•¦¦•

رد علي سؤال شيما في اللمه بخصوص المزينه الي مشيتلها في عرسي:
أهو بنقولك حبوبه أنا لا نبي نتكلم أو نفتي علي مزينات بنغازي لأنه الناس اذواق زي ماتعرفي ونبي نحترم رأي كل عروسة فينا بس بنقولك أني تعبت وأ،ي نلف ودرت خطوه هيا أني مشيت تفرجت عليهم كلهم وشفت بعيني ودرست الوضع كله من معامله الزباين للنظافه والأحترام والخصوصيه وأهم شئ الخبره والفن وهل أنه المزينه تعطي العروس حقها من أهتمام بحكم أنه ليلتها ودافعه فلوس للأسف لقيته شئ ناقص عند كل المزينات لأنهم ياخدو في أكثر من عروسة وهكي شيرتهم تنذهب ولازم كام عروسة تنظلم لأنه عامل الواسطه للأسف معادش في الخدمه بس لا حتى أهني مووجود وعشان تبرزي لازم تهدي للمزينه وتهدرزي وتتغزلي فيها وفي شغلها كأنها تمن عليك مش تجي بكرامتك وديرلك الي تبيه وبضمير للأسف يعني وغير هكي عامل الخبره والفن والحس الجمالي عندهم نااااااااقص والحظ يلعب دور كبير في اليوم هذا والعامل النفسي أهم تخيلي العروس جايه مشحونه وخايفه أصلا لانه جايتها نقله كبيره في حياتها وهادي ليلة عمرها وتجي للمزينه تحبط بزياده من الوضع الي تشوفه حسيت روحي عطلت عليك بردي بس نبيك تعيشي معايا اللحظه هذا غير أني درت بحث كبيرررررر عند كل معارفي وأرائهم في المزينات المهم قربت لحظه الحجز وقعدت نقول معاش فيها ياهنو وووووووووووووو الوقت يجري وفي مزينه شايفتلها بنات صحباتي ديما تبدع فيهم وهما عرايس وفي المناسبات المهم في عرس وحده منهم هيا الي طلعتها وهيا صاااااحبتها وحضرت العرس المه حصلت عليها وخديت رقمها وهدرزت عليها وعرفتها بنفسي (الكلام هذا من سنة ونص فاتو تخيلي ) لأنها هيا ماتطلعش أي حد لأنه تخدم في حوش أهلها وغير هكي أ،ها رسامه وخريجة فنون وفاااااهمه شغلها وتعطي العروس حقها المهم أنا غيرت شفرتي والرقم راح ووقت عرسي وحده صاحبتي شايفتلها عرايس بنات جيرانها وتشكر في شغلها وقعدت تقول يندوروها وأنا نقوللها ماتقهرنيش الرقم راح مني ههههههههه المهم نفتش في موبايلي ونلقا رقمها بالصدفه مخزن هههههههههه تخيلي لوين عيوني دمعو أتصلت بيها وحددت موعد معاها ومشيت وتكلمنا وهيا فيها الخير مذكرتني ودفعت عربون وهيا أسمها جيجي المهم أنطباعي أول ماخشي حوشهم تبارك الرحمان نظافه وحوش محتررررررم ومررررريح وكبير المهم تكلمنا أول شئ ميزتها ماتخدش أكثر من عروستين في اليوم وتفضل وحده وأني خدتني بروحي وميزتها الثانيه تمشيلها ساعه 4 وطلعك أمتا ماتبي أنا مشيت 4 روحت حوشنا 7 ونص تخيلي ولبست الفيلو في حوش أهلي علي راحتي وكل شئ وصورت في حوشنا وتوكلنا للصاله وطبعا بعد مادهوروني شويه ههههههههههههه المهم والحمد لله عجبت الكل وأهو بيكاتشو وعروسة الأميرات وفيرونا وأم أدم وتاج النساء كلهم حضرو وهما يقولك رأيهم والحمد لله طلعت زي مانبي واحسن بارك الله فيها طلعتني هنووووووووو مش شخصيه ثانيه
ولو تبي أي تفاصيل أنا حاااااااضره تحياتي وربي يهنيك

تسؤال مخالفه:-
منظف المصران هو الزعتر والخميره؟؟؟
لأن الخميرررررره زادت وزنى واجد ؟

جوااب مخالفه لعروستنا الحلوات :-
ترينوفا ومانجو داير تخفيضاااااااااات اكتر من 70 % عنده حاجات حلوه والله.

السلام عليكم
هذه اول مشاركة حقي
انا من طرابلس

سؤال مخالف:/

بس بغيت اسأل عن افضل مصممة ازياء بليبيا
لان الاسبوع الجاي راجعة لليبيا وابي اصمم فستان حق المحضر مثل ما يسمونه اعتقد هههههه سوري بنات لي سنين متغربة حتي لهجتي خربانة مررره
بليز ساعدوني

ادري الوقت متأخر بس يارب القي جواب حق اسألتي

انا سمعت عن كشمير بس يا تري مين جربه

فديتكم ابي الاقي جواب الصبح

جواب المخالفة
اختي اللي سألتي على تصميم قفاطين المحضر
لو امكانيات تسمح عندنا مصمم اسمه وليد الرقيعي بصراحة راقي جدا وقفاطينه يهبلوووووووو
وعندنا مصمم مصطفى المنتصر برضو يدير في حاجات حلوة
وفي خياطة اسمها عفاف الحمروني حتى هيا يشكرو فيها
وخياطة كشمير الاخت فيكي اللي معانا شكرتها انى مانعرفهاش

حتي صوته ما انخلق مثله ابد;14284774:
ادري الوقت متأخر بس يارب القي جواب حق اسألتي

انا سمعت عن كشمير بس يا تري مين جربه

فديتكم ابي الاقي جواب الصبح

رد مخالفة

عندك وليد الرقيعي تصميماته حلوة وراقية ومقره في ميدان القادسية
مصطفي المنتصر عنده تصميمات حلوة وتصميمات مش حلوة لكن في قفاطين الحوالي فنان وعنده حاجات تهبل ومقره في قرجي
احمد بلال مصمم انشهر مؤخرا وشفته حاجات حلوة واسعاره نار ومقره في قرقارش
كشمير عندهم خياطة ممتازة دارت قفطان تحفة لصاحبة اختي لكن مانعرفش في اما فرع بالزبط الخياطة وتو نسالك عليها
وربي يكمل عليك وتوصلي بالسلامة

سوال مخالفه لعروسه ليبيا

قصدك الزعتر شنو نديروه بروحنا ولا نشروه من زين؟:worn_out:سوري مافهمتك بس ياريت توضحيلي

السوال التاني

بما انك ماشاء الله خبيره زين انا سممعت ان منتجاته مفعولها يتم اول ماتوقفيها انت شن رايك ؟يعني نعرف الي جربوا متاع الي يبيض الركبه قالوا مفعوله رهييب والركبه تبيض بس اول ماوقفووه ولت زي قبل:badly: وانا نبي نجرب متاع تكبير الصدر وخايفه اول ما نبطله كانك يابو زيد ماغزيت .........

ومشكوووره

رد لعروسه

والله للاسف ماعنديش القناه هده ومااعتقدش عنده فرع هانا

نبي نسالك في طرابس وين الفرع متاعه الوكيل يعني مش المقلد

جواب مخالفه

منظف مصران

مفعوله يبدا من 3 يوم وجهك منور وهالات سوده تخف بدرجه كبيره

انا خديته للمده شهر بس هو مفروض حتي نكمل العلبه او للمده 3 شهور

سوال الي فيكي
بكم سعر القفطان عجبني واجد
http://forums.3roos.com/attachment.php?attachmentid=120810&d=1295536008
بنات محتارة شن اول شي نبدا بيه
شن تنصحوني
المطبخ دار النوم الصالون

فيكي;14278305:
شوفي حبيبة ابدي بالضروري والاساسيات..متلا اليرغان وارواب الحمام ..روب الدخول و الكاب..الشراشيف والمخاد..ديري ليست واكتبي شن تبي وبعدين ابدي اشري ولازم تبدي بالمهم قبل..خلي اللبس الكاجوال والرسمي اخر حاجة ..ولما تشري لبسة متلا لازم تكمليها بالشوز والوشاح بش ماتلميش حاجات على الفاضي وخلاص..ولازم تقيسي اي حاجة تبي تشريها حتي الشوز قيسيه وامشي بيه ولو مش من النوع اللي متعودة عليه مش لازم تشريه

سلام لاحلى حلوات ليبيا انا جديدة بالمنتدى و نبي مساعدة عاجلة من بنوتات بنغازي نبي كوافيرة شغلها حلو اتجي للحوش وايضا مصورة تجي للحوش بليز عاااجل الخميس الجاي عندي حفلة

.

هنو شكرا على ردك على موضوع الكوافيره بااااارك الله فيك وجزاك الله الف خير


سؤال المخالفة


ممكن تعطيني رقمها علشان اتواصل معاها .

وبنسألك على التسريحة ليك تعليقات عليها ... وياريت تحطيلي حتى صورة تقريبية لتسريحتك اذا ممكن .

شكرا جـــــزيـــــــــــلا

بنات شوفوا الصوره ضروري
http://go.3roos.com/g78wdwnxc4t=

سوال المخالفه

من جربها او عنده عنها فكره نبي نشريها و متردده ؟

هي اتدير في الفتله .......... فيه زيها في ليبيا ؟ وبـكــــــــــــــــــــــم؟

قهوة بالنسبة ليا معمرها قابلتنى

بس بالضى وحالة حسيتها امممم قصدى فى واحد تانى اسمه المقص الايرانى اضنى ممكن لو ادوريه تلقيه بسيط ورخيص ويادى نفسسس الغرض ومتخافيش منه لانه يدوى