•¦¦•

مصراتية لشرقاوى;14295065:
قهيوة ايه زى اللى حاطتها فيكى ...
عندى اختى ادير فيها للرؤوس السوداء جايبتها معاها من دبى ...انى فى ليبيا ماشبحتهااش ...

سوال المخالفه

شنو قات عليها اختك تشكر فيهااا؟؟؟؟؟؟؟؟

ويارب يشفي الوالده يااارب

زوروني في تجهيزاتي من سوريا
http://forums.3roos.com/showthread.php?p=14298765#post14298765

مصراتية لشرقاوى;14295595:

سؤال مخالف لفيكى :-


من مصملك القفطان ...اللى بالفجرة ؟؟؟ وانت طالبة فيه 1500 ...يعنى مافيش تخفيض اكثر من هكى ..؟؟؟

القفطان مصممه المنتصر ومكلف تقريبا الفين ولانه مش شبه مش ملبوس يعني حتي شكله قاعد جديد حسيته ماخسرش من سعره هلبة ..وعادي حبيبة لو مانباعش يقعد عادي بعدين اني شفت الاسعار في المحلات ولقيت قفاطين لافخامة لا منظر وبالف والف وتلتمية

بنات .. طبعا انا رحلتي كانت مفروض بيروت بعدين سوريا عن طريق القاهرة
شوفوا ها .. حتي التاج بتع شنطة لبيروت .. وركبنا في طيارة وفي اخر دقيقة
مصارش ههه نزلنا (( كانت فيه مشاكل سياسية )) وخفنا بما ان جنسيتنا
ليبين ... وبتنا في مصر .. وتاني يوم طلعنا لسوريا .. وصوره كدا صورة بش
تكونوا في الحدث هههههههه

هادي التاج بتع شنطة
BEY = بيروت
CAI = القاهرة



وبعدين مشينا للانتركونتينتال بتنا ليلة في مصر
هدا لقطة من لوبي




هادي الدار


عندنا كرت الامباسدور .. فهادي كانت هدية علي اساس ههههه



وهادي سوريا ... سوق بتاعهم


هادي في الاونج(( امس )) بتع البزنس واحنا مروحين



الثلج في جبال سوريا


لقطة من الغروووووووووووووووووب من طيارة..ة وكانت جميلة جدا


بزنس الليبية هههههه لقطة من الي قدامي


وهادي اضواء ليبيا الحبيبة



وبس
ها شنو رايكم هههههههههههههههه !!! كل رحلة حاسبتكم ومتفكرتكم معاي
بش متقولوش ملكة مش كويسة خخخخخخخخ

سؤال مخالفة :-

حابة نعرف وين نقدر نلقي مراية زي هادي وبكم ؟

رد مخالفة بالنسبة للتوصيل لبنغازي ماعنديش فكرة على الشحن داخل ليبيا تو نسالك..

ملكة في مملكته;14299357:
سؤال مخالفة :-

حابة نعرف وين نقدر نلقي مراية زي هادي وبكم ؟

رد مخالفة لاحلي ملوكة

اني واخدة واحدة زيها بالضبط من تاج محل وشفت من النوع هذا في البيت المعمور

هنو الدلوعه;14283060:
رد علي سؤال شيما في اللمه بخصوص المزينه الي مشيتلها في عرسي:
أهو بنقولك حبوبه أنا لا نبي نتكلم أو نفتي علي مزينات بنغازي لأنه الناس اذواق زي ماتعرفي ونبي نحترم رأي كل عروسة فينا بس بنقولك أني تعبت وأ،ي نلف ودرت خطوه هيا أني مشيت تفرجت عليهم كلهم وشفت بعيني ودرست الوضع كله من معامله الزباين للنظافه والأحترام والخصوصيه وأهم شئ الخبره والفن وهل أنه المزينه تعطي العروس حقها من أهتمام بحكم أنه ليلتها ودافعه فلوس للأسف لقيته شئ ناقص عند كل المزينات لأنهم ياخدو في أكثر من عروسة وهكي شيرتهم تنذهب ولازم كام عروسة تنظلم لأنه عامل الواسطه للأسف معادش في الخدمه بس لا حتى أهني مووجود وعشان تبرزي لازم تهدي للمزينه وتهدرزي وتتغزلي فيها وفي شغلها كأنها تمن عليك مش تجي بكرامتك وديرلك الي تبيه وبضمير للأسف يعني وغير هكي عامل الخبره والفن والحس الجمالي عندهم نااااااااقص والحظ يلعب دور كبير في اليوم هذا والعامل النفسي أهم تخيلي العروس جايه مشحونه وخايفه أصلا لانه جايتها نقله كبيره في حياتها وهادي ليلة عمرها وتجي للمزينه تحبط بزياده من الوضع الي تشوفه حسيت روحي عطلت عليك بردي بس نبيك تعيشي معايا اللحظه هذا غير أني درت بحث كبيرررررر عند كل معارفي وأرائهم في المزينات المهم قربت لحظه الحجز وقعدت نقول معاش فيها ياهنو وووووووووووووو الوقت يجري وفي مزينه شايفتلها بنات صحباتي ديما تبدع فيهم وهما عرايس وفي المناسبات المهم في عرس وحده منهم هيا الي طلعتها وهيا صاااااحبتها وحضرت العرس المه حصلت عليها وخديت رقمها وهدرزت عليها وعرفتها بنفسي (الكلام هذا من سنة ونص فاتو تخيلي ) لأنها هيا ماتطلعش أي حد لأنه تخدم في حوش أهلها وغير هكي أ،ها رسامه وخريجة فنون وفاااااهمه شغلها وتعطي العروس حقها المهم أنا غيرت شفرتي والرقم راح ووقت عرسي وحده صاحبتي شايفتلها عرايس بنات جيرانها وتشكر في شغلها وقعدت تقول يندوروها وأنا نقوللها ماتقهرنيش الرقم راح مني ههههههههه المهم نفتش في موبايلي ونلقا رقمها بالصدفه مخزن هههههههههه تخيلي لوين عيوني دمعو أتصلت بيها وحددت موعد معاها ومشيت وتكلمنا وهيا فيها الخير مذكرتني ودفعت عربون وهيا أسمها جيجي المهم أنطباعي أول ماخشي حوشهم تبارك الرحمان نظافه وحوش محتررررررم ومررررريح وكبير المهم تكلمنا أول شئ ميزتها ماتخدش أكثر من عروستين في اليوم وتفضل وحده وأني خدتني بروحي وميزتها الثانيه تمشيلها ساعه 4 وطلعك أمتا ماتبي أنا مشيت 4 روحت حوشنا 7 ونص تخيلي ولبست الفيلو في حوش أهلي علي راحتي وكل شئ وصورت في حوشنا وتوكلنا للصاله وطبعا بعد مادهوروني شويه ههههههههههههه المهم والحمد لله عجبت الكل وأهو بيكاتشو وعروسة الأميرات وفيرونا وأم أدم وتاج النساء كلهم حضرو وهما يقولك رأيهم والحمد لله طلعت زي مانبي واحسن بارك الله فيها طلعتني هنووووووووو مش شخصيه ثانيه
ولو تبي أي تفاصيل أنا حاااااااضره تحياتي وربي يهنيك

