at2ota;14140187:
اللة يرحم باباكي يا ايمي هو و كل اموات المسلمين يارب ش
شكلها عسول ماشاء اللة الفوط دي يارب الاقيها هنا و نصايحك حلوة اوي ياكتكوتة ماشاء اللة و ان شاء اللة اخد بيها لما اجي اشتري
تسلمي يا قطقوطة ربنا يخليكي يارب
مدام/اشرى;14140685:
كتكوتة
اخص عليكى مش كنتى تيجى من بدرى تفيدنا بماانك خبرة اصل ام معاذ جالها زهايمر وفقدت كل المذكرة بتاعتها احنا ساعات الى بنفكرها ;)
عايزة افهم حاجة
هى الفوط دى غير التانية الى بتتربط على رقبة البيبى من ورا دى ؟؟؟؟
:lol::lol: بنت يا مصيبة انتي دايما بتضحكيني بكلامك، اسمها بافتات ودي بقي انا كنت بلبسها لجوجو بس مش من الاول يعني قولي في فترة التلات شهور لغاية 6 مثلا كده مش فاكرة اوي دلوقتي ليه بقي، كانت ابتدت تريل عالطول شغالة فعشان متوسخش هدومها وتبلها كمان وتعيي، فدايما كانت لبساها في البيت او الخروج فوق لبسها عشان تحافظ علي اللبس واغيرها هي وبس بدل ما اغير كل اللبس ده، بس لما كانت بترضع او حتي لما ابتدت تاكل مكنتش بحب امسحلها بيها عشان تفضل نضيفة للريالة وبس :lol::lol:، كنت بمسح بقي بالفوطة ودايما في ايدي او شنتطتي كل ما انزل بيها او اقعد اكلها، وبتنفع جدا بجد عشان لو شيلتيها علي كتفك زي ما قلتلك سواء للقشط او الريالة واكل كتفك بردو :D
والبافتات هاتيها تبقي حجم متوسط ولا الكبيرة اوي ولا الصغيرة ويكون وشها زي الفوط كده بس علي خفيف وضهرها مشمع، لأنه هتلاقوا انواع وخامات كتيرة وكنت جبت مرة بردو كانوا حلوين كانوا طبقة واحدة متثبتة في بعضها بس خامتين بردو قدام فوطة وورا جلد، اه وبلاش اللي برباط، الافضل اللي بتتزلق.
kitty_kity;14141286:
الفوط دي اجيبها منين ماركة يعني؟ لاني لقيتها بس عادية مش جونيور ولا حاجه
صحيح يابنات انا شفت طقم عاجبني اوي
هو كاريكوت ولحاف للبيبي ومخدة وغطا له وشوية حاجات كدا مش فاكرة يعني هبقى اروح اشوفه بالتفصيل بس كلهم شكل واحد ومتبطن كدا زي اللحاف وعسول اوي وعليه رسومات بارزة ودباديب وكدا
كان ب465
حلو ولا ايه؟ عاجبني موت نفسي اجيبه
كيتي كيتي ، تعالي يا بنتي في الاستفسارات وقت ما تحبي يعني ايه دخلتي علينا كده، احنا في بنا الكلام ده بردو وكمان مش انتي هاتبقي ماما خلاص وليكي اسئلة بردو ولا ايه.
الفوط مش لازم ماركات بس شوفي الخامة والمقاس زي ما قلنا فوق كده، والطقم ده اظن مشوفتوش، بس كنت بشوف عالطول طقم كاريكوت وكاريير وشنطة البيبي ومشمع الغيار مش فاكرة بيبقي معاهم حاجة ولا لأ.
بس المخدة لو جبتيها مش هتستخدميها إلا بعد فترة كده مش من الاول