تجمع أمهات البحرين لشهر صفر

صباحكم الخير

قلبي

يا ربي زيدتيين خوفي
بروحي اني خايفة من هالشي حدي

كله اتخيل ان بتي بتعاند و بتضريها المعلمة

او ينسونها في الباص

در
ايي صدق اسأليه


ام علاوي نفس مأساتي

السلام عليكم
شخباركم ؟؟

قلبي عن غيره تسكر;14180446:
هلا وغلا شخباااركم وحشتوني كلكم
صار لي جم يوم مادخل اسولف وياكم
سولفتون في كل شي وفاتني
سواء عن عمر اليهال في الروضات نواره دخلت عمرها 3 سنوات ونص يعني سيده كي جي 1في مدرسه الروابي
وعن سالفه الاماكن الحساسه اشوه نوراء ماتعلمت هالحركه كانت بتتعلمها بس من الخزره تخاف والحمدلله ماتعبثت هههه
وتكلمتون عن سالفه المشترى شقول يعني احس الكبت في بيت اختي وبيت ابويي يقول خلااااااص افرجوا سراحي تعبت من الحمل
وبعد في شنط
امها من النوع الي كل تتشرى حقها وماعندها الا اهي واني من صوب ثاني اتشرى من اجوف شي
وامي وابوي من صووب يتشروون كل يوم ماطلعوا واتشروا ليها
ومرت خالها اذا جافت شي حليو خذت ليها ولبنتها مثل الشي
يعني طفل الكيل عند الكبت لو على مزاجه فجر نفسه هههههههه

الموووهيييييييييييييم

بقولكم سالفه الله يسلمكم بت خالتي قبل سبوع كانت في السيف تتريق ويه البنات
طبعا كان في روضه يايبينهم يلعبون
تقول من الي جافته حرمت تودي ولادها اي روضه لازم تدقق على كل شي قبل لا توديهم
سلمكم الله تقول كنت اتريق قاعده واجوف هالمدرسات هادين اليهال يلعبوون بروحهم واهم ثنتين قاعديين
وكل ياكلوون
كل مايه ليهم ياهل زفووه وطردووه
ويه ياهل مادري شيبي قامت دزته وضربه الكرسي على راسه وتم يصيح ولا افتكرت فيه وتمت تسولف
تقول واني اطالعها اقول مادري اقوم ازنطها من رقبتها قهرتني بس ماليي حق وش اسوي
(( بيني وبينكم بت خالتي خيشه تحرق في روحها ولا تتحرك)) تقول عقب جفت ياهل يصيح ميود بوزه ووقف صوبه صديقه طلع كلينكس من مخباه مسكين وحطاه على بوز صديقه طلع منه دم ووداه حق مدرسته ولا افتكرت ولا سوت شي زفت الياهل زف وهدته يولي ومسكين صاح صاح وراح يلعب ويه اليهااال

يعني شنو من قلب على هالمدرسات الي من هالنوع طبعا في مدرسات ينحطون على الجرح بس في فئه منهم ماعندهم قلب
ولمن قالت حقي عورني قلبي لو اني هناك نتفتها تنتف من القهر

شرايكم انتووون في السالفه؟؟

قلبو : السالفة ما يمبى ليها راي أكيد ضد وعلى ما قلتين لو كانت المعلمة صوبي نتفتها بيني وبينش أني هادئة كثيير قدام العالم ومو اجتماعية بالمرة وسبق وخبرتكم در عني هالشي بس أبدا ما أسكت عن حقي وقتها أصير حربييية خخخ وأنسى طبيعتي الهادئة ;) ، بس صدق هالمعلمة شنو من قلب عليها ، ما أدري شلون ما تخاف من المسؤولية ، اوقات صح المعلمة تفقد أعصابها من ضغط التدريس وشطانة الأطفال بس مو بالضرب مهما كان الأهالي يعلقون على كل شي ومايرضون على أولادهم ، و بغض النظر عن سالفة المسؤولية والرقابة الذاتية اللي المفروض تخليها تخاف من الله قبل كل شي لأنهم أمانة في ايدها ، ما فكرت ان الجاهل بكل بساطة ممكن يفتن عليها عند أمه ؟ ؟ ؟

ما علينا تذكرين لما كلمتيني على الخاص وقلت ليش ان محمد أول أمس كان مثل المتمرض ورافض ياكل بالمرة وكل ما نسأله في شي يعورك يقول لأ وبس يصيح معظم الوقت ؟ يوم ثاني قعد من النوم طبيعي كلش مع ان احنا كنا نحاتيه وااجد كان نفس المتهضم او فيه شي بس ما يمبى يقول المهم بالصدفة الا هو يسولف ليي : ان المعلمة كانت بتضرب ولد كان مسوي شطانة وقاعد جنبه وهذاك الولد نفذ بجلده وتباعد والضربة جت على راس محمد المسكين :( يقول ليي في الروضة عورني وفي السيارة ويوم جينا البيت بعد ! ووقتها قلت ممكن يكون هذا هو سبب حالته الغريبة مع انه ما كان متأثر ولا متضايق من المعلمة وهو يسولف كان عادي كلش :confused::!!: والأبو لما درى بالسالفة ما رضى يسكت ولأني أعرفه طبعه بسرعة يعصب فقلت ليه لاتهاوش اول افهم السالفة عدل من المعلمة بس ردت علينا معلمة غير وكانت جدا لطيفة واسلوبها حلو في التعامل وقالت انها ما تدري بالسالفة وبتشوف لأن هم يدرسونهم أكثر من معلمة مسووين مثل نظام المدرسة كل مادة معلمة غير وللحين ما ندري بالقصة :!!::confused: أني لما شفته صار عادي خلاص مطوفة السالفة لأن ما أحب أكبر السوالف خاصة ان السالفة عدت . بس قلبي فتحت لينا بسالفة بت خالتها موضوع وهذا خلاني افكر انتون هل تتقبلون ان ولادكم ينضربون في الروضة او المدرسة لأي سبب كان ، هل تعذرون المعلمة مثلا أو ما تتقبلون بالمرة وهل ضربة خفيفة على اليد بمثابة تنبيه أو عتاب من المعلمة للطفل بمثابة ضربة عودة قدام باقي الطلاب ؟ ؟ او أنكم في كل الحالات رافضين السالفة بالمرة ؟ ؟

~ ZainaB ~;14182503:
السلام عليكم
شخباركم ؟؟

هلا زينب ، وعليكم السلام ، ايه تركي عنش الملل ودخلي ويانا في السوالف :)

أمبى أجوف ردودكم و أعلق عليهم ، بس حاسة روحي يمبى ليي شوية غدا جان أجمع شوي :cool: ، البارحة المدربة اتصلت فيي على تسع ونص في الليل تقول ليي باجر اللي هو اليوم بتبدأ ويايي تدريب وانزحمت زحمة عدلة وما دخلت البارحة ولا اليوم الصبح ، خخخخ زوجي سوى عليي حظر ممنوع استخدم الاب الا لين جهزت كل ثيابي وثياب الجهال من الليل ولا يفوتكم مثل ما توقعت جني فاقدة الذاكرة ولا كاني متدربة جم ساعة من قبل :thumbs_down::worn_out: أبو الاحباااط ، المدربة وااااجد حليووة ولطيفة وما تعصب بس جان ما تعتزل المهنة مني :D ولو أني حسيت روحي وحتى هي قالت ليي اني على آخر الوقت بديت أصير أحسن :p يلا الطريق الى المجد يبدأ بخطوة :D ( أبرر حق روحي من الفشيلة ) دعواتكم بالتوفيق :adore:

برررب للغداء ! !

ع فكرة كلام قلبو صح ، عندنا روضة قريبة من بيت ابوييي
ومن كم اسبوع امي طافت ع الروضة وبما ان حديقة الروضة تطل ع الشارع
سمعت المعلمة تقول للأطفال - ألعبو عدل لا اضربكم - لا توصخون - لا تهاوشون :mad: -
ومن هالكلام :!!:

زينب
عليكم السلام

بوح
يمكن اني متشددة في هذا الشي

بس اني مستحيل ارضى احد يضرب بتي حتى لو كانت معلمتها


و عن سالفة السواقة

اني من اول حصة قلت خلاص ماعرف امشي و بس ما بتعلم لكن شوي شوي تعلمت الحمدلله

شكلها مدربتش نفس مدريتي حليوة و هادئة حدها

من وينة ووش اسمها ؟؟؟؟؟؟

سلام عليكم

زمان ما شاركت معاكم

كله ما عندي وقت أدخل أقرا الردود و أطلع

الروضات عليهم سوالف تخوف ... اليوم أول ما وصلت بنتي تقول

ماما اليوم صحت في الروضه وقلت امبي ماما

بعدين مع السوالف الا تقول المعلمه عصبت علينه قالت ما تبي تشوف شنطه على الارض

والا بتقطها بره وأني شنطتي على الرف بس خفت باجر تصير على الارض وتقطها بره

من جدي قعدت أصيح .. ههههههه ضحكتني بنتي ..

حنون تحب الترتيب ونظيفه لآخر درجه ,, بس تخاف لما تشوف أحد معصب ...

أني لحد الحين واثقه في معلماتها انهم زينين وما يضربون والحمدلله يحبونها ...

قلبي

كسروا خاطري اليهال .. زين ما عرفت بنت خالتش من اي روضه اليهال أكيد مكتوب على الزي مالهم ...

هـذيـان;14183304:
ع فكرة كلام قلبو صح ، عندنا روضة قريبة من بيت ابوييي
ومن كم اسبوع امي طافت ع الروضة وبما ان حديقة الروضة تطل ع الشارع
سمعت المعلمة تقول للأطفال - ألعبو عدل لا اضربكم - لا توصخون - لا تهاوشون :mad: -
ومن هالكلام :!!:

أي أكيد مضبوط وشفنا جدي معلمات ماليهم خلق كلش في هيك وفي هيك اكيد :biggrin:

زهرة ايامي;14183667:
زينب
عليكم السلام

بوح
يمكن اني متشددة في هذا الشي

بس اني مستحيل ارضى احد يضرب بتي حتى لو كانت معلمتها


و عن سالفة السواقة

اني من اول حصة قلت خلاص ماعرف امشي و بس ما بتعلم لكن شوي شوي تعلمت الحمدلله

شكلها مدربتش نفس مدريتي حليوة و هادئة حدها

من وينة ووش اسمها ؟؟؟؟؟؟

اي هو كل واحد وقناعته ، عني اني لو ضربة خفيفة على اليد تقدرون تعتبرونها مالت لفت نظر أو تنبيه ما أمانع خاصة اذا كان ولدي فعلا مسوي شي خطأ ، مهما كان هي بشر والواحد المفروض يلتمس العذر لكن هذا ما يعني أني أأيد الضرب أبدا :034:
وعن السياقة الله يعيني ويسهل عليي ويصبر المعلمة بعد :D مدربتي اسمها نوال من عالي .

شاعرية;14183716:
سلام عليكم

زمان ما شاركت معاكم

كله ما عندي وقت أدخل أقرا الردود و أطلع

الروضات عليهم سوالف تخوف ... اليوم أول ما وصلت بنتي تقول

ماما اليوم صحت في الروضه وقلت امبي ماما

بعدين مع السوالف الا تقول المعلمه عصبت علينه قالت ما تبي تشوف شنطه على الارض

والا بتقطها بره وأني شنطتي على الرف بس خفت باجر تصير على الارض وتقطها بره

من جدي قعدت أصيح .. ههههههه ضحكتني بنتي ..

حنون تحب الترتيب ونظيفه لآخر درجه ,, بس تخاف لما تشوف أحد معصب ...

أني لحد الحين واثقه في معلماتها انهم زينين وما يضربون والحمدلله يحبونها ...

قلبي

كسروا خاطري اليهال .. زين ما عرفت بنت خالتش من اي روضه اليهال أكيد مكتوب على الزي مالهم ...

أصلا المفروض المعلمة تحط شنط الأطفال في الخزانة أو انها تتابعهم وهم يحطونهم :!!: هذيلا جهال روضة مو مدرسة ، وبعد تمبى تعاقبهم وتقط شناطهم برى خوش خوش !

