يالهووووي كل ده رغي وكل ده هرد عليه انتوا فظاع :D:D
مدام/اشرى;14142261:
حاولى بالبوء كدة مينفعش
لازم تفضلوا ورايا انا مش عايزة اهتم بنفسى كدة وخلاص لا انا عايزة ارجع تانى فله شمعة منورة يا عيال اهئ اهئ انا حاسة انى عجزت
عايزاكوا تفضلوا وراياااااااااااااااااااااااااااااا
انا بحب البافتات والحاجات دى او اية رايكوا ابتدى بيهاا ولا هبق هايفة ؟؟؟
لأ بالعكس عادي ما انتي كده كده هتبدأي بالحاجات دي العادية اللي مش بتفرق بين ولد وبنت والداخلي والفوط والكوفرتة والبطانية والحاجات دي واجلي اللبس بقي لغاية لما تعرفي
كريز;14142267:
ع فكره انا اسمى ايمان برضه هههههههه بصره
طيب اجيب فوطه وايه تانى ف البس الداخلى اجيب قد ايه والبس كام حاجه خصوصا الجو مش هيبقي سقعه ولا حر
اه يامعاذ هو انتى بتعرفي منين ان البيبي بردان او حران يعنى امتى انى ملبساه كتير اوشويه
ايه ده بقي لأ كده ما ينفعش، احنا عملنا اكتساح
بصي انتي هتبقي عارفة من نفسك كده تظبطي اللبس ازاي حسب الجو وتخففي تدريجي وتقلي بردو، وبيبقي فيه عدد قطع معروف مثلا في كل فصل وعامة شوفي ايديه ورجليه بس ساعات مش بيبقوا مقياس.
ودي الليستة اهي بالحاجات المهمة اللي هتجيبيها
شايات كت مقاس 0-3
شايات نص كم مقاس 0-3
شايات كم مقاس 0-3
بنطلونات داخلية
سالوبيتات بيت وخروج
طواقي وجوانتيات وشرابات
بافيتات
فوط قشط
كوفرتة وبطانية
سليبينج باج أو بورت
بشكير
فوط حجم وسط
مشمع غيار
ببرونة وتيتينة والسلسلة بتاعتها
قصافة او مقص للضوافر
فرشة
حلق طبي
ترمومتر
بامبرز
شامبو وشاور
لوشن
كريم زنك لتغيير الحفاض
وايبس
كحول طبي
قطن
كارسيت او عربية او كاريير
*Om Mo3az*;14142877:
البيبي كاريير المفروض نستخدمه امتى للبيبي
هو عندي من ايام معاذ بس مش استخدمته ولا مره بس قررت استخدمه ان شاء الله
بس عاوزة اعرف لما يكون البيبي عنده اد ايه ينفع يقعد فيه
انا استخدمته من الرابع ولا يمكن احط فيه بيبي قبل كده مهما كانت مركته او دعامة الضهر، مقدرش والاحتياط واجب لأزم لما ضهره يكون مسك نفسه.
kitty_kity;14142880:
واحنا عندنا الدنيا بتشتي
محدش قالي الطقم ده كدا حلو ولا غالي ولا رخيص
والمهد ده هحتاجه كتير ولا مالوش لازمة صاحبتي بتقولي مالوش لازمة معرفش ليه ههههه
بصي الكاريكوت مش كل الناس بتحبه ، انا عن نفسي مجبتوش لأني جربته ايام اختي وولادها زمان وكان متعب جدا في الشيل وبيوجعلي دراعي اوي ولازم ابقي مظبطة ايدي عشان البيبي يفضل في وضع مستقيم ومش يميل عشان مش يدلق او يتقوقع علي نفسه وخصوصا في السن الصغير خالص وكمان هو مش هايكفي لفترة كبيرة اوي، يعني 3 شهور غالبا وخلاص وفيه منه حجمين تقريبا، وكمان لو في الصيف هايحرر، هو حلو بس لو هتجيبيه تحطي في البيبي كأنه سرير كده او في العربية علي رجلك كده يعني لكن شيله متعب.
kitty_kity;14142897:
معلش كدا عشان اتلخبطت
هو ايه الكاريير والكاريكوت والاشتغالات دي ايه الفرق بين كل واحد والتاني
الكاريير مكنتش ناوية اجيبه بردو خالص، بس لما كبرت شوية ولقيت ان شيلها صعب في اللف والمحلات والتمشية وكده وبتعب منها، فقلت اجيبه ولقيته حلو اوي وعملي معايا وبيريح كتير.