•• 3 تجمع أمهات نوفمبر 2010 لشهر صفر••

أحبك والقمر يشهد;14327562:
شخبارركم بنات

وحشتوني حدكم ..

شخبار الامطار وياكم ؟؟ ...

اني وحدة ماحب هالاجواء ... احس الجو صاير كئيب بره .. وف نفس الوقت ابي اروح بيت ابويي وخايفة اطلع في هالجو ويه بتي .. :|

جاي ع بالي اكتب ليكم قصة ولادتي ... ههههههه .. حددي متفرغة لا .. :lol:

ان شاء الله يمديني اكملها قبل لا تقعد فطوومة .. :D


الله يسلمكم اني كان المفروض موعدي 13 -11 ...

قبل هالتاريخ كان عندي موعد عند دكتورتي الا اتابع عندها .. وكان المفروض اخر موعد ليي عندها خلاص .... طبعا اني المواعيد الا طافت كان كل شي اوكيه الحمدلله .. والراس كان تحت والبيبي متهيأ للولادة خلاص .... الا في آخر موعد رحت الا قامت الدكتورة بتجيك وضعية الراس بايدها ... شفتها نفس الا مستغربة .. الا تقول لي قومي بسوي لش اشعة ... رحت وسوت ليي اشعه ... الا تقول ... الراس مو تحت .. البيبي غير وضعيته .. وخلاص الحين ما يصير تولدين الا قيصرية :confused::|:hysterical: ... قلت ليها ويش السالفة يعني ما في امل ؟؟ :confused: .. الا تقول البيبي في الشهر التاسع ما يتحرك بسهولة يعني احتمال ضعيف ان يرد يرجع الراس تحت ... باجر ضرووري تروحين السلمانية عشان يحددون ليش موعد للعملية :(:'(:'(

طبعا طلعت من العيادة واني راسي داير عليي .. اقول سبحان الله ويش الا خلا الراس يتحرك يوم خلاص قربت ولادتي .. وقعدت اضرب اخماس في اسداس ... اقول اكيد اني بمووت اذا ولدت طبيعي .. من زوود الالم .. عشان جدي حكمة الله خلت الراس يتحرك في اخر لحظة عشان اولد عمليه هههههههههه :lol: شفتون جيفه التفكير :lol::lol:

المهم .. كنت حددي خايفة من سالفة العملية ... رحت وقلت لامي الا صار ... قالت ليي لا خافين .. وعطتني خلق جايبنها ابويي اللعام من العراق .. وقالت ليي صلي على النبي وامسحي بها على بطنش ... وما في الا الخير ...

وسويت الا قالته ليي .. ويوم ثاني رحت السلمانية ونقعت ليي شوي ... بعدين دخلت الا هناك دكتورة منقبة :struggle: .. قلت ليها السالفة الا تقول قومي بسوي لش اشعة ... وحطت عليي الاشعة وظلت يمكن فوق ربع ساعة هي حاطة الجهاز على بطني مادري ويش تدور :lol: .. وحتى وهي تجيك بايدها تجيك بالعداااااال عددل كأنها خايفة ... اغلب الظن ان هي دكتورة جديدة او ان هي تريننغ مالت جامعة .... المهم عاد بعدين الا تقول ليي ... اي راس البيبي صاير مو تحت ... صاير على صووب :confused: بس اذا تبين تتأكدين عقب شوي بتجي الدكتورة خليها تسوي لش مرة ثانية :hysterical: ... قلت ليها اووكيه .. وطلعت برا ومرة ثانية نادو عليي .. الا طلع ان ما ف دكتورة .. في بس دكتور رجال :struggle: .. قال ليي قومي بسوي لش اشعة ... وافشيلتاه :hysterical:
طبعا من زهقة سالفة العملية ومن خوفتي .. وافقت ان الدكتور يسوي لي الالتراساوند عشان اتأكد ان الراس تحت لو لا :thumbs_down: ســوا ليي الاشعة الا يقول للدكتورة المنقبة ... خوفتين البنية ... الراس وضعيته طبيعية وصاير تحت وما فيه شي :biggrin: قلت ليه عجل ويش السالفة ليش الدكتورة امس قالت ان الراس فوق ... الا يقول يصير ساعات جدي في حالات نادرة ان البيبي يكون الى الشهر التاسع يتحرك ووضعيته مو ثابته .. بس انتين لازم من باجر كل يوم تروحين حق تخطيط لأن خلاص طاف موعدش ... ووقت الا يجيش ألم الولادة .. لازم بنسوي لش التراساوند مرة ثانية عشان نتأكد اذا الراس تحت لو لا ..

يــوم ثاني .. رحت جدحفص حق تخطيط .. وفي الطريق قلت لزوجي يشتري لي كاكو وعصير عشان اكلهم عشان ما يغربلوني في التخطيط .. رحت الا تقول ليي السستر .. خلاص اكلتين .. قلت لها اي .. الا تقول .. شنو اكلتين .. قلت لها كاكو وعصير :D .. الا تقول لالالالالا كاكو ما في زين .. لاااازم سندويج ... عشان التخطيط يصير زين وما نعيده مرة ثانية :hysterical: .. راح زوجي واشترى لي سندويجة جبن واكلتها بالغصب كنت شبعانة .. :confused: .. ورحت سويت التخطيط وطلع الحمدلله زين .......

اليوم الثاني .. في الطريق قال ليي زوجي .. يلا بشتري ليش سندويجة :biggrin: .. قلت ليه لالالالا كلش مووو طااايقة ,,, الا يقول ليي واذا صار التخطيط مو زين ؟ :study: .. قلت ليه يعني التخطيط ما بيضبط الا بالسندويجة .. :-#!!!!!!!! .. أكلت لي شي خفيف ورحت ..
حطو علي التخطيط ,, جت السستر .. الا تقول الساعة جم اكلتين ؟ قلت لها توني قبل لا اجي .. قعدت تحوس في بطني وكل شوي تقول ليي تعالي على هالجنب وتعالي على هالجنب .. بعدين شالت التخطيط .. وقالت ليي روحي اكلي لش شي وتعالي بنعيده لش لان التخطيط مو زين .. :| ..

راح زوجي جاب ليي عصير الربيع برتقال .. وشربته .. وعادو ليي التخطيط .. الا تقول السستر .. التخطيط بعد مو زين :!!: لحظة بروح براويه الدكتورة وبشوف ويش تقول .. راحت داخل وجت الا تقول... الدكتورة تقول التخطيط مو زين ولازم ترقيد :hysterical::hysterical: ... اني تضايقت حددي لأن كلش ما كنت مستعدة ولا حاطة في بالي الترقيد ... قلت ليها ما يصير اروح الحين وباجر الصبح اجي ... الا تقول لا .. لازم يحطون عليش تخطيط طول الليل ويشوفون اذا التخطيط اوكيه او لا ... :hysterical: .. اتصلت لامي وخبرتها .. وبعدين جابو ليي ثياب الولادة :confused: لأن كانو بيدخلوني داخل جناح الولادة وبيحطون عليي التخطيط هنااك ... :confused: .. لبستهم واني فاطسة على روحي من الضحك .. لأن ما فيي الم ولا شي ... وما كنت متخيلة شلون بدخل جناح الولادة واني ما فيي شي ... :struggle:... دخلووني .. وحطو عليي التخطيط.. وقضيت ليلة كئييييبة حدها ... ما في الا صوت الصراخ .. والسسترات رايحين جايين .. والتخطيط الا مضايقني طووول الليل ... ما عرفت انام ولا ثانية ... وصادني خووف عدل من الولادة .. لأن طول الليل كنت اسمع صوت الصراااخ .. وحسيت ان الولادة فلم رعب ...

