تجمع حوامل وامهات قطر لشهر صفر لعام 1432ه؛ يناير 2011م

موزان:
ثاااانكس حبيبتي

مساء الخير



مشكورين على دعواتكم للوالد الله يرحمه

هاي ماميز

قاعدة من الصبح بنتي ترجع وتقول بطنها يعورها ؛ بس أمس أبوها ماخذ لها هابي ميل من هارديز ؛ وأنا ما أحب تاكل فاست فود بس شسوي ؛ المهم وديتها المستشفى سألني الدكتور إذا ماكله من برع وقلت له اي ؛ عطاني تحاميل للوعه ودوا للمغص وقال إذا تعبت وحسيتي صادها جفاف أوديها يحطون لها مغذي ؛ بس أشوفها أحسن الحين ؛ عاد رجعت من المستشفى حسيت بتعب وحسيت إني أنا برجع معاها ، مأساه إذا الياهل مرض والأم تنسا.

مساءالخير

ماميز متفائله والله -بس احيانا يجيني الوسواس
لأني سقطت اكثر من مره -واذا سمعت حد سقطت
الله يثبته ان شاءالله

تفاحه
ام ريلي هي اللي شريته لي

تفاحة

العفو


ليله

ما تشوف شر بنتج
لا تاكلينها فاست فود اذا يصير لها جي..
اسم الله عليها..

نور
عظم الله آجركم حبيبتي
جعل مثواه الجنة وربي يثبته عند السؤال

ليلة
ماتشوف شر بنتج

نور :
لاحول ولا قوة الا بالله
الله يعظم أجركم و يرحم الوالد و يغفر له ..



تفاحة :
اسألوا في المحل عن أحسن نوع .. و شوفوا اللي يناسبكم

نور عظم الله اجرج و الله يثبته عند السؤال و يجعل قبره روضة من رياض الجنة

مساء الخير
اخباركم يالموجودين :)

طفلي والمغص والغازات// أريد حلا عاجلا

نور
عظم الله اجركم

روكر
شوفي شيكو الستي سنتر اسرتهم عمليه وماتخترب

مسا الخير
نور
عظم الله اجركم والله يرحمه ويجعل مثواه الجنه
ليله
اسم الله عليها لاتعطينها الفاست فود احنا الكبار ومانسلم منه
ماعليها شر انشالله ..
دح دح
انا لما سجلت ولدي الحضانه مارحت ماقالت الموظفة اكتفت بالتلفون
يمكن انتي حضانتج يحتاج تروحين ... اي حضانه سجلتيه ؟
اقولج اليوم رحت المركز الصحي طلبت تحويل حق عبودي لحمد
قالت الدكتورة مايحتاج اذا كان فيه مرض هني نحولج لكن حالته ماتستدعي
وعطته تحاليل في المركز تحليل شامل وغدد وهرمونات اذا ماخاب ظني . .
هي الابرة لما حللو حق ولدج ماتحرك يوم غزوه ؟ تعور وايد ؟

ليلة :
ما انتبهت لردج الا توني ..
اسم الله على بنوتج .. عطيها سفن اب .. وان شاء الله ما عليها شر ..



روح :
في حضانة الريفيرا ..
واتصلت على لايف تايم قالت لي شهر 5 التسجيل فاذا حابة تعالي قبل التسجيل على شهر 4 عشان تاخذين جولة و نعطيج الفورم للتسجيل ..
وعن التحليل زين اذا بيسوونه في المركز اخف لج من زحمة حمد .. وولدج قد ماتقدرين امسكيه و ثبتيه وخلي الخدامة تساعدج .. و ترى نفس التطعيم عادي بيصيح له شوي وقت الابرة و بيسكت .. و ثواني بس الا و هو خالص .. الله يسخر له ممرضة يدها خفيفة ..

دح دح
الحضانة اسمها كريتيف شايلد صح ؟
لايف تايم صاجه انا قالت لي بيكون تسجيله ع الصيفية ع قولتها شهر 5
قلت لها مومشكله ..
والتحليل يختي خايفة عليه وااايد يتحرك ويتصلب ومادري شيسوي
الله يعين وابوه يقولي غصب بتمرضينه مافيه شي وانا ابي اتطمن بس
ماعنده نقص فيتامين دال ولا غيره الله يكون بالعون ..
ولا امس بعد ايه عليه خلصنا من الدمل ياته ذيج الكحة الي احسه بيزوع حتى هو راقد
وديته الطواري الا يقولي احتقان مع ان قبلها بيوم مشيك عليه مهند مافيه شي
شكلها تعادى من الي حذانا يكحكح لين الله شاف له في العياده . . والله تعبت من الادوية هالشهر كامل مع الادوية من تصخن يوم تطعيمه
الحمدلله ع كل حال اللهم لا اعتراض ....

ويني وين اثبته اقولج الحين عشان الغيار في المستشفى يصرخ
ويتصلب وهاي واحنا ثلاث ماسكينه ... تعقد من سرير المستشفى
من يشوفه يصيح ايه عليه

بناات اللي ولدت قيصرية
شنو طرق القضاء على الكرشة هههههههههههه

وووو بعد ابي اسأل في وحدة منكم مشتركة في مركز للدايت سواء نيوترشن او اللي يطرشون لج الاكل للبيت ؟؟

هاي ماميز
الشر ما يجيكم الحمد لله بنتي أحسن الحين ؛ وقف الترجيع ، ومن اليوم وساير بحاول ما أعطيها فاست فود ؛ هي لو علي ما تاكل بس الله يهداه أبوها.

بنات إذا ما شبعت رقاد تزيد علي اللوعه ؛ اليوم قمت من صبح عشان بنتي ترجع ؛ والظهر تعبت وايد حسيت برجع ؛ شسوي المفروض الأحد دوامي ؛ شكلي بروح أمدد إجازتي المرضيه.

بنات سمعتوا عن تطعيم اليهال الجديد الي من سنتين لين خمس سنين ؛ يقولون حق أمراض الرئة ؛ مادري متى أودي بنتي وهي كل أسبوع مريضه ؛ وأحس أنا ما فيني شدة أطعمها وتمرض.

ليله
مددي اجازتج اهم شي راحتج ..
وشو هالتطعيم ماسمعت عنه ...
يعني عادي تودين الياهل ومو مكتوب في الكرت ان له تطعيم
لان كتبو لي موعد التطعيم الياي لي كمل اربع سنين ..

روووح قطر

اي هاي جديد مب في الكرت ؛ توهم هلي يقولون لي عنه ؛ موجود في المراكز الصحية والعيادات الخاصه.