تجمع أمهات البحرين لشهر صفر

وش يطلع هالكرم هههههههههههههههههههههههه

(في أحدات مو بس وحدة أول مرة يسمعوا هالمصطلح)

مرحبا
مسسسالليل

..

بالنسبة للاطفال وكذبهم
من يقول ما يكذبون
عبر الزمن تختلف العقليات
الطفل قديما يا حليله وما يعرفون وش يعني كذب << بنظري
الحين الاطفال حدث ولا حرج
عين قوية
وابسط طريق للهروب من العقاب الكذب

...

بالنسبة للكرم
ترى في مناطق بالبحرين ما يعرفونه
بعض المدن يعني ما يعرفونه او له مسميات اخرى مثل ( جباب او قرم )
ويمكن له اسماء اخرى مادري





....

مملكة بلقيس;14219923:
زيينب


امي للحين ما ترضى اطبخ الا بالمطبخ الخاارجي عشاان الريحة وتلعوز الفرررن

ما احب برى اخاف تدخل سنوورة كلش ولا السنانير امووووت ما تشووفون الا غبااري :thumbs_down:

شكل اغلب الامهات جديه

بالضبط نفسي انتين
اموت لو شفت سنور

بكتب لكم سوالفي مع السنانير بالرد القادم :)

أم هادي 10;14220686:
وش يطلع هالكرم هههههههههههههههههههههههه

(في أحدات مو بس وحدة أول مرة يسمعوا هالمصطلح)

اكيد بالسعودية ماهو مشهور :)

هو عبارة عن حمصة + سمك او دجاج
وعجيبنة تتكور ويحشونها بالحمصة
وباقي الحمصة ينحط في الصفرية وي الصالونه


اني مو طباخة بس هذا شرح مبسط على حسب اللي اشوفه

مساء الخييرات

عدنا والعود احمدووو << شدخل ؟

در
ماجوفين شر والله يشافيش يعني داومتين ولا لسة؟ الله يعينش
ان يولدي الكبير اليوم بس دخلنا بيت ابوي الا اجوف عيونه متغيرين ومثل الصغار والا يقول لي انه مايقدر يبلع وصادته سخونة والله يستر احنا بدون المرض وهو لازم يقعد حلمان

زينب
امي ماعندها مطبخ خارجي هو المطبخ اوردي صاير برى وعادي هي ماتطبخ الا على الفرن ماعندنا جولة على الارض وعادي مسكينة ماتخلينا نشتغل بس هي تخدمنا حتى وهي تعبانة وضغط وبلاوي لكن ماتخلينا الله يحفظها كبرنا وللحين شايلتنا وشايلة ولادي
وعن الطباخ برى بيت جيرانا حاطين جولتهم قبال الطوفة الملاصقة ببيت ابوي والله العظيم وبدون مبالغة صار لهم الحين ست سنين يوميا سمج مشوي ومقلي ولايوم يطوفون والريحة والدخان كله في بيت ابوي ويخلون خدامتهم اللي تشوي وامي بس تراكض ويا خواتي يشيلون الثياب مايمديها تغسل مسكينة كل يوم تغسل من الصبح علشان يمديهم يجفون لحزة طباخهم لكن شنقول غير حسبي الله عليهم من جيران امي قامت كم مرة تنادي الخدامة وتقول لها من ورى الطوفة ان الدخان كله في الثياب وقالت اليها وقت الا بتشوون خبروني علىالاقل اشيل ثيابنا وعادي ولا عندهم شي وعاد مرة امي كانت تكلم الخدامة تناديها وتقول الها جذي يافلانة الريحة كلها ببيتنا ماسمعنا الا صراخ بتهم على امي وبدون خجل مالت عليها تصارخ على امي شين وقواة عين !!

موضوع الكذب
اني الحمد لله ما اعاني منه الحمد لله بسم الله ماشاء الله << خفت احسد روحي عودتهم من البداية ان كلشي يقولون لي صغيرة وكبيرة وحتى لو شي يقهر ويطفش حزتها ما اضر بهم بس اطلع حرتي فيهم عقب ولو ان احيانا كلش ما اقدر اذا سوو شي وقالو لي اصرخ واضرب بس عقب اذا هدأت اسوي روحي امسح عليهم وعن يزعم سامحتهم وانهم زين قالو لي وان اي شي يبون يقولونه لازم يقولونه لي ومايقولونه لاي احد غير ويعني مرة تصيب ومرة تخيب
بس اذا بين بعض وسوو شي في البيت كل واحد يتهم الثاني بس اني اعرف الجداب من الصادق هه

السنانير او القطاوه
وما اداركن ما هن

مرة كنت متبرزة وجاهزة وبطلع
كنت بروح بيت عمي
مشيت بالشارع
حنا فريق وبيت عمي الفريق الثاني

المهم في سنور بالشارع بس احتك برجولي
وحسيت برعشة وماني على بعضي
رجعت البيت وكنسلت وسبيت نفسي واللحظة اللي قلت بطلع فيها

...

بس خوفي هذا مع الوقت خف
خصوصا بعد ما حملت اني شايته سنور من باب الصالة لنص الصالة

مدري ليش يعني خخخخخخخخخخخخخ
مع السنور كسر خاطري هه هه هه

...

