تجمع حوامل وامهات قطر لشهر صفر لعام 1432ه؛ يناير 2011م

محد هني
فيني النوم بس مقابله النت من الوناسه لوووول

ليله
ماتشوف شر بنوتج فديتها

لولوه
الشر ما يجيج حبيبتي ، البنات الظاهر طالعين

ايه محد هني
مشتاقه اسولف معاكم
ونفس الوقت نعسانه وبديت اصدع

لولو

خلاص روحي ارقدي وريحي ، نشوفج بكره إن شا الله

تصبحون على خير

هايو بنات تونا بس جينا من الزرع......طاعنا من الصبح بس بصراحه ونااااسه أحلى شي التغيير والتقسيم تتجدد واليهال يغيرون جو..... اهم شي انه ولدي سلطان ماخلى ناقه متاحفها جت ولا بعد تم يبي ياكلهم مينو ههه بس وعليه اخر شي دش داخل ضفره شوكه من الحشيش ونفخة صبعه عاد الحين يوم رقد بالزور كل شوي اقص من ضفره بس عشان اشيلها بس أحلى شي القباقب وام الربيان مشوي على الفحم تغوصين فيه هههه بنات الي يعرف باسعار الاراضي الي بالخور عشان نسميها عزبه بكم يعني او الي عنده احد يعرف بهالسوالف واريت يسال. يله تصبحون على خير شكلكم كلكم محد :)

بنات متأزمة خدامتي القديمة الي نافعتني وتطبخ وتعرف حق بنتي زعلت اليوم وتقول تبي تسافر ؛ وقلت لها خلاص تروحين لين جبت خدامة ثانية ؛ تقول لي أسبوع وأسافر مب قاعده.

أبي أجيب خدامة بسرعه من أي مكتب ؛ قولوا لي من تجاربكم المكاتب الزينة ؛ وشرايكم أجيب سيلانية ولا فلبينية ؛ أنا عندي فلبينية جديدة صار لها ٣ أسابيع تعرف حق التنظيف بس ؛ وتعرف شوي حق بنتي ؛ وأجيبها بخبرة ولا بدون.

ردوا علي الله يخليكم محتاجه رايكم ، حسبي الله عليهم من خدامات.

نصيحه مني لج انا توني جايبه فلبينيه ماعندها خبره وعمرها 40 وعندها 4 اعيال طفشتني حياتي ماتبي تقعد الا 8 شهو وتروح واي كلمه اقولها ولا اسالها ليش ماغسلتي ولدي ولا ليش ماحطيتيله كذا تصيح وتنعنع وتمد البوز لوعت جبدي جيبي وحده مشتغله من قبل وصا لها سنتين او اكثر اليداد جلاب وماعندهم خبره ويسون نفسهم ماعرفون شي


بنات ساعدوني غلطه حياتي وديت ولدي تطعيم عن الكيالي من صار عمره ^ شهور ومالت عليهم مايكتبون في ورقه التطعيم ومتوهقه الحين كنت بوديه المركز الصحي بس مايسجلون شي والحين تاخرت على تطعيمه ويقولون ان العيادات الخاصه مايطعومن التطعيم كامل الصراحه احترت مع ولدي ماعرف شاسوي والحين تقولون عن تطعيمات يدرجونها ومادري شنوو هاي مايقولون لي شي على الفاضي 600 ريال ياخذونها افيدوني جزاكم الله خيرا

أم تميم
وديه الأهلي أو عيادة الدوحه ؛ وأنا يكتبون لي في الكرت الأخضر إذا طعمت بنتي في الأهلي.

ليله حب


انا ما احب اللي مشتغلين من قبل ،، آحب الجديده اعلمها على اسلوبي احسن
بس اذا تبينها للطبخ ممكن تجيبين وحده مشتغله من قبل في الكويت ولا السعوديه
تجيج عاااارفه كذا وحده شفتهم طباخهم حلو ،،

ليله
اهم شي ما تكون كبيره في السن
جبت وحده كبيره طلعت عيني

ام تميم
روحي الكيالي مره ثانيه وودي معاج الكرت الاخضر وخلي الممرضه تجيب ملف ولدج
واكيد كاتبين كل التطعيمات في الملف وخليها ترد تكتب لج في الكرت الاخضر مع التاريخ
وبالاخير خلي الدكتور يوقع على الكرت الاخضر
وانتبهي مره ثانيه ودي الكرت وياج في اي مكان تطعمين ولدج فيه وخليهم يكتبون لج على الكرت الاخضر

ليش انا ماعندي كرت عندي ورقه بيضه وتنتفت حسبي الله عليهم

السلام عليكم


ام تميم انا بعد ماعندي كرت اخضر

مثل ماقلتي حظ هالخدم انا اللى جبتها توها ماصار لها شهر الا تقولي انا بس 8 شهور جاية اشتغل واروح وكل يوم والثاني تصيح مشتاقه حق اعيالها

مرحبا ..



الورد وام تميم
اشلون ماعندكم كرت اخضر ؟؟
وسؤال ليش اطعمون عيالكم في اماكن ثانيه خاصه غير المراكز الصحيه ؟؟
حتى الاهلي انا ماجازفت خفت وقت تسجيل المدرسه يقولون لاء احنا بس نبي البطاقه الخضره ..
على فكره البطاقه الخضره مهمه حق تسجيل المدرسه يتاكدون انه مافيه شي الياهل ..
مع شهاده الميلاد طبعا ..
المفروض هالاوراق المهمه تنحط في ظرف وتنحفظ في ملف ..

لولو :
وحشتينا

ليلة :
قدمي على وحدة عندها خبرة وتعرف تطبخ اهم شي ماتكون كبيرة و مب مشتغلة في السعودية اللي مشتغلين في الامارات أحسن ..
اما المكتب الوسيل عاد حظج نصيبج


ماميز انا مرة وديت ولدي طعمته في الاهلي وعطوني كرتهم و في التطعيم اللي بعده وديته المركز ومعاي البطاقتين الخضرا و مالت الاهلي و قامت النيرس بروحها نقلت المعلومات للكرت الاخضر

دحدوحه
مايوحشج غالي فديتج
سويت هالحركه بعد لاني طعمت شوشه في الاهلي اول ماجبتها وعقب حولت كل شي عالبطاقه الخضرا وخليت الدكتوره مدري الممرضه تنقل البيانات من بطاقه الاهلي على الخضرا ..عادي

الحين انا ولدت بنتي فالاهلي وكل تطعيماتها في الاهلي في عيادة قطر غاز ولما سالت الدكتورة عن التطعيم هل نفس المراكز الصحية قالت احنا قطر غاز والمراكز الصحية كل تطعيماتنا وحده ناخذها من الصحة اما الاهلي مادري عنهم لانهم يعتبرون خاص

الحين اذا بطلع كرت اخضر شلون