يوم ثاني ... جت الدكتورة .. الا تقول ليي الحمدلله التخطيط بالليل كان زيين .. بس بما ان انتين البارحة كان تخطيطش مو زين ..فممكن ان في اي لحظة يرجع التخطيط يصير مو زين .. وانتين ف ك الاحوال موعدش طاف ... يعني الحين لازم طلق صناعي ... :confused:
لا حول ولا قوة الا بالله ... من شي الى شي ثاني :hysterical:...اني مادري ويش هو الطلق الصناعي ولا جربته ... بس كنت خايفه منه واجد وكنت خايفه اني ما اتحمل الالم ... وف نفس الوقت كلش ما كنت مستعدة نفسيا ذاك اليوم ان يحطون علي طلق صناعي ... طبعا هالكلام كان يوم الاثنين .. قلت للدكتورة اني من قبل قالو ليي اذا ما جاش الطلق الطبيعي الى يوم الخميس ... بنحط عليش طلق صناعي ... فليش ما انتظر للخميس واشووف يمكن يجيني الطلق ... الا تقول بس ما تدرين يمكن خلال هالايام ف اي لحظة التخطيط يصير مو اوكيه ... ومو زين للبيبي يتم ف البطن اكثر دامش مطوفة موعدش ... :(

وظليت في حييرة .. بين خوفي على البيبي .. وخوفي من الطلق الصنااعي ...

قالت ليي الدكتورة اذا تبين بنخليش عندنا الى يوم الخميس .. وكل يوم بنسوي لش تخطيط مرتين .. اذا صار التخطيط مو زين في اي لحظة .. مباشرة بنحط عليش طلق صناعي .. واذا بعد ما جاش الطلق الطبيعي للخميس .. بعد بنحط طلق صناعي ...

ارتحت الى هالاقتراح ... وحسيت ان هو انسب شي ... وطبعا ما طلعوني من جناح الولادة الا اول وقعنا اني وزوجي ان ما نبي طلق صناعي الحين ... :celebrate:

وتميت مرقدة ف المستشفى الى يوم الخميس ... وكان من هالايام ايام العيد ... يعني عيدت ف المستشفى :lol:
المهم .. والى يوم الخميس واني انتظر الطلق يجيني ... ولا في شي ... وكل ما يجون يحطون عليي التخطيط .. قلبي يطيح ف الارض ان يمكن يصير مو اوكيه ويحطون لي طلق صناعي ... ولا بد من السندويجة الا كنت اكلها قبل التخطيط :lol: من غير نفس بس خوفا من ان التخطيط يكون مو زين .... يعني كانت ايام حدها مو حليوة !!!!!!!!

طبعا جت الخميس ... ولا جاني الطلق ... وسلمت امري لله ... وقلت يلا خلاص طلق صناعي اهم اولد وارتاح ...

الساعة 6 الصبح حطو ليي التحميلة الاولى .. وقالت ليي الدكتورة اذا جاش الالم من اول تحميلة وااجد زين ...

جت الساعة 3 الظهر .. وكان توه مبدي الالم عليي ...
بعدين جت الدكتورة المغرب تجيك ,,,, الا تقول ليي توش 1 سم :hysterical:

حسيت بالاحباط حددي ... بس قلت يلا بيطوف الوقت وف النهاية اكيد بولد وبرتاح :lol:
زوجي تم وياي الى الساعة 12 .. وكان الالم هذا هوو ما تغير ولا زاد ..

قلت ليه خلاص رووح وباجر تعال .. لان ياست ان يزيد الالم ...

وتميت في السرير اتقلب ... وع الساعة 1 ما شفت الا شي منبط :worn_out: والسرير تغرق مااي :|
جو ليي السسترات وبسرعة بسرعة لبست ثياب الولادة وطرشت مسج لزوجي ان بدخل خلاص .. وتمو ثيابي واغراضي كلهم في الجناح ما صار وقت اشيلهم قالت ليي السستر اني بخبر زوجش عنهم اذا جا ...

طبعا رحت جناح الولادة واني مستانسة حدي احسب قريب بولد :| .. جيكووني الا تقول السستر ، بعدش 1 سم .. :|:|

وطووول الليل وحدة رايحة ووحدة جاية يجيكون وكله 1 سم مو راضي يتوسع ااكثر :hysterical:

يااا الله كل هالالم على 1 سم ؟؟؟ والى متى بظل 1 سم ما بيزيد ؟؟؟؟

جت الساعة 7 الصبح وتبدل الزام .. وجت ليي السستر الجديدة وجيكتني .. الا تقول .. 1 سم :confused:

اني هني خلاص انهرت ..... وقلت ليهم ارجوكم ارحموني وسووني عملية ما اتحمل اكثر ... من امس للحين كله واحد سم .. خلاص ما في امل اتوسع اكثر لمتى بتم جدي ...

الساعة 7 ونص جت سستر وضربتني ابرة ... ولا ادري هالابرة مالت وويش

الساعة 8 جت سستر تجيكني .. واني خلاص كنت يائسة ... جيكتني .. الا اقول ليها واني تعبانة .. بعد نفس الشي ؟ الا تقول لالالالا ... الحيين 7 سم ... خلاااص ولااادة :woo::woo::woo:

اني فتحت عيووني ... وجذبت اذوني .. اولا مستغربة من التوسع الا صار مرة وحدة .. وثانيا مو حاسة ان الالم تغير عليي ... لأن من البداية اصلا كان الالم زلازل :lol:

راحت السستر بسرعة وجابت العدة :lol: .. وقالت ليي يلا اذا جاش الالم سوي بووش على قولتها :lol: .. عاد اني من الهبالة والخرعة .. اقوليها .. الحين ؟؟ :lol: ههههههههههه .. الا تقول ليي اييي .... صدق كنت هبلة بهالسؤال ... هههههههههههه

المهم... جاني الم اول مرة .. سويت بوش.. ما صار شي ... بعدين مهلت شوي .. وجاني الم مرة ثانية اقووى... قلت في قلبي .. يـــــــا أم البنين ... وسويت بووش ,,, ما شفت الا شي طاااالع مرة وحدة .... واسمع صوت صياااااح ... اللــــــــهم صل على محمد وآل محمد.... ولددددددددت خلااااااااص .. موووو مصدقة ... حطوها على بطني وهي تصيح واني مو مصدقة ان بنتي خلاص طلعت .... وجت السستر فتحت رجولها ,,, الا تقول baby Girl .. :lol::lol:
طبعا ولدت الساعة 8 ونص .. وعقب دقايق اتصلو لزوجي وخبروه..

طبعا زوجي كان ينتظر بره ... لأن هو ما شاف المسج الا طرشته ليه الا الصبح ... واتصل لامي وخبرها وكانو جايين مستانسين يحسبوني ولدت خلاااص ... لأن كنت مطرشة المسج من الليل ..

وبعدين جو وانصدمو لما قالو ليهم اني للحين 1 سم .... :(

وتمو يخيطون فيي الى الساعة 9 ونص :hysterical: .. وكان يعوور شووي بس اني كلش ما تكلمت حزة الخياط ... اقول في قلبي اهم شي ولدت .. والحين سوو فيي الا بتسوونه ههههههه ... حتى بعدين السستر تقول ليي .. أنت واااجد زين :lol::lol:

وطلعت بعدين من المعركة .. ودخل زوجي وامي وجابو ليي حبيبتي فطوومة :L: بعدين ودوني الجناح وكان ماساوي حدده فيه الظاهر 5 اسرة .. والحمام بعيد عن سريري:hysterical: بس الحمدلله بالعصر حصلت حجرة خاصة ورحت فيها ...

وخلــــصت قصتي .. والحمدلله رب العالمين ولدت بالسلامة .. وانتهت المعاناة بسلام الحمدلله :adore: ..

وووبس تعبت وااااجد هذرت ... :worn_out:

احبك
و الكاسبرات
شخباااركم؟؟؟

سلاااااااااام عليكم شعب
شحوووالكم

اني الحمدلله زينه وحسوون زين :) شكراً للي سألوو عني

بقوووي كل عام وانتين بخيير حبيبتي وعقبال الملييووون سنه

عنووبه بعد كل عام وانتين بخيير مقدمااً

نور الامل ما تشوفين شر وان شاء الله ما تحتاجين للعمليه .. وان شاء الله نشوفش هالمره ونتعرف عليش وخلي عنش الحيا تراه كلنا بنات هههههههههه

احبك والقمر يشهد الحمدلله على سلامتش مره 2 وقصتش فن .. ماشاء الله عليش احسش صبووره <<< لنها قلعت المكان من الصريخ ههههههههههه

حبك حياتي ان شاء الله من الناجحيين ونبارك لش

رد رووز مبرووك النجااااح :)

وردة مشكووره على الاغاااني الحليووه وحفظت جم وحده عشان اقولهم ...


الا بسألكم عفررر ....