يا ريت يا هنو دزيلي رقمه على الخاص لان موضوع الكوافيرة هذا بروحه بصراحة و من كلامك عليها شكلها شاطرة

رد مخالفة لعروستنا الحلوة..البدالي مقاسهم 44 واني والله مش قايستهم حتي القياس ومش عارفة اذا كانو يلبسو ولالا ..تو نشوف حد مقاسه ستة واربعين ويقيسهم لعيونك ونعطيك الاجابة

سؤال مخالف:

البيت المعمور وين مكانه جنب الليتيم

رد مخالفة لجنون
البيت المعمور في واحد في الهضبة في طريق مستشفي الخضراء..وواحد يجي وانتي طالعة من الجرابة كانك ماشية للجامعة تخشي على اليسار من السيمافرو كانك بتخشي لراس حسن تلقيه في الصفة اليسار وهو محل كبير هلبة
وخلاص عروسة بينا الخاص ان شاء الله

رد مخالفة لملوكة شفتها المراية في الموقع لقيتها بسبعة جنيه الواحدة فاكيد في ليبيا حتجي ارخص لان الشحن هو اللي غالي ..فلو عندك حد ممكن يشحنهالك بسعر ارخص من الصين تجيك ارخص بهلبة لانها تقريبا الواحدة بزوز دولار بس

سوال المخالفه

البي اتش اس هاناا بيكرووووووووووووه الاسبوع الجاي شوره فلس وداير تخفيضات 70 في الميه

حتا في ليبيا هكـــــــــــــــــــــي ؟؟؟؟

امطيره;14297536:
شكرا بنات
وانا قررت نبدا بدار النوم

بس حبيت نعرف منكم شي شن ناخذ علي التسريحة المرايه
صندوق لوح حسيت مش حلو
افيدوني

بالنسبة ليا خديت للتسريحة زوز طواسي كلهم فصوص حطيت فيهم قلمات المكياج و ستاند للارواج و سلات للتوكات و بوكسات للاكسسوار و انشاء الله توة نصورلك شوية افكار من داري اني درت بوكس لوح حطيت فيه مستكة و حلوة نعناع و لبان يعني معطرات للفم

ملكة في مملكته;14299357:
سؤال مخالفة :-

حابة نعرف وين نقدر نلقي مراية زي هادي وبكم ؟

اني كنت نبي نديرهم في عرسي لو انتي ماشية لتركيا غادي ارخص هلبة ب 2 ليرة و نص لقيتهم يعني اقل من زوز دينار و نص

السلام عليكم بنات شلونكم

سؤال مخالف :

مين سوت فستان بزواجها عند مصمم

Diamond Ring;14301721:
بالنسبة ليا خديت للتسريحة زوز طواسي كلهم فصوص حطيت فيهم قلمات المكياج و ستاند للارواج و سلات للتوكات و بوكسات للاكسسوار و انشاء الله توة نصورلك شوية افكار من داري اني درت بوكس لوح حطيت فيه مستكة و حلوة نعناع و لبان يعني معطرات للفم




اني كنت نبي نديرهم في عرسي لو انتي ماشية لتركيا غادي ارخص هلبة ب 2 ليرة و نص لقيتهم يعني اقل من زوز دينار و نص

سوري علي التدخل

بس ابي اقولك اني لقيت نفس هالمراية بتركيا بس بليرة

وكان اللون سلفر وقولد

بنات انا ليبية بس لهجتي سعودي ادري مررره خربانة
تكفون ساعدوني

زواجي ان شاء الله بشهر 7

ابي اسوي فستان حق المحضر او يوم الجمعة

ساعدوني بالنسبة للكوافيرة

ايش رايكم احسن وحدة