تجمع حوامل وامهات قطر لشهر صفر لعام 1432ه؛ يناير 2011م

مساكم الله بالخير

عروس فور ايفر ..
جزاج الله ألف خير حبيبتي ماقصرتي .. بخصوص ان النظام مافيه خبز ولا روتي أنا ذبحتي الخبز ماأقدر استغنى عنه .. واذا عالشعر أنا بدون شي شعري يطيح ..
اليوم أسولف مع وحدة من رفيجاتي اطلعت مشتركة في نيوترشن تقولي رجيمهم كيميائي بس هي مضطرة تشترك لأنها ماتقدر تضعف بروحها حاولت وايد ..بصراحة خرعتني بشوف ان شاء الله ..

بسومة ..
معاج في كل اللي كتبتيه وفعلا النت مب مكان ثقة ولا فيه مصداقية وخاصة في مواضيع حساسة مثل موضوع الزواج .. أنا ما أصدق هالسوالف مب لهالدرجة اشدعوة يعني يخطبون عن طريق المنتدى ؟؟ حاجة غريبة ؟؟ أحس السالفة مب صج أو مثل ماقلتي مايندرى يطلع رجال ولا من اللي كاتب الموضوع ..
بالنسبة لي بسومة يمكن أنا أول مرة أدخل منتدى واكتب فيه وأشارك البنات دايماً اذا دخلت منتديات أكتفي بالقراءة فقط حتى هالمنتدى بس من أقل من سنة بديت أشارك معاكم ولا قبل أدخل الأقسام وأكتفي بالقراءة ..ماتعمقت في علاقات مع أي حد ويمكن لهالسبب ماانقرصت من حد الحمد لله .. وطبيعتي يمكن بعد اني ما أتوالف وأتعمق بسهولة بس يشهد الله علي من شاركتكم حبيتكم وأحس انكم خواتي مع اني ما أعرف ولا وحدة من البنات اهني ..

اليوم أول يوم صيام لي الحمد لله ماحسيت بالوقت وكان سهل علي

فطوري كان تمر وماي وتبولة وشوربة دجاج.. وعقبها شربت شاي أحمر ..
عالساعة 10 كلت دجاج تكا مع خبز وشوية روب وشاي حليب.. من شوي تسحرت لبنة وتمر وماي ..

وينكم سولفو ملللل

فجر .. الحمد لله على السلامة ..وعمرة مقبولة ان شاء الله