عيد ميلاد زوجي قريب ومادري وش اشتري ليه هديه لني كل شي اشتريت عفر شووروو عليي بهديه سنعه وسعرها مناسب وقولو لي وين يبيعونها بعد
اني وديت ليه من قبل عطر واشتريت ليه بعد ساعه واشتريت ليه مكينه حلاقه خخخخخخخخخخ ومخي مجييم مادري هالسنه وش اخذ بس لا تقولون تلفون لنه المبلغ اللي عندي ما يكفي لسعر تلفون .. وعلى فكره عنووبه عيد ميلاد زوجي قبلش بجم يوم اهو 14-2 ويا عيد الحب جايبينه :lol: عشان ما يخسرني لهديتين

هلااا زهووره شخبارش وشخبار البدره

اني رديت صرت كاسبره خخخخ

عن الدورة
اني من اول ما بدت تجيني الدورة كانت تاريخ 27 نفسش يعني حتى يوم انخطبت كان يقول لي احد تجية ويا الرواتب الناس تطلع و انتين لايعة جبدش من روحش ههه
و عقب قامت تقدم كل شهر يوم لين وصت لين 23 اخر شهر ليي و حملت و عقب الاربعين مباشرة جتني مرة و بس وللحين ما شفت رقعة وجها ولاا ابغي اشوفها لين السنة الجاية ما اطيقها
و العيد ميلاد اني بعد الناس مفلسة تقريبا 12 -4
عشوقة
انة تصيدني سالفة اني اكلم الي جنبي و حسبالي وحدة من الي معاي تعودت
و ثياب السيد يجننون علية بالف عافية و قيمتش ,, اشوف عندة شوز من ماكس ووردة بعد ذاك اليوم تقول ماخذة شوز من ماكس لعلاوي ,, انه ولا مرة شفت للصغار يعني في للبنوتات بعد ؟؟
جحة
لا تعلمينة عالحمال بتغربلين وياه ,,, الحين اهو خفيف بس لين صار 5 او 6 شهور بصير ثقيل و بتعبش و في نفس الوقت ما تقدرين تسوين شي و شوفي لش حل ويا الجالوسية يابويي قبل ما يتفهم الولد عدل و بعدين ما يعجبة العجب
و مشكورة عالمعلومات استانست عليهم ,, اني مشتركة في بيبي سنتر و كل اسبوع يطرشون ليي بس ما احب اقراهم على طول << عيارة
بقوي
وحشتينا ,, الله يعطيش العافية و شكلنة بنتجمع عقب 3-2 لان يقولون في ربيع
و عن تاريخ عيد ميلادش كنت مخلتنة في بالي و قلت بسوي لش حفلة لو شي ع اساس محد من البنات بيذكرة و الحين ذكرتينهم انتين يالله اني بقول لش كل سنة وانتي بخير و عقبال ال999 سنة قبل الكل
و عن التواريخ زنوب مواعيها مواعيد عنقريز ما عليها منش تغشين في التواريخ و تروحين لتوسعة و غيرة اهي تجي بتاريخها و بس
وردوة
الاغاني فن و معضمهم اسمع عمتي تغنيهم لبدور بس ما احفض اني
روز
زين نجحتين و باقي المواد بخلصون و بتفتكين اني عليي مواد مال اول ما حملت و اقدمهم شهر7
حبك
اني بعد معدلي نزللل عقب ما تزوجت و حملت<< كلة من الرجل خربني
عنوب
اخيرا جتش و رجلش نف رجلي اذا اقول ما ابغي احمل يقول عالريحة بتحملين
اني ما احاتيها كلش ,, اما احمل و ابتلش بقاية جنوني ,, لااا الله لا يقولة ما ابغي الحين
البارحة اغني لبدورة طق يا مطر طق ,, بيتنا جديد ,, سقفنا حديد مال اوووول
و انتن ويا مالت قطر

