تجمع حوامل وامهات قطر لشهر صفر لعام 1432ه؛ يناير 2011م

روكر

حاسه فيج حبيبتي ،، ساعات ممكن مشكله بسيطه تحطمج
انتي فكري يمكن فيه مشاكل بسيطه بينكم او انتي عندج مشاكل
مع حد ،، حاولي تحلينها اذا فيه
واذا مافيه شغلي قران في بيتج واقري البقره والله يفرج ضيقك
بس حرااام اذا هو مو مقصر معاج وبينكم عيال ليش الانفصال
تعوذي من إبليس حبيبتي ..

بدر ما في بينا مشاكل و تونا راجعين من السفر بس ما عدت احس صوبه اي مشاعر حب اوسعادة

الله يشهد اللي ابيه يجيبه لي و شاريني بس احس انه شي انسد وخلاص

و ما في مشاكل بيني و بين ام زوجي

روكر

حبيبتي هالمشاعر ما تجي من فراغ ،، اكيييد في اسباب
انا بقولج عن نفسي ساااعات احس نفس كلامج واحس اني متضايقه ومب قادره اتحمل
بس لما اراجع نفسي القي كم سبب يمكن الناس يشوفون الاسباب تافهه بس انا تعني لي وااايد ،،

مساء الخير

مبرووووووووووووووووك عليكم الحيا

مسا الخير
مبروك عليكم الحيا
انكساري شموخ
ماجاني الرقم :(
روكر
اسم الله عليج
هو اكيد في اسباب
صدقيني .. بس انتي عليج الفترة ذي قراية سورة البقرة كامله
والله يفك ضيقتج .. وتذكري حرام تنفصلون وبينكم عيال . . .
الله يهدي سركم انشالله

rockerbabe;14255438:
ما ادري شصاير فيني و لا في حياتي حسيت باللي احسه الحين

السلام عليييكم

شخبااااركم

مبرووووووووووووووووك علييكم الحيا

والله يغفر لنا بها ويغسل ذنوبنا وهمومنا واحزانة يارب

متى أخر مرة غسلت عيونك ؟؟ نعم عيونــك !!

[FONT=Times New Roman][COLOR=#ff007f]

كم مرة غسلت عيونك بالدموع !! دموع الندم دموع الحزن دموع الخوف دموع الرجاء دموع الموالاة والبراء !!

هــل دمعت على ذنوبـــك !!

هل دمعت على غيبتــــك !!

على نميمتــــــك !!

على خيانة عيونــك !!

على تركك للصــلاة !!

على مشاهدة الأفلام !!

على سماع الأغـاني !!

على النوم عن الصلاة !!

على الأسرى والأسيرات !!

على قتلى المسلمين والمسلمات !!

هل غسلتهــا قبل يوم الندم والحساب !!

هل غسلتها قبل أن تنطق العينان !!

هل غسلتها قبل أن تزهق الروح !!

متى آخر مرة دمعت فيها عينيك !!

متى آخر مرة غسلتها من الذنوب والمعاصــي !!

قال تعـالى:

(ألم يئن للذين آمنوا أن تخشع قلوبهم لذكر الله وما نزل من الحق ولا يكونوا كالذين أوتوا الكتاب

من قبل فطال عليهم الأمد فقست قلوبُهم وكثير منهم فاسقون)

وقالَ رسُولُ اللَّه صَلّى اللهُ عَلَيْهِ وسَلَّم :

((سَبْعَةٌ يُظِلُّهُمُ اللَّهُ في ظِلِّهِ يَوْمَ لا ظِلَّ إلا ظلُّهُ : إِمامٌ عادِلٌ ، وشابٌّ نَشَأَ في عِبَادَةِ اللَّه تَعالى ، وَرَجُلٌ قَلْبُهُ مُعَلَّق بالمَسَاجِدِ ،

وَرَجُلانِ تَحَابَّا في اللَّه ، اجتَمَعا عَلَيهِ وتَفَرَّقَا عَلَيهِ ، وَرَجَلٌ دَعَتْهُ امْرَأَةٌ ذَاتُ مَنْصِبٍ وَجَمالٍ ، فَقَالَ : إِنّي أَخافُ اللَّه ،

ورَجُلٌ تَصَدَّقَ بِصَدَقَةَ فأَخْفاها حتَّى لاَ تَعْلَمَ شِمالهُ ما تُنْفِقُ يَمِينهُ ، ورَجُلٌ ذَكَرَ اللَّه خالِياً فَفَاضَتْ عَيْنَاهُ )).

وقال رسول الله صلى الله عليه وسلم:

((عينان لا تمسهما النار ، عين بكت من خشية الله ، وعين باتت تحرس في سبيل الله)).

وقال النبي صلى الله عليه وسلم:

((ليس شيء أحب إلى الله من قطرتين وأثرين : قطرة من دموع خشية الله ، وقطرة دم تهراق في سبيل الله ، وأما الأثران :

فأثر في سبيل الله ، وأثر في فريضة من فرائض الله))

وقال عبد الله بن عمر رضي الله عنهما:

" لأن أدمع من خشية الله أحب إلي من أن أتصدق بألف دينار ! "

عقبة بن عامر قال:

قلت يارسول ماالنجاة؟؟ قال عليه الصلاة والسلام::

أمسك عليك لسانك وابكي على خطيئتك

ابكي قبل أن تشهد عليك الجوارح والأركان

أبكي قبل أن توقف في ذلك الموقف العظيم ثم يقررك الملك العلام ويقول لك

أتذكر ذنب كذا أتذكر ذنب كذا وأنت لاتجد مفرا من السؤال

ابكي قبل أن يسألك ربك ألم تكن تظن أني أراك وأنت تعصاني

أما استحييت مني وأنت تختبئ عن أعين الناس وتنساني

أبـــكي فان العبد إذا بين يدي سيده رحمه ابكي فان الطفل إذا بكى رحمته أمه

وربنا أرحم بنا من أمهاتنا

بل حتى من أرواحـــنا

أبكي وأنت ساجد .. وأنت تصلي ... وأنت في خلوة مع نفسك ..

أبكي فما أحلى دموع التوبة وما ألذها

بعد صلاة الفجر والناس نيام وأنت لوحدك في مصلاك أو في المسجد راجع نفسك

راجع ذنوبك فكلنا خطاءون .. لكن خير الخاطئين التوابون

اللهم إنا نعوذ بك من قلب لايخشع ومن عين لاتدمع وأذن لاتسمع ونفس لاتشبع

اللهم ارحمنا فأنت خير الراحمين

[/COLOR][/FONT]

روكر
الله يفرج ضيقتج ؛ كثري من الاستغفار والدعاء واقري سورة يس والبقرة ؛ إذا تبين روحي مركز الراشد ولا الاستشارات العائلية اطلبي استشارة شلون تكملين حياتج معاه مب طلاق.

روكر اذكري الله كلنا حزات نمر بهالمشاعر ونقول احنا شنسوي والا شيصير لنا....
حزات يقولج المشاكل ملح الحياه وجدد المشاعر مهما كانت المشكله.....
تصوري او فكري بانج مره تكلمتي جدام احد عن ريلج وعينه حاره ويمكن صابتج عين
انا يعني اول ما عرسنا بنت حماتي تدخل عندي الغرفه ونسولف ومره كانت عندنا مناسبه ودخلت بنت حماتي عندي الا تقولي بل علييييكم انتوا كله فراشكم معفس شمسويه في خالي تخيييلي انا نو كومنت قتلها الواحد ما ينام الظهر وانتي ادرى خالج قعدته من الفجر لازم ينام الظهر..والله تقولين عين ماصلت على النبي..

الناس صايره تحسد الواحد على موتت الجمعه فما بالج اذا لبستي شي وقلتي ريلي شاريلي اياه او هديه منه والله كلوج بعينهم مايقولون الله يوسع عليهم ويوفقهم...

تذكري اول ايامج معاه واول بيبي ولدتيه وشلون كانت فرحتج معاه ومتى ضحكتوا....

كثري انا الي من فتره بسيطه المشاكل اتحذف مطر علي بس الله يوسع قلب الواحد شوي
وهذا كله من سورة البقره والله قالت لي وحده مختصه اقرى البقره 40 ليله مب شرط متصله 40 ليله بس المهم تقرينها في كل جلسه تخلصينها كلها ويكون شعورج خالص لله انه بيفرجها عليج وسبحان الله الله قادر على كل شي...

شوفي ياروكر من كلام اخت لي اخت...في هالزمن ماتشوفين ريال شايل مرته من كل النواحي ومحتويها والله وطبعا الانسان مب كامل بي بعد يعرف معنى الحب والاحترام...مرات فكره وفعل تثمنا غلط كبيييييييير ماكنا نتوقعه كلش...

اسفه على الاطاله بس روكر وغير روكر فكرا بنفسكم بحالتكم بصحتكم بحياتكم الي للحين مادخلنا قاعها كلها ونستخير ربنا لنه اهو ادرى منا بالي يصير والي راح يصير

يله بنات تصبحون على خير :)

أم شيوخ
أأيدج في كل الي قلتيه

ام شيوخ
ماقصرتي كفيتي ووفيتي

ليله حب
ماتشوفين شر حبوبة
وكثري من السوائل

هتان
اشووووووف الكل يمدح في اس 26

روح
الشر ما يجيج حبيبتي

السلام عليكم ورحمة الله وبركااااته

مبرووك للي حملو والي ربوو
ماشاء الله الله يزيد الامة الاسلامية هههههه
دعواتكم لي انضم لكم قريبا :o

مامييييز وحشتووووني ... بس صج صج منشغله هاليومين

ان شاء الله باسوي حفلة ننون بنتي الجمعه الجاية

وابي مساعدتكم .. ابي وحده تسوي كب كيك راقي وغريب ولذيذ
وفي نفس الوقت تكون عالوعد لاني انقرصت من كذا وحده
اطلب منهم ويتعذرون قبلها بيوم ويوهقوني

وان شاء الله مانسى واصورلكم كل شي :|

بخصوص الهدووووووء

محد له خاطر يسولف يعني
:study:

روكر
اسم الله عليج ايش هالحجي صلي على النبي وتعوذي من ابليس وشيلي هالافكار البايخه من راسج
انتي مره مسؤوله وام عيال وهالعيال امانه في رقبتج
اذا ريلج مب مقصر عليج ومافي بينكم شي شاللي يخليج تفكرين في الانفصال
الحياه مب مسلسل رومنسي عشان كل يوم يطيح فيج حب وغرام وغزل
فكرتي اذا صج تم الانفصال عيالج ايش بيصير فيهم؟
اذا باجر اسالوج ليش حرمتينا من ابونا ومن الحياه الاسريه ايش بتردين؟
اسبابج مالها داعي وعذرج ما يوصلج للطلاق
والمره لازم تجيها حالات فراغ عاطفي
والحياه الزوجيه فيها مد وجزر ولازم تتحملين
والشيطان يحاول يدخل باي طريقه
اقري سورة البقره كامله كل يوم وشيلي هالافكار السوده من راسج وماعليج شر ان شالله