بوصي حبيبتي هقولك حاجة بالنسبة للميك اب ومنتجات البشرة او الشعر انا بكتب تجربتي معاها واللي بيسال بقول تجربتي
غيري بئه يعجبه او لا دا شيء مش يخصني نهائي انا بقول اللي عندي وبامانه وبس
انا بشرتي عاديه بس التي زون هي اللي مدوخاني فالحر تدهنن وفالشتا لو مهتمتش بيها تنشف شوية والبيس دا لما استخدمته ارتحت عليه ممكن غيري تقول عكس كده بس مش يهمني لان اللي يهمني انه مناسبني انا وعلى فكرة انا في الشهور الاخيره طبيعة شغلي بتكون ساعات طويلة فالشارع يعني مثلا من 11 الضهر لحد 7 بليل وبتالي انا ادرى واحده اذا المنتج دا كويس او لا من خلال استخدامي ليه وبردو بيتختلف من استخدام للتاني ومن بشرة للتانية
الموقع اللي بنكلم فيه ف ت ك وكملي الباقي لو عارفاه هههههههههه
الموقع دا انا بدخله للتسويق والتجارة لكن كا مشاركة وتفاعل صفر عالشمال لان اللي فيه مش برتاحلهم من ناحية التجارب والاراء بحس ان لما حد يقول حاجة الكل وراه أميييييييين طب اخر الحجات اللي تزهق امبارح بليل دخلته ابص لقيت واحده بتقول ان تغطيه لوس بودر اوريفليم عالية عن الكومباكت بودر (( لا تعليق ))
الروج ياقمر انا كتبتلك قبل كده درجاته في التجمع ونزلت صوره F:
القلم اللي بيتبري صورته اهي
ودا قلم الروج
الفرق بينهم
القلم اللي بيتبرى كريمي شوية ولونه لحمي
انما الروج الصباع لونه على اورانج اكتر ومط ودرجته اسمها ناتشورال وانا عندي صورة مصوراها بالروج دا وادي لونه عالشفايف
ميزتهم هما الاتنين مش بينشفو الشفايف ولا يخلوها تقشر خالص وانا اصلا شفايفي حساسة جدا وللاسف لما كنت استخدم روج مفيش ساعة الاقي الطبقة الخارجية تنشف وتقشر ودا كان بيحصلي مع اي روج بستخدمه قبل ايفون وجوردانا
يعني اماندا وايفر بيوتي وماكس فلاور و تشاو كل دول بينشفولي شفايفي بطريقة بشعة
