بس لحين ما بديت تجهيزات كون عندي وقت وايد:worn_out:
بس ما ادري شللي ابتدي فيه اول من تجهيز ، التجهيزات الشخصية من ثياب و خرابيط و غيرووه ،
او التجهيزات لحفلة الزواج ..
عبارة الشقة تقريباً جاهزة ، مجرد تناتيش المتبقي ,,
و احين التجهيزات الشخصية و التجهيز للحفله ..
و ان بحجز للحفله من ميكب و قاعة هل احجز من احين لو قبل بـ 3 شهور .. كون تو الناس :study:
متعيرة حدي ابدي بشي اذا اجوف انه عندي وقت ، بس بنفس الوقت مابي اسوي كلشي بسرعة بسرعة مثل الخطوبة نسيت اشياء لان وقتي كان قصير بالتجهيز و التخطيط:celebrate:
و بالنسبة لحفله الجلوه ، اي افضل زي شعبي او فستان .. انا في بالي اسوي ستايل هندي جذي بس ما ادري هل يناسب لو لا ..؟ لان الساري ستايله مستهلك عندنا قلت بغير لجذي بس مع اضافات ..
و شنو المتيريال المناسب لهستايل حرير .. او قطعة ساري ..
و شنو احسن قاعة لحفله الجلوة او ماتم بسعر رمزي بين 100-200 دينار .. جريب لمدينة عيسى ..
بالاضافة للمكياج و الشعر ، افكر آحجز للجلوة ، شريفة فولاذ هل تضبط المكياج الهندي او ترشحون ماكيره غيرها ..
و لحفلة الزواج ، لحين ما استقريت على شي من ناحية قاعة الحفلة بيتنا يبون نفس قاعة الخطوبة اجرب لهم خخخخ و انا ابي اغير المكان بس لحين ما رسيت ع مكان و بنجوف وين ..
و فستان الزواج ، ستايله لحين ما رسيت عليه شلون بيكون .. لانه بالخطوبة كان الموديل جذي ..
و للزواج ، الموديلات الي جفتها لحين ما رسيت على شي محدد و ابي اعرف شنو الستايلات الدارجه حاليا لفستان الزواج ..
هل اسوي فستان الزواج ابيض كاامل " ناصع البياض " ، او ادمج معاه لون " بالشك " ،
محتارة من ناحية هالشغلة كوني الفستان بسويه تفصيل بس الموديل لحين ما رسيت على شي ،:confused:
و بالنسبة لمكياج الزواج ، ابي ماكيرة شغلها مقارب لشغل صفاء كوني ابي اغير ، ماما تقولي حجزي سلوى قلتلها ما احب شغلها :worn_out: .. و هم فكرت بأن احجز شريفة فولاذ للجلوة و الزواج بس اخاف ما اتغير الستايل نفسه يكون ..
مو عارفه شخطط فيه و شبتدي فيه بس حاليا قاعده احط الافكار حتى اسهل ع روحي المهمة بعدين .. و ما انسى شي .. لانه بالخطوبة انربشت من قلب و ما ابي اتعب ع الاخير ههه:worn_out:
