صبحكمـ الله بـ الخير .,
أخباركمـ ؟!..
يا حلا الجو , باااااااااااارد :L:
|||
أم كشكوش;14265193:
أمممم أي الوالدة تبي جلابية ,, بالاحرى جلابيتين وحده للحفلة ووحده للملجة
اللي للحفلة حاطة ميزانية لـ 60 تقريبا
وأممم عجل أسرار الفراشة ما يصلح كلش
رحت أنظر وألبس ما عجبني شيء ,, بيني وبينش رحت أطالع اطقم الهنود عنده يعجبوني هههههه
بس ما دققت ع الجلابيات
وكنت حاطة في بالي اوديها اهناك عشان جلابية للملجة
وباقي الاماكن اسعارهم فوق تقريبا لكم؟؟!
الوالد يبني في البيت والميزانية نوعا ما معدومة
يعني ازيد من 60 ما تقدر تاخذ :(
مشكووورة الغالية
زين ليش ما تروحون السعوديـة ؟!..
بـ تلقى لها شي حلو وكشوخي ووالأهم إنه بـ الميزانيـة ع فكرة
مب شرط جلابيـة , جلابيـة
أكو الحين نفانيـف شيفون نعومية وفخمة
تجي بقصة في الصدر مزمومـة وبعدها كلوش
وتكون يدها من يد الجلابية ( يعني قطعة شيفون طويلة & وسيعة مثل الجلابيات )
يعني فستان & جلابية في نفس الوقت
أنصحج في هـ الموديل بـ شدة ..
وبحدود الميزانية بتلقينه
شايفة من هـ الموديل وايد وحده حلو .,
ويناسب عمرها , ويناسبها كـ أم العروس
|||
':
[ أبيڪُ و ما أبيـهُـم ][;14265502']
كوجي كووجي
حلووووووووووووووووووووووو حبيتهااااااااا
ههههههه يا عووومـري .,
حبيت " كوجي , كوجي " :p
|||
منسه;14265817:
ما شاء الله .. تبارك الرحمن
حناها وايد كشوخي ومررررتب..يهبــــــــل
حبيته جداً :adore:
ثانكس وايد ع الصور خيه
|||
ام حسوووون;14265920:
هاي يا حلوات ابغي اسال عن وحده تحط ميكب ناعم وحلو حق عادي يعني حق زواج اخوي واسمع اكثر البنات ينعتون في ابتسام كمال وعايشه الريس اتصلت حق عايشه قالت انها مسافره ولو انه كان خاطري كلش في الميكب مالها والحين افكر في ابتسام بليز الي تمكيجت عندها تقول لي رايها واذا في وحده مكياجها حلو بعد غيرها؟؟!!
لـ عادي أو عروس ؟..
إذا لـ عادي ترى عايشة حالياً متوقفة ما تمكيج العادي .. بس العرايس
وإذا عروس الثنتيـن روعة
وستايلهمـ تقريباً متشابه
إبتسامـ تاخذ عادي أو عروس
شنهو ستايلج عموماً
لأن ستايل الثنتين أهو وسط على نعومي , فخمـ وزاهـي
عندج أيضاً (صفية شويطر) هذي ستايلها , وتاخذ عادي & عرايس
|||
حصاصي;14268139:
حلومه للتصحيح صفاء المسلم صالونها في توبلي
انا شخصيا دايم اودي فلوس او شي حق البيبي من مذركير
ودامج مب كلوز اخذي لها شي من سنتر بوينت حق البيبي خصوصا عندهم تخفيضات في هالفترة
هههههه إي أدري .. إنه في " توبلي "
بس من العجلة والسرعة يختج
ما إنتبهت ههههههه :lol: :lol:
|||
هـذيـان;14268224:
السلمانية بعيييد .. وبكوارة اقرب لنا بس زحمة :confused: !
نروح وامرنا لله :(
كنت اقصد لعروس .. الشعر مو حامله همه الحمد لله تساريحي في اي صالون تصير مضبوطة
لكن المكياج اي احسن نهاد او فردوس ؟ مامبي مكياج صارخ ولا ناااعم :hysterical:
بـ العكس .,
بوكوراه مب شارع السوق لا لا لا
مب في الزحمة واللويه
قريب من أسواق المنتزه , يعني عبارةً من ورى
وتسآلين ؟..
لـ عروس .. عسبالي لـ عادي :confused:
أنصحج بقوة .. بقوة بـ (صالون إيلاف) - الزنج
الشعر / تيجي , المكياج / فردوس الحلواجي
حطي لج ميزانية 120 إلى 140 بس >> ويمكن يطلع عليج أقل بعد :D
لـ شعر + مكياج
:thumbs_up:
|||
ميدو العروسة;14268961:
مرحبااا شخباركم بنات؟
اليوم رحت بروفة لفستان العرس .. حبيييييته واستانست عليه:adore:
قالت لي بيجهز عقب شهر تقريبا..
وقدمت على وظيفة في مركز الاستقلا الطبي ,, ادعو لي بنات احصل شغل:(
بنات اي لون اسوي الباقة؟!! بحط مكياج مشمشمي :!!:
اخليها اوف وايت؟!
صايرة هالفترة حساسة زيادة عن اللزوم ودمعتي كل شوي تنزل:'(
والبلوة انها تطيح قدام الي يسوى والي ما يسوى:hysterical:
عروسات انتون هيك؟! :sick:
الميك آب .,
بما إنه مشمشي
خلي البوكيه دمج بين الأوف وايت & درجات المشمشي ,
بيطلع روعة ;)
وعلى أساس الماكيرة تعرف تحط لج بـ الضبط أي درجة من المشمشي على حسب لون الورد
|||
روحي وروحكـ;14269023:
بناااات بقول لكمـ خطتي
مثل ماقلت قبل أنا بسوي الملجة والجلوة في نفس الليلة تاريخ 10-5
بفصل لي فستان اخضر تفاحي بس للحين ماقررت وين أوديهـ وايد قالولي وديهـ شامواهـ حلو وأسعارها معقولة
بسوي شعري عند سهام العفراء أفكر أسويها تسريحة نازلة على جنب مادري شرايكمـ انتوا ^o)
بالنسبة للميكب أنا أحب ستايل بنات ماكـ أموت عليهـ قلت أبي شي ناعمـ وحلو مايكنسل على ليلة العرس قلت احتمال أروح لفاطمة اللبنانية تحط لي عادي مو عروس أنا شايفتهـ على جمـ وحدة كان حلو بس مسمرتهمـ شوي قلت مو مشكلة تتصلح السالفة
بس من جمـ يومـ البنات يقولون جنهـ طحين ومادري شنو وخرعوني :confused:
لنهـ أنا سمرة فاتحة حنطية مو بيضا يعني حساس اللون :lol:
وأشوف يمدحون عايشة الريس بس ماشفت لها غير صورة أو صورتين ومتخوفة
إذا عندكمـ اقتراح للميكب فيدوني بنات :o
اليومـ الثاني من الملجة بتحنى في البيت أبي منى أمـ إبراهيمـ شرايكمـ ..؟
أبي في البيت عشان آخذ راحتي أتسدح وأتبطح وأريح شعري وويهي مو كل يومـ تسريحة وميكب :lol:
تاريخ 13-5 بيكون الزواج بروح يا عند وحيدة أو فتحية والميكب يا معصومة ماكـ أو نجاة
أول ماستلمـ مهري وهالسوالف بقولكمـ عشان تساعدوني في تقسيمـ الميزانية أدري مابتقصرون حالياً مابديت في ولا شي لنهـ أمي وأبوي مسافرين وأنا متحقرصة أبي أبتدي تجهيزات أحس مافي وقت كلش بس اللهـ اييبهمـ بالسلامة ونبتدي شغل
أحس فيني فيعة على الهذرة ماعندي أحد أسولف لهـ ههههههـ
على فكرة .,
سهام ما تسوي إلا العرايس .. ما تسوي عادي
يعني لو بتسوين عندها تدفعين ثمن تسريحة عروس
عندج " مريم جاسم " هذي تسوي عادي
وعموماً
الثنتيـن روعة أمانةً .,
أحلى شغل في الشعر بـ العفراء .. إهما
وبما إنج تحبين ستايل مكياج بنات ماك
فـ خلج عليهمـ أفضــــــــل , لا تروحين بعيد
لأن مكياجهم أروع وأحلى بآلف مرة من (فاطمة اللبنانية) في نظري
أقلها فيه زهوة ونعومي وفخمـ
عندج : رجاء & حنان يسون العادي .. حتى نجاة روعة >> بس إنتي مخليتها كـ خيار للعرس
ومثلاً : إيمان ماك .. هذي بعد مكياجها روعة
عايشة الريس .. بس تحط للعرايس
وبـ خصوص إختيارج للحناية
أشجعج عليه
خوش إختيار
حناية ممتازة وحناها روعة وغامج وسريعـة
ويكفي إنج بتكونين في البيت ماخذة راحتج
;)
|||
sweet persian;14270929:
بناااااااااااااااااااااااااااااااااااااات ابي وحدة تحني واااااااااااااااااااااااااااااااايد حلو ويغمج لان عرسي تجدم يوم :badly:فأم شهد اللي كانت حاجزتها عشان تحنيني قالت لي ما اقدر ايي لج يوم قبل :confused::confused::confused:فما ادري شا سوي:'(:'( ابي وحدة تحني حلووووووووووووووووووووووووووووووووو بليييييييييييييييييييييييييييز:adore::adore:
أبوي .,
تفضلي :
http://forums.3roos.com/showthread.php?t=518477
فيه صور متنوعة للحنايات
تنقي على كيفـج
وإلي تناسبج
:thumbs_up:
