحكو جميعا كله خير وراحة
نصبحو على خير
انا جبت من لابيلو فالفيت روز بناء على شكر كتير من البنات فيها ولقيتها فاشلة لا ترطيب ولا لون
واحلام سعيدة ياقمر باذن الله F:
