جحة حمرة;14281727:
شحوالكم :lol:
بوح الكلمات .. الصلاة على النبي محمد تجنن .. صايرة تاخذ شوي من بيت ابوش .. يوم اشوفها كانت كلش مو صوبكم :lol: .. اكو حطيت صور سيد صغيرون في تجمعنا :D
در مكنون .. تصدقين توي جاية بعرض موضوع للنقاش وسبقتيني .. عقب ما ينتهي النقاش في موضوعش بطرح موضوعي اللي هو عن تدخل الاهل في تربية الابناء .. يعني بيت الابو وبيت العم .. وشلون تقدر الوحدة تربي اولادها بكيفها بدون تدخلات وبدون فرض تدخلات من برا .. وشلون تمنع اولادها من التأثر بتصرفات اولاد العائلة اللي يجتمعون بهم اسبوعيا او يوميا او حتى اللي ساكنين وياهم في البيت ^o):!!: >> ما ادري اصلا انطرح هالموضوع في التجمع او لا .. لأني ما كنت متابعة من البداية وتوي نيو بقراطيسي خخخخخخ ..
المهم بالنسبة لموضوعش .. احسها فكرة واجد حليوة .. وبيتحمسون ليها الاطفال واجد خاصة لو كل اسبوع اخترتون الطفل المنظم .. بيتشجعون للخيارة :lol:
اي غفران ما تشبه بيت عمي كلش ولو انهم في بيتنا بعد مو عارفين يشبهونها بمن بس توهم في الفترة الأخيرة يقولون تشبه أختي ( م ) يوم كانت صغيرة . وشفت السيد الصغنون واليوم صدق صاير يشبهش .
بالنسبة حق موضوعش بداية قوية عدددل ! و أكيد بيكون في شوية تحفظات من البنات و أني ما طرحت هالموضوع بالذات وانما موضوع قريب منه واجد اللي هو اكتساب الأطفال لألفاظ سيئة ان كان من بيت العم أو بيت الأبو .
وبالعودة الى موضوعش صعب جدا ان الوحدة تمنع تدخل بيت العم أو بيت الأبو في تربية أطفالها بسبب الحساسية والزعل اللي ممكن يصير لو انها منعت أي تدخل في تربية أطفالها وبرايي ان الوحدة المفروض ما تكون صارمة واجد اذا كان التدخل بطريقة لطيفة وفي نفس الوقت لتعزيز سلوك مرغوب بالعكس تتقبل وما ننسى ان المفروض ان الأم تخلي مكانة خاصة في قلوب أطفالها للعمات والخالات والأجداد لكن في حال كان التدخل بطريقة فظة أو تدخل لغير مصلحة الطفل ممكن توجه ملاحظتها باسلوب مهذب من غير ما تجرح الأهل لأنهم في اعتقادهم قاعدين يوجهون الطفل وان كان عن غير علم بأساليب التربية الحديثة وممكن تنبه والد الأطفال الى انه يوصل وجهة نظرها لأهله بطريقته اللي يتقبلونها منه برحابة صدر .
اما عن شلون تمنع أطفالها من التأثر بتصرفات المحيطين في بيت الأبو أو بيت العم بعد صعب جدا خاصة اذا كانوا الكبار يتصرفون أو يتلفظون بألفاظ سيئة باستمرار ، مهما وجهت وعلمت في أولادها لازم يكونون الكبار قدوة والا السالفة كلها بتكون ضايعة وأسأل مجرب ولا تسأل طبيب :(