من شهرين تقريبا
الشغالة تخلي باب المطبخ مفتوح
والحلوين اللي عندنا يخلون باب غرفتي مفتوح
ما عندهم ايد تصكه مثل ما فتحته

وذاك اليوم دخلت سنورة
واني كنت رايحة بجيب شغلة ماشوف الا شي يتحرك
صرت اصرخ واناقز ولا شعوريا اركض واركض
ووصلت للدرج احسني ما صرت اشوف
واطيح واتدحلب خخخخخخخخخخخخخخخخ
وتنضرب ايدي وتصير خضرا
عورتني بس مو واجد

ليومكن هذا اسب بهالسنورة
لاني ما قدر اعبر عن انفعالاتي بالضرب
تعورني لين عصبت وجيت بضرب ولد خالتي << لين ادرسه ويرفع ضغطي خخخخخخخخخخخخخخ

بوح
عندش في جيران جديه
لا حيا ولا مستحى

عاد بصقت كل يوم مشوي
اني يوم في الاسبوع سمك واني اطنقر خخخخخخخخخخ
عبارتن ماحب السمك :)

اني اول ماقريت كرم استغربت اقول شنو وعقب عرفته اللي هو مو بحرف الكاف لا بحرف G بالانجلش
هذي الطبخة احنا كلش مانعرفها بس يوم انخطبت شفت بيت عمي يسونها واسمها جباب بس لذيذة ههه عجينة مكورة داخل صالونة السمج بس توني ادري ان مال عالي يسونها؟؟
يعني مثل المطازيز تقريبا مالت السعوديين هذا اللي استنتجته من المنتديات

السلام عليكم
شخباركم حبايبي ؟

بروكولي;14220974:
اني اول ماقريت كرم استغربت اقول شنو وعقب عرفته اللي هو مو بحرف الكاف لا بحرف G بالانجلش
هذي الطبخة احنا كلش مانعرفها بس يوم انخطبت شفت بيت عمي يسونها واسمها جباب بس لذيذة ههه عجينة مكورة داخل صالونة السمج بس توني ادري ان مال عالي يسونها؟؟
يعني مثل المطازيز تقريبا مالت السعوديين هذا اللي استنتجته من المنتديات

عجيبة هالطبخة اي احنا انسميها اكرم

هلا ملاك
وعليكم السلام
نحنا بخير

~ ZainaB ~;14221084:
هلا ملاك
وعليكم السلام
نحنا بخير

عسى دوم يارب
وكلامكم يطلع لي متأخر ليش ماادري لازم تحديث للصفحة ؟

~ ZainaB ~;14220886:


بالنسبة للكرم
ترى في مناطق بالبحرين ما يعرفونه
بعض المدن يعني ما يعرفونه او له مسميات اخرى مثل ( جباب او قرم )
ويمكن له اسماء اخرى مادري

حمستوني اشوف شكلها هالطبخة

اللي عندها مقاديرها وطريقتها والأهم صورة ليها تورينا ههههههههههههههههه (خبركم همتي دبتي):D:D "أم هادي أعترفي كم وزنش":lol:

ملاك
ايه لازم تحديث

ام هادي
هذي صورة له

المقادير :

اي نوع من السمك ( هامور )، 5-6 اكواب طحين رقم (1) ،طماط مقطع ، بصل مفروم ، ثوم مفروم، فلفل بارد ، فلفل حار ، جزر مبشور ، ملح ،زيت ، بهارات منوعه ، لومي اسود ، تابل ،معجون طماط





الطريقة :

1 - نعجن الطحين بالماء فيه قليل من الملح حتى نحصل على عجينه متماسكه نتركها ترتاح لمدة ساعه تقريبا .

2- بعدها نخلط طماط مقطع ، بصل مفروم ، ثوم مفروم ، بهارات ، ملح ، لومي اسود ، فلفل بارد ، فلفل حار ،جزر مبشور في قدر نضع قليل من الزيت نتركه على نار هادئه لما يذبل البصل

3- ثم نقلي السمك نقسمه الى قسمين نص للمرقة ونص للحشوة .

4- بعد مرور ساعه تقريبا ناخذ السمك للحشوه نشيل عنه الشواك نخلطه مع المقادير طماط مقطع ، بصل مفروم ، ثوم مفروم ، بهارات ، ملح ، لومي اسود ، فلفل بارد ، فلفل حار ،جزر مبشور ، تابل .

5- نفس قدر الحشوه نخلي فيه ماي حتى يغلي فيه قليل من المقادير السابقه .

6- ناخذ قليل من العجينه نخلي فيها الحشوه ونكورها لما يخلص المقدار العجينه .

7- نتركها تغلي لمدة ساعه تقريبا لما العجينه تستوي ونضع المعجون الطماط والملح والبهارات ولومي الاسود بعدها على نار هادئه .

8- وتقدم مع مرقة السمك وليمون الاخضر وبالهناء والعافية .

يعني هي صالونة السمج العادية؟؟؟

ايه تقريبا
اول شي تسوين الصالونه
والحمصة تحطينها داخل العجينة وتحطينها في الصالونه
وفي ناس ما يسوون حمصة ابدا

يعني هيك شي

تدرون ف مناطق ماتعرف هالطبخة
اهل ابوي ولا عمرهم شافوها

اهل امي يسوونها بالربيان والماش

ولا عمري اكلتها بسمك
بس سمعت ناس يسوونها


دخلت ع الخط

شهيتوووني صرااحة
صار خاطري

عليكم بالعافية
وش صاير كلكم غذاكم نفس الشي

باك

زينب اكو خبرة شكلش بهالطبخة
اني كنت اشوف حماتي تسويها يعني صالونة سمج عادية وتخليها تطبخ وهي تكور العجينة وتحشيها بصل عليه بهارات مو متذكرة عدل بس كأن جذي وكل ماتخلص من كرة من العجينة تحطها في القدر وهو يطبخ ولازم ماتسويهم واجد كبار لان يكبرون مع الطبخ صار خاطري فيها صار لي سنين ما اكلتها قبل اذا يسون يجيبون لي والحين ما اشوف شي :(

ام هادي شخبار رجول هدوي القمر ؟ وبسألش مو كأن من فترة قايلة انش حامل؟ صج والا تمزحين؟