الحمدلله انا مطمنة تماماً لمعلمة زهور نفسها كانت معلمة المعلا قبل
والشهادة لله تداريهم كانهم اولادها ولولا انها بالروضة مافكرت اسجل اولادي بهالروضة كلش
هي قريبة بس مبنى مستاجر مافي محال للولاد ياحذوا راحتهم
لكن اسلوب هالمعلمة جذبني


من ناحية الضرب انا اقبل بشئ تاديب مثل الضرب على اليد
ام تصفيع وضرب بالكرسي مثل اللي شافتها بت خالة قلبو
مستحيل
در شوفي اي يوم راح ولدش واسالي قلبي اذا نفس اليوم الي راحت فيه بنت خالتها
لانه الموضوع ماينسكت عنه كلش تحري
وان شاء الله مايكون فيه الا الخير


بووووح الله يوفقك بالسواقة خية وتدوري البحرين وتمترينها

سلام شخبارركم امهات وحشتوني .. حلو هالتجمع ومفيد

آية النور;14184861:
سلام شخبارركم امهات وحشتوني .. حلو هالتجمع ومفيد

هلا فيش خيتو F: تعالي اليوم وكل يوم . . .

بوح ..

ما اقبل احد يضرب ولدي ولا اتخيل ..

وخصوصا في الروضه للحين صغار وممكن اي قسوه ع الطفل تخليه يكره الروضه والمكان ..

بس ممكن توجيهاات حاده من غير ما يلمسونه ..

يعني شي اكيد ما سجلته في هذا المكان الا حق يستمتع ويختلط مع الاطفال !

وبنفس الوقت يستفيد من وقته مو علشان ينضرب ويتعافب اكيد !!!

كلش ما اتخيل ولا اقبل واي ملاحظه اني موجوده واني اتصرف بسس ...

بكبري خايفه من الروضات ومن الانفصال الجديد عني ..

لا تخوفوني خخخخخ

مسسسالليل
وشلونكم ؟؟

بوح الكلمات;14182789:
هلا زينب ، وعليكم السلام ، ايه تركي عنش الملل ودخلي ويانا في السوالف :)

هذاني جيت وخليت الملل يولي

زهرة ايامي;14183667:
زينب
عليكم السلام

بوح
يمكن اني متشددة في هذا الشي

بس اني مستحيل ارضى احد يضرب بتي حتى لو كانت معلمتها


و عن سالفة السواقة

اني من اول حصة قلت خلاص ماعرف امشي و بس ما بتعلم لكن شوي شوي تعلمت الحمدلله

شكلها مدربتش نفس مدريتي حليوة و هادئة حدها

من وينة ووش اسمها ؟؟؟؟؟؟

عن الروضات
في مدرسات اقل شي يعصبهم ليش يصيرون مدرسات معرفش
لازم تمسك اعصابها
اني من النوع اللي اعصب بسرعة لجديه كنت بشتغل بروضة اخر شي هونت
بعض التصرفات تقهرني
يجون اطفال يتعمدون يسوون شي
فقلت وش لي اعصب على جهال الناس :)

مرة اشتغلت مساعدة في روضة والمدرسة طالعة واني بدالها في الصف
في طفل عنده فوطة وفيها ماي ويمشي على الطاولات وترسهم ماي
قلت له عيب ماما ما نسوي جديه وشوي وكرر السالفة
ما قدرت صرخت فيه ومن فانيلته على كرسيه خخخخخخخخخخخخخخخ
وبالعصر اتصلت في امه اقول ليها واخبرها وش سويت
بنت خالتي امه :)

لجديه احس نفسي ما انفع لشغل روضات
بقاية مخي
كفاية طاير ومصدع من اللي ادرسهم بالعصر :D


بالنسبة للسياقة
دام محصلة كملي مع الوقت بتعرفين وتصيرين اوكيه
فرصة وجتش
هالمدربين ما يتحصلون الا بالتفك
عئبالي احصل اني بعد واتدرب ^_^

آية النور;14184861:
سلام شخبارركم امهات وحشتوني .. حلو هالتجمع ومفيد

وعليكم السلام

سلاااام
شخباركم امهاااااااااااااات

بووووووووووووح
وش دراش اني بعلق على سالفة الموس ها؟؟ تصدقين واني اقرى كلامش واقول في قلبي لازم اعلق على هالسالفة والا اقرى في النهاية انش تتوقعين اني بعلق سبحان الله معناته خلاص عرفتين شخصياتنا ههههه
وعلى سالفة الموس واجد زين يبي لي اجرب وعلى هالحسبة يعني كل سنة اذا بغينا نجهز للشتا لازم نمر السوبرماركت ناخذ جيس امواس :worn_out:
اني اذكر من فترة كأن قريت عن هالسالفة ان نستخد التيب اللاصق يفيد بعد في هالحالة بس ماجربتها:-#

هلا بروكلي
وعليكم السلام

الموس !!
اشمعنى
وليش ؟؟

ما فهمت شي

دمـعـة;14178737:
اهلا ياسمينة..شخبااارش وشخبار عبادي وزهووور
مايوحشك غالي.. مشكووورة حبيبتي على سؤالش :o
بس ماادري شفيني عفت التجمع من بعد الصكة اللي صكوها علينا
وقالوا ان التجمع بس للتقارير..واني مو على طول عندي تقارير ومشتريات :thumbs_down:
وهذيان ماقصرت خبرتني انش تسألين عني.. مشكوورة وسألت عنش العافية :adore:;)
وسلامي لكل عضوات التجمع ..ويااارب تكونون بخير :thumbs_up:

هلا دمعة نورتينا وين كاينة :D

هـذيـان;14178765:
المشكلة ماعندي احد يوقفني - بكبره الحجي يشجعني ع التسوق :confused: !


:thumbs_up:

كل النسوان يحبون يجودون ثياب للزمن خخخ عادي يعني وعلى ما قالت ياسمينة لين تزوجتين كله بتتشرين حق لولاد وبتنسين روحش

~ ZainaB ~;14178891:
من تعرف لي هالصالون
وهل شغلهم اوكيه ولا

ومن جربته او تعرف ناس جربوه

ما أدري أول مرة اسمع ابه انشالله وحدة من البنات تعرفه .

روح مسافره;14179113:
ايه والله اولاد هازمن الكل كاشخ
ماقلنا يخذوا لهم لبس هاي الاسواق متنقل ماخلت شي وامكان رخيصه مشاء الله
اذاماهتم في اولادي من يهتم فيهم:confused:


وش رايش لو اقولش الاباء يسفرون وامهات جالسه في بيت وش يقول ان اولادنابعد هاماتعرف للسفرمن مايحتاج نخسر وهم مايفهمون اشدعوه ماتعرف لسفر الا اولادهم في ابتدائي والا متوسط:thumbs_down:بنظري اناني من رجال مثل ماانت تسافر هم الزوجه له حق تسافر مع الاولاد

صح مو شرط اللبس يكون غالي اهم شي متناسق ومرتب .

ام عــلاوووي;14181220:
قلبوو ..

ياربي خوفتيني :(

در رجعي ساليه ..

لايكون هو نفس الولد الا جافته نسيبت قلبو !

لا تخلوني اهون عن الروضه هههههههه << تخاف ع ولدها

:cool: ام علاوي هادي حالات فردية تنعد على أصابع اليد ، المفروض ما تخلينها تصير عائق عندش بالعكس الروضة ايجابياتها حق الطفل اللي عمره ثلاث سنين أكثر بكثير من مجرد تعليم . ولو اني أدري عنش متحمسة حق سالفة الروضة واجد من زود ما تتفحصين وتسألين وتقارنين بين الروضات .

بالنسبة عن موضوع ضرب الاطفال في المدرسة او الروضات اكيييييييييييييد ما ارضى واعصب حدي وهذا الشي صادفني هالسنة ويا بنتي معلمتهم صارت مريضة وغابت عنهم فترة طويلة وعقب شهرين جابو لهم مدرسة جديدة وهالمعلمة الجديدة طلعت جلبة مع احترامي ليكم ههه من يتكلمون البنات مع بعض تصرخ عليهم وتعاقبهم بالوقوف ومرة بعد ضربت بنتي وصديقتها على جتفها وعلى راسها واني يوم قالت لي بنتي عصبت وانفجرت بس جانسها هالمدرسة انها ضربتها يوم الخميس وجتنا اجازة جمعة وسبت وخلاص بردت السالفة ههه اهي مو بردت بس اني جذي طبعي ما احب اهاوش ولا احب اواجه معلمات اخاف عقب اتعادي بنتي والا تتجاهلها في الصف تعرفون كلنا دارسين بمدارس والمعلمات لين حطو بالهم على وحدة خلاص راحت عليها!!

بسمة أطفالي;14177368:
جربت مال ماذركير نوعيتهم حلوة

واج ان ام افضل بعد :thumbs_up: وفي التخفيض على دينار :rolleyes:

بس حاليا ادور بيضان سادة للحلوات للمدرسة وماني محصلة !!

جيكتين السرور ورونا ؟ ؟

بسمة أطفالي;14177491:
انزين اني من فترة اسولف على هالسالفة ططاني مااقول انلبس عيالنا كشخة 24 ساعة

بس لازم نشتري اليهم ونرتبهم قد مانقدر وعلى حسب ميزانيتنا

بس استغرب من الللي ماشاء الله بخير

وعيالهم طول السنة بحالة سيئة

اللهم في المناسبات


افكر يعني يجمعون حق مشاريع وبيوت ؟؟؟


وجهالهم مساكين ماليهم نصيب ؟؟؟؟ يطلعون عنهم والجهال ينحرمون من امهم وبعدها يظلون بهالشكل ؟؟ خصوصا ان عيال هالزمن ماشاء الله اغلبهم كاشخين على اختلاف الحالة المادية ...


اقول يمكن هم العاقلين ؟؟؟؟

صدق في ناس يجمعون فلوس ويتركون روحهم على أقل القليل وعلى عمري مو ضامنين بيلحقون يستهنون بها لفلوس لو لا ، اني رايي اصرف ما في الجيب يأتيك ما في الغيب :D ، أقصد يعني الواحد يستهني ويمتع روحه بس بميزان بعد لأن الادخار بعد يفيد وقت الأزمات ، يعني صدق على ما قالوا الواحد جم مرة بيعيش يصرف على روحه وعلى عياله منيح ويتهنى في عيشته ويشوف الدنيا مو أحسن من يترك الناس يتشيفقون عليه وعلى أولاده ؟

ياسمينة الفريج;14177878:



:-#:-# الله يهديهم .. ... ....

واما بنعمه ربك فحدث .. الحين استغفر الله نشوف ناس حالتهم اقل اكشخ من اللي حالتهم احسن ..

وحتى ابسط الاشياء من الالعاب والاكل وكل شيء محسوب على جهالهم :(

تصير ساعات :thumbs_down::worn_out:

بروكولي;14185138:
بالنسبة عن موضوع ضرب الاطفال في المدرسة او الروضات اكيييييييييييييد ما ارضى واعصب حدي وهذا الشي صادفني هالسنة ويا بنتي معلمتهم صارت مريضة وغابت عنهم فترة طويلة وعقب شهرين جابو لهم مدرسة جديدة وهالمعلمة الجديدة طلعت جلبة مع احترامي ليكم ههه من يتكلمون البنات مع بعض تصرخ عليهم وتعاقبهم بالوقوف ومرة بعد ضربت بنتي وصديقتها على جتفها وعلى راسها واني يوم قالت لي بنتي عصبت وانفجرت بس جانسها هالمدرسة انها ضربتها يوم الخميس وجتنا اجازة جمعة وسبت وخلاص بردت السالفة ههه اهي مو بردت بس اني جذي طبعي ما احب اهاوش ولا احب اواجه معلمات اخاف عقب اتعادي بنتي والا تتجاهلها في الصف تعرفون كلنا دارسين بمدارس والمعلمات لين حطو بالهم على وحدة خلاص راحت عليها!!

هو صدق في هالموقف الوحدة تتحير عدل ، خاصة اذا كان الضرب أو العقاب بزيادة ومؤذي ماليها قلب تسكت عن حق بتها وفي نفس الوقت على ما قلتين المعلمة لين شافت ام صارمة وشديدة وتاخد حق بتها من حرتها عقب تتجاهل الطالبة او تتعلف ابها على أقل شي .