احبك
ذكرتينا باليوم اللذي اخخخخخ كان يعور بس عجييب
الحمد لله عالسلامة مرة ثانية
نور
ترة اني بعد ما افتكر بالمعدل لان محد يهتم لية اصلا
وفوي
احنا تمام ,, صار لي سنة و اني قاعدة من زنة بدور
و عن الهدية والله ما ادري حيرة ويا الرجال ما في شي ليهم اني مو فالحة الا اجيب عطور لرجلي حتى بروحة يقول من اخذتش قمت ما ادخل محلات العطور ههه
اني اخذ عطر ويا شي مرة قمصان و مرة ساعة و مرة اغراض لسيارتة يعني... هالمرة خاطري اخذ مكينة حلاقة
يوم كنا مخطوبين وديت لية فريمين واحدصورتي وواحد اثنيناتنة خليتهم لية صوب سريرة حق كل ما يلتفت يشوفني مع ساعة الي يخلونها عالطاولة استانس عليهم

حبك
فن الي على صورتة
بس اخذي معاها شي غير

زهورة&#440;&#821;&#801;&#1244;&#821;&#808;&#772;&#439;;14328588:
حبك
فن الي على صورتة
بس اخذي معاها شي غير

في كشك في مجمع الدانة يسوون
و ما اعرف شي ثاني
شوفي شنو قاصرنة و اخذي حتى مو الي قاصر يعني اذا عندة بس قديم او شي يستعملة على طول

زهورة&#440;&#821;&#801;&#1244;&#821;&#808;&#772;&#439;;14328665:
في كشك في مجمع الدانة يسوون

برد على السريع
وفوي تقدرين تشريت إليه جوتي الله يعوش ماركة بومه عندش المحل إلا في جنوسان فيه إلا فرع هناك ودائما عنده تخفيضات يعني تحصلين ب19 أو 20 دينار وتقدرين تأخذبن إليه فوانيل من هناك أني أبو الشباب كان عيد ميلاده بعد 13 يوم من ولدت اخذت إليج جوتين من هناك الله يعزش وأخذت جاكيت إليه وفوانيل وخليتهم في بوكس وواجد عجبه هو صدق أني طلعت غاليه الهدية لأن واجد أخذت إليه بس لان كان في عيد ميلادي جايب إلي هديه غاليه فاستحيت أوديه إليه شي بسيط وتقدرين تأخذين إليه إلا يحطونهم على المكتب بعد أو قلم كشوخي هذي سويتها يوم انخطبنا في أول عيد ميلاد إليه وطبعاص كتبت في البطاقة أني في أشياء من عندي وفي أشياء من عند حمودي
وإن شاء الله نشوفكم عما قريب
وجحة حليوة فكرتش واجد رومانسية وأبوية في نفس الوقت
زهورة شخبارش
أحبك والقمر ذكرتيني بالذي مضى يالله عدت وكبروا ولادنا

السلام عليكم

شخباركم ؟ اني جيييييييييييييت :lol:

يا عليييي .. شكلي بعتزل الفن من هالحالة خخ .. انتون بعد اذا تسبحون اولادكم وتلبسونهم كأنكم داخلين معركة ؟ :worn_out: .. ما اخلص من هالمهة واني مصدقة .. وقت التسبوح عادي لكن وقت التلبيس يعفسني عفااااس من الصياح .. ما يحصل ليي امشطه واحط له كريم وانظف اذاينه واعطره وما ادري ويش .. خاطري يصير ولد مؤدب ويظل ساكت واني اعدله :D .. لكن ابد .. لا والغريب في الامر اني ادخل المعركة والشقة نظيفة واطلع من المعركة والحمام والحجرة مقلوبين فوق تحت .. حتى كشتي توقف خخخخخخ .. اللي يشوفه وهو يسوي هالحالة يقول كأني خاطفتنه لو مفلصتنه لو منتفتنه :|

وبس أكو عبرت عن شعوري في هذه اللحظة ..

***

رد رووز .. مبرووك النجاح وعقبال التخرج ومثل ما قالوا لش ترى مو كل مكان يهتمون بالمعدل .. عادة الوزارات ولا يدرون ولا يفتكرون بكشف الدرجات اهم ما عندهم افادة او شهادة التخرج :D

احبك والقمر يشهد .. ذكرتينا بالذي مضى .. حمدالله على السلامة وتتربى فطوووم في عزكم :lol:

نور الامل .. عاد هالمرة نبغي نشوفش في التجمع :adore: .. واذا كان عندش شغل قولي ليهم رايحة تسوين لقاء صحفي ويانا خخخ .. :D

بقايا .. كل عام وانت بخير وعقبال مية سنة .. :D .. وصدق عيد ميلادش مميز لأن الكل ينتظره عشان الرواتب خخ .. وشخبار زنووووب .. بعدهي تأذن لو خفت شوي :lol: .. ذاك اليوم سألتين عن ثياب البنوتات .. شوفي سيرجينت ميجور وماركس اند سبنسر احيانا يجيبون فساتين حليوة للبنوتات ..

برب ..

بااك :lol: ..

عنووووب .. خوووش تاريخ .. عرفت الدورة متى تجيش .. وهالوسواس الظاهر شغال في الكل خخخخخخخ .. الوحدة تولد من صوب ويشتغل عندها الوسواس من صوب الثاني .. يالله الحمدلله الله يرزق كل محروووم ..

زهووورة .. اني احاول اني ما اطاوعه في الحمال .. لكن ابوه اللي مخربنه .. اقول له اقعد وياه شوي بسبح لو بصلي لو بسوي ليي حاجة ما اجي له الا حاملنه ويدور به وهو مكيف ومستانس .. والقهر ازيد اذا نيمته يجي ليه ابوه ويقعده .. ومن يصيح يعطيني اياه :hysterical:

بالنسبة للهدايا .. شي صدق محير .. اذا هو من محبي المساج في مكان في مجمع الحكيم خاص بالمساج للرجال فقط :lol: .. يعطون بطاقات يزعم هدية من فلانة ساعة مساج .. اذا يحب يلبس خواتم الحين فرصتكم معرض الخريف الايرانيين يجون وعندهم خواتم بأحجار انواع واشكال دورو حجر زين ويناسب .. او اي شي ناقصنهم .. قميص نعال جوتي جاكيت .. قلم كشخة .. ازرار للثوب او القميص .. تلفون .. ساعة .. صورته وهو صغير كبروها وحطوها في اطار .. بوك كشخة ..

نور الامل ...

اي صوب بالضبط يصير هالمحل مال بوما ؟ كل مرة اقول ابغي اروحه بس ما ادله وين بالضبط .. اشوف صوب مجمع جواد اللي في باربار اشارة لماركة بوما بس ما ادري من وين يروحون ليه .. واذا عندش يفتح من كم لكم ..

هلا امهات
اخباركم؟
ورده مشكوره على الاغاني
حفظت لي كم وحده منهم عشان اغنيها الى ولدي
بقايا كل عام وانتين بخير
عنوب
الحمد لله يوم شرفت ست الحسن والجمال
عقبالي اني خايفه حدي ومابتطمن الا لين تنزل
الكل مخمن لي اني احمل على طول الله لايقولها
مااتمنى احمل على ولدي الحين بعده صغير
احبك
الحمد لله على السلامه مره ثانيه
الله يخلي لش فطوم وبالغه فيها عروس
زهوره
اني اشوف شوزات حليوين في ماكس
لكن مااروح صوب البنات
جحجوحه
نفسي معركه وياه
ولدي مايتفاهم ادا كان عطشان وعلى طول اسبحه يغربلني
لكن اني ارضعه اول اخليه لين يشبع واخليه فتره وبعدين اسبحه
ويستانس في الماي ومن افصخه ثيابه يحس اني باسبحه على طول يضحك
لكن وقت اللي البسه يقعد يزنزن لي
وفوي
بالنسبه للهديه هدايا الرجال تحير
شوفي وش ناقصنه او اي شيء محتاج له خديه له
نور الامل
اخبارش واخبار حموووووووووود

مرررررحبا امهات

يتصفح الموضوع حالياً: 7 (7 من الأعضاء و 0 من الزوار) ‏تنهدات محامية, ‏أحبك والقمر يشهد, ‏أم علي وعبدالله, ‏..صفاء.., ‏عنوب


الله يزيد و يبارك

جحة حمرة;14329741:
السلام عليكم

شخباركم ؟ اني جيييييييييييييت :lol:

يا عليييي .. شكلي بعتزل الفن من هالحالة خخ .. انتون بعد اذا تسبحون اولادكم وتلبسونهم كأنكم داخلين معركة ؟ :worn_out: .. ما اخلص من هالمهة واني مصدقة .. وقت التسبوح عادي لكن وقت التلبيس يعفسني عفااااس من الصياح .. ما يحصل ليي امشطه واحط له كريم وانظف اذاينه واعطره وما ادري ويش .. خاطري يصير ولد مؤدب ويظل ساكت واني اعدله :D .. لكن ابد .. لا والغريب في الامر اني ادخل المعركة والشقة نظيفة واطلع من المعركة والحمام والحجرة مقلوبين فوق تحت .. حتى كشتي توقف خخخخخخ .. اللي يشوفه وهو يسوي هالحالة يقول كأني خاطفتنه لو مفلصتنه لو منتفتنه :|

وبس أكو عبرت عن شعوري في هذه اللحظة ..

***

رد رووز .. مبرووك النجاح وعقبال التخرج ومثل ما قالوا لش ترى مو كل مكان يهتمون بالمعدل .. عادة الوزارات ولا يدرون ولا يفتكرون بكشف الدرجات اهم ما عندهم افادة او شهادة التخرج :D

احبك والقمر يشهد .. ذكرتينا بالذي مضى .. حمدالله على السلامة وتتربى فطوووم في عزكم :lol:

نور الامل .. عاد هالمرة نبغي نشوفش في التجمع :adore: .. واذا كان عندش شغل قولي ليهم رايحة تسوين لقاء صحفي ويانا خخخ .. :D

بقايا .. كل عام وانت بخير وعقبال مية سنة .. :D .. وصدق عيد ميلادش مميز لأن الكل ينتظره عشان الرواتب خخ .. وشخبار زنووووب .. بعدهي تأذن لو خفت شوي :lol: .. ذاك اليوم سألتين عن ثياب البنوتات .. شوفي سيرجينت ميجور وماركس اند سبنسر احيانا يجيبون فساتين حليوة للبنوتات ..

برب ..

بااك :lol: ..

عنووووب .. خوووش تاريخ .. عرفت الدورة متى تجيش .. وهالوسواس الظاهر شغال في الكل خخخخخخخ .. الوحدة تولد من صوب ويشتغل عندها الوسواس من صوب الثاني .. يالله الحمدلله الله يرزق كل محروووم ..

زهووورة .. اني احاول اني ما اطاوعه في الحمال .. لكن ابوه اللي مخربنه .. اقول له اقعد وياه شوي بسبح لو بصلي لو بسوي ليي حاجة ما اجي له الا حاملنه ويدور به وهو مكيف ومستانس .. والقهر ازيد اذا نيمته يجي ليه ابوه ويقعده .. ومن يصيح يعطيني اياه :hysterical:

بالنسبة للهدايا .. شي صدق محير .. اذا هو من محبي المساج في مكان في مجمع الحكيم خاص بالمساج للرجال فقط :lol: .. يعطون بطاقات يزعم هدية من فلانة ساعة مساج .. اذا يحب يلبس خواتم الحين فرصتكم معرض الخريف الايرانيين يجون وعندهم خواتم بأحجار انواع واشكال دورو حجر زين ويناسب .. او اي شي ناقصنهم .. قميص نعال جوتي جاكيت .. قلم كشخة .. ازرار للثوب او القميص .. تلفون .. ساعة .. صورته وهو صغير كبروها وحطوها في اطار .. بوك كشخة ..

وش اسمه هالمحل اللي يسوي بطاقات ؟؟ و في وين بالضبط ؟؟

و كم اسعارهم تقريبا ؟

تنهدات

شخبارش وشخبار حمووود ...

بالنسبة للمحل مال المساج .. عند مجمع الحكيم الطبي .. وانتين لافة لفة صالة الجميرا سابقا مرمريز حاليا .. بتشوفين دوار صغير اخذيه يمين وبتشوفين بنايتين فيهم عيادات واااجد .. من ضمن هالعيادات محل المساج

سلاام
شخباركم..
توي من شوي راجعة من السيف
خديت لكوكو بدلة وجوتي ..
اذا نامت بخليهم..

بقوي
كل عام وانتي بخير

عنوب
الحمدلله يوم شرفت ..

جحة
كانك تتكلمين عني
من البسها تفزع المكان ...